မငြိမ်းချမ်းသောအရပ်မှ ထုတ်လုပ်သည့် ဇာတ်လမ်း

မငြိမ်းချမ်းသောအရပ်မှ ထုတ်လုပ်သည့် ဇာတ်လမ်း

(မင်းစိုးစံ)

လွမ်းဘူးကြပါသလား။
တခုခုကိုပေါ့။
အထူးသဖြင့်တော့ ချစ်သူ ငယ်ရည်းစားနဲ့ပတ်သက်တဲ့ အတွေ့အထိ၊ အမြင်၊ အကြား၊ အနံ့၊ အရသာ အဲဒီငါးမျိုး
ထဲက တခုခုပေါ့နော်။
မီးမီးခဲ သီချင်းတပုဒ်ရှိတယ် ကျုပ်တော့အစအဆုံးမရဘူး ကြားဘူးရုံလေးပါ၊ အချစ်ဦးကို တဲ့ မြေးဦးချီတာတောင်
မမေ့ဘူးတဲ့။ ရင်ဘတ်ကြီးထဲကို တော်တော်ထိတာပဲ။

သူပြောတာက အချစ်ဦးဆိုတော့ အချစ်ဆိုတာကို ကျုပ်အနေနဲ့ အရက်ဆိုတာလေးနဲ့ယှဉ်ပြီးပြောကြည့်မယ်။ အရက်မကြိုက်တတ်တဲ့သူတွေကိုတော့ အနူးအညွတ်တောင်းပန်ပါတယ်။
အချစ်ဦးဆိုတာ အရက်ဦးရည်နဲ့ အတူတူပါပဲ၊ အင်မတန်ပြင်းတာဗျို့။ အရက်မသောက်ဘူးတဲ့ အူရိုင်းဆိုလျင် လည်မြိုတခုလုံး ကွဲထွက်သွားနိုင်ပါတယ်။
ရင်ထဲမှာဆိုတာ ပူသလားမမေးနဲ့။
ဒါကြောင့်ကျန်းမာရေးနဲ့ပတ်သက်တဲ့ ပညာပေးစာစောင်တွေမှာ အ ရက်တစ်ပုလင်းသောက်ပြီးလျင် ရေခုနစ်ပုလင်း
သောက်ပါဆိုလားပဲ။
အရက်ခုနစ်ပုလင်းသောက်ပြီး ရေတစက်မှမသောက်တဲ့ လူကအများသား။ အရက်သောက်တာကြာလာတာနဲ့အတူ ရေမရောဖြစ်တာက များများလာတယ်။
ဒီတော့ မိန်းကလေးတွေကို ယောက်ျားလေးတွေက မင်းတို့အချစ်ဟာ အရက်လောက်တောင်သစ္စာမရှိဘူးဆိုပြီးပြော
ကြတာနေမှာပေါ့လေ။
ကျုပ်ကိုယ်တိုင်လည်း မိန်းကလေအတော်များများကို ပြောခဲ့သေးတာပဲ။

မချစ်ဘူးတဲ့ သူဆိုလျင်လည်း အရူးအမူးဖြစ်တတ်လေတော့ မြေးဦးချီတာတောင် မမေ့နိုင်ဘူးဆိုတာ အင်မတန်မှန်
တဲ့ သစ္စာစကားပါ၊ တချို့က အချစ်ဦးမဖြစ်ပါရစေနဲ့ အချစ်ဆုံးပဲဖြစ်ပါရစေလေးဘာလေးနဲ့ တော်တော်ကပ်သီးကပ်
သပ်ပြောတတ်တယ်။

အရင်းမရှိလျင် အဖျားရှိမလား။ ရေဘယ်လောက်နက်နက် ရေအောက်ကြမ်းပြင်တော့ရှိရမယ်လေ။(စိုင်းထီးဆိုင် သီချင်းထဲက) အဦးဆုံးမရှိလျင် နောက်ဆုံးဆိုတာရှိနိုင်ပါ့မလား။
ဒီမိန်းကလေးနဲ့ ဒီယောက်ျားကလေး သမီးရည်းစားဖြစ်တယ်၊ ညားကြတယ်၊ ဆိုတာအပြင်ပန်းအနေနဲ့ အပေါ်
ယံကြောအနေနဲ့က ဖြစ်နိုင်ပါတယ်။
တကယ့်သူတို့လေးတွေရဲ့ အဖြစ်တွေက သူတို့ချစ်ခဲ့မိသူတွေ ကိုယ်စီရှိကြမှာပါ။
တိတ်တိတ်ကလေးကြိတ် ပြီး ချစ်နေမိတာတို့၊ ပြီးတော့ တိတ်တိတ်ကလေး စွဲလန်းမိတာတို့ လူငယ်တို့ဘာသာ
ဘာဝ ဖြစ်တတ်တာပဲမဟုတ်လား၊ အခုခေတ်ကတော့၊ လာခဲ့လေ နင်နဲ့ငါအတူတူနေကြည့်မယ် သဘောထား
မတိုက်ဆိုင်ဘူးဆိုလျင် ငါတို့ခွဲကြတာပေါ့။ ဆိုပြီးသဘော ထားချင်းညှိကြတယ်ဆိုပါလား။
အဲဒီတော့ အချစ်ဦးဆိုတာ ဘာကိုပြောမှန်းတောင်မသိတော့ဘူး။ လိုက်မမှီတော့ဘူး။

သေခြာတဲ့ အရာတခုကတော့ အရက်ဦးရည်ဆိုတာ မီးတောက်တယ်။
အရမ်းပြင်းတယ်။
ရေမရောလျင် အသေစောမယ်။
အဲဒါကို ကျုပ်ဘာ ကြောင့်သိသလဲဆိုတော့ ကိုယ်တိုင်အရက်ချက်လို့သိတာဗျ။
သောက်တတ်သလားဆိုတော့ သောက်တတ်လို့ အခုထက်ထိအသက်ရှည်နေတာပေါ့ မသောက်တတ်လို့ရှိလျင် အခုလောက်ဆို အရက်အကြောင်း အဲလေအလွမ်းအဆွေးအကြောင်း ရေးနိုင်တော့မှာမဟုတ်ဘူး။
မြေသြဇာဖြစ်တာကြာလှပေါ့။
ကျုပ်နဲ့ မူးဖေါ်မူးဘက်၊ လဲဖေါ်လဲဘက်တွေထဲက အတော်များများနိဗ္ဗာန်ရောက်ကုန်ကြပြီလေ၊ ရေမရောတဲ့အပြင်
မြင်းတွေစီး သေနတ်တွေပစ် ဆရာကြီးတွေပင့်ကြဆိုတော့ စောစောနားကုန်တာပေါ့ဗျာ။
ကျုပ်က လိုင်းအပူးမခံဘူး၊ တစ်ယောက်ဆိုတစ်ယောက် ပိတောက်ဆိုပိတောက် အဲလိုနေတဲ့အပြင် အရက်သောက်
ပြီဆိုလျင် အမြည်းလေးဘာလေးနဲ့သောက်တာ သူကြီးမရှိလျင် ရွာဆူတယ် အမြည်းမရှိလျင် အာပူတယ် အဲဒါကျုပ်
ရဲ့အရက်သောက်တိုင်း ကျင့်ကြံတဲ့အကျင့်ဖြစ်ပါတယ်။
မြတ်သောအကျင့်လို့ ဆိုလိုခြင်းမဟုတ်ပါ။
အရက်သောက်တိုင်း အစာတခုခုတော့စားပေးကြပါ။

ဘာကြောင့်အရက်အကြောင်းရေးရသလဲဆိုတော့ ကျုပ်မမေ့နိုင်တဲ့ဇာတ်လမ်းလေးက အရက်ကနေ စခဲ့တာ။ ကျုပ်တိတ်တိတ်ကလေးချစ်နေမိတဲ့ မိန်းကလေးက အရက်ချက်ရောင်းတယ်၊ ကျုပ်က အရက်ဝယ်သောက်တယ်၊ မိန်ကလေးအများစုဟာ အရက်သောက်တဲ့ ယောက်ျားလေးတွေကို ရှောင်တတ်ကြတယ်။ သူလည်းမိန်းကလေးထဲကမိန်းကလေးဆိုတော့ အရက်သောက်တဲ့ ကျုပ်ကို ရှောင်မယ်ဆိုတာဗေဒင်မေးနေစရာ မ
လိုပါဘူး။
ကျုပ်က အရက်သောက်လို့မူးလာလျင် အော်ကြီးဟစ်ကျယ်မလုပ်တတ်ဘူး၊ အိမ်ကိုတန်းတန်းမတ်မတ်ပြန်တယ်၊ ထမင်းမှန်မှန်စားတယ်၊ အေးအေးလူလူအိပ်တယ်။
သိပ်များသွားလျင်တော့ ခွေးတွေဘာတွေကို လိုက်ကန်တတ်ပါတယ်။
ဘာပဲဖြစ်ဖြစ် အရက်သမားဆိုတာ အရက်ကိုသောက်တတ်ရပါတယ်။
အရက်ကိုမသောက်တတ်လျင် အရက်ကလူကိုသောက်သွားတာ ခံရပါလိမ့်မယ်။
အဲဒီအခါကျလျင် အရက်ရဲ့ကျေးကျွန်ဖြစ်သွားတဲ့အတွက် အရက်သောက်ခြင်း အပြစ်ခြောက်ပါးမကဘူးဆိုတာ သိ
လာပါလိမ့်မယ်။

အရက်ကို တမျိုးထဲသောက်ပါ။
အထူးသဖြင့်ကိုယ်တိုင်ချက်တဲ့အရက်ကိုသာ သောက်ပါ။ အကောင်းစားအရက်ဆိုတိုင်း၊ နိုင်ငံခြားကအရက်ဆိုတိုင်း၊ ဟိုတံဆိပ်ဒီတံဆိပ်နာမည်ကြီးတယ်ဆိုတိုင်း ကြုံရာကို
မသောက်ပါနဲ့။
တူးစော်နံတဲ့အရက်ကို မသောက်ပါနဲ့။
ချဉ်စော်နံတဲ့အရက်မျိုး မသောက်ပါနဲ့။
ကဇောရည်ဝေကျတဲ့အရက်မျိုး မသောက်ပါနဲ့။
တူးတူးခါးခါး မူးလျင်ပြီးရောဆိုပြီး သောက်လျင် စောစောစီးစီး အရက်ပြတ်သွားပါလိမ့်မယ်။

ဘာကြောင့် ကိုယ်ကိုယ်တိုင်ချက်တဲ့အရက်ကို သောက်သင့်သလဲဆို တော့ ကိုယ်တိုင်ချက်တဲ့အရက်က အသန့်
ရှင်းဆုံးမို့ပြောရတာပါ။
ဒါဆိုတခြားလူတွေချက်တဲ့အရက်က မသန့်ရှင်းဘူးလို့ပြောတာလားဆိုလျင် စိတ်မချရလို့ပါ၊ အရက်အထွက်တိုး
အောင်လုပ်တဲ့နည်းတွေအများကြီးရှိပါတယ်။
ကျုပ်တို့နေတဲ့ ကျုံဒိုးချောင်းဖျား ဆိုတဲ့ရွာရဲ့ အနီးအနားကရွာတရွာက အရက်ဆိုလျင် ထိသလားမမေးနဲ့။ ဘာနဲ့ချက်သလဲဆိုတာ ချက်တဲ့ကာယကံရှင်တွေအသိဆုံးပါ။ သမာအာဇီဝ မကျတဲ့နည်းနဲ့ အရက်ချက်ကြလို့ပါ။

အရက်လုပ်ငန်းနဲ့ အသက်မွေးဝမ်းကျောင်းပြုတယ်ဆိုကတည်းက သမာအာဇီဝ ကျတယ်၊ မကျဘူးဆိုတာရှိလို့လား ဆိုတဲ့အမေးမျိုးမေးနိုင်ပါတယ်။
အရက်ဆိုတာ မူးယဇ်ထုံထိုင်း ဘေးဖြစ်စေတတ်တဲ့ မုးယဇ်ဆေးဝါးတမျိုးပဲမဟုတ်လား၊ ဘာသာတရားအရ ခွင့်မ
ပြုတဲ့ အရက်ကိုချက်ပြီး ရှာဖွေစားသောက်ရကတည်းကိုက တော်တော်ကိုလွန်နေပါပြီ ဒီကြားထဲ လောဘတက်ပြီး အမြတ်အစွန်းပိုရချင်တဲ့ စိတ်တစ်ခုတည်းနဲ့ မသင့်တော်တဲ့ လူကိုအန္တရာယ်ပေးတဲ့ ပစ္စည်းတွေပါထည့်ပြီး စီးပွါးရှာ
မယ်ဆိုလျင် အဲဒါ သမာအာဇီဝမကျနိုင်တာ အမှန်ပါ။

ကျုပ်တိတ်တိတ်ကလေး ချစ်မိတဲ့ အရက်ရောင်းတဲ့မိန်းကလေးက ကျုပ်အရက်လာလာသောက်တိုင်း အမြည်းတခု ခုလုပ်ပေးလေ့ရှိတယ်၊ အဲဒီအမြည်းတွေထဲက ငါးကျည်းခြောက် မီးဖုတ်ကို ကျုပ်အကြိုက်ဆုံးပဲ၊ ကျုပ်တို့ရွာမှာ ငါး
ကျည်းခြောက်ဆိုတာ ၀ယ်စရာမလိုဘူး အင်းထဲသွားစမ်းပြီး နေလှမ်းအခြောက်ခံ ဟန်ကိုကျလို့ ငါးကျည်းမှန်းမသိ ငါးခူမှန်းမသိ အရမ်းစမ်းပြီးသီတံနဲ့ ထိုးဘို့လုပ်လို့ကတော့ ကင်းမြီးကောက်အကိုက်ခံရတာတော်သေးတယ်။ ငါးကျည်း စူးလို့ကတော့လား အဖျားကို တဒီးဒီးနေအောင်ကို တက်တာ။
အခုတော့ အင်းတွေထဲမှာ ငါးမပြောနဲ့ ခရုတောင်မရှိတော့ဘူး။

တနေ့တော့အဲဒီမိန်းကလေးကို ပွဲသွားကြည့်ဘို့ကျုပ်ခေါ်ကြည့်တယ်ဗျ။
အဲဒါသူ့အဖေကို သူသွားပြောတယ်၊ သူ့အဖေက ကျူပ်ကိုခေါ်ပြီး
အေး ခေါ်သွား ပွဲပြီးပြီးချင်း အိမ်ကိုအရောက်ပြန်ပို့ ကြားလား တဲ့။

သူ့အဖေက သူတို့ရွာမှာဆို ဘုရားဒါယိကာ ကျောင်းဒါယိကာ လူရိုသေ ရှင်ရိုသေ တော်ရုံလူပျိုလေးတွေတောင် သူ့သမီးကိုရည်းစားစကားမပြောရဲဘူး။ ကျုပ်က ရည်းစားစကားပြောတာမှမဟုတ်တာ ပွဲသွားကြည့်ဘို့ခေါ်တာပဲ ဘာဆိုင်လိုက်တာမှတ်လို့။

ကျုပ်တို့ရွာနဲ့နည်းနည်းတော့ဝေးတယ်ဗျ၊ နောင်ထပ္ပံဆိုတဲ့ရွာ နောင်ထပ္ပံဆိုတဲ့လှိုဏ်ဂူ နောင်ထပ္ပံဘုရားပွဲ နှစ်ဆန်း
တစ်ရက်နေ့ရောက်တိုင်း တနှစ်တခါကျင်းပတဲ့ပွဲဗျ။
နောင်ထပ္ပံဆိုတာက ဗမာလိုခေါ်တာ ကရင်လိုက နွန်းထားဘောင် လို့ခေါ်တယ်။
ကရင်လိုခေါ်တဲ့ ဗမာလိုအဓိပ္ပါယ်က ဖါးလောင်းအင်း လို့အဓိပ္ပါယ်ရတယ်၊ ဘာကြောင့်လဲဆိုတော့ ဖါးလောင်းလေး
တွေ အများအပြားနေထိုင်ကျက်စားရာ အင်းတွေဖြစ်လို့ ကရင်ဘိုးဘေးတွေက နာမည်ပေးခဲ့တာ။
ဗမာစစ်အစိုးရလည်း အာဏာရလာရော ကရင်နာမည်တွေပျောက်ပြီး မိမစစ် ဘမစစ်တဲ့ နာမည်တွေဖြစ်ကုန်တော့
တာပဲ။

ပွဲပြီးလို့ အိမ်ပြန်ဘို့လုပ်တော့ ကောင်မလေးက အိမ်မပြန်ချင်ဘူးလုပ်လို့ ကျုပ်လည်းတော်တော်အကြိုက်တွေ့သွား
တယ်၊ အဲ မဟုတ်ဘူး အကြပ်ရိုက်သွားတယ်။
သူများတွေက လှည်းစီးပြီးပြန်ကြတယ်၊ သူက လှည်းမစီးဘူးခြေကျင်လျှောက်မယ်ဆိုတော့ ကျုပ်နဲ့သူ လယ်ကွင်း
တွေကိုဖြတ်ပြီး လမ်းလျှောက်ကြတယ်။
လှည်းလမ်းအတိုင်းလျှောက်လို့ကတော့ တော်ရုံနဲ့အိမ်ပြန်ရောက် မှာမဟုတ်ဘူး၊ လယ်ကွင်းထဲဖြတ်လျှောက်ရတာ သာသာယာယာတော့မရှိဘူးဗျို့ ရိတ်ပြီးခါစ ကောက်ရိုးငုတ်တိုတွေက ခြေသားလုံးရိုးတလျှောက်ကိုလာလာထိုးတာ၊ လာထိုးတာမဟုတ်ပါဘူး ကိုယ်ကသွားတိုးတာ။
ကဲအဲဒီအထိအတွေ့အရသာလေး ကျုပ်မမေ့ဘူး။
အဲဒီလိုလယ်ကွင်းတွေထဲဖြတ်လျှောက်လာရင်း သူပြောခဲ့တဲ့စကားတခွန်းက ပိုပြီးအလွမ်းပိုစေပါတယ်။
ဘာကြောင့်လဲမသိဘူး ငါလေ နင့်ကို ငါ့အဖေတွေ ငါ့အစ်ကိုတွေထက် ပိုခင်တယ် တဲ့။
သွားပြီ အဲဒီတုန်းက ကိုးရီယားကားတွေ ဘာတွေအခုလိုရှိသေးတာမဟုတ်ဘူး။
ကဲအဲဒီတော့ ဘယ်လိုကောင်လေးကများ လယ်ကွင်းထဲဖြတ်လျှောက်ခဲ့ဘူးတဲ့ ဒီလိုအဖြစ်ကိုမေ့နိုင်မှာတဲ့လဲ။ ပိုဆိုးတာက လှည်းပေါ်ကလူတွေ ကျုပ်တို့ကိုကြည့်ပြီး နောက်သလိုပြောင်သလို လုပ်သွားတာတွေက ကျုပ်ရင်ကို ခုံစေတာအမှန်ပဲ။

ဒီလိုနဲ့ဗျာ သူ့အိမ်ကိုရောက်တော့ နေအတော်မြင့်နေပြီ၊ သူကတော့ ထမင်းချက်ဟင်းချက်ပေါ့၊ ကျုပ်ကတော့ ကျုပ်
အိမ်ကိုမပြန်တော့ပဲ သူ့အိမ်မှာအိပ်ပစ်လိုက်တယ်၊ ကျုပ်နိုးလာတော့ နေအတော်ပူတာဗျို့ သိတဲ့အတိုင်း တပေါင်း တန်ခူး ဆိုတော့ ခြစ်ခြစ်တောက်ကိုပူတာ၊ ကျုပ်လည်း သောက်ရေအိုးထဲကရေကိုသောက်ပြီး၊ အိမ်ကိုတန်းပြန်ဘို့
ပြင်လိုက်တယ်၊ သူ့အဖေက ကျုပ်ကို ကြည့်နေတာနဲ့တိုးလို့ ကျုပ်က
ဦးလေး နင့်ရဲ့သမီးကို ငါပြန်ပို့ပြီးပြီနော် ငါ့အိမ်ငါပြန်တော့မယ် ဆိုတော့ သူ့အဖေက  
ထမင်းစားပြီးမှပြန် ငါလည်းထမင်းမစားရသေးဘူး လာခဲ့ ဆိုပြီး ထမင်းစားကြတယ်ပေါ့ဗျာ။
အဲဒီမှာ ဟင်းရဲ့အရသာလေးပြောပြမယ်၊ မမေ့နိုင်တာ။

ငါးမြွေထိုးနဲ့ သရက်သီးစိမ်းအစပ်ချက်၊ ကြက်သားနဲ့သရက်သီးစိမ်းဟင်းချို၊ ဟင်းချက်တာက ကျုပ်နဲ့ပွဲအတူသွား
တဲ့ကောင်မလေး။
ထမင်းမစားခင်လေးမှာ သူ့အဖေနဲ့ကျုပ် ထမင်းမြိန်လေးနည်းနည်း လုပ်လိုက်ကြတယ်။
နေပူတော့ များများမသောက်ပါဘူး၊ ထမင်းစားရင်းတွေးလိုက်မိတာက ဒီကောင်မလေး ငါ့အတွက်တသက်လုံးဟင်း ချက်ပေးနိုင်လျင် သိပ်ကောင်းမှာပဲ ဆိုပြီးပြုံးလိုက်မိသေးတယ်၊ ဦးလေးက မင်းဘာတွေပြုံးနေတာလဲ လို့မေးတော့၊ ငါလေ ဟင်းကောင်းကောင်းနဲ့ ထမင်းစားရလျင် အဲဒီလိုပဲပြုံးတတ်လို့ပါ ဆိုပြီးဖြေလိုက်တယ်။

ညနေစောင်းလောက်မှာ အိမ်ပြန်ဘို့လုပ်နေပေမယ့် သိပ်မပြန်ချင်ဘူးဖြစ်နေတယ်၊ လေကလည်းညနေစောင်းလေး
ဆိုတော့ တဖြူးဖြူးနဲ့။
တခါတလေဆို သရက်ကင်းလေးတွေတောင်ကြွေလို့။
ကောင်မလေးက ကျုပ်ကိုလိုက်ပို့တယ်လေ ကျုပ်ကလည်းမပြန်ချင် ပြန်ချင်နဲ့ သူကလည်းမပြန်စေချင်တာနဲ့။ ဒါပေမယ့် အချိန်တန်လျင် အိမ်ပြန်ကြရစမြဲမဟုတ်ပါလား။
ရွာပြင်က အရိပ်ကောင်းတဲ့သရက်ပင်အောက်ကိုရောက်တော့ သူကနင့်ကို ငါပုံပြင်လေးတပုဒ်ပြောပြမယ် ဆိုပြီးပုံပြင်
တိုလေး တပုဒ်ပြောပြတယ်ဗျ။
ဗမာမလေးကို သိပ်ချစ်တဲ့ ကရင်လေးတစ်ယောက်က သူ့ချစ်သူဗမာမလေးကို မခွဲခင်မခွါခင်လေး ဗမာလို သူသိပ်
လွမ်းနေမှာပဲဆိုတာကို ပြောပြတာတဲ့။
အဲဒါလည်း သတိရစရာလေးထဲက တစ်ခုပေါ့လေ။

ကရင်လေးက ဗမာမလေးကို ဘယ်လိုပြောသလဲဆိုတော့
လမည်းမည်းမှာ ဝေးဝေးအော်ရင် ငါနင့်ကို သိပ်ကြွက်မှာပဲ တဲ့။

အင်း ကရင်စကား နားမလည်ရှာတဲ့ဗမာမလေးကတော့ ကရင်လေးဘာတွေ ပြောနေတာလဲမသိဘူးဆိုပြီး ကြောင်
တိကြောင်တောင်ဖြစ်နေမလား ကောင်လေးရှက်မှာစိုးပြီး မရယ်(ရီ)ပဲပြုံးနေမလားလို့ ထင်စရာရှိပေမယ့် အဓိပ္ပါယ်
ရှိရှိ ခံစားချက်အပြည့်နဲ့ ပြောနေတဲ့ကရင်လေးခမျာမှာ မျက်ရည်လေးတွေလည်နေတာကိုတွေ့လိုက်ရတဲ့ ဗမာမလေး လည်း တရှုံ့ရှုံ့နဲ့ငိုရှာသတဲ့။

ပုံပြင်ကိုကြားခါစ ကျုပ်ရယ်(ရီ)မိတယ်၊ သူက ပုံပြင်အဆုံးမှာ
နင်နဲ့ငါက သူတို့လိုမှမဟုတ်တာ နင်ရယ်(ရီ)နိုင်မှာပေါ့ ဆိုပြီး ခေါင်းငုံ့သွားလိုက်တာ တော်ရုံနဲ့ပြန်မော့မလာတော့ဘူး။
ကျုပ်လည်း ဘာလုပ်ရမှန်းမသိဖြစ်နေတုန်း ပယောင် ဂဲ့ယောင် ပယောင် ဂဲ့ယောင် (ပ်ုယင်ဟှယ့်ယုဂ် ပ်ုယင်ဟှယ့်
ယုဂ်) ဆိုတဲ့ ရွာထဲကအသံနဲ့အတူ ယောက်ျားလေးတွေ သူ့ထက်ငါအလုအယက်ပြေးလာတာတွေ့တာနဲ့ သူ့ကို

နောက်တော့တွေ့ကြတာပေါ့ဟာ နင့်ရွာနဲ့ ငါ့ရွာက ဝေးတာမှမဟုတ်ပဲ

ဆိုပြီး ထားခဲ့လိုက်တာ ဒီနေ့အထိ ပြန်မတွေ့ဖြစ်တော့ဘူး။ အခုလောက်ဆို သူ မြေးဦးချီလောက်ပြီ။

ကရင်လေးပြောတဲ့ ဗမာလိုအဓိပ္ပါယ်ကို ပုံဖေါ်ကြည့်နိုင်အောင် ရေးပြလိုက်ပါတယ်။

ကရင်လေးဆိုလိုတဲ့ လမည်းမည်း ဆိုတာက (တပေါင်းလ)

ဝေးဝေး ဆိုတာက (ပုဇင်းရင်ကွဲကောင်)

 ကြွက် ဆိုတာက (လွမ်းတယ်)။ 

တပေါင်းလ ကရင်လို (လာသိုင့်)။ 

ပုဇင်းရင်ကွဲကောင် ကရင်လို (ယါင်-ယါင်ဟှေဝ်- ယါင်ယေ၀်)။ 

လွမ်းတယ် ကရင်လို (ယူ.)။

ကရင်လို သိုင့် ဗမာလို မည်းသည်။ 

ကရင်လို ယါင် ဗမာလို ဝေးသည်။ 

ကရင်လို ယူ. ဗမာလို ကြွက်သတ္တ၀ါ။

နောက်တစ်မျိုး (လွမ်းသည်)

ကျန်းမာချမ်းသာကြပါစေ။

မင်းစိုးစံ
(အဝေးရောက် ကရင်ဒုက္ခသည်တဦး)