တတ်မှ လှမယ်၊ မတတ်လျင် မလှဘူး

Australia ရောက် ဆြာ့ကျဝ်လိက်သိင့်

တတ်မှ လှမယ်၊ မတတ်လျင် မလှဘူး

September 12, 2014

Friday

By မင်းစိုးစံ

သူငယ်ချင်းရေ ဟိုနေ့က ဘုန်းကြီးကျောင်းကို မင်းမလာဖြစ်တဲ့အကြောင်းရင်းက ခွက်ငှဲ့များသွားလို့ဆိုတာ
အဟုတ်ပဲလား၊ အေးလေ ငါထင်သားပဲ။
မင်းပြောတာကို မှတ်မိသေးတယ်။
နည်းနည်းလေးမော့ချလိုက်ရမှ သွားလို့လာလို့ကောင်းသလို ပြောလို့ဆိုလို့လည်း ကောင်းတယ်။
အာသွက်လျှာသွက် ခြေသွက်လက်သွက် ဖြစ်ဘို့ အဲဒီလိုလုပ်မှ မင်းအတွက်အဆင်ပြေတယ် ဆိုတာလေ။
အခုတော့ များသွားလို့ ခြေမသယ်နိုင်လက်မသယ်နိုင် အာလေးလျှာလေး ဖြစ်ကုန်ပြီဆိုပါတော့။ မင်းပြောတုန်းက ပြတ်သွားပြီဆို။ အခု လူမှန်နေရာမှန် ပြန်ရောက်သွားပြီလား။

ငါတွေ့ဘူးသမျှ အရက်သမားတွေထဲမှာ (ငါကလွဲလျင်) အတော်များများဟာ ဖြတ်ဘို့ကြိုးစားနေတယ်။
အရက်ပြတ်နေပြီ။ အရက်ကိုစိတ်နာလွန်းလို့ ဖြတ်လိုက်တာလို့ ပြောပြီး ပြန်သောက်တာပဲ။
ဆေးလိပ်သမားတွေလည်း အဲဒီလိုပဲ ပြောပြောပြီး ပြန်ပြန်သောက်ကြတာ။

မင်းကိုငါပြောပြချင်တာက Australia ကို ရောက်သွားတဲ့ ငါတို့တတွေရဲ့ ကရင်အနုပညာရှင် အဓိပတိကြီး
ကျော်လိုက်သိန့်(စ၀်လိက်သိင့်)က ABC Radio Australia မှာပြောသွားတဲ့ စကားတခွန်းနှစ်ခွန်းကိုပါ။
အင်မတန်မှတ်သားဘို့ကောင်းတဲ့ စကားတွေပါ။
လူကိုလူလိုမြင်တတ်ဘို့။
ချစ်ခြင်းတရားတွေ ကိုယ်စီကိုယ်ငှ ရှိဘို့။
ဘယ်လိုအလုပ်မျိုးမဆို တတ်လျင် လှတယ်၊ မတတ်လျင် မလှဘူး။
အဟောင်းကို ခိုင်အောင်ပိုက်၊ အသစ်ကို မှီအောင်လိုက်။ အဲဒီလိုပြောသွားတာ။
ခုခေတ်က စာမတတ်ပေမယ့် လက်ရေးလှနေကြတာ အများကြီး။

တတ်လျင် လှတယ်ဆိုတာ သီချင်းဆိုတဲ့ တေးသံရှင်တွေ ရုပ်ချော၊ အသံကောင်းတာလေးနဲ့ မလုံလောက်

ဘူး၊ ဆိုတတ်ရမယ်။ တိုင်းပြည်အုပ်ချုပ် မင်းလုပ်တဲ့လူတွေလည်း လက်နက် နဲ့ အာဏာရှိတာလေးလောက်
နဲ့ တိုင်းပြည်ဖွံ့ဖြိုးတိုးတက် သာယာလှပလာမှာမဟုတ်ဘူး။
တိုင်းပြည်ကို အုပ်ချုပ်တတ်မှ တိုးတက်ဖွံ့ဖြိုးလှပမှာ။ ခေတ်ပေါ်သီချင်းတွေ ဆိုတာကို သူမတားပါဘူး။ ဒါပေ
သိ ကရင်စကားပုံလေးတခုအတိုင်း အဟောင်းကိုခိုင်အောင်ပိုက် အသစ်ကိုမှီအောင်လိုက် ဆိုတာပြောသွား
တယ်ကွ။

တခြားသွားမကြည့်နဲ့ ငါ့သားလေ ငါ့သား။ ဟစ်ပေါ့ဆိုလား၊ ဟစ်ဟော့ဆိုလား။ ရက်ဆိုလား။
ဟိုဒင်းကွာ သီချင်းဆိုတယ်ပြောလို့သာ နားထောင်လိုက်ရတယ်။ စကားအမြန်ပြောနည်း လေ့ကျင့်နေသလို
လိုပဲ။ တလုံးမျှနားမလည်ဘူး။
ငါ့ကို အဖေရေ ကရင်သီချင်းရေးပေးပါဆိုလို့ ရေးပေးလိုက်တာ၊ သူငယ်ချင်းရေ ဘာတွေရွတ်နေမှန်းကိုမသိ
ဘူး။ ပြီးတော့ ငါရေးတဲ့သီချင်းက ဖူ့ဒိုင်ကော်(ဖူ့ဍ်ါက၀်) ခေတ်ကတဲ့။ အရမ်း နောက်ကျနေပြီတဲ့။
သူတို့နားမလည်ကြဘူး။ နားမလည်ကြဘူးလို့ ဆိုရမှာထက် နားလည်အောင် မကြိုးစားချင်ကြဘူး။
ငါရေးတဲ့ သီချင်းက ခုနစ်လုံးစပ်ကွာ။
လေးပါဒမှာ သီချင်းတပုဒ်၊ ဆိုတော့ ဒီသီချင်းကို ဒုံးကမယ်ဆိုလျင် ထည့်သုံးလို့ရတယ်။
စောင်းကောက်နဲ့ ဆိုမလား၊ ဗျတ်စောင်းနဲ့ ဆိုချင်လား။ အားလုံးအဆင်ပြေတယ်။
အဲဒါတွေကို အခုခေတ်ကလေးတွေ ထည့်မစဉ်းစားကြတော့ဘူး။ ဆုတ်ယုတ်မှုတွေထဲက တခုလို့ ပြောရမှာ
ပဲ။
အေစီက သူ့အနေနဲ့ ကရင့်ရိုးရာ ဒူရိယာပစ္စည်းတွေကို ပိုအားသန်တဲ့အကြောင်း ပြောတာကြားလိုက်တယ်။

ဝမ်းသာစရာပေါ့။
လူငယ်တယောက်အနေနဲ့ မိမိရိုးရာ ဒူရိယာပစ္စည်းကို ပိုင်ပိုင်နိုင်နိုင် တီးခတ်နိုင်တယ်ဆိုတာ ဂုဏ်ယူစရာပဲ
လေကွာ။ ဗမာလို မပီလို့ ဗမာသီချင်းမဆိုဘူးတဲ့။ ကြိုးစားလျင် ဖြစ်ပါတယ်။ အဓိက,က စိတ်ဆန္ဒ။

သီချင်းရေးတယ်ပြောလို့ အံ့သြသွားသလား။ သိပ်တော့အထင်မကြီးနဲ့။ ငါရေးတဲ့ သီချင်းကို New York, က
Utica ကရင်နှစ်သစ်ကူးနေ့မှာ သွားဆိုတော့ ဟေ့ကောင်ရေ မန်းသောင်းတင်ကို မင်းသိတယ်မဟုတ်လား။ နားမှာနား ကြတ် တတ်ထားရတဲ့ သူတောင်မှ ငါ့ကို မင်းသီချင်းနဲ့ မင်းစောင်းသံ တခြားစီပဲ၊ မကြားဘူးလား
ဆိုပြီး ပြောရတဲ့အထိကို ငါ့အသံက ကောင်းတာ။

ဘာလိုလိုနဲ့ ကရင်နှစ်သစ်ကူးလည်း ရောက်တော့မှာဆိုတော့ ငါရေးတဲ့သီချင်း မင်းမဆိုချင်ဘူးလား။
မင်းဆိုမယ်ဆိုလျင် ငါရေးပေးပါ့မယ် ဒါပေမယ့် ဒီသီချင်းကို မင်းခံစားတတ်ရမယ်။
(စိုင်းထီးဆိုင် ဆိုခဲ့တဲ့ သီချင်းစာသား)

မင်းအသံ ငါ့ထက်ကောင်းပါတယ်။ အဆိုပိုင်တဲ့ အသံရှင်ဖြစ်တဲ့ မင်းသာ ဆိုလိုက်လို့များကတော့ကွာ၊ ဒီသီ
ချင်း နာမည်ကြီးမှာ မြင်ယောင်သေး။

မင်းမဆိုချင်ဘူးဆိုလျင် မင်းရဲ့သမီးလေးကို ဆိုခိုင်းကွာ။
ဒီကလေးမလေးအသံက မင်းလိုပဲ၊ အရမ်းကိုကြည်တာ၊ မင်းရဲ့ခမီးခမက်တောင်မှ အခုလာမယ့် ကရင်နှစ်
သစ်ကူးနေ့မှာ သူ့စောင်းလက်သံနဲ့ ဖျော်ဖြေဘို့ ပြောနေတယ်။

သူက ငါ့ကိုဆိုခိုင်းတယ်။ ငါ့အသံမှ သူမကြားဘူးသေးပဲ။
ပွဲခင်းထဲမှာ စောင်းကိုပစ်ပြီး ဆင်းပြေးသွားမလားမသိဘူး။

မင်းခမီးခမက်ရဲ့ အသံက မဆိုးဘူးကွ။ ကိုယ်တိုင်ဆို ကိုယ်တိုင်တီးဘို့ ပြောတော့ စောင်းကောက်တီးရင်း
သီချင်းဆိုလို့မရသလို သီချင်းဘက် အာရုဏ်ရောက်တာနဲ့ အတီးကို မေ့ရောတဲ့။
အေး အဲဒါလည်း တမျိုးကြီးနော်။

အခု မင်းဆိုချင်လျင် ဆိုနိုင်အောင် ငါဆိုခဲ့တဲ့သီချင်းကို ရေးပေးလိုက်မယ်။
အဲဒါနဲ့အတူ ကရင်အဆိုတော်တွေနဲ့ မေးမြန်းခန်းလေးကို ထည့်ပေးလိုက်သလို ဆြ့ာစ၀်လိက်သိင့် ဆရာ
ကျော်လိုက်သိန့် ငယ်ငယ်တုန်းကဆိုခဲ့တဲ့ သီချင်းတွေထဲက သီချင်းနှစ်ပိုဒ်ကိုပါ တင်ပေးလိုက်ပါတယ်။
အသံဖမ်းတဲ့ စက်ကိရိယာတွေ မတိုးတက်ခင်အချိန်တုန်းက ရေကုန်ရေခမ်း ကြိုးစားထားတဲ့ ဆရာ ကျော်
လိုက်သိန့်ရဲ့ ပေးဆပ်ခဲ့မှုတွေကို လူငယ်လေးတွေ သိစေချင်လို့ပါ။

သူပြောတဲ့ နာန်ဟှေဝ်မဲု (နော်ဂေမွီ)ဆိုတဲ့ တေးသံရှင်တဦးရဲ့ ဘ၀ဇာတ်ကြောင်းကို ဘယ်နေရာမှာ ရှာရမှန်း
မသိတော့ဘူး။
နာန်ဟှေဝ်မဲု တယောက်တည်းလားဆိုတော့ မဟုတ်ဘူး။
ကရင့်အနုပညာရှင် အတော်များများရဲ့ ကိုယ်ရေးရာဇ၀င်တွေကို ဘယ်မှာရှာရမှန်းကို မသိတာ။

ပြဇာတ်၊ ကဇာတ်၊ တေးသရုပ်ဖေါ်၊ ဒုံးအက, အဲဒီကနေစ,လို့ လက်ရှိ ကာရာအိုကေခေတ်အထိ အဆိုရှင်၊
တေးရးဆရာ၊ ပြဇာတ်မင်းသား၊ အက,မင်းသား၊ လူကြမ်းမင်းသား၊ လူရွှင်တော်၊ ပြဇာတ်ဒါရိုက်တာ၊ ရုပ်ရှင်
ဒါရိုက်တာ၊ စာရေးဆရာ၊ ကဗျာဆရာ၊ စတဲ့ ကရင်အမျိုးသမီး အမျိုးသား အနုသုခုမ ပညာရှင်တွေရဲ့ ဘ၀
ဇာတ်ကြောင်းကို ဘယ်ကရင်မှ မရေးကြသလို ဘယ်ကရင်မှလည်း မှတ်တမ်းပြုစုထားတာ ရှိမယ်ထင်ဘူး။
အမှန်တကယ်ဆိုလျင် ငါတို့ကရင်လူမျိုးအတွက် အပင်ပမ်းအဆင်းရဲခံပြီး ယဉ်ကျေးမှုအစဉ်အလာနဲ့ ဓလေ့

ထုံးတမ်းတွေကို လက်ဆင့်ကမ်းထိန်းသိမ်းလာခဲ့တဲ့ ပုဂ္ဂိုလ်တွေရဲ့အကြောင်း သမိုင်းတင်ထားနိုင်ဘို့ လိုအပ်
နေတာကတော့အမှန်ပဲ။

ABC Radio Australia နဲ့ တွေ့ဆုံမေးမြန်းခန်းလေး နားထောင်ကြည့်ပါ။

အဲဒါက ငါရေးထားတဲ့ နှစ်သစ်ကူးသီချင်း။

ဒါကတော့ ဆရာ စ၀်လိက်သိင့် ကျော်လိုက်သိန့် ငယ်ငယ်တုန်းက ဆိုခဲ့တဲ့သီချင်း။ အဲဒီသီချင်းကို မင်းလိုချင်
တယ်ဆိုလျင်  သူပြောတဲ့နေရာမှာဝယ်လို့ရမယ်ထင်တာပဲ။ အဲဒီမှာ ပါဝင်တီးခတ်သူ အသံသွင်းတဲ့သူတွေရဲ့ အမည်တွေပါ ပါတယ်။ တကယ်လို့များ မင်းဝယ်လို့မရနိုင်တော့ဘူးဆိုလျင် ငါ့ကိုပြော။ အဲဒီသီချင်း အစ,က
နေ အဆုံးအထိကို ငါပို့ပေးမယ်။
ဒါပဲနော်။

ကျန်းမာချမ်းသာပါစေ။

မင်းစိုးစံ

(အဝေးရောက် ကရင်ဒုက္ခသည်တဦး)