Ethnic Karen men outside talks between Karen leaders and Burmese government ministers in Pa-an. Photograph: Soe Than Win/AFP/Getty Images
Source Photo from
http://www.guardian.co.uk/world/2012/jan/12/burma-ceasefire-karen-rebels-isolation
အမျိုးပြုတ်တော့မယ့် ကရင်
အပိုင်း(၃)
February 15, 2013 Friday.
By မင်းစိုးစံ
အပိုင်း(၁)နဲ့ အပိုင်း(၂)တွေမှာတုန်းက ကရင့်စာပေ ကရင့်ယဉ်ကျေးမှု ကရင့်တူရိယာပစ္စည်း ကရင့်ဝတ်စုံနဲ့
ကရင့်ရိုးရာ အကြောင်းအနည်းအကျဉ်း ရေးသားဖေါ်ပြခဲ့ပြီး မှန်ကန်တဲ့နည်းလမ်းနဲ့ စည်းရုံးသိမ်း သွင်းခြင်း
ဆိုတာကို ရေးသားတင်ပြခဲ့ပါတယ်။ အပိုင်း(၃)မှာတော့ ကရင့်စကားနဲ့ပတ်သက်လို့ ကိုယ်တွေ့အဖြစ်အ
ပျက်တွေအပေါ်အခြေခံပြီး ရေးသားတင်ပြလိုပါတယ်။
ဒီလိုမရေးခင်မှာ ကျုပ်ရေးသားတင်ပြခဲ့တဲ့ အကြောင်းအရာနဲ့ပတ်သက်ပြီး ပြန်လည်တုန့်ပြန်လာကြတဲ့ စ
ကားစုလေးတွေနဲ့ပတ်သက်တဲ့ စာကြောင်းအချို့ကို ဖေါ်ပြပေးပါရစေ။ ဒီလိုဖေါ်ပြခြင်းဖြင့် ကရင်လူမျိုးတွေရဲ့
ကြားမှာ ပိုမိုကွဲပြားသွားအောင် ပိုပြီးကွာဟ,မှုဖြစ်အောင် ပြုလုပ်ခြင်းမဟုတ်ပဲ၊ ပိုမိုစုစည်းမှုရှိလာအောင်အ
ဖြေရှာနိုင်ကြဘို့ ရည်ရွယ်တာဖြစ်ကြောင်းကို ဦးစွာအသိပေးလိုပါတယ်။
ဒီမိုကရေစီခေတ်မှာ လူတိုင်းလွတ်လပ်စွာသဘောထားကွဲလွဲခွင့်ရှိပါတယ်။ လွတ်လပ်စွာပြောရေးဆိုခွင့်ရှိပါ
တယ်။ လွတ်လပ်စွာ ဆဲရေးတိုင်းထွာခွင့်ရှိပါတယ်။ ဒါပေမယ့် အကြောင်းအရာခိုင်လုံဘို့လိုပါတယ်။
မိမိမနှစ်သက်တဲ့ ခေါင်းဆောင်တစ်ဦးကို လွတ်လပ်စွာ ဝေဘန်ဆဲဆိုခွင့်ရှိပါတယ်။ ဘာကြောင့်ဆဲဆိုရသလဲ
ဆိုတာ မိမိအနေနဲ့ ရှင်းရှင်းလင်းလင်းသဘောပေါက်ဘို့ လိုအပ်သလို အသေအခြာရှင်းပြ နိုင်ရပါမယ်။
သူများဝေဘန်လို့ သူများတွေဆဲလို့ သူများတွေအပုတ်ချလို့ လိုက်လုပ်တာပါဆိုလျင် အဲဒါကျွန်စိတ်ဓါတ်ပါ။
အခု တုန့်ပြန်လာတဲ့ စာကြောင်းလေးတွေကို ရေးသားတင်ပြပါ့မယ် အမည်နဲ့နေရပ်ကို ဖေါ်ပြပေးမှာမဟုတ်
ပါဘူး။
ဘာကြောင့်လဲဆိုတော့ သူတို့ရဲ့အမည်တွေက အဓိက,မကျပဲ သူတို့ရဲ့သဘောထား ဘယ်လိုရှိတယ် ဆိုတာ
က ပိုအရေးကြီးလို့ပါ။ ဦးစွာပထမ မောင်ကကြီး ဆိုသူရဲ့ စာကြောင်းလေးကို ဘတ်ကြည့်ကြပါစို့။
8 Feb 13, 02:39 AM မင်းစိုးစံတို့ကတော့ အမျိုးပြုတ်တော့မယ့်ကရင် ဆိုပြီးတော့ အကြီးအကျယ်ပေါက်
ကွဲနေပြီ။ ဒို့ကတော့အပြုတ်လဲ မကြိုက်ဘူး၊ အဖုတ်လဲမကြိုက်ဘူး။ အကြော်ဘဲကြိုက်တယ်။ အမျိုးကျော်
တော့မယ့် ကရင်ကွ။ ကရင်ကျောင်းကို ကရင်တွေဖွင့်နေတာ ပြည်မထဲမှာနေတဲ့ကရင်တွေကတော့
မတွေ့ဖူးကြဘူး။ ခုဆိုရင် ကရင်ကောလိပ်တောင်ရှိနေပြီ။
တခုရှိတာက ကရင်ပြည်တွင်းထဲကို ပြန်ပြောင်းဖွင့်ဖို့ဘဲလိုတယ်။ မင်းစိုးစံကို နိုင်အောင်ချေပနိုင်တာ မင်း
စိုးစံကို သိတဲ့++++တစ်ယောက်ထဲရှိတယ်။++++ရေ မင်း အကောင်ကို ကြည့်ပြောလိုက်ကွာ။
သူအဝေးရောက်ဒုက္ခသည်ဖြစ်တာ အတော်ကြာပြီဖြစ်လိမ့်မယ်။ ဒါကြောင့်သူမရှိတော့တဲ့နောက်ပိုင်း ကရင်
ပညာရေးအခြေအနေကို သူမသိလိုက်တာဖြစ်ပါလိမ့်မယ်။ ဒါမှမဟုတ် သူကရှောင် မဟုတ်ဘဲ ပိုးဖြစ်နေလို့
ရှောင်ဘာသာနဲ့ သင်နေတဲ့ကျောင်းတွေကို အသိအမှတ် မပြုမိတာလားမသိဘူး။ အဲဒီပြဿနာကလဲ သိပ်မ
သေးဘူး။ ဝှေးကလုပ်မှာ အရှေ့ပိုးကရင် မူလတန်းကျောင်း ကလေး စဖွင့်လိုက်တာ အားမပေးကြတဲ့အပြင်
မေးငေါ့ခဲ့ကြတယ်။ တကယ်စိတ်မကောင်းစရာဘဲ။
မောင်ကကြီး ဆိုသူရဲ့အမြင်နဲ့ သဘောထားလေးပါ။
8 Feb 13, 02:08 PM မင်းစိုးစံကတော့ သူရဲ့ရောဂါအဟောင်းကြီးကိုလာအံချနေပြန်ပြီး+++ မှာနေက
တည်းကသူဒီလိုဘဲ။ သူထွက်သွားပြီးနောက်ပိုင်းမှာ ဒုက္ခသည်ထဲက ကျောင်းတွေမှာပိုးကရင်စာပေတွေ
သင်ဖို့ခွင့်ပြုခဲ့တယ် သင်လည်းသင်ဖြစ်ခဲ့တယ်။
သင်တဲ့ဆရာတွေကဇွဲမရှိဘူးခဏဘဲသင်ပေးပြီးပျောက်တော့တာဘဲ။နှစ်စဉ်နှစ်တိုင်းလည်း နွေရာသီကျောင်း
ပိတ်ရက်တွေမှာ ဖူးမန်းစတိလ ဦးဆောင်ပြီးပိုးကရင်စာပေတွေကို ပို့ချသင်ယူနေကြတာဘဲ။
မောင်ခကွေး ဆိုသူရဲ့ အမြင်နဲ့သဘောထားလေးဖြစ်ပါတယ်။
သူတို့အမြင်နဲ့အတွေးတွေကို စာလုံးပေါင်း အနည်းငယ်ပြင်ရုံကလွဲပြီး ၏,သည်, မရွေ့ပဲဖေါ်ပြလိုက်ခြင်းဖြစ်
ပါတယ်။ ကျုပ်တို့ကရင်တွေမှာ ဘာတွေလိုနေသေးလဲဆိုတာကို ဒီစာပိုဒ်ကလေးတွေ ဖတ်ကြည့်လိုက်ရုံနဲ့
သိနိုင်လိမ့်မယ်ထင်ပါတယ်။
အရှေ့ပိုးကရင် စာသင်ကျောင်းလေးနဲ့ ပတ်သက်ခဲ့ဘူးသူတွေထဲက အချိူ့လူတွေက,လွဲလို့ ဘယ်လိုလူမျှ
တိတိကျကျမသိနိုင်ပါဘူး။ ခွဲခြားခွဲခြားလုပ်ချင်တဲ့စိတ်နဲ့ အင်မတန်ရောင့်ရဲ တင်းတိမ်လွယ်တဲ့ စိတ်ရှိနေတဲ့
မောင်ကကြီးနဲ့ မောင်ခကွေး လိုလူစားများလာလေလေ ရေရှည်တည်တံ့ခိုင်မြဲတဲ့ငြိမ်းချမ်းရေးနဲ့ အတူတကွ
ပူးပေါင်းယှဉ်တွဲနေထိုင်နိုင်ရေး ဆိုတဲ့အရာတွေဟာ ဘယ်နည်းနဲ့မျှ ဖြစ်လာနိုင်စရာအကြောင်းမရှိပါဘူး။
နောက်တစ်ခုက မောင်ကကြီးနဲ့ မောင်ခကွေး ဆိုသူတွေဟာ မိမိကိုယ်ကို အထင်ကြီးလွန်းပြီး သူတပါးကို
အထင်သေးတတ်သူများဖြစ်တဲ့အပြင် ဘယ်လိုအရာကိုမှ လေးလေးနက်နက် မထားတတ်ကြတာကို သူတို့
ရဲ့ အရေးအသားတွေက ဖေါ်ပြနေကြပါတယ်။
ဥပမာ ကရင့်ပညာရေးဆိုတဲ့နေရာမှာ သိသာထင်ရှားလှပါတယ်။ ဒါကြောင့် မောင်ကကြီးနဲ့ မောင်ခကွေးလို
အတွေးတွေရှိနေနိုင်တဲ့ ကရင်ညီအစ်ကိုတွေလေ့လာနိုင်ဘို့ link တစ်ခုကို ဖေါ်ပြပေးပါရစေ။ အဲဒီက ပါတဲ့
အကြောင်းအရာ အချက်အလက်တွေကို အသေအခြာလေ့လာပြီး ကျုပ်တို့ကရင်တွေ ဘာတွေလုပ်စရာရှိ
သလဲ၊ ဘယ်ကစလုပ်ကြမလဲ၊ ဘယ်လိုအစီအစဉ်ဆွဲပြီး ဘယ်တော့ အကောင်အထည်ဖေါ်မလဲဆိုတာ
စဉ်းစားဆုံးဖြတ်ကြဘို့ လိုလာလိမ့်မယ်လို့ ထင်ပါတယ်။
ဒီနေရာမှာ ကိုယ့်ကိုယ်ကို မိုးမမြင်လေမမြင်နဲ့ အခြောက်တိုက် အထင်ကြီးနေကြတဲ့ကရင်တွေ သင်ခန်းစာ
ယူနိုင်ကြလိမ့်မယ်လို့လည်း မျှော်လင့်မိပါတယ်။
ကရင့်စကားနဲ့ ပတ်သက်လို့ ကရင်တွေ ကရင်လို့ခံယူထားသူတိုင်း ကရင်စကားပြောကြပါရဲ့လား၊ ကရင်စ
ကား ပြောသူတိုင်း ကရင်ဝေါဟာရကို အတိအကျ အသုံးပြုကြပါရဲ့လား၊ ကဲ ဥပမာလေး တစ်ခုနှစ်ခုလောက်
ရေးပြကြည့်ပါရစေ။
ဗမာလို ဈေးသွားမယ် ဆိုတဲ့စကားလုံးကို ကရင်လိုဘယ်လိုပြောကြပါသလဲ။ ဗမာလို အိမ်သာသွားချင်တယ်
ဆိုလျင် ကရင်လိုဘယ်လိုပြောကြသလဲ။ ငါ့သားလေး ကျောင်းတက်နေတယ် ဆိုတဲ့စကားလုံးကို ကရင်လို
ဘယ်လိုပြောကြသလဲ။ တနင်္လာနေ့မှာ ဈေးသွားကြမယ် ဆိုတဲ့စကားကို ကရင်လို ဘယ်လိုပြောကြသလဲ။
ပြောတတ်ကြပါရဲ့လား။
ကရင်လိုပြောပေမယ့် ကရင်စကားလုံးတွေမသုံးတဲ့အတွက် သုံးရကောင်းမှန်းမသိတဲ့အတွက် ကရင်အမျိုး
ပြုတ်တော့မယ် လို့ပြောနေခြင်းဖြစ်ပါတယ်။
ကဲ ဗမာလို ဈေးသွားမယ် ဆိုတဲ့စကားလုံးဆိုပါစို့။
ဗမာပြည်ထဲက ကရင်တွေဘယ်လိုပြောသလဲ (မ်ုလေ၀်လု ဆေ)( အသံထွက် မလေလေးဇေး) ဒါဆိုလျင်
ထိုင်းကရင်တွေက ဘယ်လိုပြောကြသလဲ(မ်ုလေ၀်လု တ်ုလာ) (အသံထွက် မလေလေးတလာ) ကရင်လို
တကယ်ပြောကြကြေးဆိုလျင် (မ်ုလေ၀်လ်ုဘာ့) (အသံထွက် မလေလေးဖျာ့) အဲဒီလိုပြောကြရပါတယ်။
နောက်တစ်ခု ဗမာလို အိမ်သာ သွားချင်တယ်ဆိုလျင် ကရင်တွေဘယ်လိုပြောကြပါသလဲ။
(မ်ုလေ၀်္ဘးသာ အိင်သာ့)(အသံထွက် မလေဘားသာ အိန်သာ့) နောက်တမျိုးကျတော့ (မ်ုလေ၀်္ဘးသာ ဆု
လင်ခါင့်) (အသံထွက် မလေဘားသာ ချလောင်ခိုင့်) ထိုင်းကရင်တွေကျတော့ မလေဟောင့်နန်း လို့ပြောကြ
ပြန်တယ်။
ကရင်လိုပြောရမှာက (မ်ုလေ၀်္ဘးသာ ဟ်ါဍါ်) (အသံထွက် မလေဘားသာဟိုင်ဒိုင်) ဖြစ်ပါတယ်။
ငါ့သားလေးကျောင်းသွားနေတယ်ဆိုတာကို ကရင်တွေဘယ်လိုပြောသလဲ။
(ယ်ုဖေါဟ်ခွါ့ လေ၀်ထင်းကျံင်.) (အသံထွက် ယာဖွတ်ခွါ့ လေထောင်းကျွန်) ထိုင်းကရင်တွေကျပြန်တော့
ယါလုချိုင်းလေထောင်းရုမ်းရယမ်း လို့ပြောကြသဗျား။ ကရင်လိုအမှန်တကယ်ပြောရမှာက (ယ်ုဖေါဟ်ခွါ့
လေ၀်ထင်းဘာၟ) (အသံထွက် ယာဖွတ်ခွါ့ လေထောင်း ဖျာ)။ အဲဒီလိုပြောကြရမှာဖြစ်ပါတယ်။
တနင်္လာနေ့မှာ ဈေးသွားကြမယ်ဆိုတဲ့စကားကို ကရင်တွေဘယ်လိုပြောကြပါသလဲ။
(တ်ုနေန်.လာ့လ်ုဏီဏှ် ပ်ုမုလေ၀်လု ဆေ.)(အသံထွက် တနင်လာ့လနီနော ပါမလေလေး ဇေး) ကရင်လိုအ
မှန်တကယ်ပြောကြရမှာက (အ်ုစန်လ်ုဏီဏှ် ပ်ုမုလေ၀်လ်ုဘာ့)(အကျွန်လနီနော ပါမလေလေးဖျာ့)။
အဲဒီလိုစကားတွေ ရောရောထွေးထွေး သုံးပါများလာလျင် ကိုယ့်ရဲ့ မိခင်ဘာသာစကားတွေ အတိအကျမ
ဖြစ်လာတော့ပဲ တဖြည်းဖြည်းပျောက်ကွယ်သွားမှာဖြစ်ပါတယ်။ အဲဒီလိုပျောက်ကွယ်သွားခြင်းဟာ လူမျိုး
တစ်မျိုးရဲ့ ရှိသင့်ရှိထိုက်တဲ့ ကြန်အင်လက္ခဏာ ပျက်စီးသွားတာဖြစ်တဲ့အတွက် ကရင့်အမျိုးပြုတ်ဘို့ရာ အ
ကြောင်းအချင်းအရာ ဖြစ်လာပါတော့တယ်။
အခုခေတ် ကရင်တွေကြားမှာ တနင်္ဂနွေနေ့ကနေစနေနေ့အထိကို ကရင်လို တမျိုးသုံးလာကြပြန်ပါတယ်။
မူၟလ်ုဏီ။ မူၟဏီ့ဏီ။ မူၟသိုင့်ဏီ။ မူၟလီၟဏီ။ မူၟယဲါဏီ။ မူၟဃှူ့ဏီ။ မူၟနဦု့ဏီ။ ဆိုတာကိုအစားထိုး
သုံးစွဲလာတာတွေဟာ မဖြစ်သင့် မဖြစ်ထိုက် မလုပ်သင့်မလုပ်ထိုက်တဲ့ အချင်းအရာတွေပါ။
ကျုပ်တို့ကရင်တွေအတွက် ကျုပ်တို့ရဲ့ မိဘ ဘိုးဘွားတွေဟာ တနင်္ဂနွေနေ့ကို ကရင်လို မူၟအ်ုတုက်။
တနင်္လာနေ့ကို ကရင်လို မူၟအ်ုစန်။ အင်္ဂါနေ့ကိုကရင်လို မူၟအ်ုညာၟ။ ဗုဒ္ဓဟူးနေ့ကို ကရင်လို မူၟဗုဒ္ဓ၀ါၟ။
ကြာသာပတေးနေ့ကို ကရင်လို မူၟပြၜ ပ္တါ်။ သောင်္ကြာနေ့ကို ကရင်လို မူၟအ်ုသုဂ်။ စနေနေ့ကို ကရင်လို
မူၟသ်ါသ၀့်။ ဆိုပြီး တိတိကျကျ ချန်ထားရစ်ခဲ့ပါလျက်နဲ့ အခုလို ပရမ်းပတာ အိုးနင်းခွက်နင်း ထိန်းမနိုင်
သိမ်းမရ ဖြစ်နေခြင်းဟာ ထိန်းသိမ်းဘို့ မစဉ်းစားကြခြင်းဟာ ကရင်အမျိုးပြုတ်ဘို့က,လွဲ ပြီး ဘာအကျိုးမျှ
မဖြစ်နိုင်ပါဘူးလို့ တင်ပြလိုက်ရပါတယ်။
ကျန်းမာချမ်းသာကြပါစေ။
မင်းစိုးစံ
(အဝေးရောက် ကရင်ဒုက္ခသည်တဦး)
ဆက်ရန်ရှိသေးသည်။
မှတ်ချက်
အချို့စာလုံးတွေဟာ ပိုးကရင်စာလုံးတွေဖြစ်တဲ့အတွက်zawkabin karen font ထည့်ထားမှသာ အဆင်ပြေမှာဖြစ်ပါတယ်။
ပညာရေးနဲ့ဆက်စပ်နေတဲ့သတင်းကို ဖေါ်ပြပေးဘို့ရာ ရွှေဟင်္သာသတင်းဌာန ရဲ့ ဆိုက်ကို ဖွင့်လို့မရတော့တဲ့အတွက် link မဖေါ်ပြနိုင်တာကို ခွင့်လွှတ်ပေးကြပါ။
ပြန်ဖွင့်လို့ရတဲ့နေ့မှာ ဖေါ်ပြပေးပါ့မယ်။