နံပိန်ခါးကိုင်း တို့တိုင်းပြည်

နံပိန်ခါးကိုင်း တို့တိုင်းပြည်

By တင်ညွှန့်
နိုဝင်ဘာလ ၀၉၊ ၂၀၁၂

ကျွန်တော်သည် စာသမား ဖြစ်သဖြင့် အားကစား လုံးဝဝါသနာမပါကြောင်း ဦးစွာပြောချင်ပါသည်။
အိပ်ချိန် နည်းနည်း၊ စာဖတ်ချိန်များများနှင့် ဘဝကို အခြေချ ထားမိသဖြင့် အားကစား လုပ်ရန်လည်း အခြေအနေ မပေးပါ။ သို့သော် တက္ကသိုလ် ကျောင်းသားဘဝတွင် မေဂျာစိတ်ဓာတ်၊ အဆောင်စိတ်ဓာတ်များဖြင့် အားကစားပွဲ များကိုတော့ လိုက်လံ အားပေးခဲ့ပါသည်။

ကျွန်တော်တို့ တက္ကသိုလ်တက်ချိန်က RC ဟုခေါ်သည့်ခန်းမအတွင်း ဘော်လီဘောလေ့ကျင့်နေကြသည့် ကျောင်း
သားများ၏ ဘောလုံးရိုက်သံက တအုန်းအုန်းထကာ နှလုံးတုန်ဖွယ် ကောင်းလှသည်။
သူတို့ အရပ် အမောင်း၊ ခွန်အားဗလတွေ လည်း သန်မာ ကြသည်။
 ထိုခေတ်က ကျောင်းသားဆိုသည်မှာ ဆိုရှယ် နှင့် အားကစားတွင် ယနေ့ခေတ်ကျောင်းသားတွေထက် သာသည်။ မြို့နယ်၊ တိုင်း၊ ပြည်နယ်၊ ကျောင်းသားလက်ရွေးစင် အဆင့်များမှသည် မြန်မာ့ဂုဏ်ဆောင် မြန်မာ့ လက်ရွေးစင်
တွေ ဖြစ်သွားကြသည်။ ထိုခေတ်က လက်ရွေးစင်ဖြစ်ရန် ပြိုင်ပွဲတွေ ရှိသည်။
လေ့ကျင့်ရန် အားကစားကွင်းတွေ ရှိသည်။ စာလည်းမပိ။ ကျောင်းမှ အိမ်ပြန်ရောက်လျှင်သို့မဟုတ် ကျောင်းလွှတ်
လျှင် အိမ်မပြန်ဘဲ ဘောလုံးကွင်းထဲ ၊ ဘော်လီဘော ကွင်းထဲ တန်း ဆင်းကာ လေ့ကျင့် ကစားကြသည်။ ထို့ကြောင့်လည်း သန်မာထွားကျိုင်း သည့် ကျောင်း သားတွေနှင့် မြန်မာ့ အားကစား မြင့်မားခဲ့ဖူးပါသည်။

မကြာမီ ကျောင်းသားအားကစားပွဲတွေ ကျင်းပတော့မည်ဖြစ်သဖြင့် ကျောင်းသားတွေကိုလေ့ကျင့်ပေးနေသော အား
ကစားရုံတစ်ရုံသို့ ရောက်သွားမိပါသည်။ ကျွန်တော့် ဆရာတစ်ဦးသည် ယနေ့တိုင် အားကစားပွဲများ ကျင်းပရေးကို ဝါသနာ ထုံသဖြင့် ရာသီချိန် ရောက်လျှင် အားကစားကွင်းသို့ ရောက်နေတတ်သည်။
ယခင်က အားကစားတွေ လေ့ကျင့် လျှင် ကိုယ့်ကျောင်း ဘောလုံးကွင်း၊ ဘတ်စ်ကက်ဘောကွင်းတွေနှင့် ကျောင်း
သားတွေမျက်နှာ မငယ်ကြပေ။ ယခုခေတ်တွင်မူ ဘောလုံးကွင်းတွင် ကျောင်းတိုးချဲ့ ဆောက်ကြသည်။ ဘတ်စ်ကက်ဘောကွင်းကို ကျောင်းသားစုဝေးကွင်းလုပ်ပြီး အလယ်တွင်ကျောက်တိုင်တွေစိုက်ကာမြန်မာ့ပညာရေး
ကိုကျောက်သားအက္ခရာတင်ပြီး စိတ်ကူးယဉ်ကြည့်ကြသည်။
စိတ်ကူးပေါက်ရာ ကောက်လုပ်တတ်သည့် ပညာရေးလောကသားတွေကြောင့် ကစားကွင်းတွေပျောက်ကာ ကစား
ကွင်းမရှိသောကျောင်းတို့၏ တိုင်းပြည်ဘဝ ရောက်ခဲ့ရသည်။

ကျောင်းသားများ ယခုအခါအားကစားလေ့ကျင့်လျှင် ပြည်သူ့အားကစားကွင်းသာရှိတော့သည်။
ကျွန်တော့်ဆရာက ဘော်လီဘောရုံတွင်ရှိနေသည် ဆိုသောကြောင့် မိုးလုံလေလုံရုံဘက်သို့ထွက်ခဲ့သည်။
ဟုတ်မှ ဟုတ်ပါ့မလားဟု စိတ်ထဲတွင် ထင်မိသည်။
အဘယ်ကြောင့်ဆိုသော် တိတ်ဆိတ်ငြိမ်သက်နေသောကြောင့်ဖြစ်သည်။
ရုံအတွင်းဝင်လိုက်မှ ဘော်လီဘောနှစ်သင်းကစားနေသည်ကိုတွေ့လိုက်ရသည်။
ပင့်ထောင်အားမပါ၊ ခုတ်ရိုက်အားမရှိ၊ ဘောလုံးကို တစ်ဖက်သို့မရောက်ရောက်အောင် လက်ဖျံတွေနှင့် တွန်းပို့နေ
သလိုဖြစ်သည်။ အားပေးမည့် သူလည်း မရှိ။
တစ်ချိန်က ဆူညံစွာ အော်ဟစ်နေသည့် ကျောင်းများမှ အားပေးသော ကျောင်းသားလည်း မရှိ။
စုံစမ်းကြည့်သောအခါ ကျောင်းတွေမှာ ကျောင်းအုပ်တွေက မလွှတ်ကြောင်း၊ ရန်ဖြစ်မည် စိုးရိမ်သောကြောင့် ဖြစ်
ကြောင်း၊ အတန်းကြီး တွေကလည်း စာမေးပွဲနီးသောကြောင့် မလာချင်ကြကြောင်း သိလိုက်ရသဖြင့် အတော်လေး စိတ်မကောင်း ဖြစ်မိသည်။
ဘော်လီဘော ကွင်းတွင်း အုန်းဒိုင်းကြဲ နေသော ဘောလုံး ခုတ်သံ၊ ရိုက်သံ၊ အားပေးသံတွေ တစ်ချိန်က အမှန်တ
ကယ်ရှိခဲ့ခြင်းသည် အိပ်မက်ပမာဖြစ်ခဲ့ရသည်။

ကျွန်တာ့်ဆရာက ကျွန်တော့်ကို ပြေးခုန်ပစ်လေ့ကျင့်နေကြသည့် ကွင်းဘက်ဆီသို့ ခေါ်သွားသည်။
 ကျောင်းသား ကျောင်းသူတွေက ပုဆိုး၊ ထဘီချွတ်ပြီး ဘောင်းဘီတို နှင့် ပြေးရမည်ကို ရှက်နေကြသည်။ ပိုဆိုးသည်က အပြေးသမားတွေ ပေါင် က ပုလွေရိုးလိုဖြစ်နေသည်။ အမြင့်ခုန်မည့်သူက နံကိုင်းနေသည်။ သံလုံးပစ်မည့်သူက သံလုံးကိုပင် နိုင်ပါ့မည်လောဟု စိုးရိမ်စရာ ဖြစ်နေသည်။
ကျွန်တော့်ဆရာက
“မြန်မာ့ အားကစား ကမ္ဘာကို လွှမ်းရမည် ဆိုကတည်းက ကျောင်းသား အားကစားတွေလည်း ပျက်တော့တာပဲ”
ဟု ရယ် မောရင်း ပြောကာ ကျွန်တော့်ကို လက်ဖက်ရည်ဆိုင်သို့ ဆွဲခေါ်သွားသည်။

“ငါတို့ တစ်နှစ်တစ်ကြိမ် ကျောင်းသား အားကစားပွဲဆိုတာ လုပ်နေရသေးတယ်။
ဒါပေမယ့် စိတ်ပါလက်ပါ အရင်က လိုပွဲမျိုးတွေ မဟုတ်တော့ဘူး။
စီမံချက်ရှိလို့ လုပ်ပေးနေရသလိုမျိုးပဲဖြစ်နေတယ်။
ကျောင်းသားတွေက အရင်ကလို အားကစားတွေသိပ်ပြီး စိတ်မဝင်စားတော့ဘူး။
တက္ကသိုလ်ဝင်တန်း သမားတွေဆိုရင် ပိုဆိုးသေးတယ်။
ကျောင်းတွေ ကိုက အောင်ချက်ကျမှာ စိုးလို့ဆိုပြီး အားကစားဆိုရင် လွှတ်ကိုမလွှတ်တော့တာ။
အဖြစ်သဘော လုပ်နေရတာပဲ ရှိတယ်။
နံပိန်ခါးကိုင်းတွေနဲ့ ဘယ်လို ကမ္ဘာလွှမ်းအောင် လုပ်နိုင်မှာလဲ”
ဟု ဆွေးမြေ့စွာ ပြောနေသည်။

ကျွန်တော်တို့ ၈ တန်း ကျောင်းသားဘဝလောက်က မြို့ပေါ်တွင် ဝိတ်ရုံဟုခေါ်သော အလေးမရုံတွေ ရှိသည်။ ဝိတ်ရုံတွင် အလေးမရန် အတွက် ၁ လလျှင် ၁ ကျပ်ခွဲ ပေးရသည်။
ကျွန်တော်တို့သည် ကိုဝင်းဦး၏ ဗလကို သဘောကျသည်။ ဟာကြူလီကို ကြိုက်သည်။
ထို့ကြောင့် ညနေ ကျောင်းလွှတ်လျှင် ဝိတ်ရုံသို့ ဝင်ပြီး ဝိတ်မ သည်။
ကျောင်းပိတ်ရက်များတွင် စပို့ရှပ် ဝတ်ပြီး လက်မောင်းသား ကြွားကြသည်။

ခုခေတ်ကလေးတွေ ကျူရှင်ပိနေသည်။ စာပိနေသည်။ စာပိနေသည် ဆိုရာတွင်လည်း အသိပညာ၊ အတတ် ပညာ၊ ဘဝ ပညာအတွက် လေ့ကျင့်နေကြခြင်းမဟုတ်။
ကြက်တူရွေး စာအံသလိုရွတ်၊ ကျူရှင်တွေနှင့် ပတ်ချာလည်၊ ကျောင်း အားရက် ဂိမ်းဆိုင် အင်တာနက်ဆိုင်ပြေး၊ အစားအသောက်တွေကလည်း ကြောင်စာ ကြက်စာ လောက်စားကာ ရှင်သန်နေကြသဖြင့် နံပိန်ခါးကိုင်း နေရခြင်း
မှာ အဆန်းတော့ မဟုတ်ပေ။

ကျွန်တော်တို့ အထက်တန်း ကျောင်းသားဘဝက နေ့ခင်းမုန့်စား လွှတ်ချိန် ၁ နာရီအချိန်ရသည်ကို အသွား ၁၅ မိနစ်၊ အပြန် ၁၅ မိနစ် ကြာ လမ်းလျှောက်ရသည့် အိမ်သို့ အပြေးပြန်ပြီး ထမင်းစားရသည်ကို အမှတ်ရမိသည်။ လမ်းလျှောက်၊ ထမင်းစား၊ ကျောင်းလွှတ်ချိန် ဝိတ်မ၊ ကျူရှင်လည်း တက်စရာမရှိ။
ကိုယ့်စာကိုကိုယ် တာဝန် ကျေအောင် လုပ်ပြီး ၁ဝ တန်းအောင်လာရသည်။

“ကလေးတွေ ကျုံလှီလာရတာ အခြားအချက် ရှိသေးတယ်။ ဘာကြောင့်လို့ မင်းထင်သလဲ”
ကျွန်တော် မဖြေတတ်သဖြင့် ခေါင်းကုတ်လိုက်သည်။
ဆရာက ကျွန်တော့်ကို အနီးရှိ မူလတန်း ကျောင်းလေးမှ မုန့်စားတန်းကို လက်ညှိုး ထိုးပြလိုက်သည်။

“အဲဒီမှာ မင်းသွားကြည့် ကျန်းမာရေးနဲ့ မညီတဲ့အသုပ်စုံ ပေါပေါ၊ အထုတ်စုံ ဈေးပေါပေါတွေပဲ ရှိတယ်။
ဟိုးက ကုက္ကိုပင်အောက်မှာ ကြည့်လိုက်၊ သူများတွေ ထမင်းဘူးဖွင့်စားတာကို ငေးနေတဲ့ကလေးတွေ။
သူတို့ ထမင်းဘူးတောင် ထည့်မလာနိုင်ကြဘူး။
မုန့်ဖိုးဆိုတာ အဝေးကြီး၊ မနက်ကလည်း အိမ်က ထမင်းတောင် စားလာကြရဲ့လား မသိဘူး။
မိဘတွေက တစ်ညလုံး ဘောလုံးပွဲကြည့်၊ ချဲထိုး၊ ဘောလုံး လောင်းနဲ့ အိပ်ရာကတောင် မထနိုင်သေးချိန်မှာ သူတို့ကျောင်းကို လာကြရတယ်။
သူတို့ဘဝတွေက သိပ်မရေရာဘူး။
ဘယ်တော့ ကျောင်းထုတ်ခံရပြီး လက်ဖက်ရည်ဆိုင်၊ ထမင်းဆိုင်တွေကို ရောင်းစားခံရမလဲ မသိဘူး။
ဒီလိုမိဘမျိုး၊ ကလေးမျိုး၊ ကျောင်းမျိုးတွေနဲ့ ဘယ်လိုကမ္ဘာလွှမ်းအောင် လုပ်ကြမှာလဲ”။

 မကြာသေးမီက ကမ္ဘာ့နို့ချို တိုက်ကျွေးရေး နေ့ကို ကျင်းပသွားကြောင်း သတင်းစာတွင် တွေ့လိုက်ရသည်။ အထိမ်းအမှတ်နေ့တွင်မှ ကျောင်းသားတွေကို နို့တစ်ခွက်နှင့် ကြက်ဥတစ်လုံး ပေးခြင်းသည် တစ်နှစ်စာ အဟာရဖြစ်
မည်ဆိုလျှင် လိမ်လည်ခြင်းသာ ဖြစ်ပါလိမ့်မည်။ ကျွန်တော်တို့ ပညာရေးလူ့ဘောင်တွင် အထိမ်းအမှတ်နေ့ မှ နိုးထ၊ လူကြီးလာမှ ဟန်ရေးပြ၊ အမိန့်နှင့်မှ ကြောက်ကြသည့် အစွဲတွေကို ယခုတိုင် မချွတ်နိုင်သေးပါ။ ထို့ကြောင့်လည်း ရှေ့က ဖုံး၊ နောက်ကပေါ် အခွံ ဟောင်းလောင်း မြင်မကောင်းအောင် ဖြစ်ခဲ့ရသည့် စီမံချက်တွေ
ကလည်း များလှသည်။

မြန်မာ့ ပညာရေးလောကတွင် အစိုးရကျောင်းများ၌ ယနေ့တိုင် နေ့လယ်စာ မကျွေးနိုင်သေးပေ။
နေ့လယ်စာကျွေးပြီး အဟာရပြည့်ဝသည့် ကျောင်းသားများမွေးထုတ်ရေးအစီအစဉ်ကို မည်သည့်အချိန်မှ အကောင်
အထည်ဖော်မည် မသိပေ။
ကျောင်းများတွင် နေ့လယ်စာကျွေးသည့်စနစ်ကို နိုင်ငံကြီးများတွင် အစိုးရကိုယ်တိုင် အလေးတယူဖြင့် အကောင်အ
ထည်ဖော်နေခြင်းမှာ အကြောင်းမဲ့မဟုတ်ပါ။
ကျွန်တော်တို့ ယခင်က ဂျပန်ငပုတွေဟု နှိမ်ပြီး ခေါ်ခဲ့သောဂျပန်တွေ၏အရပ်အမောင်းကို ကျွန်တော်တို့ မမီတော့ပါ။ ဂျပန်တွေ ခေတ်မီအောင် လုပ်ရာတွင် ကျောင်းကစပြီး အခြေခံကို ပြုပြင်ကြသည်။
သန်မာ ထွားကျိုင်းအောင် လုပ်ကြသည်။
နို့သည် သူများနိုင်ငံတွင် ဈေးအပေါဆုံး အစားအစာစာရင်းဝင် ဖြစ်သော်လည်း မြန်မာနိုင်ငံတွင် အခြေခံ လူတန်းစား
ဆင်းရဲသည့်လူတန်းစား ဝယ်သောက်နိုင်သည့် အနေအထားတွင် မရှိပါ။

တရုတ်ပြည်တွင် ဆင်းရဲသည့် တောကျောင်းများတွင် နေ့လယ်စာကျွေးရေး အစီအစဉ်တွေကို လုပ်ဆောင်နေကြ သည်။ ကျောင်းလာလျှင် ထမင်းစားရမည် ဆိုသည့် အသိက ပညာရေးကို စိတ်ဝင်စားစေရန် ဆွဲဆောင်မှု တစ်ခုလည်း ဖြစ်နေသည်။ ထို့ပြင် တရုတ်အစိုးရသည် ကျောင်းများတွင် နေ့လယ်စာ အစီအစဉ်ကို ကျွေးမွေး ချင်သည့် အန်ဂျီအိုအဖွဲ့များကို အားပေးသည်။ ဖိတ်ခေါ်သည်။ လမ်းဖွင့်ပေးသည်။ အကူအညီလည်း ပေးသည်။ ကျွန်တော် ကြုံကြိုက်သဖြင့် အဖြစ်အပျက်လေးတစ်ခုကို ပြောပြ ချင်ပါသည်။

ကျွန်တော်တို့ မြို့နှင့် ၁ဝ မိုင်ခန့် အကွာ အထက်တန်းကျောင်းတစ်ကျောင်းကို ထိုရွာအနီးတွင် စက်ရုံလာဖွင့်ထား
သည့် ကိုရီးယားတွေက လာပြီး လေ့လာကြသည်။ သူတို့က ကွန်ပျူတာ လှူချင်သည် ပြောသဖြင့် ကျွန်တော့်ကို
ကျောင်းအုပ်ကြီးက ဘယ်လိုကွန်ပျူတာမျိုးတွေ တောင်းရမည်နည်းဟု အကူအညီတောင်းသဖြင့် ကျွန်တော်လည်း
စကားပြန်မှ တစ်ဆင့် ကိုရီးယားများနှင့် စကားပြောဖြစ်သည်။

သူတို့က ကိုရီးယားရှိ သူတို့ကုမ္ပဏီမှ တစ်နှစ်တစ်ခါစွန့်ပစ်လိုက်သည့် ကွန်ပျူတာများသည် အကောင်းပကတိ ရှိသေးကြောင်း၊ မိမိတို့ ထိုကွန်ပျူတာများကို ဤကျောင်းသို့ယူလာပြီးလှူဒါန်းလိုကြောင်းပြောသည်။
ထို့နောက် သူတို့က သူငယ်တန်းဘက်ကို လျှောက်ကြည့်ရင်း ကလေးတွေ မုန့်စားသူ စား၊ ကစားသူကစား၊ ထိုင်သူ ထိုင်နေကြသည်ကို တွေ့သွားသည်။
သူတို့ ကလေးတွေကို နေ့လယ်စာမကျွေးဘူးလားဟု မေးသည်။
ကျောင်းအုပ်ကြီးကလည်း မြန်မာနိုင်ငံတွင် ထိုစနစ်မရှိကြောင်း ပြောပြသည်။
သူတို့က စိတ်မကောင်းဖြစ်သွားပြီး သူတို့စက်ရုံတွင် နေ့စဉ် လူ ၃ဝဝစာလောက် ထမင်းကျွေး နေရကြောင်း၊အကယ်
၍ ဤကျောင်းမှ ကျောင်းသားအချို့ကို နေ့စဉ်ထမင်းကျွေးလိုပါကြောင်း ကျောင်းအုပ်ကြီးကို ပြောသည်။

ကျောင်းအုပ်ကြီးကလည်း ဝမ်းသာအားရဖြင့် သူငယ်တန်းကလေး ၆ဝခန့်ကို နေ့စဉ် နေ့လယ်ပိုင်းအာဟာရ သဘော
မျိုး လာကျွေးလျှင် ကျေးဇူးတင်မည်ဖြစ်ကြောင်း ပြန်ပြောလိုက်သည်။
ထိုကျောင်းအတွက် ကွန်ပျူတာ အလုံး ၂ဝ နှင့် သူငယ်တန်းကလေး ကျောင်းသား ၆ဝ စာ နေ့ခင်း အာဟာရကျွေး
မှုကို ကတိတွေ ရသဖြင့် ကျောင်းအုပ်ကြီး ကလည်း ပျော်နေသည်။

ထိုသတင်းကို တိုင်းပညာရေးရုံးမှ မည်သို့ကြားသွားသည်မသိ။
ကျောင်းအုပ်ကြီးနှင့် ကျွန်တော့်ကိုခေါ်ပြီး ဌာနကိုမတိုင်ပင်ဘဲ၊ ဌာနမှ ခွင့်ပြုချက်မရဘဲ၊ ဌာနကို ကျော်ပြီး ဘာမျှ
လုပ်ခွင့် မရှိကြောင်း၊ အကယ်၍ ကိုရီးယားတွေက ကွန်ပျူတာအလုံး ၂ဝ ကို ယူလာလျှင်လည်း ဌာနကို လာအပ်
ရမည် ဖြစ်ကြောင်း၊ ဌာနက သင့်တော်သလောက် ပြန် ခွဲပေးခြင်းကိုသာ လက်ခံရမည် ဖြစ်ကြောင်း၊ နေ့လယ်စာ လာကျွေးသည့် အစီအစဉ် ကိုလည်း လက်မခံသင့်ကြောင်း၊ အစဉ်အလာ မဟုတ်သည်ကို အစဉ်အလာ လုပ်လိုက်
လျှင် နောင်ပေါ်လာမည့် ပြဿနာများကို ဖြေရှင်းရန်ခက်ကြောင်း ခေါ်ယူသတိပေးသည်။

ကျောင်းအုပ်ကြီးကလည်း ကိုရီးယားတွေကို ပြန်လည်ပြောပြကာ ညှိနှိုင်းကြည့်သည်။
ကိုရီးယားတွေက ကွန်ပျူတာလည်း မလှူ၊ အဟာရလည်း မကျွေးတော့။
သူတို့က ဒေသခံများနှင့် အဆင်ပြေအောင် နေချင်ကြသည်။
သို့သော် အစိုးရနှင့် ထိပ်တိုက်မတွေ့လိုသဖြင့် ရှောင်ထွက်ကာ ကျောင်းသို့ ငွေ ၁ သိန်းသာ လှူလိုက်သည်။

ထိုအဖြစ်အပျက်တွင် ခေတ်မီနိုင်ငံတော်ကြီးထူထောင်မည် ဆိုသည့်ရည်ရွယ်ချက်ဖြင့် ကြွေးကြော်နေသူများ ကွန်
ပျူတာတွေ ဆုံးရှုံးသွားသည်။
မြန်မာ့အားကစားကမ္ဘာကို လွှမ်းစေနိုင်မည့် အားကောင်းမောင်းသန် ကလေးတွေအတွက် အလေ့အကျင့်ကောင်း
တွေ ဆုံးရှုံးသွားသည်။
တစ်ခါတစ်ရံ အစဉ်အလာသမားများနှင့် ကြိုးနီစနစ်ကိုသော်လည်းကောင်း၊ အပြောင်းအလဲကိုသဘောထားမကြီးသူ
များကြောင့်လည်းကောင်း၊ မတွန်းနိုင်၊ မလှုပ်နိုင်၊ မရှူနိုင်၊ မကယ်နိုင်ဖြင့် ပန်းတိုင် ပျောက်တတ်ပါသည်။
မည်သို့ဆိုစေ ပျောက်သောလမ်းတွင် ကျွန်တော်တို့ ယနေ့တိုင်လျှောက်လှမ်းနေဆဲ ဖြစ်သည်။

တင်ညွှန့်

Copy from http://www.myanmarij.com/?p=7283