KNU ကရင်အမျိုးသားခေါင်းဆောင် ပဒိုမန်းငြိမ်းမောင်ပဒိုမန်းငြိမ်းမောင် လွတ်မြောက်
March 19, 2012
by နော်နိုရင်း
ပြီးခဲ့တဲ့သီတင်းပတ်ကမှာ ထောင်ဒဏ် တသက်တကျွန်း ပြစ်ဒဏ်ကျခံထားရတဲ့ ကရင်အမျိုးသားအစည်းအရုံး
ကေအန်ယူခေါင်းဆောင်တဦးဖြစ်တဲ့ ပဒိုမန်းငြိမ်းမောင်ဟာ ဒီနေ့ မတ်၁၉ ရက်နေ့မနက်က ပြန်လည်လွတ်
မြောက်လာပြီ ဖြစ်ပါတယ်။
ပဒိုမန်းငြိမ်းမောင်ကို အစိုးရက နိုင်ငံတော် ပုန်ကန်မှုနဲ့ တရားစွဲခံခဲ့ရပြီး အင်းစိန် ထောင်တွင်း တရားရုံးက ပြီးခဲ့
တဲ့ ၁၃ ရက်နေ့က တသက်တကျွန်းပြစ်ဒဏ်ချမှတ် ခဲ့တာပါ။
ပဒိုမန်းငြိမ်းမောင်ဟာ ဒီနေ့မှာတော့ ပုဒ်မ ၄၀၁ အရ သမ္မတရဲ့ လွတ်ငြိမ်းချမ်းသာခွင့်နဲ့ လွှတ်ပေးလိုက်တာဖြစ်
တယ်လို့  ပဒိုမန်းငြိမ်းမောင်ရဲ့ ရှေ့နေ ဦးကြီးမြင့်က ဒီဗွီဘီကို အတည်ပြု ပြောကြားပါတယ်။
“ကျနော်က အယူခံတက်ဖို့ ကိစ္စဆွေးနွေးစရာရှိတယ်။
အမိန့် စာတွေလည်း ပါလာတယ်။
သူနဲ့ မတွေ့ လို့ မဖြစ်ဘူးပြောတော့မှ သူတို့ ကလည်း အတည်ပြု ပေးလိုက်တာ။
ဒီနေ့ မနက် ၈ နာရီမှာ ပုဒ်မ ၄၀၁ နဲ့  လွှတ်လိုက်ပါပြီတဲ့ အယူခံတက်စရာ မလိုတော့ဘူး ဆိုပြီးတော့ ပြောလို့ 
ကျနော်သိရတာပါ။”
ပြန်လွတ်ပြီး ပဒိုမန်းငြိမ်းမောင်ဟာ အထူးသတင်းတပ်ဖွဲ့ကို သွားရောက်ခဲ့ပြီးနောက် ဘယ်ကို ပို့ဆောင်တယ်ဆို
တာကိုတော့ အတိအကျ မသိရပေမယ့် ထောင်အာဏာပိုင်နဲ့ နီးစပ်သူ ပြောဆိုချက်အရ မြန်မာ ထိုင်းနယ်စပ်ကို
ပြန်ပို့မယ်လို့သိရပါတယ်။
ပဒိုမန်းငြိမ်းမောင် ပြန်လွတ်မြောက်ရေးအတွက် လက်ရှိအစိုးရနဲ့ ငြိမ်းချမ်းရေးဆွေးနွေးနေတဲ့ ကရင်အမျိုးသားအ
စည်းအရုံးကလည်း တောင်းဆိုခဲ့သလို ပြီးခဲ့တဲ့လကမှ ပြီးဆုံးသွားတဲ့ ကရင်ညီလာခံမှာလည်း သူ့လွတ်မြောက်ရေး
တောင်းဆို ခဲ့ပါတယ်။
ပဒိုမန်းငြိမ်းမောင် ပြန်လွတ်လာတဲ့အပေါ် ကေအန်ယူ အထွေထွေ အတွင်းရေးမှူး နော်စီ ဖိုးရာစိန်က
“ကျမတို့ကတော့ ၀မ်းသာပြီးတော့ ကြိုဆိုတာပေါ့ ရှင်။
လွတ်ငြိမ်းချမ်းသာခွင့် ရရှိတဲ့အတွက် ကျမတို့ ကေအန်ယူအနေနဲ့ အများကြီး ၀မ်းသာ ကြိုဆိုတယ်။
ပဒိုမန်းငြိမ်းမောင် အပါအ၀င် နိုင်ငံရေးအကျဉ်းသားအားလုံးလွတ်ဖို့ လိုအပ်နေတယ်။
အခုလို အချိန်မှာ ကေအန်ယူအနေနဲ့ ငြိမ်းချမ်းရေး စကားပြောနေတဲ့ ကာလပေါ့။
အပစ်အခတ် ရပ်စဲရေး စကားပြောနေတဲ့ အချိန်မှာ ပဒိုမန်းငြိမ်းမောင်ကလည်း လွတ်ဖို့ လိုအပ်နေတယ်။”
လို့ပြောသွားပါတယ်။
မန်းငြိမ်းမောင်ဟာ ပြီးခဲ့သည့်နှစ် ဇူလိုင်လအတွင်း တရုတ်ပြည် ကူမင်း လေဆိပ်ကနေ မြန်မာနိုင်ငံ ရန်ကုန်လေ
ဆိပ်ကို ပို့ဆောင်ခံ ရပြီး လူဝင်မှုကြီးကြပ်ရေး ဥပဒေ၊ တရားမ၀င် စာရွက် စာတမ်း ကိုင်ဆောင်မှု၊ မတရားအသင်း ဆက်သွယ်မှုတွေနဲ့  ဖမ်းဆီး အရေးယူ ခံခဲ့ရပါတယ်။
အဲဒီနောက် ကေအန်ယူ ဗဟိုကော်မတီဝင် ဖြစ်တာကြောင့် နိုင်ငံတော် ပုန်ကန်မှု ဥပဒေ ပုဒ်မ ၁၂၂/၁ နဲ့ မတရား
အသင်း ပုဒ်မ ၁၇/၁ တို့နဲ့ ထပ်မံ စွဲချက်တင် တရားစွဲ ခံခဲ့ရပြီး ပြီးခဲ့တဲ့အပတ်က ထောင်ဒဏ် တသက်တကျွန်း ချမှတ်ခံခဲ့ရပါတယ်။
အသက် ၇၀ ၀န်းကျင်ခန့်ရှိတဲ့ ပဒိုမန်းငြိမ်းမောင်ဟာ ပျိုရွယ်စဉ်ကလည်း နိုင်ငံရေးလှုပ်ရှားမှုကြောင့် ထောင်ဒဏ်တ
ကျွန်း ကျခံဖူးပါတယ်။
Copy from http://burmese.dvb.no/archives/22732
ထမင်းတနပ်ကျွေးဘို့ ကရင်တွေကိုတောင်းတဲ့ မြန်မာနိုင်ငံ မီးရထားဝန်ကြီး ဦးအောင်မင်းMarch 19 morning
Source NEWS Audio from http://www.rfranews.org/burmese