မံင္ဆံင့္ဏး ၀ီသူးေဍခႜယ္
(နာန္ၟက၀္ေက၀္ဖ၀့္)
(နာန္ၟက၀္ေက၀္ဖ၀့္)
အုဂ္တုဂ္ယို၀္ အင္းလယ္ထင္းသာ အု္႓ႜင္ေဍအု္႓ႜင္ယုဂ္၊ က၀္သႝဳက္ဖ၀့္သီး လင္ပြါင္းဟွံင္ ဖ၀့္ထင္းထါင္ အု္သင့္ယုဂ္၊ စံင္ပါဖ၀့္သီး ေ႓့ဏွ္သို၀္ေဆ၀္ၟ၊ လင္ဃွဳဲးလင္ပ် ဟွင္းေခါဟ္ထၚအု္႓ႜင္အးမာၟေဆ၀္ၟယုဂ္၊ လာဏင့္႓ို၀္သီး ယု္သာဏင္းေဏ၀္ၟေအး။ မဲြါ႓းဆု္ဏွ္လယ့္ ယု္သာဏင္းလု္ေသွ္႓းဏွ္။
ယ္ုသာအုဂ္႓းေဍါဟ္ေဍါဟ္ေလံ အု္ေခါဟ္စံင္ ယု္သာဖိုင္အွ္ထ၀္ၟထါင္ သာဆု္ဆါ့ဖိုင္လင္ၟလု္စံင္းယို၀္ အ္ု ဖိုင္လင္ၟ႓ႜးလာဏင့္ အု္ဃွဳင္ၟလင္ၟအွ္ထ၀္ၟသီးလု္ကါဍၚ မိင့္စိင္ဍၚေအးဏွ္ ယု္လ၀္ေသွ္ေဆ၀္ၟလွ္။
ပု္ယို၀္ ပု္လ၀္လင္ပု္သာ ပု္မု္႓းဃွဴ႕ဃွင္၊ ပု္မု္တု္တြယ္ထင္းစူး မု္ေလ၀္ထ၀့္ဟွံင္ ကါင္ဖါေအး ေအဟွံင္ဍ၀္ ပု္မု္ဖံင္းေဏ၀္ၟ ဖ၀့္တိုင္ဆု္ပု္ေယါတ္မ၀့္ဃွင္ ဆု္ခႜါင္ဖႜဳံးလု္စံင္းယို၀္ဆံင့္ဏးမုက္မါၟလွ္၊လ၀္ခႜါင္ဆါၟအု္ဟွင္ၟ အု္ရၜသီး ေဟွ၀္မါၟလွ္။
ပု္ယို၀္ မဲြါပု္လ၀္ အင္းအုဲးေမ၀္တါလွ္၊ ႓းဆု္ဏွ္လဲ စၚ႓ို၀္ ပု္ဖံင္းထင္းဖၚထင္းဆု္ လု္ပိင္လု္ပးယို၀္ ေ႓့ပု္ဆ္ု လ၀္ဏွ္ တု္ဖႜးသာယါင္မါလွ္၊ ဟု္ကို၀္စို၀္ေလါဟ္သာသီး ဟွိဳင့္လိုင္ေအး၊ ေက၀္လိက္ဆါၟယု္လု္ဟွာ ေအ လ၀္ေ႓့သို၀္စၚ႓ို၀္ ပ၀္ၟလိက္ဆါၟလု္ဏင္ အု္သီးသုင္းသာ မု္လင္ယွာေဆ၀္ၟဟွဏွ္ ယု္လ၀္႓းေအး။
ယု္အွ္လု္ ခါန္ၟဆိုင့္ခါ့ ပု္ဖႜဳံဆိုဒ္တၚေခါဟ္ေဍါဟ္လု္ဟွာ လ၀္ေဖွ္ယု္
ပု္တိုဒ္ကု္ေရင့္ အု္ဏိင္းအု္လာ႓းယိက္ ထင္းယို၀္ ထၞာ့နဴၟဏွ္ ႓းဆါင့္လု္ ဖႜဳံယွိဳ၀္ၟမူထင္းခ၀့္လု္ကါင္ ပု္၀ီၟ ကုံ၀ါကံင္းဆု္ ဟွာင္ၟဆါၟ႓်ာဆါၟ အွ္ဍၚအု္စံင္ဏွ္သီး ပါ့ထဦု႔လု္ဏင္ေဆ၀္ၟ
ဆု္ခႜါင္အု္ေ၀့ဏွ္ မဲြါအု္႓းအု္မဲြါဟွ မြဲြါတ၀္လံင္ေဆ၀္ၟဟွ ဆံင့္မံင္းေယါ၀္ၟခြါၟဏင္ထီး။
ပု္ယင္သုဂ္ေခါဟ္ေဍါဟ္လု္ဟွာလ၀္ေ၀့
ဆု္ဖၚဆု္မာသီး မု္႓းမ၀့္မွ္ေဆ၀္ၟ။
အု္ဂုဏ္ခ၀္သီး မု္႓းမ၀့္မွ္ေဆ၀္ၟ။
ဆု္ပု္ေယါတ္သီး မု္႓းမ၀့္မွ္ေဆ၀္ၟ။
ဆု္အု္ေ၀့ယို၀္မ ဟု္လ၀္ဆု္ဃွဴ႕ဃွင္ေသွ္လွ္။
အု္ေခါဟ္စံင္ ပု္ဖႜဳံဆိုဒ္အု္ထိုင့္အု္ကႜာဖိုင္ ဆု္ခႜါင္အု္ဍံင္လု္ဖး ေအလု္ဍဳဂ္ပါင္ လု္လိုင့္ဃွဦဳဍၚ႓းစၚ႓ို၀္ ပု္ဆု္ ပု္ေယါတ္လု္ဖး ပၞာ့ေ႓့သို၀္ မံင္ဆံင့္ဏး ဟု္၀ီသူးေဍခႜယ္ေဆ၀္ၟလွ္ အု္လူၟမု္သ၀့္ဏွ္မဲြါေအး။
အု္ခါဟ္စံင္ မံင္ဆံင့္ဏးအု္လူၟမု္သ၀့္ထင္းသို၀္ ဆိုဒ္ေဆါ၀္သင့္ေဖါဟ္ဍီၿပီးသီးလု္ဖး ဏု္သီးမု္၀ီသူးေဍခႜယ္ တၚတၚလွ္ဟွ။
နာန္ၟက၀္ေက၀္ဖ၀့္
ပ၀္ၟလိက္ဆါၟသီးေဟွး ဏု္သီး မု္လ၀္႓းသါဆု္ခႜါင္ ေအအွ္လု္မိင္မိင္ေဆ၀္ၟဍဴ ယု္လိက္ဒၞံင့္ဏွ္ မဲြါေ၀့
kawkayphort@gmail.com ေဆ၀္ၟလွ္။ အွ္ဆံင္းလာၟဆၚ။
