ကရင် ကောင်းဘွိုင်များ(မင်းစိုးစံ)
ကရင်အမျိုးသားအတွက်ငွေကြယ်တပွင့်ဖြစ်တဲ့ နော်လူဝီဇာဘင်ဇင်အကြောင်းကို ရေးသားဖေါ်ပြပြီး ပြန်တော့ သူ့ခင်ပွန်းဟောင်း ဗိုလ်လင်းထိန်အကြောင်းရေးရင်ကောင်းမှာပဲဆိုပြီးတွေးမိတယ် ဒါကြောင့် သူ့အကြောင်း စုစည်းမိသလောက်ရေးပြချင်ပါတယ်။ အထောက်အထားတွေခိုင်လုံတိကျမှု မရှိတဲ့အ တွက် ရေးရပြုရတာလည်း သိပ်တော့အားမရှိပါဘူး၊ ဒါပေမယ့် သူ့အကြောင်းကိုပြောပြသူတွေကတော့ ကိုယ်တိုင်မြင်တွေ့ခဲ့ရတာပါလို့ အသေအခြာကိုပြောနေတာဆိုတော့ သူတို့ပြောတဲ့အတိုင်းရေးပြလိုက် ပါတယ်။
ဗိုလ်လင်းထိန် တပ်မဟာမှူးမဖြစ်ခင်မှာ တပ်မဟာ(၅)ရဲ့တပ်မဟာမှူးက ဗိုလ်စိုးဖြစ်ပါတယ်၊ ဗိုလ်စိုးက တော့မိဘဆွေမျိုးတွေ ချမ်းသာကြွယ်ဝသူတယောက်ဖြစ်ပါတယ်၊ ဗိုလ်စိုးရဲ့မိဘနှစ်ပါးဟာဘုရားဒါယိ ကာကျောင်းဒါယိကာများဖြစ်ကြတဲ့အတွက် သထုံမြို့က,ဓမ္မမေဓဏီစာသင်တိုက်ကို ဆောက်လုပ်လှူ ဒါန်းခဲ့ကြတယ်လို့ဆိုပါတယ်။
သထုံခရိုင်နောင်ကုလားကျေးရွာဟာ ဗိုလ်စိုးရဲ့မွေးရပ်ဇာတိဖြစ်ပြီးတော့ သူ့မိဘများဟာ လယ်ဧက ပေါင်းများစွာပိုင်ဆိုင်တဲ့လယ်ပိုင်ရှင်ကြီးများဖြစ်ကြတဲ့အတွက် ဗိုလ်စိုးရဲ့လက်အောက်ငယ်သားအကြတ် စစ်သည်တွေအတွက် စားနပ်ရိက္ခာကိုလုံးဝ,ပူပန်စရာမလိုဘူးလို့ပြောပါတယ်။
ဗိုလ်စိုးရဲ့လက်အောက်မှာတော့ ဗိုလ်လင်းထိန်နဲ့ဗိုလ်ရာကျော်တို့က ဘယ်လက်ရုံးညာလက်ရုံးလို့ဆိုရ လောက်အောင် အားကိုးရတယ်လို့ဆိုပါတယ်။
ဗိုလ်လင်းထိန်ဟာ အင်မတန်လက်ဖြောင့်တဲ့အတွက် ကရင်ကောင်းဘွိုင်(Karen Cow Boy)လို့တောင် အချို့ကမှတ်တမ်းတင်ကြပါတယ်၊ ဘယ်လောက်အထိလက်ဖြောင့်သလဲဆိုရင် အရင်တုန်းကသိကြတဲ့ အတိုင်း ခရီးသွားရင်လှည်းစီးသွားကြရတာဆိုတော့ လှည်းလမ်းရဲ့တဘက်တချက်က သစ်ကိုင်းတွေ ပေါ်မှာ ခုန်ကူးတဲ့ရှဥ့်ကိုတောင် လှည်းပေါ်ကနေတချက်တည်းနဲ့မှန်အောင်ပစ်နိုင်တယ်လို့ဆိုပါတယ်။
ဗိုလ်စိုးက ဇာတ်တို့အငြိမ့်တို့ဆိုရင် အရမ်းကိုဝါသနာကြီးသူဖြစ်သလို၊ ဗိုလ်လင်းထိန်ကလည်း မိန်းမဆို ရင် နာမည်နည်းနည်းကြီးတယ်လို့ပြောပါတယ်၊ ဗိုလ်ရာကျော်ကတော့ မီးပုံးပျံလွှတ်ရတာ အရမ်းပျော် တယ်လို့ဆိုပါတယ်။
ဗိုလ်ရာကျော်ဟာ ဖလံတောင်အပိုင် ပိန္နဲတောရွာက ဘုန်းကြီးကျောင်းမှာ မီးပုံးပျံလွှတ်တဲ့အခါတိုင်း ရွာ သားတွေနဲ့အတူ မီးပုံးလွှတ်လေ့ရှိပြီး မီးပုံးစက္ကူအတွက် ငါးကျပ်၊ တဆယ်စသည်ဖြင့် ပေးလေ့ရှိတဲ့အ ကြောင်း ပြောပြပါတယ်။
ဗိုလ်စိုးကျဆုံးပြီးမှ ဗိုလ်လင်းထိန်ဟာ တပ်မဟာမှူးနေရာကိုတာဝန်ယူတာပါ၊ ဗိုလ်စိုးကျဆုံးရတာက လည်း သူ့မွေးစားသားကို ပြန်ခေါ်တော့ မွေးစားသားက,ပစ်သတ်တာလို့ဆိုပါတယ်၊ အဲဒီတုန်းက သ ထုံ သစ်စက်မှာ ဗိုလ်စိုးရဲ့မွေးစားသားဟာ သစ်စက်မန်နေဂျာလိုလို၊ သစ်စက်ပိုင်ရှင်လိုလို ဖြစ်နေတယ် လို့ဆိုပါတယ်။
ဗိုလ်စိုးမကျဆုံးခင်မှာ ဗိုလ်ရာကျော် အရင်ကျဆုံးပါတယ်၊ သူတို့စခန်းကို ကချင်သေနတ်ကိုင်တပ်ရင်း က ထိုးစစ်ဆင်လာတော့ ဗိုလ်ရာကျော်တယောက်တည်း သေနတ်နှစ်လက်နဲ့ခုခံပြီး သူတို့ရဲ့တပ်ကို ဆုတ်စေခဲ့တယ်လို့ဆိုပါတယ်။
အများနဲ့တယောက်ဆိုတော့ ဗိုလ်ရာကျော်ဟာ တကိုယ်လုံးသေနတ်ဒါဏ်ရာဗလပွနဲ့ ပေါက်ပြဲနေတဲ့ဖွဲ အိတ်လိုကြေမွကုန်တယ်လို့ဆိုပါတယ်။ ဗိုလ်ရာကျော်လက်ချက်ကြောင့် တဘက်လူတွေလည်းတော် တော်များများကျဆုံးကုန်တယ်လို့ဆိုပါတယ်။
ဗိုလ်ရာကျော်ကျဆုံးတော့ ဗိုလ်စိုးဟာ သူ့သွေးသောက်အတွက် မော်လမြိုင်က ဇာတ်အဖွဲ့ကိုငှားပြီး ဗိုလ်ရာကျော်ကျဆုံးတဲ့ လေးကေရွာမှာ က,ပြဘို့ငှားရမ်းခဲ့ပါတယ်၊ အဲဒီတုန်းက ကောလိပ်စိန်ဆိုတဲ့ ဇာတ်ဟာ နာမည်ကြီးဇာတ်အဖွဲ့ဖြစ်ပါတယ်။
ကောလိပ်စိန်နဲ့မရှေးမနှောင်းမှာပဲ ပါဝါစိန်ဆိုတဲ့ ကရင်ဇာတ်ဟာအင်မတန်နာမည်ကြီးတယ်လို့ဆိုပါ တယ်၊ ပါဝါစိန်ဆိုတဲ့မင်းသားဟာ အသက်အရွယ်နည်းနည်းရလာတော့ မာန်စဝ်သ်ုနာခါ့ ဆိုတဲ့အမည်နဲ့ လူရွှင်တော်အဖြစ် ဆက်လက်လှုပ်ရှားရင်း အခုတော့ သူ့ရဲ့ဇာတိ ထီဖိုးဇံမှာ အနားယူနေတယ်လို့ဆိုပါတယ်။
ဒီနေရာမှာပြောချင်တာကတော့ ဗိုလ်လင်းထိန်နဲ့ဗိုလ်ရာကျော်အကြောင်းပါ၊ ဗိုလ်လင်းထိန်က သူ့တပ် ဖွဲ့တွေထဲက ဘယ်သူစီးကရက်သောက်ပြီးမြင်းစီးရဲသလဲ၊ အဲဒီပြေးနေတဲ့မြင်းပေါ်ကလူရဲ့ ခဲထားတဲ့စီး ကရက်ကို သူမှန်အောင်ပစ်ပြမယ်ပြောတော့ ဘယ်သူမှမြင်းမစီးရဲကြဘူး၊ ဒီအချိန်မှာ ဗိုလ်ရာကျော်က သူစီးမယ်ဆိုပြီး စီးကရက်ခဲရင်းမြင်းကိုဒုန်းစိုင်းစီးတော့တာပဲတဲ့၊ အဲဒီလို ဒုန်းစိုင်းပြေးနေတဲ့မြင်းပေါ်က ဗိုလ်ရာကျော်ရဲ့ စီးကရက်ကို ဗိုလ်လင်းထိန်ဟာ မှန်အောင်ပစ်ပြလိုက်တယ်လို့ပြောပါတယ်။
ဗိုလ်လင်းထိန်ပစ်ပြလို့အပြီးမှာ ဗိုလ်ရာကျော်က ဗိုလ်လင်းထိန်ကို
ကဲ ခင်ဗျားမြင်းစီးပေတော့ ကျုပ်ပစ်မယ်လို့ပြောတော့ ဗိုလ်ရာကျော်ရဲ့လက်ကိုယုံတဲ့ ဗိုလ်လင်းထိန်က လည်း မဆိုင်းမတွပဲမြင်းပေါ်ကို စီးကရက်ခဲရင်း လွှားကနဲခုန်တက်လိုက်ပြီးမြင်းကို နှင်တော့တာပဲတဲ့ အဲဒါကိုဗိုလ်ရာကျော်ဟာ သူ့သေနတ်နဲ့ ဗိုလ်လင်းထိန်ခဲထားတဲ့စီးကရက်ကို မှန်အောင်ပစ်ပြသွား တယ်ဆိုပဲ။
အဲဒီတော့ အထိနာတဲ့ရန်သူတွေက ဗိုလ်ရာကျော်ကို စိစိညက်ညက်ကြေအောင် ပစ်သတ်သွားတာဖြစ် တယ်လို့ပြောကြပါတယ်၊ ဗိုလ်စိုးတို့ ဗိုလ်ရာကျော်ရဲ့အသုဘအခန်းအနားကိုလုပ်ပြီးလို့ လူစုကွဲသွား တော့ ကောလိပ်စိန်တို့ဇာတ်အဖွဲ့လည်း မော်လမြိုင်ကိုပြန်တာပေါ့ဗျာ၊ လမ်းမှာ ဗမာစစ်တပ်နဲ့တိုးတော့ ဘယ်ကပြန်လာတယ်ဆိုတာသိပေမယ့် ဘာမှအရေးမယူဘူးလို့ဆိုပါတယ်။
အရင်တုန်းကဗမာစစ်တပ်နဲ့အခုဗမာစစ်တပ်ကတော့ အနုပညာသမားတွေနဲ့လူထုအပေါ်ဆက်ဆံပုံ ခြင်းက နံ့သာနဲ့မစင်လို ကွာတယ်လို့ပြောပါတယ်။
ဗိုလ်လင်းထိန်တပ်မဟာမှူးဖြစ်လာတော့ အမှုတခုကိုဖြေရှင်းရတယ်တဲ့၊ သူအမှုဖြေရှင်းပုံကတော့ အဲဒီ နေ့မနက်မှာ အရပ်ဘက်ဆိုင်ရာ စစ်ဘက်ဆိုင်ရာလူကြီးတွေကိုခေါ်၊ ဖယောင်းတိုင်၃၀ကိုမီးထွန်းခိုင်းပြီး ကာဘိုင်ထဲကိုကျည်အပြည့်ဖြည့်၊ အဲဒီဖယောင်းတိုင်တွေကိုပစ်ပြလိုက်တာဖယောင်းတိုင်တွေတတိုင်မှ မလဲပဲ မီးညွန့်တွေကိုငြိမ်းအောင်ပစ်ပြသွားပြီးတော့ အသေအခြာစီမံချက်ပြုတ်ထားတဲ့ ထမင်းနဲ့ဟင်း ကို ကျွေးမွေးဧည့်ခံလိုက်ပါရောတဲ့။
ဒါကတော့ ကျုပ်ကြားခဲ့ရတာလေးတွေကိုပြန်ရေးပြလိုက်တာဖြစ်တဲ့အတွက် အားနည်းချက်တွေရှိမှာ ဖြစ်ပါတယ်။
မင်းစိုးစံ
အဝေးရောက် ကရင်ဒုက္ခသည်တဦး
အဝေးရောက် ကရင်ဒုက္ခသည်တဦး