ဟုတ်သေးရဲ့လားကွယ်တို့

ဟုတ်သေးရဲ့လားကွယ်တို့
(မင်းစိုးစံ)

တည့်တည့်ပြောလည်း နားမလည်
ရွဲ့ပြောတော့လည်း နားမလည်
ဝေ့လည်ကြောင်ပတ်ကလိမ်ဆင်
အရိပ်ပြလို့အကောင်မထင်တတ်
အပွေးမြင်လို့မှအပင်မသိရှာ
ဗေထိဆိုတာနဲ့အပြိုပြိုအလဲလဲ
လွင့်ကွဲပြဲစင်
မေးလိုက်စမ်းချင်တယ်
ဘယ်လိုလဲ ရေမြေ့ရှင်တို့။

သောင်ပြင်မှာအမဲလိုက်
ရေတွင်းပျက်မှာ ပိုက်ထောင်
နွေခေါင်ခေါင်မှာ စပါးကျဲ
စပ်ဖြဲဖြဲနဲ့မအူမလည်
အငိုလွယ်သလောက်ရှိုက်ဘို့ခက်။

လ,ဆုတ်ရက်မျိုးမှာ လ,ရောင်အားကိုး
ရိုးရာနဲ့ဘာသာတရား
မခွဲခြားတတ်သမျှ
ထပ်ဆင့်ကွဲပြား
မလျှော်မသင့်တာတွေများမြောင်စေမယ့်အဖြစ်။

အကောင်းဆုံးဆိုတာ နံပါတ် တစ် ဖြစ်ပေမယ့်
တခုထက်မက,တဲ့နံပါတ်တစ်တွေ
ရှိနေတယ်ဆိုတာ
ယုံဘို့ရာအရေး
ဝန်လေးနေတုန်းပဲလား?။

မင်းစိုးစံ
အဝေးရောက် ကရင်ဒုက္ခသည်တဦး