ပုံသေနည်းမရှိသော သင်္ချာ

ပုံသေနည်းမရှိသော သင်္ချာ

ကြက်ပေါင်ကိုက်ရင်း
စစ်တိုက်မယ့်အထဲမှာ
မင်း….မပါပေမယ့်
တော်လှန်သူတို့ရဲ့အရိုး
အရှေ့ရိုးမ,လိုပုံခဲ့ရင်
အရိုးအားလုံးရဲ့
အပေါ်ဆုံးက,ထိပ်ဆုံးအရိုးဟာ
မင်းအရိုးဖြစ်စေရမယ်...ဆိုကွ။

တို့ရင်ဘတ်မှာ
နေဝင်းမသေရွာမပြန်
တယောက်တပြန်
သံချွန်နဲ့
ရေးထိုးခဲ့တဲ့စာသား
နေဝင်းသေသွားတာ
နှစ်,လ,များစွာ
ကြာလာပေမယ့်
ငါတို့တတွေ
ရွာပြန်မနေနိုင်ကြပါဘူး။

ဘာသာရေးတခုတည်းရှိရင်
တော်လှန်ရေးအောင်မြင်မယ်ဆိုတော့
ရာထူးလိုချင်တဲ့.....မင်း
ဘာသာဖျက်ပြီးလို့မကြာလိုက်
သင်္ဘောပျက်ကြီးကိုပြင်ဘို့
ငါတို့နဲ့အဝေးကြီးခွဲခွါ
အမေရိကားမှာ ဆိုပါလား။

သူငယ်ချင်းရေ
နေဝင်းသေလို့
နှစ်တွေအတော်ကြာခဲ့ပေမယ့်
တို့တတွေရွာမပြန်နိုင်သေးသမျှ
ရင်ဘတ်ပေါ်က
ရေးထိုးထားခဲ့တဲ့စာတမ်းကို
သတိရ,သေးတယ်ဆိုရင်
တို့စီကိုတခါတခေါက်
အလည်ရောက်စေချင်ပါရဲ့။
ဒါပေမယ့်
မင်းရဲ့ရင်ဘတ်ပေါ်က,စာသား
လေဆာရောင်ခြည်နဲ့
စားပစ်လိုက်ပြီဆိုမှတော့။

မင်းစိုးစံ
အဝေးရောက် ကရင်ဒုက္ခသည်တဦး