Myanmar Consolidated Media Ltd က ကန့်ကွက်ကြောင်းကြေညာ

Source Photo from http://www.google.com/images

Myanmar Consolidated Media Ltd က

ကန့်ကွက်ကြောင်းကြေညာ

မြန်မန်မာတိုင်းမ်ဂျာနယ်မှ Mr.Ross Dunkley နှင့်ပတ်သက်သော သတင်းအချို့အပေါ် မြန်မာကွန်ဆိုလီဒိတ်တက် မီဒီယာလီမိတက်မှကန့်ကွက်ကြောင်း ကြေညာချက်တစ်ရပ်ကို ယနေ့ထုတ် မြန်မာတိုင်းမ်သတင်းဂျာနယ်တွင် ထည့်သွင်းဖော်ပြထားပါသည်။
အဆိုပါကြေညာချက်တွင် မြန်မာတိုင်းမ်ဂျာနယ်မှ Mr.Ross Dunkleyနှင့် ပတ်သက်သောသတင်းများကို ပြည်တွင်းထုတ်ဂျာနယ်အချို့နှင့် နိုင်ငံခြားသတင်းဌာနသတင်းများတွင် ဖော်ပြထားကြောင်းတွေ့ရှိရကြောင်း၊ အဆိုပါဖော်ပြချက်အချို့တွင် တရားရုံးရှေ့မရောက်သေးသည့် တရားရုံးမှအဆုံးအဖြတ်မပြုရသေးသော အကြောင်းအရာအပေါ် စကားဦးသန်းသည့်အသုံးအနှုန်းများပါဝင်နေသောကြောင့် Myanmar Consolidated Media Ltd နှင့် ၎င်း၏၀န်ထမ်းများအတွက် များစွာဂုဏ်သိက္ခာထိခိုက်စေပါသဖြင့် မြန်မာတိုင်းမ် (မြန်မာ)၊ မြန်မာတိုင်းမ်(အင်္ဂလိပ်)၊ Now! စာစောင်နှင့် Crime ဂျာနယ်တို့ ထုတ်ဝေသည့် Myanmar Consolidated Media Ltd က အများသိစေရန်ကန့်ကွက်ကြောင်း ကြေညာအပ်ပါကြောင်းဟူ၍ပါရှိပါသည်။

Source Photo from http://www.google.com/images

"တရားရုံးက တစ်စုံတရာဆုံးဖြတ်ချက်မချမီ လမ်းကြောင်းသလို အကြောင်းအရာတွေကိုမထည့်သင့်ပါဘူး။ ဒီဖြစ်စဉ်ဟာ ဂျာနယ်လစ်တချို့ပြောသလိုလည်း သာမန် Criminal Case တစ်ခုမဟုတ်ပါဘူး။ အခုအမှုဟာ ဂျာနယ်လစ်တစ်ယောက်နဲ့ပတ်သက်တဲ့ အမှုဖြစ်နေပြီး ဒီအကြောင်းအရာကို ရေးသားဖော်ပြတဲ့နေရာမှာ ဂျာနယ်လစ်ရဲ့ ဂုဏ်သိက္ခာကို ထိပါးစေလောက်တဲ့အထိတော့ မထည့်သင့်ပါဘူး။
Character Assassination သဘောမျိုး ရေးသားမှုတွေက ဂျာနယ်လစ်လောကကိုပါ ထိခိုက်စေနိုင်တယ် ဆိုတာကိုတော့ သတိပြုသင့်ပါတယ်"ဟု Weekly Eleven News ဂျာနယ်၏ အယ်ဒီတာချုပ် ကိုဝေဖြိုးက ပြောပါသည်။
ဖေဖော်ဝါရီလ ၂၄ ရက်နေ့က ကမာရွတ်မြို့နယ်တရားရုံးတွင် Mr.Ross Dunkley ၏အမှုနှင့်ပတ်သက်သော တရားရုံးစစ်ဆေးမှုကို ပြုလုပ်ခဲ့ပြီး နောက်တစ်ကြိမ် ရုံးချိန်းကို ၂၀၁၁ ခုနှစ် မတ်လ ၃ ရက်နေ့သို့ ချိန်းဆိုထားကြောင်း သိရသည်။ "ဒီနေ့ ကမာရွတ်မြို့နယ်တရားရုံးမှာ ရုံးထုတ်စစ်ဆေးတာတွေ့ရပါတယ်။ Mr.Ross Dunkley အတွက် အာမခံတင်တာကို ပယ်ခံရတယ်တဲ့။ နောက်တစ်ခုထပ်ကြားတာတော့ ဖြစ်စဉ်မှာပါဝင်တဲ့ အမျိုးသမီးက အမှုကိုရုပ်သိမ်းခွင့်လျှောက်တယ်လို့လည်းသိရတယ်"ဟု ယနေ့ရုံးချိန်းနှင့်ပတ်သက်၍ သွားရောက်နားထောင်ခဲ့သူတစ်ဦးက ပြန်လည်ပြောပြပါသည်။
ယနေ့ရုံးချိန်းသို့ ပြည်တွင်းဂျာနယ်လစ်အချို့၊ မြန်မာနိုင်ငံ နိုင်ငံခြားသတင်းထောက်များအသင်းမှ အသင်းဝင်သတင်းထောက်အချို့ နှင့် သြစတြေးလျသံရုံးမှ တာဝန်ရှိသူအချို့လည်း လာရောက်ခဲ့သည်ကို တွေ့ရသည်။
ကမာရွတ်မြို့နယ် တရားရုံး တွင် Mr.Ross Dunkley အား ပုဒ်မ ၃၁၈၊ ၃၄၁၊ ၃၂၃၊ ၃၅၂ များဖြင့် တရားစွဲဆိုထားခြင်းအပေါ် စစ်ဆေးနေခြင်းဖြစ်ကြောင်းလည်း သိရသည်။
Mr.Ross Dunkley ၏ အမှုဖြစ်စဉ်နှင့်ပတ်သက်၍ ပြည်တွင်းထုတ် Myanmar Newsweek ဂျာနယ်၊ လျှပ်တစ်ပြတ်ဂျာနယ်၊ Hot News ဂျာနယ်တို့တွင် စတင်ဖော်ပြထားသည်ကို တွေ့ရှိရသည်။

Source News from http://www.news-eleven.com