ယောက္ခမနှင့် သားမက်

 Source photo from http:www.google.com/images

ယောက္ခမနှင့် သားမက်

October 21, 2013
Monday

By မင်းစိုးစံ

မနေ့ညကအကြောင်းကို ဘယ်ကျော်စဉ်းစားနေသည်။
သူ၏ယောက္ခထီးနှင့် လုံးထွေးသတ်ပုတ်ခဲ့ကြသည်ကိုသာ မှတ်မိသည်။
ဝဲဘက်မျက်ခုံးရိုးကို ထမင်းပူထုပ်ဖြင့် ကြတ်ထုပ်ထိုးနေရာမှ ဖြစ်စဉ်ကို ပြန်တွေးလိုက်မိသည်။
ဘယ်ကျော် ဆိုသည့်နာမည်သည် လက်ဝှေ့လောကမှ ပေးထားသောနံမည်ဖြစ်သည်၊ လက်ဝှေ့ပွဲတိုင်း
ဘယ်လက်သီးဖြင့် ပြိုင်ဘက်အပေါ် အလဲထိုးသတ်နိုင်ခဲ့ခြင်းများကြောင့်ဖြစ်သည်။
ထိုသို့သော ကျေးနယ်အဆင့်တွင် နာမည်ရနေသောဘယ်ကျော်သည် ယမန်နေ့ညနေပိုင်းက အိုးကြီးအိုမ
ယောက္ခထီး၏ အလဲထိုးခြင်းကိုခံလိုက် ရပြီဖြစ်သည်။

ယောက္ခထီး၏အမည်မှာ ဖါ့ထီလူ ဖြစ်ပြီး လက်ဝှေ့လောကတွင် လူကျော်ဟူသောအမည်ဖြင့် သူတို့ခေတ်သူ
တို့အခါက ရေပန်းစားခဲ့သည်။ လက်ဝှေ့ဝါသနာခြင်းတူသဖြင့် ဘယ်ကျော်အားဖါ့ထီလူက သမီးအငယ်ဖြင့်
သဘောတူကာ ပုဆိုးတန်းတင် အကြင်လင်မယားအဖြစ် လက်ဆက်ပေးခဲ့သည်။

ယောက္ခထီးကို သူက အဖေ ဟု ခေါ်သော်လည်း ယောက္ခထီးက သူ့ကို သား ဟု မခေါ်ခြင်းအပေါ် ဘယ်
ကျော်အခံရခက်လှသည်။ သူ၏ဇနီးသည်တွင် အစ်မတစ်ယောက်ရှိသည်၊ ဇနီးဖြစ်သူ၏အစ်မသည်လည်း
အိမ်ထောင်သည်ဖြစ်ပြီး သားတယောက် သမီးတယောက်ထွန်းကားသည်၊ ဘယ်ကျော်၌လည်း သားတ
ယောက် သမီးတယောက်ရှိသည်။

သို့သော် ဘယ်ကျော်မှာ သမီးဦးဖြစ်ပြီး ဘယ်ကျော်၏ခယ်မ (ဘယ်ကျော်ဇနီးသည်၏ အစ်မ)တွင် သားဦး
ဖြစ်နေသောကြောင့် ယောက္ခထီးက ခွဲခြားလေသလော။
ကရင်လူကြီးသူမ အချို့အယူရှိသည်မှာ သားဦးမွေးလျှင် ရှေးဘ၀ကအကြင်လင်မယားဖြစ်ခဲ့သောကြောင့်
ဖြစ်ပြီး သမီးဦးမွေးလျှင်မူ ယခုဘ၀မှဖူးစာဆုံသည် ဟူသောအယူအဆကြောင့်ပေလော။
ဘယ်ကျော်သည် သေရည်သေရက်ကို ရံဖန်ရံခါသာသောက်သုံးလေ့ရှိပြီး ဘယ်ကျော်ခယ်မ၏ ခင်ပွန်း
သည်မှာမူ နေ့စဉ်လိုလို မှီဝဲပါသည်။ ထို့ကြောင့် အရက်သောက်လေ့သောက်ထမရှိသော ဘယ်ကျော်ကို 
သား ဟု မခေါ်ချင် ဖြစ်နေလေသလော။

ဘယ်ကျော်၏ အမည်ရင်းမှာ မီးလောင်ကုန် ဖြစ်သည်။
တရွာလုံးမီးလောင်ပြာကျသည့်အချိန်၌ မွေးဖွါးသည့်အတွက် မီးလောင်ကုန် ဟူသည့်အမည်ကို ရရှိခဲ့သည်။
ဘယ်ကျော်၏ဇနီးသည်အမည်မှာ မထွက်ပြေး ဖြစ်သည်။
ပြေးရင်းလွှားရင်းဖြင့် လူ့လောကထဲသို့ ရောက်လာသောကြောင့်ဖြစ်သည်။
ဘယ်ကျော်၏ခယ်မအမည်မှာ ပါဝါစိန် ဖြစ်သည်။ ကရင်ဇာတ်လောကတွင် နာမည်ကြီး မင်းသားတလက်
ဖြစ်ခဲ့သည့် လူရွှင်တော်မောင်ကျော်သနပ်ခါး(မာန်စ၀်သ်ုနာခါ့) ဇာတ်ကနေစဉ်မွေးဖွါးသောကြောင့် ဖြစ်
သည်။
ထိုဇာတ်သည် နောင်တပွဲ(ဏံင်းတ်ုပွဲါ) ထီဖိုးစံ(ထီ့ဖေါဟ်စင်) နယ်တ၀ိုက်သာမက ကေါ့ကရိတ်တနယ်လုံး
နာမည်ကြီးသော ဇာတ်အဖွဲ့ဖြစ်သည်။

ဘယ်ကျော်၏ ယောက္ဖညီအစ်ကို(ဘယ်ကျော်၏ဇနီးသည်၏ အစ်မခင်ပွန်း) အမည်မှာ စိန်စတင်းဖြစ်သည်၊
သူ့ကို တိုက်ပွဲများကြားပြေးလွှားပုန်းရှောင်ရင်း အင်္ဂလိပ်လုပ် စက်သေနတ်ဖြစ်သည့် စတင်းဂန်း Sten Gun
ကို သူ၏မိခင်ရေမွှာပေါက်ချိန်၌ ကျည်ကွယ်ရာသစ်ပင်အောက်တွင်တွေ့ရှိသဖြင့် ထိုသေနတ်ကိုအစွဲပြုကာ
စိန်စတင်း ဟုခေါ်ဆိုခြင်းဖြစ်ပြီး ဆိုင်းဆရာ စိန်စတင်းကို အကြောင်းပြု၍ခေါ်ဆိုခြင်းမဟုတ်ချေ။

ထိုထက် ဘယ်ကျော်အခံရခက်သည်မှာ ဘယ်ကျော်ကို ကျေးနယ်တနယ်လုံးက ဘယ်ကျော်ဟုခေါ်နေ
ကြသော်လည်း ယောက္ခထီးကြီးက နာမည်ရင်း မီးလောင်ကုန် ဟုခေါ်ဆိုခြင်းသည် ဘယ်ကျော်၏အောင်
မြင်ကျော်ကြားမှုအပေါ် အသိအမှတ်မပြုခြင်းဖြစ်သည်ဟု ဘယ်ကျော်ခံစားရ၍ဖြစ်သည်။

ထို့ကြောင့် ဘယ်ကျော်သည် ယောက္ခထီး၏ အပြုအမူအပေါ် လုံးဝမကြေနပ်သော်လည်း အောင့်အည်းနေ
ထိုင်လာခဲ့ရာမှ သမီးဖြစ်သူက အဖေ ဦးကြီးကို ဘိုးဘိုးက သား လို့ခေါ်ပြီး အဖေ့ကိုကျတော့ ဘာကြောင့်
သား လို့မခေါ်တာလဲဟင် ဟုမေးလာသောကြောင့်လည်းဖြစ်သည်။
ထို့ကြောင့်ဘယ်ကျော်သည် ပြဿနာကို ရှင်းရမည်ဟု အတွေးပေါက်လာပြီး ယောက္ဖညီအစ်ကိုထံသို့ အ
ရက်အတူသောက်ရန် အချိန်းအချက်လုပ်လိုက်သည်။
ဘယ်ကျော်ရောက်သွားချိန်၌ အားလုံးအဆင်သင့်ဖြစ်နေသည် အရက်ပုလင်းနှင့် ဟင်းရွက်များ အသား
ပြုတ်များ ဟင်းလျှာများအပြင် ထမင်းဝိုင်းကိုပြင်ထားသဖြင့် အရက်ဝိုင်း နှင့်မတူပဲဖြစ်နေသည်။

အရက်ပုလင်းတွင်အရက် တပိုင်းသာရှိသဖြင့် ဘယ်ကျော်က 
ကိုစတင်း အရက်နည်းတယ်ဗျာ။
ထပ်ယူရအောင် ဟုပြောသောအခါ
ဘယ်ကျော် မင်းဟာ ငါ့ညီနော်။
ပြီးတော့ မင်းက အရက်ကို တခါတလေမှသောက်တာ အရက်ကျွန်မဖြစ်ချင်ပါနဲ့ကွာ။
ဟုပြောသဖြင့် ဘယ်ကျော်က

ဟာ ကိုစတင်းကလည်း လုပ်တော့မယ်၊ အရက်တောင်မသောက်ရသေးဘူး၊ အရက်ကျွန်ဖြစ်မယ်လေးဘာ
လေး လုပ်နေပြီ။
ကျနော်က တခါတလေ သောက်တာ ကိုစတင်းက နေ့တိုင်းချတာ။
အရက်ကျွန်ုဖြစ်တာ
ခြင်းအတူတူ ကိုစတင်းပဲ ဖြစ်မှာပေါ့ဗျာ။
ကျနော်က အလွန်ဆုံး အရက်သမားလို့ နာမည်တပ်ခံရယုံပဲရှိမှာဗျ။

ကဲ ဘယ်ကျော် အရက်သောက်ရင်း အရက်ကျွန်နဲ့ အရက်သမားကို ငါခွဲပြမယ်၊ ဟုပြောဆိုကာ အရက်
သောက်ခြင်းအမှုကို စတင်လိုက်ကြပါတော့သည်။

အရက်ကျွန်ဆိုတာ မင်းတို့နားလည်ထား သိထားတာတွေက အရက်ကိုနေ့တိုင်းသောက်ရမှသွားနိုင်၊ လာ
နိုင်၊ လုပ်နိုင် ကိုင်နိုင်တဲ့လူမျိုးကိုမှ အရက်ကျွန်။
မူးပြီး လမ်းပေါ်ပေါက်တတ်ကရတွေ ဆဲရေးတိုင်းထွာမယ်၊ လူတွေကိုတွေ့လျင် မိုက်ကြေးခွဲမယ်၊ အရက်
အတင်းတိုက်ခိုင်းမယ်၊ အရက်မတိုက်ရင် ရန်ရှာမယ် အဲဒါကို အရက်သမားလို့ ထင်နေကြတာကိုး။
အဲဒါအမှတ်မှားနေကြတာ။
အရက်ရဲ့ကျေးကျွန်ဆိုတာ မသောက်ရလျင်မနေနိုင်တာနဲ့ အရက်မူးလျင်ရမ်းတဲ့လူ မှန်သမျှ အရက်ရဲ့ကျေး
ကျွန်ပဲ။
အရက်သမားဆိုတာက ဘယ်သူ့ကိုမျှ ရန်မရှာဘူး။
သူ့အလုပ်သူလုပ်မယ်။
ရန်ရှာလာတဲ့လူကိုလည်း အေးအေးဆေးဆေးပြောဆိုဖြောင်းဖျတတ်ပြီး တဘက်လူက ကိုယ်ထိလက်
ရောက်ကျူးလွန် လာမယ်ဆိုလျင်လည်း ပြန်ပြီးကာကွယ်နိုင်တာမျိုးကမှ အရက်သမားကွ။
အရက်ရဲ့ကျေးကျွန်တွေကျတော့ တဘက်လူ ကရန်ပြုလာပြီဆိုလျင် ဘာမျှမကာကွယ်နိုင်ဘူး။
ပိုမူးတဲ့လူက ပိုခံရတာပဲမဟုတ်လား။
ကဲ ထမင်းစားကြမယ်၊ ရော့ လက်ဆေးရေ။

ဘယ်ကျော်မမူးပါ၊ အရက်တပိုင်းကို နှစ်ယောက်သောက်၍ ဘယ်ကျော်မမူး။ ဘယ်ကျော်မူးချင်သည်။
အရက်မူးမှ ယောက္ခထီးအား သူ့ကိုဘာကြောင့် သား ဟုမခေါ်သနည်း ဟူသောမေးခွန်းကိုမေးမည်။
ထို့ကြောင့် စိန်စတင်း အား

ကျနော်ထမင်းမဆာသေးဘူး။
အကိုတို့သာ စားကြပါ။
ကျနော်အိမ်ပြန်တော့မယ်။
 ဟုပြောဆိုပြီး ထွက်လာခဲ့သည်။
ဘယ်ကျော်သည် စိန်စတင်းအိမ်မှထွက်လာပြီးနောက် အရက်ရောင်းသည့် ဦးလောင်ခြာအိမ်သို့သွားပြီး အ
ရက်တပုလင်းဝယ်ကာ ထိုင်သောက်နေလိုက်သည်။
ဦးလောင်ခြာကို ရန်ကုန်တွင်မွေးသည်။ ရန်ကုန်သို့ရွှေတိဂုံဘုရားဖူး သွားကြစဉ် မိခင်ဖြစ်သူက ကုလားများ
ဆွဲသည့် လန်ခြားပေါ်တွင်မွေးသဖြင့် လန်ခြား ဟုခေါ်ဆိုသမုတ်သော်လည်း လန် ဆိုသည့်သရသံကို ပီသ
စွာ မထွက်တတ်သော ကရင်များပီပီ လန် ဆိုသော အသံကို လောင် ဟုထွက်သဖြင့် လန်ခြား မှ လောင်ခြာ
ဖြစ်သွားခြင်းဖြစ်သည်။

ဦးလောင်ခြာအိမ်မှ ထွက်လာသောအခါ ဘယ်ကျော်အတော်ကလေးပင် မူးနေပေပြီ၊ ဘယ်ကျော်အတွက်
ဤမျှလောက်သောအရက်ကလေးသည် ခြေပေါ့လက်ပေါ့ ခြေသွက်လက်သွက် သာသာမျှဖြစ်သည်။
ယောက္ခထီးအိမ်ရှေ့သို့ ရောက်သည်နှင့်
ငါ့ယောက္ခထီးကြီး ရှိသလား။
စာရင်းရှင်းချင်လို့။

ဘယ်ကျော်၏ အာလေးလျှာလေးအသံကြောင့် ယောက္ခမဖြစ်သူထွက်လာပြီး
သား။
မင်းအဖေ ဘုရားရှစ်ခိုးနေတယ်။
တိုးတိုးလုပ်ပါ။

ဘာဖြစ်လို့ တိုးတိုးလုပ်ရမှာတုန်း အမေရ။
သူကျုပ်ကို သားလို့မခေါ်တာ ကျနော့မှာဘာအပြစ်ရှိလို့လဲ။
စိန်စတင်း ကို သား လို့ခေါ်သလို ကျ နော့ကို မခေါ်တာဘာကြောင့်လဲ။
ကျနော် သိချင်တယ်။ ကျနော် အရမ်းသိချင်တယ်။

ပြောပြောဆိုဆို ဘယ်ကျော်သည် အိမ်ပေါ်သို့တက်လာပြီး ဘုရားဆောင်ရှေ့၌ ဘုရားရှစ်ခိုးနေသည့် ဖါ့ထီ
လူ ရှိရာသို့သွားပြီး 
ယောက္ခမကြီး စာရင်းရှင်းမယ်။
ဘုရားရှစ်ခိုးတာရပ်လိုက်။
ဟုပြောပြီး ခါးထောက်လျှက် ရပ်နေပါသည်။ ဖါ့ထီလူသည် ဘုရားဦးချပြီးနောက် ဘယ်ကျော်ကို မော့ကြည့်
ကာ 
မီးလောင်ကုန် မင်း သိပ်မူးနေပြီ။
ကိုယ့်အိမ်ကိုယ်ပြန်ပြီး အေးအေးဆေးဆေးနေ။
မနက်ဖြန်ကျမှ လာခဲ့။
မင်းကို ဘာ့ကြောင့် သား လို့မခေါ်ရတာလဲဆိုတာကို ငါရှင်းပြမယ်။
မင်း ပြန်တော့။

ဖါ့ထီလူသည် ဘယ်ကျော်ကိုထိုသို့ပြောအပြီးထိုင်နေရာမှထရပ်ကာ အိပ်ခန်းထဲသို့ဝင်မည်အပြု ဘယ်ကျော်
က နောက်မှနေ၍ ဖါ့ထီလူ၏လည်ပင်းကို ဖမ်းချုပ်မည်ပြုစဉ် ဘယ်ကျော်၏ညာဘက်မျက်ခုံးဆီသို့ ဖါ့ထီလူ
၏တံတောင် ၀င်လာသည်ကိုသာသိလိုက်ပြီး ဘယ်ကျော်တယောက် အရက်မူးနေသောအရှိန် ဖါ့ထီလူကို
လှမ်းပြီး ဖမ်းချုပ်လိုက်သည့်အရှိန်နှင့် ဒေါသအပြည့်ပါသော ဖါ့ထီလူ၏တံတောင်ကြောင့် မိုက်ကနဲဖြစ်ကာ
မှောက်သွားခဲ့ခြင်းဖြစ်သည်။

ဘယ်ကျော် အိမ်ရှေ့မှာ အဖေရောက်နေတယ်။
နင့်ကို မေးနေတယ်။
ဟု ဇနီးသည်က အိပ်ခန်းအတွင်းလာပြောလေသည်။ ဘယ်ကျော်မျက်နှာပူသည်၊ ယောက္ခထီးကိုမတွေ့ရဲပါ။
မျက်လုံးတဘက် ယောင်ကိုင်းညိုပုတ်နေပြီး မျက်လုံးပိတ်မတတ်အနေအထားဖြင့် ထွက်တွေ့ရမည်ကို ရှက်
ရွံ့နေသဖြင့်
ငါမတွေ့ချင်ပါဘူးဟာ
ဟုပြောလိုက်သည်နှင့် ယောက္ခထီးဖြစိသူက အိပ်ခန်းအတွင်းသို့ တန်းဝင်လာပြီး

ရော့ မင်းအတွက် ငါ ဆီမန်းယူလာပေးတာ။
ကြတ်ထုပ်ထိုးနေရုံနဲ့ သက်သာမှာမဟုတ်ဘူး။
မင်းအမူးပြေပြီဆိုလျင် မနေ့က မင်းသိချင်တဲ့အကြောင်းကို ငါရှင်းပြမယ်။
အိမ်ရှေ့ထွက်ခဲ့။ ဟုပြောကာ အိမ်ရှေ့သို့ ထွက်သွားပါတော့သည်။
ဖါ့ထီလူ၏ကျောပြင်ကိုငေးကြည့်လျှက် ချီတုံချတုံဖြစ် နေရာမှ ပြဿနာကိုရှင်းရန် ဆီမန်းနှင့်မြေအိုးစ
လောင်းဖုံးကိုယူကာ အိမ်ရှေ့သို့ထွက် လာပါတော့သည်။
ပက်လက်ကုလားထိုင်ပေါ်တွင်ထိုင်နေသည့် ဖါ့ထီလူ၏အနီး၌ မထွက်ပြေးနှင့်သားငယ်တို့ ထိုင်နေကြသည်။ သမီးကြီးက သူ့ဝမ်းကွဲများနှင့်ဆော့နေသည်။ ဘယ်ကျော်သည် ဖါ့ထီလူ၏ခြေရင်းတွင်ထိုင်ကာ စီယင်ချက်
အချခံရမည့် ပြစ်မှုကျူးလွန်သည့်တရားခံသဘွယ် ခေါင်းငုံ့နေသည်။

မီးလောင်ကုန်။
မင်းကို ဘာကြောင့် သား လို့မခေါ်ရတာလဲဆိုတာ သိချင်တာကို၊ ရှင်းမပြခင် မင်းကို ငါအရင် မေးမယ်။
မထွက်ပြေးဟာ ဘယ်သူ့ဇနီးလဲ။
ကျနော့ဇနီးပါ။

မထွက်ပြေးဟာ ဘယ်သူ့သမီးလဲ။
အဖေ့သမီးပါ။

မင်းရဲ့သမီးကြီးက ဘယ်သူ့သမီးလဲ။
ကျနော့သမီးပါ။

သားကော။
ကျနော့သားပါ။

ဘယ်သူ့မြေးတွေလဲ။
အဖေ့မြေးတွေပါ။

အဲဒီတော့ မင်းအဖြေရပြီလို့ ငါထင်တယ်။
ငါပြန်မယ်။ 

ဟုပြောကာ ချက်ခြင်းပင်ပြန်သွားပါတော့သည်။ ဘယ်ကျော်သိလိုက်ရချေပြီ။ အသိနောက်ကျသည် ဟုမ
ဆိုနိုင်သော်လည်း အချိန်ကာလကြာညောင်းခဲ့လေပြီ။

မထွက်ပြေးရေ ညနေကျရင် ငါတို့ အဖေတို့အိမ်သွားပြီး အဖေနဲ့အမေတို့ကို ကန်တော့ကြရအောင်။
ဟုပြောလိုက်ရာ မထွက်ပြေးသည် ပြုံးလျှက် ကန်တော့ပွဲများကို ပြင်ဆင်လေတော့သည်။
ကန်တော့ပွဲ ဟုဆိုရာ၌ ကွမ်းရွက်၊ ကွမ်းသီး၊ ထုံး၊ ဆေးရွက်ကြီး၊ အနည်းငယ်စီနှင့် နံနွင်းမှုန့်ဖြင့်ဖျော်ထား
သည့် ရေတခွက်သာဖြစ်သည်။
လွန်ခဲ့သည့် ၂ရက် သီတင်းကျွတ်နေ့က ယောက္ခထီး ယောက္ခမများကို သွားရောက်ကန်တော့ခဲ့သည်များ
ကို ဘယ်ကျော်တယောက် ပြန်လည်အမှတ်ရမိသည်။

အဖေ ကျနော်တို့ အဖေနဲ့အမေတို့ကို လာကန်တော့တာပါ။
ကျနော့မိန်းမကို အဖေကြိုက်တတ်တဲ့မျှစ်ကို ကြက်ဥ နဲ့ ကြာ်ဘို့ပြောတာ သူက ဒီအတိုင်းပဲကြော်ထား
တယ်။
ကျနော့ သမီးက အဖေပုံပြောပြတာ နားထောင်ချင်တယ်ဆိုလို့ ဒီည ကျနော်တို့သားမိသားစု အဖေ့အိမ်မှာ
အိပ်ကြမယ်။

ယခုတော့ အသုံးအနှုန်းကိုပြောင်းရပေတော့မည် အဘယ်ကြောင့်ဟူမူ ဘယ်ကျော်သုံးစွဲပြောဆိုခဲ့သော
နာမ်စား စကားလုံးများသည် နွေးထွေးမှုကိုသော်လည်းကောင်း ချစ်ခင်ကြင်နာမှုကိုသော်လည်းကောင်း
နီးစပ်ဆက်နွယ်မှုကိုသော်လည်းကောင်း သွယ်ဝိုက်သောအားဖြင့် မိသားစုကြား ကင်းကွာစေသည့်သ
ဘောမျိုး သက်ရောက်နေသောကြောင့်ဖြစ်သည်။

ဘယ်ကျော်သည် ဖါ့ထီလူ၏ အိမ်ရှေ့သို့ရောက်သည်နှင့်
အမေရေ အဖေရှိလား။
 ဟုလှမ်းခေါ်လိုက်ပါသည်။

အေး ရှိတယ်။ လာခဲ့ကြ လာခဲ့ကြ။ ဘာကိစ္စတုန်း။
အဖေနဲ့အမေတို့ကို သားတို့လာကန်တော့တာပါ။

ဖါ့ထီလူသည် မျက်မှန်အောက်မှ မျက်လုံးကိုပင့်လျှက်
ဟေ ဘယ်လိုဖြစ်တာလဲ။
မနေ့တနေ့ ကပဲလာကန်တော့တယ်၊ အခုလာပြန်ပြီ။
ဘာပြုလို့တုန်း။

ဘယ်ကျော်နှင့်မိသားစုတို့သည် လက်အုပ်ချီလျှက်မှ
အဖေ့ကိုတောင်းပန်မလို့ပါ။
မနေ့ညက အဖေ့ကို သား စော်ကားမိတာကို ခွင့်လွှတ်ပါအဖေ။
အဖေ့သမီးကိုလည်း မနက်ဖြန်ခါကျမှ အဖေကြိုက်တတ်တဲ့ မျှစ်နဲ့ကြက်ဥကို ကြော်ပြီး သားတို့အဖေ့အိမ်မှာ
ထမင်းလက်ဆုံလာစားပါဦးမယ်။
အဖေ့မြေးတွေနဲ့အတူ သားတို့အားလုံး အဖေတို့အိမ်မှာပဲလာအိပ်မယ်။
အဖေ့မြေးတွေကို ပုံပြောပြဘို့ အခုကတည်းကစဉ်းစားထားနော်။

ဘယ်ကျော်သည် ထိုသို့ပြောပြီးနောက် ဦးချကန်တော့လိုက်သည်နှင့် ဖါ့ထီလူသည် ဘယ်ကျော်၏ ငယ်ထိပ်
ကို ပွတ်လျှက်

အေးပါ.... သားရယ်။ အေးပါ.... အေးပါ....။ ဟု ဆိုလိုက်လေသတည်း။

ကျန်းမာချမ်းသာကြပါစေ။

မင်းစိုးစံ
(အဝေးရောက် ကရင်ဒုက္ခသည်တဦး)