ပြည်တွင်း ဒုက္ခသည်များအတွက်
ပြန်လည်ထူထောင်ရေးလုပ်ငန်းများ
ဦးစားပေးမည်
အိအိတိုးလွင်
Thursday, 21 February 2013
ထိုင်းနိုင်ငံနယ်စပ်ရှိ ဒုက္ခသည် တစ်သိန်းကျော်အား မြန်မာပြည်တွင်းသို့ ပြန်လည်ခေါ်ယူမည်ဟု သတင်း
များထွက်ပေါ်နေသော်လည်း ပြည်တွင်းဒုက္ခသည်များအတွက် ပြန်လည် ထူထောင်ရေး လုပ်ငန်းများအား
ဦးစားပေးဆောင်ရွက်ပြီးမှသာ ပြည်ပ,ရှိဒုက္ခသည်များအတွက် ဆောင်ရွက်သွားမည် ဖြစ်ကြောင်း ကရင်အ
မျိုးသားအစည်းအရုံး (ကေအင်န်ယူ)၏ ကာကွယ်ရေးဝန်ကြီး စောရော်ဂျာခင်က ပြောသည်။
"ပထမကတော့ ပြည်တွင်းဒုက္ခသည် တွေက ဘယ်မှမသွားကြတော့ လုပ်ရတာလွယ်တယ်။
မြို့ကျာ်နေတဲ့ ရွာပုန်းရွာရှောင်တွေအတွက် စနစ်တကျ ပြန်လည်ထူထောင်ရေးလုပ်ပြီးမှပဲ တစ်ဖက်မှာရှိတဲ့
သူတွေကိုဆောင်ရွက်ဖို့ စီစဉ်နေပါတယ်"
ဟု စောရော်ဂျာခင်က ဖေဖော်ဝါရီလ ၁၂ ရက်နေ့ ကရင်ပြည်နယ်၊ ဘားအံမြို့၌ မီဒီယာများနှင့်တွေ့ဆုံစဉ်
ပြောသည်။
ကရင်တိုင်းရင်းသားများသည် နှစ်ပေါင်း ၂၀ကျော်ကြာ အစိုးရနှင့်တိုင်းရင်းသားလက်နက်ကိုင် အဖွဲ့အစည်း
များ၏ ပဋိပက္ခများကြားတွင် မြေစာပင်များဖြစ်ခဲ့ကြောင်း၊ အဆိုပါ ကရင်ဒုက္ခသည်များမှာ ပြည်တွင်းနှင့်နယ်
စပ်နိုင်ငံများတွင် ဒုက္ခသည်အဖြစ် နေထိုင်နေရကြောင်း၊ ယခု အစိုးရနှင့် တိုင်းရင်းသားလက်နက်ကိုင် အဖွဲ့
အစည်းများကြားတွင် အပစ်အခတ်ရပ်စဲရေး လက်မှတ်ရေးထိုးနိုင်ခဲ့သည့်အတွက် ယခုအချိန်တွင် ပြည်နယ်
ဖွံ့ဖြိုးရေးနှင့် ဒုက္ခသည်များအတွက် ပြန်လည်ထူထောင်ရေးလုပ်ငန်းများကို အစိုးရနှင့် လူမှုရေးအဖွဲ့အစည်း
များပူးပေါင်းကာ ဆောင်ရွက်နေကြောင်း စောရော်ဂျာခင်က ပြောသည်။
"တိုင်းရင်းသား ဒုက္ခသည်တွေအတွက် အရေးအကြီးဆုံးက အချက် ငါးချက်။
ပထမက ဘ၀လုံခြုံမှု ရှိဖို့ပဲ။ နောက်ပညာရေး၊ ကျန်းမာရေး၊ ဘ၀ ပြန်လည်ထူထောင်ရေးတွေပါပဲ။
ဒီအချက်တွေကို အစိုးရအာဏာပိုင်တွေရဲ့ ခွင့်ပြုချက်မပါဘဲ လုပ်လို့မရဘူး။
အားလုံး ပူးပေါင်းပါဝင်မှုနဲ့ အခက်အခဲတွေကို ကျော်လွှားနိုင်မယ်လို့ ယုံကြည်ပါတယ်"
ဟု ၎င်းကပြောသည်။
ကရင်ပြည်နယ်၌ ဒုက္ခသည်များ ပြန်လည်ထူထောင်ရေးလုပ်ငန်းများဆောင်ရွက်ရန် အစိုးရနှင့် တိုင်းရင်း
သားအဖွဲ့အစည်းများက ဒုက္ခသည်အရေအတွက်ကို စ,တင်စာရင်းကောက်ယူလျက်ရှိပြီး အရေအတွက်
အတိအကျကိုမူ ပြောဆိုရန်ခက်ခဲကြောင်း၊ ကရင်ပြည်နယ် လှိုင်းဘွဲ့မြို့နယ်အတွင်း မှာပင် ဒုက္ခသည်
၂,၀၀၀ ကျော်ရှိကြောင်း၊ ထိုင်း နိုင်ငံနယ်စပ်တွင် ဒုက္ခသည်တစ်သိန်းခွဲကျော်ရှိမည်ဟု ခန့်မှန်းကြောင်း
တာဝန်ရှိသူများက ပြောသည်။
"ကျွန်တော်တို့ မြို့နယ်ခွဲ ကိုးခုမှာ အဖွဲ့ဖွဲ့ပြီး စာရင်းတွေ ကောက်နေတယ်။
တိုင်းရင်းသား အဖွဲ့အစည်းတွေကလည်း ထိုင်းဘက်မှာ စာရင်းကောက်နေတာရှိတယ်။
အခုမှ ကောက်နေတုန်းဆိုတော့ လုပ်ငန်းအစီအစဉ် အတိအကျတော့ မပြောနိုင်သေးပါဘူး"
ဟု ပြည်နယ်ကယ်ဆယ်ရေးမှူး ဦးအောင်ကျော်က ပြောသည်။
ထိုင်းနိုင်ငံနယ်စပ်၌ ဒုက္ခသည်စခန်း ကိုးခုရှိပြီး အများစုမှာ ကရင်နှင့်မွန် တိုင်းရင်းသားများဖြစ်ကြောင်း၊ တ
ရားဝင် ထုတ်ပြန်ချက်အရ ထိုင်းနယ်စပ်စခန်းများတွင် မြန်မာနိုင်ငံသို့ ပြန်ပို့မည့် ဒုက္ခသည်စုစုပေါင်း တစ်သိန်းခြောက်သောင်းကျော်ရှိသော်လည်း လက်ရှိအနေအထားအရ မည်သည့်အချိန်နှင့် မည်သည့်နေ
ရာသို့ ပြန်ရမည်ကို တိကျစွာသတင်းထုတ်ပြန်မှုမရှိခြင်းကြောင့် စိုးရိမ်ပူပန်နေကြောင်း၊ မြန်မာ့အရေး ပူး
ပေါင်းဆောင်ရွက်သူများအဖွဲ့၏ တာဝန်ရှိသူတစ်ဦးဖြစ်သူ ဒေါ်ခင်ဥမ္မာ က ယခုလ ၅ ရက်နေ့ တော်ဝင်နှင်း
ဆီ၌ ကျင်းပသော'ပါဝင်မှုမရှိလျှင် သက်ဆိုင်မှုမရှိနိုင်၊ မြန်မာနိုင်ငံသို့ ပြန်လည်နေထိုင်ရေးအပေါ် ဒုက္ခသည်
များ၏ ရင်ဖွင့်သံ' စာနယ်ဇင်း မိတ်ဆက်ပွဲတွင် ပြောသည်။
သို့ဖြစ်၍ နယ်စပ်တွင် ဒုက္ခသည်အဖြစ်နေထိုင်နေရသော တိုင်းရင်းသားများအား အစိုးရဘက်မှ ပြန်လည်
ခေါ်ယူရာတွင် ၎င်းတို့ဘ၀လုံခြုံရေး အာမ,ခံချက်နှင့် ရပ်တည်ရေးအတွက် ကြိုတင်ပြင်ဆင်ပြီးသည့် အချိန်
မှသာ ပြည်တွင်းသို့ ခေါ်ယူသင့်ကြောင်း ကရင်အမျိုးသမီးများ ဖွံ့ဖြိုးတိုးတက်ရေးအဖွဲ့၏ဒါရိုက်တာ ဒေါ်စူဇန်
နာလှလှစိုးက ပြောသည်။
"တိုက်ပွဲကြောင့် တောထဲမှာ ထွက်ပြေးနေရလို့ ကျောင်းမတက်ခဲ့ရဘူး။
မောင်နှမ ခုနစ်ယောက်ရှိတာ တစ်ယောက်မှ ကျောင်းမတက်ဖူးဘူး။
အခု ပြန်လာတော့ တောင်ယာခုတ်တဲ့အလုပ်လုပ်တယ်။
ရွာမှာလည်း ကျောင်းမရှိဘူး။
အခု သူကြီးကတစ်ဆင့်ကြားလို့ ဆန်လာယူတာ။
ကျွန်တော်တို့အတွက် အလိုအပ်ဆုံးက အစာပေါ့"
ဟု လှိုင်းဘွဲ့မြို့နယ်၊ ကေအင်န်ယူထိန်းချုပ်ရာ ဒေသရှိ ၀ါးခယ်လ်ထရွာမှ စောမော်ခင်က ထရီးပိုးကွီးကျေး
ရွာတွင် ဂျပန်နိုင်ငံ နီပွန်ဖောင်ဒေးရှင်းမှလှူဒါန်းသော ဆန်များလာရောက်ယူစဉ် ပြောသည်။
Copy from
http://www.myanmar.mmtimes.com/index.php/nationalne/3793-2013-02-21-08-32-38.html