ကရင့်ရိုးရာအခန်းအနားတစ်ခုမှ ဆရာ ဦးဟန်ဇော်နှင့် ဇနီး
ဝမ်းနည်းခြင်းမှတ်တမ်း
May 11, 2013 Saturday
ကဗျာဆရာ အောင်ဇေ သို့မဟုတ် ဇော် ကွယ်လွန်ခြင်း
ယနေ့ May 10, 2013 Friday တွင် အမေရိကန်ပြည်ထောင်စု မင်ဏီစိုးတားပြည်နယ် စိန့်ပေါမြို့၌နေထိုင်
လျှက်ရှိသော ဆရာ ဦးဟန်ဇော်(အသက် ၆၃နှစ်) သည် ၎င်း၏နေအိမ်တွင်ကွယ်လွန်သွားကြောင်းသိရှိရပါ
သဖြင့် ကျန်ရစ်သူမိသားစုများနှင့်အတူ ထပ်တူထပ်မျှ ၀မ်းနည်းကြေကွဲရပါကြောင်း သိစေအပ်ပါသည်။
မင်းစိုးစံ (အဝေးရောက် ကရင်ဒုက္ခသည်တဦး)
ဆရာ ဦးဟန်ဇော် မရှိတော့တဲ့နောက် သူနဲ့ပတ်သက်တာလေးတွေထဲက အမှတ်တရဖြစ်စေခဲ့တာလေးတွေ
ကို ရေးချလိုက်ပါရစေ။
ကျုပ်နဲ့ ကျုပ်ရဲ့ဆရာ ဦးဟန်ဇော်တို့ဆိုတာ ဒုက္ခသည်စခန်းမှာ အတူနေလာခဲ့ကြတာလေ။ စခန်းမီးအရှို့ခံရ
လျင် အတူတူပြေးကြ။ ဆန်တစ်ခါထုတ် ၃ဘတ်ဆိုလည်း အတူတူပေးကြ။ မြေခွန်ဆိုလည်းအတူတူဆောင်
ကြ။ နောက်ဆုံး စခန်းကို အုပ်ချုပ်နေသူတွေနဲ့ စခန်းအတွင်း အအုပ်ချုပ်ခံတွေကြား သဟဇာတ ဖြစ်အောင်
ဆိုပြီး အဖွဲ့ဖွဲ့ကြတော့လည်း အတူတူ။
သိကြတဲ့အတိုင်းပဲ ဒုက္ခသည်စခန်းထဲမှာက လူပေါင်းစုံလေဗျာ နေရာပေါင်းစုံက အတွေ့အကြုံပေါင်းများစွာ
နဲ့ လူချည်းပဲ။ အဲဒီတော့ ပြဿနာကလည်း စုံတယ်ပေါ့ဗျာ။
မြေခွန်မဆောင်နိုင်လို့ ဆန်ရောင်းမယ် ပြောတဲ့လူစီက ဆန်ဝယ်သူတွေက ကြိုတင်ငွေပေးပြီးဝယ်ထား။
ဆန်ထုတ်တဲ့နေ့ကျတော့ စားဘို့ တောင်မကျန်တဲ့အဖြစ်မျိုး။ ကြက်ရိုးလေး ၀ယ်စားဘို့ မပြေလည်လို့ ဆီ
လေး ပဲလေး ရောင်း။ အချိန်ကျတော့ ပဲ လည်းမကျန် ဆီလည်းမကျန်။ ပြဿနာက တက်။
ငွေကြိုပေးထားတာဆိုတော့ အပြင်ကပေါက်ဈေးအတိုင်း ဖြစ်နိုင်စရာမှ မရှိပဲ။
အဲဒီလို အဲဒီလိုနဲ့ပေါ့ဗျာ။ နေ့တစ်နေ့မှာတော့ ဘီဘီစီက ဆရာ ဦးကျော်ဇံသာ စီစဉ်တဲ့ အလင်္ကာပန်းခင်း
ဆိုတဲ့ ကဏ္ဍမှာ ကျုပ်နဲ့ ဆရာ ဇော် ဒါမှမဟုတ် အောင်ဇေ တို့ ကဗျာတွေရေးပို့ကြတယ်၊ ရေဒီယိုက ကိုယ့်
ကဗျာကို ဘယ်အချိန်မှာ ဘတ်ပြမလဲဆိုပြီး မလွတ်တမ်းကို နားထောင်တာ။
(အခု ဘီဘီစီက ကိုသိန်းမြတ်ပြောပြနေတဲ့ အလင်္ကာ ပုလဲပန်းကဏ္ဍမဟုတ်ဘူးနော်)
အလင်္ကာပန်းခင်း ကဏ္ဍအတွက် ဆရာ အောင်ဇေ သို့မဟုတ် ဆရာ ဇော် ရေးပို့ပေးခဲ့တဲ့ အဖွင့်ကဗျာလေး
ကို ခံစားကြည့်ကြပါစို့လား။
အလင်္ကာပန်းခင်းကဏ္ဍကို စီစဉ်ထုတ်လွှင့်တဲ့ ဆရာဦးကျော်ဇံသာ(ယခု VOA)က အဖွင့်ကဗျာရေးပို့ပေးကြ
ဘို့ ပြောတာနဲ့ ဆရာအောင်ဇေ ရေးပို့ပေးလိုက်တာဖြစ်ပါတယ်။
ကလောင်မကိုင်ခဲ့တာ နှစ်အတော်ကြာပြီဖြစ်တဲ့ ဆရာအောင်ဇေဟာ အလင်္ကာပန်းခင်းကဏ္ဍကြောင့်
သူ့ရဲ့က လောင်ကို ပြန်သွေးလိုက်တယ်ပဲပြောမလား၊ အနုပညာသမားပီပီ ခံစားချက်နဲ့ဝါသနာကြောင့်
မနေနိုင်မထိုင်နိုင် အောင်ဖြစ်လာလို့ပဲလားတော့ မပြောတတ်ပါဘူး။
သူကဗျာတွေပြန်ရေးဖြစ်တာကတော့ ဆရာဦးကျော်ဇံသာရဲ့ အလင်္ကာပန်းခင်းကဏ္ဍကြောင့်လို့ ဆရာ ဇော်
ကပြောပါတယ်။
အလင်္ကာပန်းခင်းကို ကြိုဆိုခြင်း
(အောင်ဇေ)
အလင်္ကာပန်းခင်း ပွင့်လင်းဟန်ပန်
ဘိတ်ခေါ်သံကြောင့် သန်းခေါင်ယံအောက်
ဘဝပျောက်လို့ မေ့လောက်ကဗျာ
အလင်္ကာကို ဖွေရှာသီကုံး
နှလုံးသားမှ ယိုစီးကျသည့်
ဘဝမင်ရည် ရေးဖွဲ့သီ၍
စာစီညွှန်းဆို ဖွဲ့နွဲ့လိုသည်
အလင်္ကာပန်းခင်းကို ကြိုဆိုခြင်း။
အောင်ဇေ 15-June- 1998
BBC Burmese Service ဆရာဦးကျော်ဇံသာ(ယခု VOA) စီစဉ်ထုတ်လွှင့်ခဲ့တဲ့ အလင်္ကာပန်းခင်း အစီစဉ်က
နေ 15-July- 1998 ညနေပိုင်းမှာ ထုတ်လွှင့်ခဲ့တဲ့ ကဗျာတပုဒ်ကို တင်ပြလိုက်ပါတယ်။
အလင်္ကာပန်းခင်း
(အောင်ဇေ)
အလင်္ကာပန်းခင်း သစ်ဆင်းတဲ့အလှ
ဘဝရဲ့ကဗျာ ဖြူနီဝါပြာ
ရောင်စုံဖြာတဲ့ ပန်းကဗျာအကြောင်း
သိကောင်းစရာ အလင်္ကာ။
လှသောဖြူသော နုသောရင့်သော
ယနံ့သဘောစုံလင်
လေငင်ရာလွင့် ဆွတ်ပျံ့ပျံ့
သင်းယနံ့ အလင်္ကာ။
အလင်္ကာပန်းခင်းရဲ့အလည်
နှစ်လိုဘွယ်အပြုံး
သင္းပ့်ံပ့်ံထုံးတဲ့
နှလုံးလှတဲ့ ပန်းကလေးတွေ။
ရိုးရိုးယဉ်ယဉ်
အသွင်မဆန်းသော်လည်း
လွမ်းမက်တဲ့
ပန်းခက်တွေ။
သင်းပျံ့ပုံထူးလှသမို့
ယနံ့စူးရှတဲ့ပန်းမလ်မျိုးလည်း
ပန်းခင်းထဲမှာရှိတန်ကောင်းရဲ့။
တနေရာမှာတော့
ခတ်သော့သော့လေအလွင့်မှ
ဝင့်ဝါသလိုအသွင်ဆန်းတဲ့
စပယ်ပန်းနီနီတွေ။
ပကတိစပယ်ဖြူ
အေးကြူကြူဖြူဖွေးဖွေးမှာ
ဘယ်သူတွေအရောင်ရေးလို့
နီစွေးစွေးဖြစ်သလဲ?။
ပင်မြင့်က,ပိတောက်မင်း
ဘယ်သူတွေအတင်းပြောင်းလို့
သစ်ခေါင်းတွင်းအောင်းသလဲ?။
ပင်ယံက,သစ်ခွ
မြေချလိုတာနဲ့
ပင်ရင်းမှာပွင့်စေတာမျိုး
ဘယ်သူပျိုးသလဲ?။
အလင်္ကာပန်းခင်းမှာ
အလှကိုယ်စီရှိကြသည်မို့
ပီပြင်အလှ ဝေငှရွေးပန်
ကဗျာဉာဏ်သဘော
အလင်္ကာနှောလို့
ပြောပြမကုန် ယနံ့စုံတဲ့
အလင်္ကာပန်းခင်းရဲ့
ပန်းကလေးတွေ ပန်းကလေးတွေ။
အောင်ဇေ 15-June- 1998
ဆရာအောင်ဇေ ရေးထားခဲ့တဲ့ ကဗျာ အမြောက်အများရှိနေပါတယ်။
ကျန်ရစ်သူမိသားစုရဲ့ ခွင့်ပြုချက်ကိုရတာနဲ့ ဆက်လက် ရေးသားတင်ဆက်သွားဘို့ ရှိပါတယ်။
အခု ရေးထားတဲ့ ကဗျာနှစ်ပုဒ်ကတော့ သူနေကောင်းကျန်းမာနေတဲ့အချိန်မှာသူ့ရဲ့ခွင့်ပြုချက်ယူပြီး ရေး
လိုက်တာဖြစ်ပါတယ်။
ဆရာ အောင်ဇေ ကတော့ သူချစ်တဲ့သူ့မိသားစု သူမြတ်နိ်ုးတဲ့ကဗျာ သူမျှော်လင့်ထားတဲ့ ဒီမိုကရေစီအရေး
တွေကို အပြီးအပိုင်စွန့်ခွါသွားခဲ့ပါပြီ။
ဆရာအောင်ဇေ သို့မဟုတ် ဆရာဇော် ကောင်းရာသုဂတိလားပါစေ။
ကျုပ်ကဗျာတွေကို စိတ်မ၀င်စားဘူးလား။ စိတ်မ၀င်စားလည်း မတတ်နိုင်ဘူး နည်းနည်းကြွားလိုက်မယ်
ကျုပ်ကဗျာ ဘယ်လောက်ကောင်းသလဲဆိုလျင် ဦးသန်းလွင်ထွန်း(ယခု VOA ) အသိဆုံး။(ကျုပ်ကြွားတာ၊ ကျုပ်ရဲ့နာမည်ကို ဆရာသန်းလွင်ထွန်း ကြားတောင်မကြားဘူးဘူး)
မနီလွိုင်မှာနေတုန်းက ရာဇ၀င်ရိုင်းမယ့် မှတ်တမ်း ဆိုတဲ့ကဗျာပေါ့ဗျာ။ အဲဒီကဗျာကိုရေးတဲ့လူနဲ့ တွေ့ချင်
တယ်ဆိုပြီး ကျုပ်ကိုစောင့်နေတာ။ ကျုပ်အတွေ့မခံခဲ့ဘူး။ ကျုပ်အကြောင်းနဲ့ကျုပ်ပေါ့။ အားနာတာတော့
အမှန်ပဲ။ ဆရာ ဦးသန်းလွင်ထွန်းခင်ဗျား တောင်းပန်ပါတယ်ဗျာ။ တကယ့်ကို ကြီးကြီးမားမားကြီးတောင်း
ပန်ပါတယ်။
ကျန်းမာချမ်းသာကြပါစေ။
မင်းစိုးစံ
(အဝေးရောက် ကရင်ဒုက္ခသည်တဦး)
