Saturday
ဂဠုန်နီဆရာတော် (မန္တလေးမြို့)
By မောင်ကိုကို (အမရပူရ)
၂၀၁၃၊ နိုဝင်ဘာလထဲတွင် မန္တလေး မဟာမုနိဘုရားကြီးအနီး၊ ဓမိ်္မကာရာမတိုက်၊ ငွေငါးကျောင်းတိုက်မှ ဓမ္မ
ကထိက ဘဒ္ဒန္တကာဝိယ (ဂဠုန်နီဆရာတော်)ကို တွေ့ဆုံခဲ့ပါသည်။
ဂဠုန်နီဆရာတော်သည် ၁၉၈၈အရေးတော်ပုံတွင် မန္တလး၌ ဂဠုန်နီစစ်ကြောင်းကို ရဲရဲတောက်ဦးဆောင်လှုပ်ရှားခဲ့
၏။ ၁၉၈၈ အရေးတော်ပုံအပြီးမှာ ဂဠုန်နီဆရာတော်သည် ထောင်ကျသွားခဲ့ရာ ၂၀၀၇ မှပြန်လည်လွတ်မြောက်
လာခဲ့၏။ ဂဠုန်နီဆရာတော်သည် ၁၉၈၈မှာ နိုင်ငံရေးစင်မြင့်၌ တရားဟောကောင်းလှ၏။
ဆရာတော်၏အသံကို မကြားရတာအတော်ကြာပြီ။
၁၉၈၈ အရေးတော်ပုံကို ကျုပ်က မန္တလေးတင်မဟုတ်ဘူး။ အထက်မြန်မာ ပြည်ကို ကျုပ်ဦးဆောင်တာ။
ကျုပ် အုပ်ချုပ် တာ။ မဆလ ပါတီလို့ခေါ်တဲ့ မြန်မာ့ ဆိုရှယ်လစ်လမ်းစဉ်ပါတီပြုတ်ကျရေး အတွက် ကျုပ်တို့တရား
ဟောတာ။
၁၉၈၈ အရေးတော်ပုံမှာ တစ်ပါတီစနစ်၊ အာဏာရှင်စနစ်ပြုတ်ကျရေးအတွက် လှည်းနေ လှေအောင်းမြင်းဇောင်းမ
ကျန် ပါဝင်လာအောင် ကျုပ်ကနိုင်ငံရေးတရားတွေဟောတာ။
နိုင်ငံရေးတရားတွေဟောရာမှာ ဘယ်လောက်အဟောကောင်းတဲ့လူဖြစ်ပါစေ။ ကျုပ်ရဲ့နောက်မှာဟောလို့ကတော့
နားထောင်မယ့်လူမရှိတော့ဘူးမှတ်ပေတော့။
ကိုလေး (အင်းဝဂုဏ်ရည်)လည်း ကျုပ်နောက်မှာ ဟောလို့ကတော့သူရှေ့မှာ လူမရှိတော့ဘူးမှတ်ပါ။
အဲဒီတော့ ၁၉၈၈ အရေးတော်ပုံကာလမှာ ကျုပ်ကိုနောက်ဆုံးထားရတယ်။
ပရိဿတ်ကကျုပ်မဟောမချင်း ထိုင်စောင့်နေတာပဲ။
ကျုပ်တို့က ဂဠုန်နီစစ်ကြောင်း၊ ဂဠုန်နီစာစောင်လည်း ထုတ်ဝေတယ်။ ရောင်းမလောက်ဘူး။
ဂဠုန်နီစာစောင်ကိုတော့ ကျုပ်က စစ်ငြိမ်းအေးကိုလုပ်ခိုင်းတာ။ ကျုပ် ၀င်မပါဘူး။ ၀င်မရေးဘူး။
ဟုတ်တယ်။
စစ်ငြိမ်းအေးက ၁၉၈၈ အရေးတော် ပုံအပြီးမှာ စစ်တပ်အာဏာသိမ်းတော့ အိနိ်္ဒယဘက်ထွက်ပြေးတိမ်းရှောင်ရ
တယ်။
ကျုပ်က ၁၉၈၈ မှာအုပ်ချုပ်ရေးပိုင်းလည်း ကိုင်ရတယ်။ ခရီးသွားလာရေးတွေမှာ ကျုပ်ကကိုင်တွယ်ရတယ်
မီးရထား၊ မော်တော်ကားလိုင်းတွေကိုလည်း စီမံအုပ်ချုပ်တယ်။
၁၉၈၈မှာ မင်းမဲ့စရိုက်တွေမထွန်းကားအောင် အထက်မြန်မာပြည်ကို ကျုပ်စီမံအုပ်ချုပ်တယ်။
ဂဠုန်နီဆရာတော်ဟေ့ဆိုရင် တုတ်တုတ်မှ မလှုပ်ရဲကြဘူး။
သူခိုး၊ သူဝှက်မရှိအောင်၊ လုတာယက်တာမရှိအောင်၊ ဆန်ဂိုဒေါင်ဖောက်တာမရှိအောင် ကျုပ်က အုပ်ချုပ်တယ်။ မင်းမဲ့စရိုက်အပြုအမူမျိုးကို ကျုပ်ကလက်မခံဘူး။ အစိုးရကို ပုန်ကန်တယ်။ အစိုးရကို ပြုတ်ကျအောင်တော်လှန်တယ်ဆိုတာက ၂၆ နှစ်လုံးလုံး မကောင်းတဲ့အစိုးရမို့လို့ ကျုပ်တို့ကတော်လှန်
ပုန်ကန်တာ။ ကျုပ်က လယ်သမားမျိုးရိုးကဆင်းသက်တာ။
မဆလ အစိုးရလက်ထက်မှာ လယ်သမားတွေကအစိုးရဆီမှာ စပါးသွင်းရတယ်။
လယ်ကနေစပါးမထွက်လည်း အစိုးရတောင်းတဲ့ စံနှုန်းပြည့်အောင်သွင်းရတယ်။
မသွင်းနိုင်တဲ့လယ်သမားကို ရွာထိပ်မှာ ကြိုးတုပ်ထားတယ်။ ရိုက်တယ်။ နှက်တယ်။
ပြီးတော့ လယ်သမားကို အချုပ်ထဲသွင်းတယ်။ နောက် ထောင်ချပစ်တယ်။
ဒါတွေဟာ ကျုပ်မိဘ၊ ကျုပ်ဆွေမျိုးရှိတဲ့ နယ်ပယ်မှာတင် ဖြစ်နေတာမဟုတ်ဘူး။ မြန်မာနိုင်ငံတစ်နိုင်ငံလုံးရဲ့ ဆင်း
ရဲသားလယ်သမားတွေအားလုံးဟာ အနှိပ်စက်ခံရတယ်။ ထောင်ထဲရောက်ကုန်ကြတယ်။
မြို့ပေါ်မှာလည်း အခြေခံလူတန်းစားဟာ စုတ်ပြတ်နေအောင်ခံရတာပဲ။ ၁၉၈၈ မှာ ကျုပ်တရားဟောတော့ အဲဒါ
တွေထည့်ဟောတာပေါ့။
၁၉၈၈ အရေးတော်ပုံကာလမှာ ကျုပ်ကဆွမ်းတောင် နပ်မှန်အောင်မစားဖြစ်ဘူး။ နယ်လှည့်တရားဟောတာ။
ညတစ်နာရီခွဲအထိ နေ့တိုင်းတရားဟောတာ။
၁၉၈၈၊ စက်တင်ဘာ ၁၈ မှာ စစ်တပ်က အာဏာ သိမ်းတယ်။ ပစ်တယ်။ ခတ်တယ်။ သေတယ်။
ဦးပွား ဘုရားအနီး ရေစင်ကွေ့မှာပစ်တယ်။ ကျုပ်တို့ရဲ့ဂဠုန်နီက စက်တင်ဘာ ၂၃ အထိအောင်ဆန္ဒပြတာ။
ကျုပ်လည်း ကျုပ်ကျောင်းမှာနေရင် အဖမ်းခံရတော့မှာ။ နောက်တော့ ရွှေလီဘက် သွားတိမ်းရှောင်နေတယ်။
ကျုပ် ဒကာ၊ ဒကာမနဲ့ပတ်သက်တဲ့အိမ်မှာနေတာ။ အဲဒီမှာရောက်ပြီးမှ အတူလာတဲ့ကောင်က ပြန်သွားတယ်။
ဒီကောင်က နိုင်ငံရေးသမားထဲကမဟုတ်ပါဘူး။ ကျုပ် ဒကာ၊ ဒကာမအိမ်မှာ ကားမောင်းတဲ့ကောင်ပါ။
ဒီကောင်ကပဲစစ်ထောက်လှမ်း ရေး (၁)ကိုသတင်းပေးလိုက်တာ။ ဂဠုန် နီဆရာတော် ရွှေလီမှာရှိတယ်ဆိုပြီး။ အဲဒီသတင်းပေးတဲ့ကောင်ကငွေနှစ်ဆယ့် ငါးသိန်းရသွားတယ်လေ။ စစ်ထောက်လှမ်းရေးတွေ လိုက်လာတယ်။
ကျုပ်ဆက်ပြီးတိမ်းရှောင်ရင် ကျုပ်ရဲ့ဒကာ၊ ဒကာမအဖမ်းခံရမယ်ဆိုတာ ကျုပ်သိတယ်။
စစ်ထောက်လှမ်းရေးက ဖမ်းဖို့မဟုတ်ပါဘူးတဲ့။ မန္တလေးပြန်လိုက်ခဲ့ပါ။ ကျောင်းမှာသတင်းသုံးသုံး၊ အိမ်မှာသတင်း
သုံးသုံးအဆင်ပြေပါတယ်။ အနှောင့် အယှက်မပြုပါဘူး။ မန္တလေးကိုပြန်လိုက်ခဲ့ပါဆိုပြီး ထောက်လှမ်းရေးက ညာ
ခေါ်တာ။ ကျုပ်လည်း မန္တလေးကိုထောက်လှမ်းရေးနဲ့ ပါသွားတာပေါ့။
မန္တလေးရောက်တော့ နန်းတွင်းထဲတန်းပို့တော့တာပဲ။ စစ်ကြောရေးနဲ့ ရင်ဆိုင်ရတော့တာပဲ။ မရိုက်မနှက်ပါဘူး။
သုံးညတော့ မိုးအလင်းနေရတယ်။ မအိပ်ရဘူး။ စစ်ထောက်လှမ်းရေးတွေက ညဆိုရင်မူးမူးရူးရူးနဲ့ လာစစ်တယ်။
ကျုပ်ရှုံးနိမ့်ပြီလား။ တရားကတော့ နိုင်လိမ့်မယ်။ ကျုပ်က ဂဠုန်နီဆရာတော်ပဲ။ ကျုပ်အညံ့မခံနိုင်ဘူး။
ကျုပ်ကရန်သူ စစ်အစိုးရရဲ့လက်အောက်မှာ ဒူးမထောက်ဘူး။ ကျုပ်ကိုဖမ်းမိတာ။ စိတ်ဓာတ်ကို နှိပ်စက်တာနဲ့ပဲ
ကျုပ်ရှုံးနိမ့်ပြီလား။ ကျုပ် မရှုံးနိမ့်ပါဘူး။ ကျုပ်ယုံကြည်မှုအတွက် စစ်အစိုးရကို ဒူးမထောက်သမျှ ကျုပ် မရှုံးနိမ့်ပါ
ဘူး။ ကျုပ်ကိုရုံးတင်တယ်။ ကျုပ်ကိုထောင်ချဖို့ အစိုးရရှေ့နေတို့၊ တရားသူကြီးတို့က သက်သေတွေရှာရတယ်။
ကျုပ်က တရားသူကြီးကိုပြောတယ်။ ကျုပ်ကိုထောင်ချမှာမဟုတ်လား။ ထောင်ချလိုက်ပါ။
ကျုပ်က နောက်ကြောင်းမပြန်ပါဘူး။ ခင်ဗျားတို့ကို တစ်ချိန်မှာလည်း ပြန်မလုပ်ပါဘူးလို့ တရားသူကြီးကို ပြော
တယ်။ ထောင်ကျတယ်။
၁၉၈၉၊ မတ်လ ကနေ ဖမ်းမိခဲ့တာ။ ၂၀၀၇ အထိထောင်ထဲမှာနေခဲ့ရတယ်။ ထောင်ထဲမှာ အစာ ငတ်ခံတိုက်ပွဲ
နှစ်ကြိမ်ဝင်ဖူးတယ်။ စာ ဖတ်ခွင့်၊ စာအုပ်သွင်းခွင့်၊ အပြင်ထွက် လမ်းလျှောက်ခွင့်၊ အားကစားလှုပ်ရှားမှု လုပ်ခွင့်
အတွက်တောင်းဆိုတာ။
အိုင်စီ အာရ်စီလာတော့ စာဖတ်ခွင့်မှာ စာအုပ် အစုံရလာတယ်။ ကျုပ်တို့နိုင်ငံရေးသမား ဆိုရင် နိုင်ငံရေးနဲ့ပတ်
သက်တာဖတ်ခွင့်ရဖို့ အိုင်စီအာရ်စီကစာအုပ်တွေပါသွင်းပေးတယ်။
ကျုပ်ကို ထောင်ဝင်စာတွေ့သူမရှိဘူး။ ကျုပ်က အရေးတော်ပုံကာလမှာ လှည့်တရားဟောနေတာကိုး။
အပြင်မှာရင်းနှီးသူသိပ်မရှိခဲ့တော့ ထောင်ဝင်စာလာတွေ့သူမရှိဘူး။
ထောင်ဝင်စာလာမတွေ့လည်း ကောင်းတာပေါ့။ ထောင်ဝင်စာလာတွေ့ရင် တွေ့သူကို ကျေးဇူးတင်နေရဦးမှာ။ ကျုပ်ရဲ့ ထောင်ထဲမှာနေထိုင်မှုက တရားနဲ့နေတာ။ ရဟန်းဆိုတာ ဘယ်လိုနေရနေရ ဘာမှမဖြစ်ပါဘူး။ ကျုပ်တရားနဲ့ ကျုပ်နေတာ။ ထောင်ထဲမှာပဲနေနေ၊ အပြင် မှာပဲနေနေ သေသွားနိုင်တာပဲမဟုတ်လား။
ထောင်ထဲမှာမှ သေနိုင်တာမဟုတ်ပါဘူး။
အပြင်မှာလည်း နှလုံးသွေးရပ်ပြီး သေနိုင်တယ်။ ကားတိုက်သေနိုင်တယ်။
ထောင်ထဲမှာနေရတော့ ဘယ်သူနဲ့မှမတွေ့ရဘူး။ စိတ်တောင်ချမ်းသာသေးတယ်။ အကုသိုလ်လည်းမပွားရဘူး။
တရားလုပ်ရမယ့် နေရာမှာတရားလုပ်မယ်။ နိုင်ငံရေးလုပ်ရမယ့်နေရာမှာ နိုင်ငံရေးလုပ်မယ်။ ကျုပ်က ထောင်ထဲမှာတရားဟောတယ်။ ညဆိုတိုက်ထဲကနေမတ်တတ်ရပ် ဟောတာ။ ကျုပ်အသံကအကျယ်ကြီး။ ဟိန်းထွက်နေတာ။
ကျုပ်ကထောင်ထဲမှာ နိုင်ငံရေးတရားမဟောဘူး။ ဘုရားဟော ပါဠိတရားတော်ကိုဟောတယ်။ ပရိတ် ရွတ်တယ်။ ပဋ္ဌာန်းရွတ်တယ်။ ထောင်ထဲမှာ နိုင်ငံရေးသမားထဲကဘုန်းကြီးရော၊ လူရောကြောင်သွားသူတွေရှိတယ်။
ကျုပ်ရဲ့ စိတ်ဓာတ်ကတော့ မပျက်ယွင်းခဲ့ဘူး။ ရူးသွားတဲ့လူတွေအများကြီးရှိတယ်။
လွှတ်ပေးမယ်။ နိုင်ငံရေးမလုပ်ပါဘူး။ လက်မှတ်ထိုးရမယ်တဲ့။ မကြာမကြာ လာစည်းရုံးတယ်။
နိုင်ငံရေးသမားထဲက လက်မှတ်ထိုးပေးလိုက်ပြီး လွတ်သွားတဲ့ လူတွေရှိတယ်။ ကျုပ်လက်မှတ်မထိုးဘူး။ မလွတ်ချင်နေ။ ကျုပ်ကရဲရဲတောက် ဂဠုန်နီဆရာတော်။ ကျုပ်က ဒိတ်ဒိတ်ကြဲ ဂဠုန်နီဆရာတော်။
ထောင်ထဲမှာ ထောင်ပဲကျတာ။ အပြင်ရောက်ရင် သိက္ခာကျမယ့်အလုပ် ကျုပ်မလုပ်ဘူး။
ကျုပ်က အားအားယားယားဆန္ဒပြ တာမဟုတ်ဘူး။ လယ်သမားစပါးတာဝန် မကျေလို့ လက်ပြန်ကြိုးတုပ်ခံရတယ်။
မဆလ ခေတ်မှာဖာဖြစ်သွားတဲ့မိန်းကလေး တွေအများကြီးပဲ။ ဒါတွေကို ကျုပ်မကျေ နပ်လို့ ဆန္ဒပြတယ်။
စစ်တပ်ကပုဒ်မ ၁၄၄ထုတ်ရင် ကျုပ်ကပုဒ်မ ၁၅၅ထုတ်ပစ်ခဲ့တာ။ ကျုပ်ရဲ့ဂဠုန်နီအဖွဲ့က စစ်ကြောင်းပေါင်း ၄၂
ကြောင်းရှိတယ်။ ၄၂ ကြောင်းကို ကျုပ်ကအုပ်ချုပ်ခဲ့တာ။ မဟုတ်တာလုပ်ရင် ခိုက်ရန်ဖြစ်သတ်ဖြတ်ရင် ကျုပ်က မီးလောင်တိုက်သွင်းပစ်မှာ။ လုံခြုံရေးကို ကျုပ်ထိန်းထားတာ။
ဂဠုန်နီကမြစ်ကြီးနားအထိ မူဆယ်နမ့်ခမ်းအထိရှိတာ။ ကျုပ် အုပ်ချုပ်တာ။
အဲဒီဂဠုန်နီဟာထောင်ထဲ ကလွတ်ချင်တာနဲ့တော့နာမည်အပျက် မခံနိုင်ဘူး။
ကျုပ်ကတော့ တိုင်းပြည်ဒုက္ခရောက်ရင်၊ လူထုဒုက္ခရောက်ရင်၊ ဘာသာဒုက္ခရောက်ရင် ၀င်ပါမှာပါ။
ကျုပ် မကြောက်ပါဘူး။ ရွှေဝါရောင်မှာ ကျုပ်မပါဝင်ပါဘူး။ ၂၀၀၇ ရွှေဝါရောင်နီးမှ ကျုပ်လွတ်တာ။
ကျုပ်ပင်ပန်းနေတယ်။ မောနေတယ်။ ထောက်လှမ်းရေးတွေလည်းချထားတယ်။
ရွှေဝါရောင်မှာနာမည်ကြီးအောင် မီဒီယာနဲ့ဆက်သွယ်ပြောဆိုပြီး လူထွက်မိန်းမယူသွားတဲ့ သံဃာမျိုး၊ နိုင်ငံခြားအ
ထောက်အပံ့ခံယူပြီး ပိုက်ဆံချမ်းသာအောင်လုပ တဲ့လူမျိုး၊ ဘုန်းကြီးမျိုး။ ကျုပ် မထောက်ခံဘူး။ ကျုပ် အထင်မကြီး
ဘူး။ လုပ်စားသွားတဲ့ကောင်ဆို မုန်းတယ်။
ပြောရဦးမယ်။ ကျုပ်ရဲ့အမှုကိုစစ်ဆေးခဲ့တဲ့အထဲမှာ သောကြာသား သုံးယောက်ပါတယ်။
စစ်ဘက်ကလူတွေ ကျုပ်ကိုစစ်ဆေးမေးမြန်းတုန်းက သူတို့သုံးယောက် အရက်သောက်ရင်း စစ်ဆေးမေးမြန်းတာ။ ဒုဗိုလ်မှူးကြီးသန်းထွန်း ဆိုတာပါတယ်။
ကျုပ်ကိုနောက်ဆုံးတော့ ဦးကာဝိယသေဒဏ်ဆိုပြီး ဒုဗိုလ်မှူးကြီးက အမိန့်ချလိုက်တယ်။
စာအိတ်ဖွင့်ပြီး ““သေဒဏ်”” ဆိုဖတ်ပြပြီး ထပြန်သွားတာ။
ကျုပ်ကိုကြိုးတိုက်ထဲပို့လိုက်တယ်။ ကျုပ်ကအယူခံမ၀င်ဘူး။
ကြိုးတိုက်ထဲမှာ ရှစ်ပေ၊ ဆယ့်သုံးပေအခန်းထဲမှာနေရတာ။ မ၀ရေစာစားရတာ။ ရေ ဆယ့်နှစ်ခွက်ပဲချိုးရတယ်။
နောက်အယူခံဝင်ရမယ် လုပ်ရော။ ကျုပ်က အယူခံမ၀င်ဘူး။ ကြိုးစင်တက်မယ်လို့ပြောတယ်။ တရားခံဘာပြောပြော တို့လုပ်ချင်ရာလုပ်မယ်ဆိုပြီး ဒုဗိုလ်မှူးသန်းထွန်းက ပြောသေးတာ။
ပြောရဦးမယ်။ ကျုပ်ကို သေဒဏ်ချလိုက်တဲ့ ဒုဗိုလ်မှူးကြီးသန်းထွန်းလည်း ကျုပ်ကိုချပြီး မကြာခင်မှာပဲ မုဒိမ်းမှု
နဲ့ ထောင်ကျသွားတယ်။
ချက်ချင်းဝဋ်လည်တာပဲ။ ကျုပ်တိုက်ထဲမှာအစာငတ်ခံဆန္ဒပြ တာ။ ဆယ့်နှစ်ရက်ကြာတယ်။
ကျုပ် ရေလည်း နည်းနည်းပဲသောက်တယ်။
ဆယ့်နှစ်ရက်တစ်ခါ၊ ငါးရက်တစ်ခါ။ နှစ်ခါတောင် အစာငတ်ခံဆန္ဒပြခဲ့တာ။
သေခြင်းတရားနဲ့ ဘယ်သူမှမကင်းဘူး။
ဘယ်နေရာရောက်ရောက် သေမှာပဲ။
လက်နက်ချ အလင်းဝင်တဲ့ အလုပ်ဟာ အင်မတန်ကျက်သရေတုံးတယ်။
ကျုပ်ရင်ကော့ပြောနိုင်တာက။ ကျုပ်မကြောက်ခဲ့လို့ပဲ။
မောင်ကိုကို (အမရပူရ)
Copy from http://www.hotnewsweekly.com/node/1080