၂၀၁၃ ခုနှစ် ဇူလိုင်လ (၂၉)ရက်နေ့ တွင်
ပြဌာန်းလိုက်သည့်တရားရုံးများကို မထီမဲ့မြင်ပြုမှုဥပဒေ အား
လွတ်လပ်စွာ ထုတ်ဖေါ်ပြောဆိုခွင့် နှင့် သတင်းမီဒီယာ လွတ်လပ်ခွင့် ရှုဒေါင့်မှသုံးသပ်ချက်
ယခုမူ မြန်မာနိုင်ငံ၏ ပည်ထောင်စုလွှတ်တော်က ၂၀၁၃ခုနှစ် ဇူလိုင်လ(၂၉)ရက်နေ့တွင် ပြဌာန်းလိုက်သည့်
တရားရုံးများကို မထီမဲ့မြင်ပြုမှုဥပဒေသည် အိန္ဒိယနိုင်ငံတွင် ၁၉၇၁ခုနှစ်က ပြဌာန်းထားသည့် တရားရုံးများ
ကို မထီမဲ့မြင်ပြုမှုဥပဒေမှ ၎င်းတို့အသုံးပြုလိုသောအပိုင်းများကို တိုက်ရိုက်ပုံတူခိုးချထားကြောင်း တွေ့ရ
သည်။ ဤသည်မှာ မဖြစ်သင့်ပါ။
မြန်မာနိုင်ငံတွင် လက်ရှိတည်ရှိနေသော ဥပဒေပြု လွှတ်တော်ဟူသည်မှာ ဥပဒေပြဌာန်းသည့် လုပ်ငန်းကို
မလုပ်တတ်ကြောင်းပြရာရောက်သည့်အပြင် တိုင်းပြည်တပြည်လုံး၏ ဥပဒေရေးရာဂုဏ်သိက္ခာကိုပါ ထိခိုက်
ပါသည်။
၂။ သာဓကအားဖြင့် ပြရလျှင် မြန်မာနိုင်ငံ တရားရုံးများကိုမထီမဲ့မြင်ပြုမှု ဥပဒေပုဒ်မ၂ (ဃ)တွင် အောက်ပါ
အတိုင်း ပြဌာန်းထားသည်။
ပြစ်မှုဆိုင်ရာ မထီမဲ့မြင်ပြုမှုဆိုသည်မှာ အောက်ပါ အပြုအမှု တခုခုအတွက် အကြောင်းအရာ တရပ်ရပ်ကို
နှုတ်ဖြင့်ဖြစ်စေ၊ စာဖြင့်ဖြစ်စေ၊ အမှတ်သင်္ကေတဖြင့်ဖြစ်စေ၊ ထင်ရှားသော ပုံသဏ္ဍာန်ဖြင့်ဖြစ်စေ၊ အခြား တ
နည်းနည်းဖြင့်ဖြစ်စေ၊ တမင်ထုတ်ဖေါ်ကြေညာခြင်း၊ သတင်းအဖြစ်ရေးသားဖေါ်ပြခြင်း၊ ပုံနှိပ်ထုတ်ဝေခြင်း၊
ဖြန့်ချီခြင်းကို ဆိုလိုသည်။
(၁) တရားရုံး၏ ဥပဒေအရ အပ်နှင်းထားသော အခွင့်အာဏာကို သေးသိမ်စေခြင်း၊ သို့မဟုတ် သေးသိမ်စေ
ရန် ဖြစ်တန်စေခြင်း။
(၂) တရားစီရင်သော မှုခင်းကိစ္စတွင် ဖြောင့်မှန်စွာဆောင်ရွက်မှုကို ထိခိုက်စေခြင်း၊ စွက်ဖက်ခြင်း၊ သို့မ
ဟုတ်နှောက်ယှက်ခြင်း။
(၃) မှန်ကန် လွတ်လပ်စွာ တရားစီရင်ရေးအပေါ် အများပြည်သူက ယုံကြည်ကိုးစားမှု လျော့နည်းစေရန် တ
နည်းနည်းဖြင့် ပြုလုပ်ခြင်း။
(၄) တရားရုံးက ဆုံးဖြတ်ရန်ရှိသော အချက်များကို တစုံတရာ အဆုံးအဖြတ်မပေးရသေးမီ ကြိုတင်ဝေဖန်
ပြောဆိုခြင်း၊ ရေးသားဖေါ်ပြခြင်း၊ ပုံနှိပ်ထုတ်ဝေခြင်း၊ ဖြန့်ချီခြင်း။
အထက်ပါ မြန်မာနိုင်ငံဥပဒေ ၂ (ဃ) (၁)(၂)(၃) တို့မှာ အိန္ဒိယနိုင်ငံဥပဒေ ၂ (ဂ) (၁)(၂)(၃) တို့ဖြစ်သည်။
ထို့ အပြင် မြန်မာနိုင်ငံဥပဒေ ပုဒ်မ (၇) သည် အိန္ဒိယ ဥပဒေ ပုဒ်မ (၄) နှင့်လည်းကောင်း၊ မြန်မာနိုင်ငံ ဥပ
ဒေ ပုဒ်မ (၈)သည် အိန္ဒိယ ဥပဒေပုဒ်မ (၅)နှင့်လည်းကောင်း၊ မြန်မာနိုင်ငံဥပဒေ ပုဒ်မ (၉)သည် အိန္ဒိယ ဥပ
ဒေ ပုဒ်မ (၇)နှင့်လည်းကောင်း ထပ်တူမျှပင် ဖြစ်နေကြောင်း တွေ့ရသည်။
အသေးစိပ်ကို ပူးတွဲပါ အိန္ဒိယဥပဒေ နှင့် နိုင်းယှဉ်လေ့လာနိုင်ပါသည်။
၂။ အိန္ဒိယဥပဒေတွင်မပါရှိဘဲလျှက် မြန်မာနိုင်ငံဥပဒေပုဒ်မ ၂ (ဃ)တွင်ဖေါ်ပြထားသော အောက်ပါပြဌာန်း
ချက်သည် လွတ်လပ်စွာထုတ်ဖေါ်ပြောဆိုခွင့် နှင့် သတင်းမီဒီယာလွတ်လပ်ခွင့်ကို ကန့်သတ်လိုသော
ကြောင့် တမင်ရည်ရွယ်ချက်နှင့် ထည့်သွင်းပြဌာန်းထားရာ ရောက်သည်။
(၄) တရားရုံးက ဆုံးဖြတ်ရန်ရှိသော အချက်များကို တစုံတရာ အဆုံးအဖြတ်မပေးရသေးမီ ကြိုတင်ဝေဖန်
ပြောဆိုခြင်း၊ ရေးသားဖေါ်ပြခြင်း၊ ပုံနှိပ်ထုတ်ဝေခြင်း၊ ဖြန့် ချီခြင်း။
“ တရားရုံးက ဆုံးဖြတ်ရန်ရှိသော အချက်များ” ဟူသည်မှာ လွန်စွာကျယ်ဝန်းသည်။ ပြစ်မှုဆိုင်ရာ မှုခင်းတ
ရပ်တွင် တရားရုံးက မည်သည့်အချက်အပေါ်အဓိကထား ဆုံးဖြတ်သွားမည် ဟူသည်ကို တရားရုံးပြင်ပတွင်
ရှိနေသည့် သာမန်ပြည်သူတဦး သိရန် မလွယ်ကူပါ။
ထိုနည်းတူတရားရုံးသို့ရောက်သွားသော သတင်းမီဒီယာသမားတဦးသည်ပင် မေးမြန်း၍သိရှိရန် မလွယ်ကူ
ပါ။ အဘယ်ကြောင့်ဆိုသော် အမှုစစ်ဆေးစဉ် ရောက်ရှိနေ သောအဆင့်အပေါ်အခြေခံ၍ ဘယ်အချက်ကို
မူတည် ဆုံးဖြတ်သွားမည် ဟူသည်ကို တရားသူကြီးကိုယ်တိုင်ပင် ပြောရန်မလွယ်သောကြောင့် ဖြစ်သည်။
တရားမမှုတွင် ကောက်ချက် သို့မဟုတ် ငြင်းချက် ထုတ်ပြီးသည့်အချိန်တွင် တရားရုံးသည် ယင်းတို့အပေါ်
အခြေခံ၍ ဆုံးဖြတ်ရသည်။ “ တရားရုံးက ဆုံးဖြတ်ရန်ရှိသော အချက်များ” ဟူသည်မှာ ယင်းတို့ကို ဆိုလို
သလား၊ အခြားအချက်များပါသေးသလား ဟူသည်မှာလည်း ဥပဒေအရ မရှင်းပါ။
တရားမမှုတွင် ကောက်ချက် သို့မဟုတ် ငြင်းချက်များမှာ “ တရားရုံးကဆုံးဖြတ်ရန်ရှိသော အချက်များ” ဖြစ်
သည်ဆိုပါက ယင်းကောက်ချက် သို့မဟုတ် ငြင်းချက်များမထုတ်မီတွင် နိုင်ငံသားတဦးဦး သို့မဟုတ် သ
တင်းမီဒီယာသမားတဦးဦးသည် မှုခင်းနှင့်စပ်လျှဉ်း၍ လွတ်လပ်စွာဝေဘန် ရေးသားခွင့် ရှိမည်ဖြစ်သည်။
ယင်းတို့ နှင့် စပ်လျှဉ်း၍ ရှင်းလင်းခြင်းမရှိ။ ရှင်းအောင် ဥပဒေပြဌာန်းရန်လည်းမလွယ်လှပါ။ သို့ဖြစ်ပါ လျှက်
အဆိုပါပြဌာန်းချက်ကို ထည့်သွင်းခြင်းမှာ လွတ်လပ်စွာ ထုတ်ဖေါ်ပြောဆိုခွင့် နှင့် သတင်း မီဒီယာလွတ်လပ်
ခွင့်ကို ကန့် သတ်လိုက်ခြင်း ဖြစ်သည်။
၃။ အိန္ဒိယနိုင်ငံ တရားရုံးများကို မထီမဲ့မြင်ပြုမှု ဥပဒေတွင် ပြဌာန်းပါရှိသော နိုင်ငံသားများ၏ လွတ်လပ်စွာ
ထုတ်ဖေါ် ပြောဆိုခွင့်ကို အထောက် အပံ့ဖြစ်စေသည့် ပြဌာန်းချက်များအနက် အချို့ကိုမူ မြန်မာနိုင်ငံ ဥပဒေ
တွင် ချန်လှပ်ထားသည်များကို တွေ့ရသည်။
သာဓက အားဖြင့် အိန္ဒိယ ဥပဒေ ပုဒ်မ (၆)တွင် အောက်ပါအတိုင်း ပြဌာန်းထားသည်။
လက်အောက်ခံတရားရုံးအရာရှိတဦးဦး နှင့် စပ်လျှဉ်း၍ အခြားလက်အောက်ခံတရားရုံးတခုခု သို့မဟုတ် တ
ရားရုံးချုပ်သို့ သဘောရိုးနှင့် တိုင်တန်းခြင်း၊ ထုတ်ဖေါ်ပြောဆိုခြင်းဖြစ်လျှင် အဆိုပါတိုင်တန်းသူ ထုတ်ဖေါ်
ပြောဆိုသူအား တရားရုံးများကို မထီမဲ့မြင်ပြုမှု ဥပဒေအရ ပြစ်ဒဏ်စီရင်ခြင်း မရှိစေရ။
၎။ ကမ္ဘာတွင် အဓိကအားဖြင့် Common Law နှင့် Civil Law ဟူ၍ ဥပဒေစနစ် နှစ်ခုသာရှိသည်။
Common Law မှာ ဗြိတိသျှက ဦးဆောင်ကျင့်သုံးသော ဥပဒေစနစ်ဖြစ်ပြီး Civil Law မှာ ပြင်သစ်က ဦး
ဆောင်ကျင့်သုံးသော ဥပဒေစနစ်ဖြစ်သည်။ တရားရုံးများကို မထီမဲ့မြင်ပြုမှုဥပဒေ ပြဌာန်းကျင့်သုံးခြင်းမှာ
ဗြိတိသျှ ဦးဆောင်သည့် Common Law စနစ်တွင်ဖြစ်သည်။
Common Law ဥပဒေစနစ်၏မိခင်ကြီးဖြစ်သော ဗြိတိန်နိုင်ငံမှာပင် တရားရုံးများသည် လွတ်လပ်စွာ ထုတ်
ဖေါ်ပြောဆိုခွင့် နှင့် သတင်း မီဒီယာလွတ်လပ်ခွင့်များကို တန်ဘိုးထားကြရသည်။ 1979 ခုနှစ်တွင် ဥရောပ
လူ့အခွင့်အရေး ဆိုင်ရာတရားရုံး (The European Human Rights Court) က ဗြိတိန်နိုင်ငံ၌ အတည်ပြု
ကျင့်သုံးနေသော တရားရုံးများကို မထီမဲ့မြင်ပြုမှုဥပဒေမှာ လူ့အခွင့်အရေးအတွက် အရေးကြီးသော လွတ်
လပ်စွာ ထုတ်ဖေါ်ပြောဆိုပိုင်ခွင့် ကို ချိုးဖေါက်ရာရောက်သည်ဟု ဆုံးဖြတ်ခဲ့သည်။ သို့ဖြစ်၍ ဗြိတိန်နိုင်ငံ
သည် လူ့အခွင့်အရေးဆိုင်ရာ ဥရောပသဘောတူစာချုပ် (The European Convention on Human Rights)နှင့်ကိုက်ညီစေရန် မိမိနိုင်ငံ၏ တရားရုံးများကို မထီမဲ့မြင်ပြုမှုဥပဒေအား ပြန်လည်ပြင်ဆင်ခဲ့ရသည်။
၃။ ဒီမိုကရေစီ စနစ်ကို တည်ဆောက်မည်ဆိုလျှင် လွတ်လပ်သော သတင်းဌာနများ နှင့် သတင်းလုပ်ငန်း
များသည် အရေးပါလှပါသည်။ တချိန်တည်းတွင် လွတ်လပ်၊ အားကောင်း၊ ထက်မြက်သော တရား စီရင်
ရေးက ၀င်ရိုးသဖွယ် ဥပဒေစိုးမိုးမှုကို ပံ့ပိုး ထိမ်းကြောင်းနိုင်မှသာ ဒီမိုကရေစီမှာ အသက်ဝင်ပါသည်။ ဤ
တွင် သတင်းမီဒီယာများနှင့် တရားစီရင်ရေး တို့သည် လှည်းတစီးအား သယ်ပိုးသွားကြသည့် နွားတယှဉ်း
ပမာ ပြိုင်တူထမ်းကြရန် လိုသည်။ တခုကို တခုအပြန်အလှန်ထိန်းကြောင်းကြရပါမည်။ ယခု အတည်ပြု
ထုတ်ပြန်လိုက်သော တရားရုံးများအား မထီမဲ့မြင်ပြုမှု ဥပဒေသည် တရားရုံးများအား အခွင့်အာဏာပိုပေး
လိုက်ပြီး လွတ်လပ်စွာ ထုတ်ဖေါ်ပြောဆိုခွင့် နှင့် သတင်းမီဒီယာ ကို ပညာသားပါပါ ကန့် သတ်လိုက်ခြင်း
ဖြစ်သည်။
၎။ တရားရုံးများ၏ အခန်းကဏ္ဍကိုမြှင့်တင်လိုလျှင် တရားစီရင်ရေး လွတ်လပ်မှုကို ဖွဲ့စည်းပုံအခြေခံဥပဒေ
နှင့် အညီ အရင်ဦးစွာ တည်ဆောက်ရန်လိုသည်။ ၂၀၀၈ ဖွဲ စည်းပုံအခြေခံဥပဒေသည် ဥပဒေနှင့် အညီ
လွတ်လပ်စွာ တရားစီရင်ရေး ဟူ၍သာ ပြဌာန်းထားသည်။ တရားစီရင်ရေး၏ လွတ်လပ်မှုကို မပြဌာန်းပါ။
တရားစီရင်ရေး၏လွတ်လပ်မှု (Independence of Judiciary) မှာ )ဖွဲ့စည်းတည်ဆောက်မှုအရ လွတ်လပ်
မှု (Institutional Independence) ကို ရည်ညွှန်းသည်။
၅။ အိန္ဒိယနိုင်ငံ တရားရုံးများကို မထီမဲ့မြင်ပြုမှု ဥပဒေမှ ကောင်းသည့်အပိုင်းများအား ပုံတူကူးချကာ တရား
စီရင်ရေး၏ အခန်းကဏ္ဍကို မြှင့်တင်လိုလျှင်လည်း အိန္ဒိယနိုင်ငံ တရားစီရင်ရေး၏ လွတ်လပ်မှုကိုပါ ပုံတူကူး
ချသင့်သည်။ ယခုမူပြောင်းပြန်ဖြစ်နေသည်။ အိန္ဒိယနိုင်ငံတွင် ပါလီမန်စနစ်ကိုကျင့်သုံးပြီး အဓိက အုပ်ချုပ်
ရေးအာဏာမှာ သမ္မတ တွင် မရှိ။ ၀န်ကြီးချုပ်တွင်သာ ရှိသည်။ သို့ဖြစ်၍ တိုင်းပြည်၏ ဦးသျှောင် နေရာတွင်
ရှိနေသော သမ္မတ က တရားလွှတ်တော် တရားသူကြီးချုပ်များအား ခန့်ထားခြင်းမှာ ပြဿနာ မရှိ။ ယင်းသို့
ခန့်ထားရာတွင်လည်း သမ္မတ တဦးတည်းသဘောနှင့် ခန့်ခွင့်မရှိ။
တရားရေးရာကော်မရှင်၏ ထောက်ခံတင်ပြချက်ကို ရယူကာ ပြည်ထောင်စု တရားလွှတ်တော်ချုပ် တရား
သူကြီးချုပ်များ၊ ပြည်နယ် တရားရုံးချုပ်တရားသူကြီးချုပ်များ နှင့် တိုင်ပင်ပြီးမှသာ ခန့်ထားရခြင်းဖြစ်သည်။
သို့ဖြစ်၍ အိန္ဒိယနိုင်ငံ၏ တရားလွှတ်တော်ချုပ်ကို ဖွဲ စည်းရာတွင် ဖွဲ့စည်းတည်ဆောက်မှုအရ လွတ်လပ်မှု
ရာနုန်းပြည့် နီးပါးရှိသည်။ အိန္ဒိယနိုင်ငံ၏ တရားစီရင်ရေးသည့် ကမ္ဘာကျော်ပြီး ဥပဒေစိုးမိုးရေး၏ ၀င်ရိုးအ
ဖြစ် ပြည်တွင်း ပြည်ပ ကပါ လေးစားအသိအမှတ်ပြုကြရသည်။
၆။ ၂၀၀၈ ဖွဲ့စည်းပုံအရ မြန်မာနိုင်ငံတရားစီရင်ရေးစနစ်မှာ လွတ်လပ်မှု ရာနုန်းပြည့် ဆုံးရှုံးလျှက်ရှိသည်။
တိုင်းပြည်၏ ဦးသျှောင်နေရာသာမက အုပ်ချုပ်ရေးအာဏာကိုပါ ရာနုန်းပြည့် ကျင့်သုံးသော သမ္မတ က
၎င်းစိတ်ကြိုက်ခန့်ခွင့်၊ ဖြုတ်ခွင့် ပြုထားသည်။ သမ္မတ၏ အထက်၌ အမျိုသားကာကွယ်ရေး နှင့် လုံခြုံရေး
ကောင်စီ (ကာ၊ လုံ) ရှိနေပြန်သည်။ ၂၀၀၈ ဖွဲ့ စည်းပုံအရ (ကာ၊ လုံ)သည် အာဏာကြီးသုံးရပ်၏ အထက်
တွင် ရှိနေသည်။ သမ္မတက (ကာ၊ လုံ) တွင်ပါဝင်သော ကာကွယ်ရေးဦးစီးချုပ်အား ဖြုတ်ခွင့်၊ ခန့်ခွင့်မရှိ။
ပြောင်းပြန်ပင်။ ကာကွယ်ရေးဦးစီးချုပ်သည် ၎င်းခန့်အပ်စေလွှတ်ထားသော တပ်မတော်သား လွှတ်တော်
ကိုယ်စားလှယ်များမှ တဆင့် သမ္မတအားဖြုတ်ခွင့် ရှိနေပြန်သည်။ သို့ဖြစ်၍ ချုပ်၍ဆိုရလျှင် တရားစီရင်ရေး
၏ အထက်တွင် သမ္မတ ရှိသည်။ သမ္မတ ၏ အထက်တွင် ကာကွယ်ရေးဦးစီးချုပ် ရှိနေသည်။
ကာကွယ်ရေး ဦးစီးချုပ်သည် စစ်ဘက်ဆိုင်ရာ တရားရုံးတွင် အယူခံစီရင်ပိုင်ခွင့်အာဏာယူထားပြန်သည်။
သို့ဖြစ်၍ ကာကွယ်ရေးဦးစီးချုပ်အားမည်သည့် တရားရုံးကမျှ အရေးယူ၍မရတော့။ ၂၀၀၈ ဖွဲ့ စည်းပုံအရ
တရားစီရင်ရေး လွတ်လပ်မှု ရာနုန်းပြည့် ဆုံးရှုံးနေသည်။ ဤကဲ့သို့သော တရားရုံးမျိုးအား အခွင့်အာဏာ
တိုးပေးခြင်းသည် တပ်မတော်ကာကွယ်ရေးဦးစီးချုပ်၏ အခွင့်အာဏာကို ပို၍ကြံ့ခိုင်အောင် လုပ်ခြင်းသာ
ဖြစ်သည်။ စစ် အာဏာရှင်စနစ် ကြီးထွားစေမည်သာ ဖြစ်သည်။
၇။ အိန္ဒိယနိုင်ငံတွင် တရားရုံးများကို မထီမဲ့မြင်ပြုမှု ဥပဒေအား ၁၉၇၁ ခုနှစ်တွင် ပြဌာန်းထားခဲ့ခြင်းဖြစ်
သည်။ နှစ်ပေါင်း လေးဆယ်ကျော်လာပါပြီ။ ယင်းကို တိုက်ရိုက်ပုံတူကူးချခြင်းထက် ယနေ့ ကမ္ဘာတခွင်
ဆက်သွယ်ဆောင်ရွက်သောခေတ်ကြီးတွင် နိုင်ငံတကာ၌ ပိုမိုအလေးထားကျင့်သုံးလာသော လူ့အခွင့်အ
ရေးအခြေခံမှနေ၍ မိမိနိုင်ငံ၏ တရားရုံးများ မထီမဲ့မြင်ပြုမှု ဥပဒေကို ပိုမိုကောင်းမွန်အောင် ကျယ်ကျယ်ပြန့်
ပြန့်လေ့လာရေးဆွဲသင့်သည်။ Common Law ဥပဒေစနစ်၏ မိခင်ကြီးဖြစ်သော ဗြိတိန်နိုင်ငံအနေဖြင့် လူ့
အခွင့်အရေးဆိုင်ရာ ဥရောပ သဘောတူစာချုပ် (The European Convention on Human Rights) ကို
တန်ဘိုးထားကာ ယင်းအခြေခံများအပေါ်တွင် ၄င်း၏နိုင်ငံအတွင်းမှဥပဒေများအား ရေးဆွဲသကဲ့သို့ပင် မြန်
မာနိုင်ငံက လက်မှတ်ရေးထိုးအတည်ပြုထားသော အာဆီယံပဋိဥာဉ် (The ASEAN Charter)တွင် ပါရှိ
သည့်လူ့အခွင့်အရေးအခြေခံများအပေါ်တွင် ပြည်တွင်း ဥပဒေများကို ချဉ်းကပ်ရေးဆွဲသင့်သည်။
အသေးစိပ်သိလိုပါလျှင်
ဆက်သွယ်ရန်
ဦးအောင်ထူး (ရှေ့ နေ)
ဥပဒေ အထောက်အကူပြုကွန်ယက် တည်ထောင်သူ
တယ်လီဖုံး (၄၆) (၀) ၇၆ ၁၁၅၆ ၂၁၅
ဇူလိုင်လ (၃၀) ရက် ၂၀၁၃ ခုနှစ်
