အမှိုက်ပုံးပြောသော အချစ်ဇာတ်လမ်း

Source photo from http://www.google.com/images

အမှိုက်ပုံးပြောသော အချစ်ဇာတ်လမ်း

April 03, 2014
Wednesday

By မင်းစိုးစံ

ကျုပ်ဟာ အမှိုက်ပုံးတပုံးဖြစ်ပါတယ်။
ကျုပ်ကို ထိုင်းနိုင်ငံက စပ်ရုံတရုံကထုတ်လုပ်ခဲ့တာဖြစ်ပြီး ဒီနိုင်ငံကို နိုင်ငံခြားပို့ကုန်အဖြစ်နဲ့ ရောက်လာတာပါ။
ကျုပ်အခုနေနေတဲ့အိမ်ကို ရောက်လာတာမကြာသေးပါဘူး။ မကြာသေးဆို အခုထက်ထိ ကျုပ်နေရမယ့် နေရာကိုမရောက်
သေးပဲ အိမ်ရှေ့မျက်ခင်းပြင်ပေါ်က ပန်းပင်တွေကြားမှာ ပုံမကျပန်းမကျ လဲကျမလိုအနေအထားနဲ့ ပန်းအိုးတလုံးကိုမှီလျက်
သား နေနေရပါတယ်။
အရင်တုန်းက ကျုပ်ရဲ့ပိုင်ရှင်ဟာ တခြားရပ်ကွက်တခုမှာနေထိုင်ပြီး သူမရှိတော့တဲ့နောက်မှာ အဖုံးမရှိတော့တဲ့ကျုပ်ကို အခု
လက်ရှိ ကျုပ်နေရမယ့်ပိုင်ရှင်ရဲ့လက်ထဲ မတော်လိုက်ရတဲ့ ပိုင်ရှင်မလေးက ပေးလိုက်တာပါ။

ကျုပ်ကိုပိုင်ခဲ့တဲ့ပိုင်ရှင်ဟောင်းဟာ တကိုယ်တည်းသမားပီပီ အိမ်ပြန်ချိန် အိပ်ချိန် စားချိန် မမှန်တတ်ပါဘူး။
တခါတလေ သုံးရက် လေးရက်လောက် ကျုပ်ကို ကြွက်တွေ ပိုးဟပ်တွေနဲ့ အတူထားရစ်တတ်ပါတယ်။
တခါတရံ သူ့ရည်းစားကိုခေါ်လာတတ်သလို တခါတလေမှာတော့ သူငယ်ချင်းတွေနဲ့အရက်တွေ ဘီယာတွေကို ညလုံး
ပေါက်သောက်တတ်ပါတယ်။
ကျုပ်ကတော့ အမှိုက်ပုံးပီပီ သူ့ရည်းစားကိုခေါ်လာတဲ့ညတွေမှာ သူ့ရည်းစားမပြန်ခင် သေသေသပ်သပ်နဲ့ သိမ်းဆည်းထုပ်
ပိုးပြီးသား စားကြွင်းစားကျန်စွန့်ပစ်ပစ္စည်းအချို့ကို သိုမှီးထားရတတ်ပေမယ့် သူတို့သူငယ်ချင်းတွေ ဘီယာသောက်တဲ့အခါ
မျိုးမှာတော့ ဘီယာဗူးခွံတွေအပြင် ဖရိုဖရဲနဲ့ စနစ်တကျထုပ်ပိုးထားမှုမရှိတဲ့ ပေရေနေတဲ့စားကြွင်းစားကျန်ဗူးခွံတွေကို အပြည့်
အလျှံ လက်ခံထားရလေ့ရှိပါတယ်။

သူအပြင်ထွက်သွားတဲ့အချိန်မှာ စားကြွင်းစားကျန်တွေကို စားသောက်ဘို့အတွက် ပိုးဟပ်တွေဟာ ကျုပ်ဆီကို အလုအယက်
တိုးဝှေ့ပြီး ရောက်လာတတ်သလို ကြွက်တွေကလည်း နှုတ်ခမ်းမွှေးတလှုပ်လှုပ်လုပ်ပြီး အဖုံးဖွင့်ဝင် လာကြပါတော့တယ်။
တပျော်တပါးတိုးဝှေ့လှန်လှော လုယက်စားသောက်ပြီးတာနဲ့ ကြွက်တွေအားလုံးနီးပါးဟာ ကျုပ်နဲ့ ဝေးရာကိုထွက်သွားကြပေ
မယ့် ပိုးဟပ်တွေကတော့ စိန်ပြေနပြေ တနေကုန်တနေခမ်း နားနားနေနေ စားသောက်နေပါတော့တယ်။

ကျုပ်ရဲ့ပိုင်ရှင်ပြန်လာလို့ အမှိုက်သိမ်းတဲ့အခါမှာတော့ ပိုးဟပ်တချို့ စားကြွင်းစားကျန်နဲ့ အမှိုက်သရိုက်ကြားကနေ မြန်မြန်
သွက်သွက်ထွက်ပြေးသွားနိုင်ကြပေမယ့် တချို့မှာတော့ ကျုပ်ပိုင်ရှင်သယ်သွားတဲ့အထဲ ယက်ကန်ယက်ကန်နဲ့ ပါသွားကြပါ
တော့တယ်။
ကျုပ်ပိုင်ရှင်ဟာ ကျုပ်ကိုနေ့တိုင်းလိုလို သန့်ရှင်းရေးလုပ်ပေးတတ်ပါတယ်။ ခရီးလွန်နေတဲ့နေ့မျိုးတွေနဲ့ အမူးလွန်သွားတဲ့အခါ
မျိုးတွေမှာဆိုလျင် ကျုပ်ဟာအံချင်စော်ကိုနံနေရပါတယ်။

ဒီလိုနဲ့ တနေ့မှာတော့ နုနုငယ်ငယ်ကြွက်စုံတွဲလေးတတွဲဟာ ကျုပ်ရဲ့ဘေးမှာ ပြေးလွှားရင်းတကျွိကျွိနဲ့ အချစ်တေးကိုသီဆိုပြီး
တကောင်နဲ့တကောင် ကလူကျီစယ်နေကြပါတယ်။
တခါတလေ ကြွက်မငယ်လေးဟာ ရှေ့ကနေပြေးလိုက် နောက်ကနေလိုက်လိုက် လုပ်နေသလို ကြွက်ထီးငယ်လေးက လည်း ပြေးမလိုလို လိုက်မလိုလိုလုပ်ပြီး ကြွက်မငယ်လေးရဲ့ ဘေးတိုက်အနေအထားကနေ ခိုးနမ်းသွားတာကြောင့် ကြွက်မ
ငယ်လေးခမျာ မျက်လုံးလေးကလယ်လယ်လုပ်ရင်း တကျွိကျွိနဲ့ စိတ်ဆိုးပြတတ်ပါတယ်။

တညမှာတော့ သူတို့အတွဲရဲ့လှုပ်ရှားပုံတွေကိုကြည့်ရင်း ကျုပ်ဟာ ကျုပ်ရဲ့လက်ရှိအမှိုက်ပုံးဘ၀ကို မေ့တော့မလိုလိုဖြစ်နေ
တုန်း တံခါးဖွင့်သံနဲ့အတူ ကျုပ်ရဲ့ပိုင်ရှင်ဝင်လာပါတော့တယ်၊
သူ့ပုံစံက ခါတိုင်းပုံစံမျိုးမဟုတ်ပဲ တခုခုကို အတော်လေးမကြေမချမ်းဖြစ်နေပုံပါပဲ။

သူဟာ ကျုပ်အနားမှာကပ်နေတဲ့ ရေခဲသေတ္တာကိုဆွဲဖွင့်ပြီး တုတ်ကောက်နဲ့လမ်းလျှောက်နေတဲ့လူတယောက်ပုံ ပါတဲ့ ပု
လင်းကြီးတလုံးကိုထုတ်ယူလိုက်ပါတယ်။
သူထိုင်နေကျထမင်းစားပွဲလည်းဟုတ် စာရေးစားပွဲခုံလည်းဟုတ် လက်ဂ်တော့ပ်တင်တဲ့ခုံလည်းဟုတ် ဧည့်သည်ဆောင်
သည်တွေနဲ့ လက်ခံတွေ့ဆုံစကားစမြည်ပြောတဲ့ ခုံလည်း ဟုတ်တဲ့ တခုတည်းသာရှိတဲ့ခုံပေါ်ကို အဲဒီပုလင်းကိုတင်လိုက်
ပါတယ်။
ပြီးတာနဲ့ ခွက်တွေ ပန်းကန်တွေထားတဲ့ ဘီရိုထဲက ဖန်ခွက်တလုံးကိုယူလိုက်ပြီး တယောက်တည်း ထိုင်သောက်နေပါတော့
တယ်။ ဒီအချိန်မှာ ကြွက်စုံတွဲလေးဟာ ကျုပ်ရဲ့နောက်ကနေ မြင်ကွင်းကိုကြည့်နေကြပါတယ်။
ခဏလေးအကြာမှာတော့ ကြွက်ပျိုမလေးက လှစ်ကနဲပြေး ထွက်သွားတာမို့ ကြွက်လူပျိုလေးကလည်း အပြေးကလေးလိုက်
သွားရင်း မလွယ်ပေါက်ကလေးထဲ အတူတကွပြေးဝင်ပျောက်ကွယ်သွားကြပါတော့တယ်။

ကျုပ်ကတော့ ကျုပ်ပိုင်ရှင်ကို အရိပ်တကြည့်ကြည့်နဲ့ ကြည့်နေမိပါတယ်။
ကျုပ်အတွက်ပေးထားတဲ့နေရာလေး ကနေကြည့်မယ်ဆိုလျင် ကျုပ်ရှေ့တည့်တည့်မှာ စောစောတုန်းကပြောခဲ့တဲ့ တခုတည်း
သောစားပွဲနဲ့ ကုလားထိုင်လေးလုံးရှိပါတယ်။
ကျုပ်ရဲ့နောက်မှာက ထရံ။ ကျုပ်ရဲ့ လက်ဝဲဘက်မှာပန်းကန်တွေဆေးကြောတဲ့နေရာ၊ အခြားမီးဖိုချောင်သုံးပစ္စည်းတွေ၊ ချက်
ပြုတ်ကြော်လှော်စရာမီးဖိုနဲ့ ရေခဲသေတ္တာတွေက နေရာယူထားပြီး လက်ျာဘက်မှာတော့ အဆင့်သုံးဆင့်ပါတဲ့ စင်လေးတ
ခုရှိပါတယ်။
အဲဒီစင်လေးရဲ့ အပေါ်ဆုံးအဆင့်မှာ သီဟိုဠ်စေ့၊ မြေပဲဆံ၊ နေကြာစေ့၊ ပုလင်းတွေထားပြီး ဒုတိယအဆင့်မှာတော့ ပန်းကန်
ပြား၊ ပန်းကန်လုံးအနည်းအကျဉ်းနဲ့ တတိယအဆင့်ဖြစ်တဲ့ အောက်ဆုံးမှာက ရေသန့်ဗူးတွေထားပါတယ်။
စင်လေးရဲ့ဘေးမှာတော့ သူဝတ်ပြီးသားအ၀တ်ဟောင်းတွေထည့်ထားတဲ့ လေးထောင့်စပ်စပ်ပလပ်စတစ်ပုံးတလုံးနဲ့ ဘိနပ်
စင်၊ အနွေးထည်မျိုးစုံ ထီး အမှိုက်စုပ်စက် စတဲ့ပစ္စည်းတွေ ထားတဲ့အခန်းရှိပါတယ်။
အခန်းကို တံခါးလေးနဲ့ လုပ်ထားတာမို့ တံခါးရွက်နှစ်ချပ်ကိုစေ့ထားတဲ့အခါ ဘိနပ်နဲ့အတူထားလေ့ရှိတဲ့ သုံးပြီးသားခြေစွပ်
က အနံ့အသက်ကိုမရနိုင်သလို အ၀တ်ဟောင်းအနံ့တွေထွက်မလာပေမယ့် တံခါးကိုဖွင့်လိုက်ပြီဆိုလျင်တော့ ဆိုးရွားတဲ့အ
နံ့အသက်တွေဟာ အလုံးအရင်းနဲ့ပြေးထွက်လာပြီး အနီးတ၀ိုက်ကို အတော်ကြာကြာနေရာယူတတ်ပါတယ်။

ရုတ်တရက် စေ့ထားတဲ့အိမ်ရှေ့တံခါးပွင့်လာပြီး သူ့သူငယ်ချင်းတွေရောက်လာကြပါတယ်။
ပြီးတော့ သူတို့တတွေ ကုလားထိုင်ကိုယ်စီနဲ့ စားပွဲပေါ်မှာနေရာယူလိုက်ကြပါတယ်။
အစပထမပိုင်းမှာ တိုးတိုးသက်သာရှိလှတဲ့ သူတို့ပြောဆိုနေကြတဲ့အသံတွေဟာ တဖြည်းဖြည်းဆူညံလာရာကနေ တဆ
ထက်တဆ ပိုပိုပြီးကျယ်လောင်လာပါတော့တယ်။
နောက်တော့ ရုန်းရင်းဆန်ခပ်ဖြစ်ကြပါတယ်။ နောက်ဆုံးမှာတော့ နီရဲစေးထန်းနေတဲ့အရည်လိုလို အရာတချို့ကျုပ်ရှေ့က ကြမ်းပေါ်ကို အတော်များများလွင့်စင်ကျလာပါတယ်။
မကြာမတင်မှာ မီးသတ်ကားအော်သံကို ကြားရသလို ခါတိုင်းထက်ပိုများတဲ့ ခြေထောက်တွေနဲ့အတူ အိမ်ရှေ့တံခါးပေါက်
ကနေ ဘီးအငယ်စားတပ်ထားတဲ့ ရှည်မျောမျောလက်တွန်းလှည်းတွေဝင်လာတာကို တွေ့ရပါတယ်။

အိမ်အပြင်ဘက်ကို ပြန်ထွက်သွားတဲ့လှည်းတွေပေါ်မှာ အရာဝတ္ထုတခုခုပါသွားပုံရပါတယ်။
မကြာခင်မှာတော့ တံခါးပိတ်သံနဲ့အတူ ကားတွေဆီကလာတဲ့မီးရောင်တွေပျောက်ကုန်ပြီး တခန်းလုံးငြိမ်ကျသွားပါတယ်။
ကြမ်းပြင်ပေါ်ကို ပြူတင်းပေါက်ကနေ တဆင့်ဝင်လာတဲ့လမ်းဘေးမီးရောင်အောက်မှာတော့ ပိုးဟပ်အတော်များများနဲ့ ကြွက်
တွေဟာ တခန်းလုံးအနှံ့ လွတ်လပ်စွာနဲ့ ပြေးလွှားဆော့ကစားနေကြပါတော့တယ်။
ပိုးဟပ်အတော်များများဟာ ရုန်းရင်းဆန်ခပ်ဖြစ်ခဲ့စဉ်က ကြမ်းပေါ်ကိုလွင့်စင်ကျလာတဲ့ နီရဲစေးထန်းနေတဲ့ အရည်တွေကို
ဝိုင်းအုံပြီး ပွဲတော်တည်နေကြသလို အချို့ပိုးဟပ်တွေကတော့ သန့်ရှင်းမှုမရှိတဲ့ ကျုပ်အပေါ်မှာတိုးဝှေ့ကခုန်နေကြပါတော့
တယ်။

မိုးလင်းသွားပါပြီ။
ပိုးဟပ်အချို့ကတော့ သူတို့နေနေကျ ဘီရိုတွေကြား အံဆွဲတွေ ရေခဲသေတ္တာရဲ့နောက်ကျောနဲ့ မှောင်နေတဲ့နေရာတွေရှိရာမှာ
ဝင်ရောက်နေရာယူသွားကြသလိူ အချို့မှာတော့ ကြမ်းပြင်ပေါ်ကညှီစို့စို့သွေးကွက်တွေကြားမှာ အရာရာကိုမေ့နေသလား
လို့ ထင်ရလောက်အောင် ပွဲတော်တည်လို့ ကောင်းတုန်းဖြစ်ပါတယ်။
ဒီအခိုက်မှာ အိမ်ရှေ့တံခါးမကြီး ပွင့်လာတာနဲ့အတူ ကျုပ်ပိုင်ရှင်ရဲ့ချစ်သူ ရောက်လာပါတယ်။
ရောက်ရောက်ချင်းမှာပဲ ကြမ်းပြင်ပေါ်ကသွေးကွက်တွေကို မျက်ရည်စက်လက်နဲ့ ဆေးကြောပစ်ပါတယ်။ အခန်းတခန်းလုံးကို သေခြာကျနစွာသန့်ရှင်းရေးလုပ်ပြီးသွားတာနဲ့ ကျုပ်ကိုရေတွေဆပ်ပြာရည်တွေနဲ့ သန့်ရှင်းပါတယ်။
ရေတွေစင်အောင်သုပ်ပေးပြီးတာနဲ့ ကျုပ်ရဲ့အဖုံးကို သူမဟာ အခြားပစ္စည်းများနဲ့အတူ သယ်ထုတ်သွားပြီး အခန်းတံခါးကို
လေးတွဲ့စွာ ပိတ်လိုက်ပါတယ်။

ခဏလေးအကြာမှာတော့ ကြွက်စုံတွဲလေး ထွက်လာပြီး ချစ်ဇာတ်လမ်းလေးစပါတော့တယ်။
ပြေးမလိုလိုနဲ့ ရပ်နေလိုက် ရပ်တော့မလိုလိုနဲ့ ပြေးလိုက်။
လိုက်တဲ့ဘက်ကလည်း တကယ်ပြေးလိုက်တော့မလိုလိုနဲ့ ခေါင်းလေးကို ဟိုဘက်သည်ဘက် ကြည့်သလိုလိုလုပ်ရင်း ရပ်
နေတတ်သလို လက်ကလေးနှစ်ဘက်ကို လျှာနဲ့လျက်ရင်းအလစ်ချောင်းသလိုလို လုပ်နေတတ်ပါတယ်။
အဲဒီလို ပြေးရင်းလွှားရင်းကနေ သူတို့စုံတွဲဟာ ကျုပ်လက်ျာဘက်က အ၀တ်ဟောင်းတွေ ဘိနပ်စင်နဲ့ အမှိုက်စုပ်စက်ထားတဲ့
အခန်းထဲ ပြေးဝင်သွားကြပါတယ်၊ ပြီးတော့ သီဟိုဠ် စေ့တွေတင်ထားတဲ့စင်ပေါ်ကို ပြေးတက်သွားကြပြန်ပါတယ်။
တခါ စင်အောက်ကိုဆင်းလာပြီး ကျုပ်ရှေ့တည့်တည့်က စားပွဲခုံနဲ့ ထိုင်ခုံတွေကြား လိုက်တမ်းပြေးတမ်းကစားနေပါတယ်။
အော် ချစ်သူတို့ဘ၀ ပျော်လိုက်ကြပုံများ။

အမှိုက်ပုံးဘ၀ ကျုပ်ကတော့ဖြင့် အထီးကျန်ဆန်လိုက်ပါဘိ။
ကျုပ်ရှေ့တည့်တည့်ကစားပွဲခုံမှာ သူ့အဖေါ် ထိုင်ခုံလေးတွေရှိတယ်။
ကျုပ်ရဲ့လက်ဝဲဘက်က ရေခဲသေတ္တာထဲမှာ သူ့အဖေါ် အစားအသောက်တွေရှိသလို ကျုပ်ရဲ့ လက်ျာဘက်က စင်ပေါ်မှာတော့
သီဟိုဠ်စေ့ပုလင်း ပန်းကန်လုံးပန်းကန်ပြားနဲ့ ရေသန့်ဗူးတွေဆိုတာ စင်လေးရဲ့အဖေါ်ပဲမဟုတ်ပါလား။
ကျုပ်မှာကတော့ ကျုပ်ရဲ့အဖေါ်လို့ပြောလို့ရတဲ့ အဖုံးလေးတောင် ကျုပ်နဲ့အတူရှိမနေဘူး။
အဖေါ်ရှိလျင် သိပ်ကောင်းမှာပဲ။
အမှိုက်ပုံးဆိုမှတော့ ကျုပ်ရဲ့အဖေါ်က အနံ့ဆိုးတဲ့ ညစ်ညမ်းတဲ့ မသန့်ရှင်းတဲ့ အရာဝတ္ထု တွေကလွဲပြီး ဘာများရှိမှာတဲ့လဲဗျာ။

တွေးလို့ကောင်းနေတုန်း ကြွက်စုံတွဲလေး ပြေးထွက်လာကြပြန်ပါပြီ။
ပြေးလိုက် ဆော့လိုက် အသံပေးလိုက်။
ပြေးတက် ပြေးဆင်းလုပ်နေလိုက်ကြတာများ မျက်စေ့တောင်နောက်တယ်။
ဒီအချိန်မှာ မမျှော်လင့်ပဲ ကျုပ်ရဲ့အထဲကို ဘယ်အချိန်က စင်ပေါ်ရောက်နေမှန်း မသိလိုက်တဲ့ ကြွက်ချစ်သူစုံတွဲလေး ပြုတ်ကျ
လာပါတော့တယ်။
သူတို့ ကျုပ်ကိုကုတ်ခြစ်ပြီး အပေါ်ကိုတက်ဘို့ကြိုးစားကြပါတယ်။
သူတို့မတက်နိုင်ကြပါဘူး။
သူတို့လက်သည်းလေးတွေက အရမ်းကိုသေးငယ်လွန်းလှပါတယ်။
သူတို့သွားတွေနဲ့ ကျုပ်ကိုကိုက်ဖဲ့ကြပါတယ်။
မဖြစ်နိုင်ပါဘူး၊ ကျုပ်ရဲ့ကိုယ်ထည်က ပလပ်စ်တစ်အမာစားနဲ့ လုပ်ထားတာဗျို့။

သူတို့အတော်ကလေး မောနေကြပါပြီ။
နေ့လည်ကတည်းက မနားတမ်း ကုတ်ခြစ်ကိုက်ဖဲ့နေလိုက်ကြတာများ မိုးတောင်ချုပ်လာပါပြီ။
ဘာကြောင့်လဲဆိုတော့ လမ်းဘေးကမီးရောင်တွေဟာ အိမ်ထဲကိုဝင်ရောက်နေရာယူနေကြလို့ဖြစ်ပါတယ်။

ကျုပ်သူတို့ကို ကူညီချင်ပါတယ်။
ကျုပ်ကအမှိုက်ပုံးလေဗျာ၊ သက်ရှိမှမဟုတ်ပဲ လှုပ်ရှားလို့လည်း မရ၊ ကျုံ့လို့ လည်း မရ၊ ကြွလို့လည်း မရ၊ ယိမ်းလို့လည်း မရ၊
လှဲလို့လည်း မရ။

သူတို့ကျုပ်ကို ဆက်ပြီးကိုက်နေကြပြန်ပါပြီ။
အသံတွေဟာ တိတ်ဆိတ်နေတဲ့အခန်းတခုလုံး ဆူညံနေပါတယ်။
ကျုပ်သာ ရိုးရိုးပလပ်စတစ်အိတ်(ကြွပ်ကြွပ် အိတ်)ဖြစ်လျင် သိပ်ကောင်းမှာပဲ။
ဖြစ်နိုင်မယ်ဆိုလျင် ကျုပ်အခုချက်ခြင်း ပလပ်စတစ်အိတ်တလုံး ဖြစ်လိုက်ချင်တယ်။
အခုတော့ဗျာ......။

ပထမဆုံးအဆင့်မှာ နေရာယူထားကြတဲ့ သီဟိုဠ်စေ့ပုလင်း မြေပဲဆံပုလင်း နေကြာစေ့ပုလင်း၊ ဒုတိယအဆင့်မှာ နေနေကြ
တဲ့ ပန်းကန်လုံး ပန်းကန်ပြားတွေ အောက်ဆုံးအဆင့်က သောက်ရေသန့်ဗူးတွေ သူတို့လည်းကျုပ်လိုပဲ ဘာဆိုဘာမျှလုပ်မ
ပေးနိုင်ကြဘူး။
ဟော ကြွက်ထီးကလေးက သူ့သွားတွေနဲ့ ကျုပ်ကိုသည်းသည်းမဲမဲ ကိုက်နေသလို ကြွက်မလေးကလည်း ကျုပ်ကိုရေကုန်
ရေခမ်းကုတ်ဖဲ့နေပါပြီ။
ကျုပ်ရဲ့အသားတွေ ခြစ်ရာကိုက် ရာတွေပေါ်လာပါပြီ။
နှစ်ရက်ကျော်ကျော်ကြာတော့ သူတို့ငြိမ်သွားကြပါတယ်။

ကျုပ်ဆုတောင်းမိတယ်ဗျာ။
ကျုပ်ပိုင်ရှင်ရဲ့ ချစ်သူမိန်းကလေး အမြန်ဆုံးရောက်လာပြီး ကျုပ်အထဲက ကြွက်စုံတွဲလေးကို ကယ်ထုတ်နိုင်ပါစေ။
အဲဒီမိန်းကလေးက အင်မတန်သနားကြင်နာတတ်တဲ့ မိန်းကလေးဆိုတာ ကျုပ်သိပါတယ်။
ကြွက်ချစ်သူစုံတွဲကို ကျုပ်ကြည့်လိုက်တော့ နှစ်ကောင်စလုံးဟာ အသက်ကိုလုပြီး ရှူနေကြပါပြီ။
သူတို့နှစ်ကောင်ဟာ တကောင်နဲ့တကောင် ဘေးချင်းယှဉ်ပြီး မျက်နှာချင်းဆိုင် လဲလျောင်းနေကြပါတယ်။
မကြာခင်မှာသူတို့နှစ်ကောင်စလုံး သူတို့နေထိုင်ပျော်မြူးခဲ့တဲ့ ဒီအခန်းနဲ့ ဒီအခန်းထဲမှာရှိနေတဲ့ ကျုပ်အပါအ၀င် အားလုံးကို
အပြီးအပိုင်နှုတ်ဆက်နေပုံပါပဲ။

ဒီအချိန်မှာ ကျုပ်ဟာစွေ့ကနဲ ဆွဲယူမချီတာ ခံလိုက်ရပါတယ်၊ အော် ကျုပ်ရဲ့ပိုင်ရှင်သစ်က ကျုပ်ကိုနေရာတကျ ထားဘို့ ပန်းအိုးတွေကြားကနေ သယ်ထုတ်နေတာကိုး။ နေရာသစ်မှာ နေရာဟောင်းက ဖြစ်ခဲ့တဲ့အဖြစ်မျိုးမကြုံ ဆုံပါစေနဲ့လို့ ဆုတောင်းရင်းနဲ့ ကျုပ်ဟာအိမ်ဘက်ကို တရွေ့ရွေ့လိုက်ပါလာခဲ့ရပါတော့တယ်။

ကျန်းမာချမ်းသာကြပါစေ။

မင်းစိုးစံ
(အဝေးရောက် ကရင်ဒုက္ခသည်တဦး)