ကရင်တော်လှန်ရေးအစပိုင်းတွင် ကချင်တပ်များပူးပေါင်းပါဝင်မှု မှတ်တမ်း အကျဉ်းချုပ်

 

General Smith Dun 

အားလုံးကို ကျေးဇူးတင်ပါတယ်။
ကရင်တော်လှန်ရေးအစပိုင်းတွင် ကချင်တပ်များပူးပေါင်းပါဝင်မှု မှတ်တမ်း အကျဉ်းချုပ် ခေါင်းစည်းပါ စာအုပ်ငယ်
လေးထဲကနေပြီး ကူးယူရေးသားဖေါ်ပြခဲ့တာ အပိုင်း ၂ပိုင်းရှိသွားခဲ့ပြီဖြစ်ပါတယ်။
အခုတော့ အပိုင်း ၃ကို ဆက်လက်ကူးယူရေးသားတင်ပြထားပါတယ်။

စာအုပ်ထဲမှာက အပိုင်း(၁) အပိုင်း(၂) အပိုင်း(၃)ဆိုပြီး အပိုင်းတွေခွဲထားတာမဟုတ်ပါဘူး။ ကျုပ်ရဲ့လက်ရှိအခြေအနအရ တတ်နိုင်သလောက်ကလေး လုပ်နိုင်ကိုင်နိုင်လောက်ကလေး ကြိုးစားလုပ်နေ
တာဖြစ်ပါတယ်။(ဘယ်သူမှ မခိုင်းပါဘူး။ အရှုတ်လုပ်နေတာပါ)

သမိုင်းရေးသားသူရဲ့ အစပိုင်းရေးသားဖေါ်ပြထားချက်တွေဟာ စိတ်ဝင်စားစရာ အနည်းငယ်နည်းနိုင်ပေမယ့်
နောက်ပိုင်းရေးသားဖေါ်ပြချက်တွေမှာတော့ စိတ်လှုပ်ရှားစရာ သင်္ခန်းစာယူစရာတွေ တပုံတပင်ကြီးရှိနိုင်လိမ့်
မယ်လို့ ကျုပ်အနေနဲ့ထင်မြင်ယူဆမိပါတယ်၊ ဘာကြောင့်လဲဆိုတော့ ကျုပ်က သမိုင်းနဲ့ပတ်သက်ပြီး လေ့လာသိ
ရှိမှု အလွန်အကျွံအားနည်းတဲ့ လူတဦးဖြစ်နေလို့ပါ။

ပထမပိုင်းမှာက စာအုပ်မိတ်ဆက်နဲ့ စာရေးသူရဲ့ ကိုယ်ရေးအကျဉ်းကို ဖေါ်ပြရေးသားထားပြီး ဒုတိယပိုင်းမှာ
ကျ တော့ ဗြိတိသျှတွေ ဖွဲ့စည်းပေးထားခဲ့တဲ့ သေနတ်ကိုင်တပ်ရင်းတွေအကြောင်း နဲ့ နိုင်ငံရေးအဖွဲ့အစည်း
တွေအကြောင်းနဲ့အတူ ကရင်ကိုစစ်ခင်းရမယ့်အခြေအနေအထိကို ရေးသားဖေါ်ပြခဲ့ပါတယ်။

အခုတတိယပိုင်းမှာတော့ စစ်ဆင်ရေးကာလ အတွေ့အကြုံတွေကို ရေးသားထားတာမို့ (ဆက်လက်အားပေး ဖတ်ရှုလေ့လာလိုပါက) ဖတ်ရှုနိုင်ကြပါတယ်။
ကျေးဇူးတင်ပါတယ်။

(မင်းစိုးစံ)

  

General Smith Dun 

ကရင်တော်လှန်ရေးအစပိုင်းတွင်

ကချင်တပ်များပူးပေါင်းပါဝင်မှု 

မှတ်တမ်းအကျဉ်းချုပ် 

ဗိုလ်မှူးကြီး ဘန်လင်ဇော်တူး

တနေ့တွင် ဗိုလ်ကြီးနော်ဆိုင်းသည် ပျဉ်းမနားမြို့ထဲတွင် ဗမာအစိုးရတပ်များဖမ်းထားသော ကရင်အရပ်သားများ ထံသွား၍ ကရင်အလံတခုနှင့်ကရင်ယောက်ျားလေး အသက် ၁၂နှစ်ခန့်ရှိသူတယောက်ကိုပါခေါ်ယူလာပြီး(C-coy) ထမင်းချက်ရုံ၌ ၀ှက်ထားလိုက်သည်၊ အဘယ်ကြောင့်ဆိုသော် တပ်ရင်းဌာနချုပ်တွင် သယ်ယူပို့ဆောင်ရေးတပ်၌ ဗမာတပ်သားများပါရှိနေသည့်အပြင် အခြားလူများမသိစေရန်ဖြစ်သည်။

တောင်ငူသို့ဆင်းမည့်ရက၌် ထိုကရင်ကလေးကို တပ်အပြင်ဘက် နှစ်ဖါလုံခန့်အကွာရှိ ရွာတရွာ၏ဆိုင်တဆိုင်
တွင် သွားထားလေသည်၊ဗိုလ်ကြီးနော်ဆိုင်း၏ (C-coy)အရင်ချီတက်ရန်ဖြစ်သည်၊ စစ်ချီကားများအစီအရီ စီ
တန်းထားသည်ကို တပ်ရင်းမှူးက စစ်ဆေးကြည့်ရှုပြီးသည်နှင့် ဗိုလ်ကြီးနော်ဆိုင်းက တပ်ရင်းမှူးကိုအလေးပြုပြီး ကားပေါ်တက်၍ထွက်ခွါလာခဲ့သည်၊ ကရင်ကလေးကိုခရီးစဉ်အတွင်းခေါ်ယူသွားသည်။

ကိုယ်ရံတော်၊ စက်ကိုင်ရဲဘော်သုံးဦးနှင့်အတူ သူ၏ဂျစ်ကားသည် ရှေ့ဆုံးမှထွက်သွားလေသည်။ ထိုအချိန် ရေတာရှည်မြို့ကို ကရင်တပ်ရင်း(၁)မှ တပ်ခွဲတခွဲနေရာယူထားချိန်ဖြစ်သည်၊ ရေတာရှည်မြို့သို့ရောက်
ခါနီးတွင် ဂျစ်ကားပေါ်၌ ကရင်အလံနှင့်ကချင်အလံတို့ကို တဘက်တချက်တပ်လျှက် ကရင်တပ်ခွဲရှိရာသို့ ကား
မောင်းသွားသည်၊ သို့သော် သူ၏တပ်ခွဲမှ တပ်သားများကိုမြိ့နှင့် ၂မိုင်ခန့်အကွာတွင်ထားရစ်ခဲ့သည်။
ကရင်စစ်သားများသည် ကရင်အလံနှင့် ကချင်အလံတပ်ဆင်ထားသည့် ဂျစ်ကားကိုတွေ့သောအခါ ပစ်ခတ်ခြင်း
မပြုပဲ ၀င်ခွင့်ပြုလေသည်။

ဂိတ်ရောက်သောအခါ ဗိုလ်ကြီးနော်ဆိုင်းက ခင်ဗျားတို့ဗိုလ်နဲ့တွေ့ချင်တယ် ဟုဝှက်ပြီးခေါ်လာသည့် ကရင်က
လေးကို ကရင်ဘာသာဖြင့်ပြောစေလေသည်။
ထိုအခါကရင်တပ်ခွဲမှူးနှင့်စကားပြောဆိုပြီး ကြေးတောကရင်တပ်ရင်းသို့ဆက်သွားကာ ကရင်တပ်ရင်းမှူး
စောမင်းမောင်နှင့်တွေ့ရန် စကားပြောစက်ဖြင့်အကြောင်းကြားပေးသည်။
ထို့နောက် ဗိုလ်ကြီးနောင်ဆိုင်းကို ကရင်တပ်ရင်းမှူးရှိရာ ကြေးတောတပ်ရင်းဌာနချုပ်သို့ လိုက်ပို့သည်၊ တပ်ရင်း ဌာနချုပ်သို့ရောက်သည့်အခါ တပ်ရင်းမှူးနှင့်အခြားကရင်လူကြီးများနှင့်တွေ့ဆုံဆွေးနွေးပြီး သဘောတူညီမှုယူ လိုက်ကြသည်။

ရေတာရှည်တွင်ချထားသော ကရင်တပ်ကိုရုပ်သိမ်းပြီး ကချင်တပ်ကိုရေတာရှည်မြို့တွင်နေစေလျှက် ဆက်လုပ်
ရမည့်လုပ်ငန်းများကို လက်တွဲလုပ်ဆောင်သွားရန်သဘောတူသဖြင့် ကရင်တပ်ကိုနောက်ဆုတ်စေပြီးနောက် ထိုနေ့ညနေ ၆နာရီခန့်၌ ကချင်တပ်ရင်းကို စက်ဖြင့်အကြောင်းကြားခေါ်ယူလိုက်သည်။
တပ်ရင်းမှူး၊ ဒုတပ်ရင်းမှူး၊ ရုံးထိုင်မှူးနှင့်အတူ အခြားဗိုလ်သုံးယောက်တို့ ကြေးတောကရင်တပ်ရင်းဌာနချုပ်သို့ သွားရောက် ဆွေးနွေးကြပြီး ည ၁၂နာရီခန့်တွင် မိမိတပ်ရင်းသို့ပြန်လည်ရောက်ရှိသည်။
ထို့နောက် ဗိုလ်နော်ဆိုင်းနှင့် ဗိုလ်ဇော်တူးနှင့်အတူ တပ်ဗိုလ်တပ်သားအားလုံးဆွေးနွေးကြသည်။
ကရင်ကိုတိုက်မလား မတိုက်ဘူးလား ဟုမေးကြည့်သောအခါ မတိုက်ချင်ကြောင်းနှင့် အချို့ကဗမာကိုတိုက်ရန်
ပြောလာပါသည်။

ဤကယ့်သို့ ကရင်ကိုမတိုက်လိုသည့်အကြောင်းမှာ ကရင်နှင့်ကချင်တို့သည်တောင်ပေါ်သား ညီအစ်ကိုရင်းခြာ များသဖွယ် လူမှုရေး၊ ဘာသာရေးကြောင့်ဖြစ်သည်။ 

ဘာသာရေးနှင့်စပ်လျှဉ်း၍ပြောရမည်ဆိုပါက ကရင်နတ်စားနှင့် ကချင်နတ်စားတို့သည် ခြားနားခြင်းမရှိကြချေ၊ ကရင်နတ်စားတို့၏နတ်စင်သည် ၀ါးခြမ်းပြား တစ်ခြမ်း နှစ်ခြမ်းဖြင့်လုံလောက်သည့်နည်းတူ ကချင်နတ်စားတို့

သည်လည်း ထိုနည်းအတိုင်းပင်ဖြစ်သည်။

တောင်ပေါ်သားများသည် ခေါင်ရည်ကိုနှစ်သက်ကြသည်၊ တောင်ပေါ်သားကရင်များသည် ဧည့်သည်လာလျင် ချက်ခြင်း ခေါင်ရည်ဖေါက်သကယ့်သို့ ကချင်တို့သည်လည်းထိုအတိုင်းပင်ဖြစ်သည်။ 

ဆိုလိုသည်မှာ ကရင်နှင့်ကချင်တို့ တွင်တူညီသည့်အခြခံအချက်အလက်များ များစွာရှိသဖြင့် ကိုယ်ချင်းစာနာ
စိတ်၊ သနားကြင်နာစိတ်ရှိသည်နှင့် အတူ ကူညီလိုသောစိတ်စေတနာကြောင့် ၁၉၄၉ခုနှစ်ကရင့်တော်လှန်ရေး
ကို ကချင်တပ်ရင်း (၁)နှင့် (၃)မှ တပ်ဗိုလ်တပ်သားများ ကရင်နှင့်ပူးပေါင်းလျှက် ဖဆပလ အစိုးရကို အတူတ
ကွ တော်လှန်တိုက်ခိုက်ကြရန်သဘောတူညီခဲ့ကြလေသည်။

ထိုအချိန် မေမြို့တွင် ရန်သူအစိုးရတပ်မှဖမ်းထားသော ကရင်တပ်ဗိုလ်တပ်သား၊ အစိုးရအမှုထမ်း ယောက်ျား
မိန်းမ ကလေးသူငယ် စုစုပေါင်းငါးထောင်ခန့်ကို ဦးစွာသွားရောက်ကယ်ထုတ်ပြီးမှ အင်းစိန်၊ ရန်ကုန်ဆင်းရန် ဗိုလ်ကြီးနော်ဆိုင်းတို့ဘက်မှ တင်ပြချက်ကို ကရင်တပ်များကအစတွင် လုံးဝလက်မခံကြချေ။ ဗိုလ်ကြီးနော်ဆိုင်း နှင့်ဗိုလ်ဇော်တူးတို့ ကြေးတောကရင်တပ်ရင်းသို့ညစဉ် ရှစ်နာရီမှ ဆယ့်တစ်နာရီအထိ သွား
ရောက်ဆွေးနွေး သည့်တိုင် ကရင်တပ်မှ တပ်မှူးများလက်မခံခဲ့။
နောက်ဆုံး အစ္စတု၊တောင်ငူအရှေ့ဘက်ကမ်း ဦးစောလုံအိမ်၌ နှစ်ကြိမ်တိုတိုင်ကရင် ခေါင်းဆောင်များနှင့်ဆွေး
နွေးပြီးနောက် မယုံတ၀က်ယုံတ၀က်ဖြင့်လက်ခံခဲ့ကြသည်။
ရာနှုံးပြည့်လက်မခံသောကြောင့် ဗိုလ်ကြီးနော်ဆိုင်းက ဗိုလ်ဇော်တူးကိုပြောသည်မှာကရင်တွေကိုပြောရတာ တော်
တော်ခက်သည်  ဟု ဆိုပါသည်။
နောက်ဆုံးတွင် ၁၃-၀၂-၁၉၄၉နေ့၌ အစီအစဉ်လုပ်ရန် သဘောတူလက်ခံလာသည်။

၁၄-၀၂-၁၉၄၉ နေ့တွင်ဦးစောလုံ၏အိမ်၌ နောက်တဖန်ထပ်မံဆွေးနွေးသည်၊၁၅-၀၂-၁၉၄၉ရက် ည၌ ကချင်တပ်
မှ တပ်ခွဲမှူး၊ တပ်ဗိုလ်နှင့် ကရင်ခေါင်းဆောင်များ ဆုံးဖြတ်ချက် သဘောတူညီချက်များကို အတည်ပြု လိုက်ကြ
သည်။

ထိုသဘောတူညီချက်အရ ကရင်နှင့်ပူးပေါင်းသော ကချင်တပ်၏အင်အားများမှာ (1st-Kachin) မှ (A), (C), (D) Coyများနှင့် (3rd-Kachin)မှ (A) Coy သယ်ယူပို့ဆောင်ရေး၊မော်တော်ကားတပ်၊ဘရင်းကယ် ရီယာ(Bren Carrier)လေးစင်း၊ ဆက်သွယ်ရေးအဖွဲ့၊ ရုံးအဖွဲ့စုစုပေါင်း ကချင်တပ်အင်အား ၇၀၀ကျော်သည်။ အဘယ်ကြောင့်ဆိုသော် တပ်ခွဲတခွဲတွင်လူအင်အား ၁၅၀ရှိခြင်းကြောင့်ဖြစ်သည်။

ထိုညတွင် ကရင်ခေါင်းဆောင်များနှင့် ကချင်ခေါင်းဆောင်များ ဆုံးဖြတ်သဘောတူညီကြသောအချက်များမှာ

(၁) တိုက်ပွဲတွင်ကျဆုံးသော ကချင်ရဲဘော်များ၏ မိဘများကို တိုက်ပွဲမပြီးခင် တစ်ယောက်လျင် ငွေ၁၀၀၀ ပေး ထားရန်၊ ၎င်းငွေ ၁၀၀၀သည် စပ်ကူးမတ်ကူးကာလတွင် ပေးထားခြင်းဖြစ်သည်။

(၂) လောလောဆယ်တွင် ကျောင်းဆရာ အယောက် ၅၀ကို ကချင်ပြည်သို့အကူအညီပေးရန်။

(၃) ကချင်စစ်သားများကို တတ်နိုင်သရွေ့ စစ်သုံးပစ္စည်း၊ လက်နက်ခဲယမ်း ကူညီဆောင်ရွက်ပေးရန်။

(၄) အခြားသောကိစ္စအ၀၀ကို တိုက်ပွဲပြီးမှ ဆုံးဖြတ်ရန်။ 

စသည်တို့ဖြစ်သည်။

၁၅-၀၂-၁၉၄၉ ည အစည်းအဝေးတက်ရောက်သည့် ကချင်တပ်ဗိုလ်များမှာ

(1st-Kachin) (A-coy)မှ ဗိုလ်ကြီးဒေါင်ဒေါင်း။
ဗိုလ်လဗျတန်။
(C-coy)မှ တပ်ခွဲမှူး ဗိုလ်ကြီးနော်ဆိုင်း(ကချင် တပ်အားလုံး၏ ခေါင်းဆောင်)။
(D-coy)တပ်ခွဲမှ တပ်ခွဲမှူး ဗိုလ်ကြီးတန်ဒေါင်းခင်။
ဗိုလ်ကြီးဖရမ်ဂမ်ဒီး။
ဒု တပ် ခွဲမှူး သို့မဟုတ် (12 Platoon Comdr) ဗိုလ်အင်ကျောတန်။
(11 Platoon Comdr) ဗိုလ်ဇော်တူး။
(10 Platoon Comdr)(2rd-Kachin) (A-coy)မှ တပ်ခွဲမှူး ဗိုလ်ကြီးဇောရှန်။
ဒုတပ်ခွဲမှူး သို့မဟုတ် (Sun Lut La Myi Chyang)ဗိုလ်ကြီး ဆွမ်လွတ်လ (Platoon Comdr) တို့ဖြစ်ကြသည်။
ဤဖေါ်ပြပါ ဗိုလ်ကြီးများအပြင် အခြား ဗိုလ်များလည်း ပါရှိသေးသည်။

ကရင်ဘက်မှ အစည်းအဝေးတက်ရောက်သော ခေါင်းဆောင်များမှာ

(၁) ဦးစောလုံ(အဖွဲ့ခေါင်းဆောင်)။
(၂) ဒုတိယ ဗိုလ်မှူးကြီး မင်းမောင်။
(၃)ရွှေလေး။
 (၄) ပေါ်ပေါ်။
(၅) ဆရာ ဘထွန်း။
 (၆) ဖိုးညှော်။
(၇)မိဒီအ။
(၈) တူရောဦး။
(၉) ဒေါ်ဒီ။
တို့ဖြစ်ပြီး အခြားကရင်ခေါင်းဆောင်များ၏ အမည်များကို မမှတ်မိတော့ပါ။

ဆက်လက် ကူးယူရေးသားဖေါ်ပြပါဦးမည်

မင်းစိုးစံ
(အဝေးရောက် ကရင်ဒုက္ခသည်တဦး)