ဖူ႔ေဍလီ
(စ၀္ဆိင့္ျပင္)
(စ၀္ဆိင့္ျပင္)
လီ-------ဖူၟဖူ႔ ဟု္ဖႜဳံေဖါဟ္ယို၀္ ႓းဏွ္လယ့္ သယ္ဌီ့ထင္းလု္အွ္႓းဏွ္။
ဖူ႔-------- မဲြါလု္ပါေဍါဟ္လင္ ဟု္ဖႜဳံလိက္႓း။ ေအၟဟွံင္ဍ၀္ ေဍလုဲၟဃွဦဳအင္းဆု္ လ္ု္ေသွ္႓းဏွ္ယါၟ႓ို၀္ ဖူ႔လီ။
လီ------- အု္ အု္ ဟု္ဖႜဳံေဖါဟ္ယို၀္ လု္သယ္ဌီ့ထင္း႓းဏွ္ မဲြါအု္႓းဆါင့္ေလါဟ္သာေဍ လုဲၟဃွဦဳအင္းဆု္ဏွ္ ေ႓့ေသွ္သို၀္လယ့္႓ို၀္ ဖူ႔။
ဖူ႔-------- ေ႓့ယို၀္သို၀္-----ယု္မု္လ၀္ဏု္ ----ထံင္ဏါင္းေဏ၀္ၟထံင္ ဏု္ေခါဟ္ထီး႓င္းဃွယ္။ ဟု္ဖႜဳံေဖါဟ္ယို၀္ အင္းဆါ့အင္းဘာ့သယ္ဏွ္ ဘာ့အု္မိင္ဏွ္ ေက၀္လင္သာေဍလိက္ဖႜဳံ မဲြါအု္အွ္ဃဦွဳဘာ့ယုဂ္လဲ---ေအဟွံင္ဍ၀္ဟု္ဖႜဳံ ယို၀္ ေအၟေလ၀္ဃွဦဳအင္းဆု္ လု္မိင္မိင္သီး မြဲါေဟွ၀္၊ လု္ဆု္အင္းဆါ့ထင္းဆု္ ဘာ့ဏွ္ မဲြါမု္ေလ၀္ဃွဦဳ၀ီၟဏွ္ အွ္ဃွဦဳဟွာ လဲ။ ေယါ၀္ေလါဟ္ေယလ၀္ဍံင္ေဏ၀္ၟ တ္ု႐ုဂ္သယ္ဏွ္႓းလယ့္ စင္႓ို၀္တု္႐ုဂ္သယ္ဏွ္ အွ္ကု္ယဲါ သယ္ဌီ့လွ္။ ေအ မဲြါတ္ု႐ုဂ္ဏွ္ ခႜါင္တ္ု႐ုဂ္လု္႓း႓းသီး ပ၀္ၟလိက္တု္႐ုဂ္ လု္႓း႓းသီး ေအအင္းဆါ့ထင္းဘာ့ဏွ္ အု္သီးဘာ့ေမံယာ့ဏွ္ အို၀္ အွ္ေဍတု္႐ုဂ္လိက္ဖႜဳံးဖါေဍါဟ္၊ ေအဟွံင္ဍ၀္ မု္ေလ၀္ဃွဦဳအင္းဆု္လု္မိင္မိင္သီး လုဲၟေယါ၀္ၟဃွဦဳေဏ၀္ၟ၀ီၟေ၀့ လု္ လိက္ဖႜဳံးတု္႐ုဂ္အွ္ ဘာ့ထၞာၟလွ္။ စင္ၟ႓ို၀္ ထံင္ဏါင္းေဏ၀္ၟ ထံင္ဏါင္းေဏ၀္ၟ ဖူ႔လီ ဆု္တင္းဏါၟသီးေဟွး။
လီ------ဖူၟဖူ႔ ဖႜံဳဆ္ုဃွီ႔ဆ္ုလာ ဍဳံၟ(တုင္ၟ)ဆု္အုဂ္ယို၀္ ႓းဍံင္မု္ဟွယ့္ ဖႜဟ္ထင္းထါင္လ၀့္ဏယ့္။
ဖူ႔------- ဟု္လ္ုဟွာယို၀္----- ခ၀့္လယ့္ဏု္ေလ၀္ဍး----- ဏု္ယွိဳ၀္ကႜင္ဏု္ေခါဟ္။ ေဖါဟ္သးဖႜဴၟလု္ဟွာယို၀္။
လီ------ ယ္ုေလ၀္ဍးလု္ ႓ုံးလင္ၟညာ၊ ႓ုံးအိင္ထုက္၊ ခြဲါက႟င္အု္ေဘင္ၟသယ္အို၀္ဏယ့္--- ဖူၟဖူ႔။ အု္သီးဍဳံၟ(တုင္ၟ)ဆု္ အုဂ္ဏွ္ လု္ထိးယို၀္ ေဖႜါတ္ထင္းေ၀့ အု္မိင္လု္သါင့္ခ၀့္(Thai Language) လင္း႓ုင္း(Lan Boone)ဖူ႔----ေဍေမွ္ ေယ၀့္ ေမွ္၀၀္သယ္------ ဖါန္မာၟတယ္မႜါမႜါလ၀့္။ အု္သီးဆု္ေဖါဟ္ဆု္အူးခ၀့္--သ၀့္ပ်ဳက္ ထယ္ထယ္---ထယ္ထယ္ မူးမူးခါ့ခြါ့ထုင္းလီၟယွံင္ေ၀့ဍးဏွ္-----႓းဍံင္လု္ ဆု္ဖံင္းျပဳဂ္ဆ္ုအုဂ္သီး ဖူ႔။
အု္သီးထါေခါဟ္ဏွ္ ေအန္ဂု္လၚ(English)၊ သါင့္(Thai)၊ မု္ေလံယွး(Malaysia) ပၚပုဂ္ပုဂ္ၟဖူ႔။ အု္ဏွ္ဏွ္ မဲြါဍဳံၟ (တုင္ၟ)ဆု္အုဂ္မဲြါယါၟ။
ဖူ႔----ေဖါဟ္သးဖႜဴၟလု္ဟွာယို၀္ ဏု္ယွိဳ၀္ကႜင္ ဏု္ေခါဟ္ ဆု္လု္ဍဳံၟ(တုင္ၟ)ဆု္အုဂ္သီးယို၀္ မဲြါေ႓့ဏွ္သို၀္မဲြါေအး၊ အု္သီးေ၀့ဍးဍဳံၟ(တုင္ၟ)ဏွ္ မဲြါေ၀့ ဍဳံၟ(တုင္ၟ)ယူလါင္း။
ဆု္လု္တုင္ၟဆု္အုဂ္ယို၀္ဏွ္ မဲြါယွာၟလု္ဖႜဳံဆု္ဏဲအု္ဍံင္၊ မဲြါဖႜဳံဆု္ဃွီ႔ဆု္လာ လု္အု္၀ီၟဍးအို၀္လု္မိင္၊ အု္ခါ့ဍးယို၀္ ဏု္သီး ကို၀္ လင္း႓ုင္း(Lan Boone) ဏွ္ မဲြါဖႜဳံဆု္ဃွီ႔ဆု္လာသီးမဲြါေအး၊ မဲြါခါန္ၟမု္ညာၟသါင့္(Thai)သယ္ အ္ုသီးေ၀့ဆု္ဃွီ႔ဆု္ လာ၊ ဆု္ပါမုက္၊ ဆု္လု္ေဟွ၀္လု္႓း႓း၊ မဲြါဖႜဳံယူလါင္းဆု္ပါမုက္၊ မဲြါသီးကု္ေသွ္ဆါၟ၊ သၚဆါၟ၊ဘိင္ၟဆါၟ၊ေဘင္ၟဆါၟသယ္ အု္သီးဆု္ပါမုက္ မဲြါမု္ေဟွ၀္ေဏ၀္ၟ သာ႓င္းေဖါဟ္သယ္အု္ဟွင္ၟဏွ္မဲြါေအး။
မဲြါမု္ဟွာဟွံင္ထင္းေဏ၀္ၟ ဖႜဳံေဒၢတ္ မဲြါမု္မာလင္မာၟဖႜဳံဆု္ဃွီ႔ဆ္ုလာ၊ စင္ၟ႓ို၀္ဏွ္ ဖူ႔လ၀္႓းသာလိုင္ေအး၊ ဖူ႔ေအၟလ၀္ ဏွ္မု္ႀထိဳင့္၊ ႀထိဳင့္ခြိက္အု္ဏိင္းသိုင့္ဆီ့႓ႜဲခါ့ဍးအို၀္ ဍံဳၟဆ္ုအုဂ္၊ ဍဳံၟထု္ရဲါ၊ ဍဳံၟပႝာၟ သယ္ဏွ္ထုင္းလီၟသီးေ၀့ဍးလု္မိင္ ေဆ၀္ၟ၊ ေ႓့အု္ခါ့ယို၀္ ေ႓့ဏု္ကို၀္လင္း႓ုင္းသို၀္ မဲြါေအး၊ လု္အု္၀ီၟဍးအို၀္ ဍဳံၟဆ္ုအုဂ္ သယ္ဏွ္ ႓းအု္ခါ့ဖို၀္ဖင့္မူၟသယ္ ဏွ္ ထင္းထုက္ထါင္ေဍပုံသယ္၊ ဏု္သီးလင္း႓ုင္းဏွ္ မဲြါအု္ထင္းပုံသယ္အွ္ေဆ၀္ၟဟွ။
လီ------ မဲြါအု္ထင္းပုံဟွ ထင္းေအးဟွဏွ္ ယု္ေသွ္ယါ့ေအးဖူၟဖူ႔။ ေအၟထံင္ထင္းထါင္ဖို၀္ဖင့္မူၟစၚ႓ို၀္ အု္ခြါ့ထုင္းလီၟ လင္း႓ုင္းဆါၟသီးလု္ဖး ႓းလု္ဏင္ဏင္ လု္႓ုံးဏါင္ဃွံင္အို၀္ ေလ၀္အ၀္ထါင္သီးကု္ေသွ္ လု္ဏင္ဏင္ဏွ္ ေလ၀္ခြိက္ အင္ကု္လုင္၊ ေလ၀္လဲဖု္ယာၟ အု္ဏီတံင့္၊ မဲြါအု္မူးထုင္းလီၟ(လင္း႓ုင္း)လု္ဖး မဲြါအု္ေလ၀္ခြိက္ ဆု္ဏွ္လယ့္ မဲြါအု္ ေလ၀္ လဲဖု္ယါၟဆု္ဏွ္လယ့္ဏွ္ ယု္ေသွ္ယါ့ေအးဖူၟဖူ႔။
ဖူ႔----- အု္ဏွ္ေအးယါ့႓ို၀္ ႓းဆါင့္ေဍၟ ေဖါဟ္လီေဖါဟ္သးသယ္ ေ႓့မု္ဟွာဟွံင္သို၀္ သာယွာၟ႓ုံးဆါၟသယ္လု္ဏင္ မာဟွိဳင္ေဖါဟ္သးသီး အွ္လု္ဏင္ေဆ၀္ၟ၊ ေ႓့လု္ယူလါင္း႓းသို၀္၊ ေ႓့လ္ုအ၀္သီးကု္ေသွ္႓းသို၀္၊ လု္အု္မူးသီးလု္ဖး ေ႓့ဟု္မူးေဒၢတ္မု္အွ္သို၀္ ဆု္ဃွီ႔ဆု္လာလု္မဲြါလု္႓း႓းလု္ဖး လု္မာကႜင္႓းသို၀္ဏွ္ ေမါ၀္ၟဖါၟ အၥာၾဆာ့ ေမါ၀္ၟေဍါဟ္ မါန္ထ၀့္ ဖႜဳံတၚေခါဟ္တၚဏာၟ ကဲေခါဟ္ကဲဏာၟ အု္ေခါဟ္ႀကိဳင္သီးလ္ုဖး လင္႓းေ၀့အု္သီးအု္တင္ မု္႓းအင္းသံင္း လ၀္ခႜါင္ ေ၀့ေဆ၀္ၟလွ္။
စင္ၟ႓ို၀္ အု္ခါ့ဍးယို၀္ ဟု္ဖႜဳံဟု္ေဍါဟ္ဟု္ယွာၟ အၥာၾဆာ့သယ္လု္ဖး လ္ုကႜဳ္လု္ခႜင့္႓း ဆု္ဍးစို၀္ အွ္လု္ယါင္႓းအု္ေခါဟ္ စံင္ ေဖါဟ္လီေဖါဟ္သးသီးလု္ဖး ဟု္အင္းသံင္းယ၀့္လိုင္ေအး၊ စင္ၟ႓ို၀္ဖူၟဖူ႔လ၀္႓းသာလိုင္ေအး၊ ခီအ္ခါ့ယို၀္ ဖူၟဖူ႔ ေအလ၀္စၚ႓ို၀္ ဖူၟဖူ႔ႀထိဳင့္ယါၟဏယ့္၊ ကဲ ဖူ႔လီေဟွး ဖူ႔လ၀္ထါင္ဆု္ခႜါင္ေဍၟဏု္ယို၀္ ဖူ႔မု္မီ့ခိင့္႓းသာစြးမာၟလွ္ ဟွယ့္ဍး ထါင္ ဏင္ၟဖိုင့္ဍ၀္ယါၟ႓ို၀္ဖူ႔လီ။
လီ------- ေအမဲြါဏွ္သို၀္ ဖူၟဖူ႔ေဟွး အွ္ဆံင္းလာၟဆၚဟွ၀္ၟ။
ဖူ႔------- အွ္ဆံင္းလာၟဆၚ ဖူ႔လီ။
စ၀္ဆိင့္ျပင္
(ဏံင့္႓ို၀္)
(ဏံင့္႓ို၀္)