ဝါခေါင်လပြည့်နေ့ တို့မမေ့
(မင်းစိုးစံ)
မြတ်ဝါခေါင် ၀သန္တ
မိုးကာလ မှိုင်းညို့မှောင်
ငါတောင်ပေါ် သူမြေပြန့်
စုပေါင်းဦးဆောင်။
စုစည်းမှုယူရအောင်
ယစ်ပတ်နှောင် ခြည်ဖြူနဲ့
မင်းလက်ကို ငါယစ်ဖွဲ့
ငါ့လက်ကို သူယစ်သိုင်း
သင်တိုင်းအရောင် စုံညီဝဲတဲ့
ခြည်ဖြူဖွဲ့ပွဲ။
နန်း စော နန့် ကျော် နော် မန်း
ဝါခေါင်ပန်း ဖူးငုံပွင့်။
ချိန်ခါသင့် ကာလမှာ
နားစွင့်ကာ ချင့်ချိန်ရှင့်။
ယဉ်ကျေးမှုနဲ့ အသပြာကို
လဲလှည်ကာ ဥစ္စာမရှာနဲ့။
ရလာတဲ့ ဂုဏ်ဒြပ်
ဒုက္ခသက်သက်။
ရိုးရာနဲ့ ဓလေ့ကိုသာ
အရှည်တည်ရာ ဆတွက်
ဘာဘာညာ ဟိုဒီအခန်းအနားနဲ့
ရောမလုပ်စေနဲ့။
ရောလုပ်နှစ် ရှည်ကြာလျင်
ရိုးရာကရင် ပျောက်ရှ
မျိုးဗီဇ သိမ်ဖျဉ်းပေကြောင်း
ရေတိမ်ချောင်း ငါးဘ၀။
လူတမျိုး ရပ်တည်ရာမှာ
ရိုးရာသာ အဓိပတိ။
ရိုးရာနဲ့ ပျော်ပွဲသဘင်
သိမြင်ပိုင်းခြား ကင်းမသွားစေချင်။
သြော် ရွှေကရင်များတို့ရေ
မင်းတို့တတွေ ခြည်ဖြူဖွဲ့တာ
ဘာအတွက်လဲ။
မင်းစိုးစံ
(အဝေးရောက် ကရင်ဒုက္ခသည်တဦး)