ကြည့်သောသူ မြင်၏

ကြည့်သောသူ မြင်၏

May 16, 2014

By မင်းစိုးစံ

ကျက်သရေမင်္ဂလာအပေါင်းနဲ့ ပြည့်စုံတော်မူကြပါစေဗျား။
 ဒီတခါတော့ ဆရာများ သားသေ ဆိုတဲ့ဗမာစကားပုံနဲ့ အစပျိုးလိုက်ပါရစေ။
ဆေးဆရာများလွန်းလို့ ရောဂါဝေဒနာခံစားရတဲ့ သားလေး သေသွားရတဲ့ ဥပမာလေးလို့ပဲ နားလည်ပါတယ်။
အဲဒီဗမာစကားပုံနဲ့ ခပ်ဆင်ဆင်တူတဲ့ ကရင်စကားပုံကတော့ ဆြ့ာအး ကဲထင်းနောတ်ဝှး ဆို တဲ့စကားပုံပါ။
အဓိပ္ပါယ်က ဆရာများတော့ ယောက်မ ဖြစ်သွားတယ် လို့ဆိုလိုတာပါ။
အဲဒါကို တချို့ကရင်တွေ က ဆရာများလို့ ယောက်မဖြစ်သွားရတဲ့ အခြေအနေထက်ဆိုးတဲ့ အဖြစ်မျိုးကို ဆြာ့အး ကဲထင်း ဆ်ုဝူ၀ူ လို့ပြော ကြပါတယ်။
နားရှုတ်ကုန်ပြီထင်ပါတယ်။ ရှင်းပြပါ့မယ်။

ကရင်စကားပုံဖြစ်တဲ့ ဆြာ့အး ကဲထင်းနောတ်ဝး ဆိုတာကို ကရင်အတော်များများကြားဘူးကြပါလိမ့်မယ်။
သို့ သော် အဲဒီစကားပုံဖြစ်ပေါ်လာပုံကိုတော့ သိသူနည်းပါးလိမ့်မယ်လို့ထင်ပါတယ်၊ ကရင်ဖတ်စာကို သင်ကြားဘူး သူတွေ
ကတော့ ဒီစကားပုံဖြစ်ပေါ်လာတာကို ကောင်းကောင်းနားလည်ကြပါတယ်။
သိနားလည်သူတွေကိုအားနာပေမယ့် မသိသေးတဲ့သူတွေအတွက် ရှင်းပြပေးပါ့မယ်။

ကရင်အမျိုးသားတဦးဟာ သစ်ပင်ကြီတပင်ကိုလှဲပြီး လူအသွားအလာများတဲ့ လမ်းဘေးတနေရာမှာ လှေတစင်း ထွင်းနေ
ပါသတဲ့။ လမ်းသွားလမ်းလာတွေထဲက
ခင်ဗျား ဘာလုပ်နေတာလဲ
ကျုပ်လှေထွင်းနေတာပါဗျာ

ဟာဒါဆိုလျင် ဒီနေရာကနေ ထွင်းရင်ခင်ဗျားလှေ အင်မတန်ကို ကြည့်ကောင်းသွားမှာ၊ ဆိုပြီးနည်းနည်းပါးပါးဝင်ပြီး ထွင်း
ပေးသတဲ့။ ခဏကြာတော့
အေးဗျာ ကျုပ်လည်း သွားစရာရှိနေတယ်၊ သွားလိုက်ပါဦးမယ် ဆိုပြီး ထွက်သွားပါသတဲ့။
နောက်တယောက်ရောက်လာပြီး
ခင်ဗျားလှေထွင်းနေတာလား ဒီနေရာကနေ စထွင်းတော့ ခင်ဗျားလှေဝမ်းခုံး ထနေလိမ့်မယ် ကျုပ်ပြမယ်လို့ပြောပြီး ၀င်ထွင်း
လိုက်ပါသတဲ့ အတော်လေးကြာတော့
ကဲဗျာ ကျုပ်သွားစရာရှိနေလို့ဗျ သွားစရာမရှိလျင် အပြီးထွင်းပေးလိုက်တယ် ဆိုပြီးနှုတ်ဆက် ထွက်သွားသတဲ့။

ဒီလိုနဲ့ ထွင်းလာလိုက်တာ အဆုံးမှာတော့ သစ်လုံးကြီးသာ ကုန်သွားတယ် လှေဖြစ်မလာပါဘူး။
နောက်ဆုံးတော့ လှေထွင်းဘို့လှဲချလိုက်တဲ့သစ်ပင်ကြီးဟာ လှေမဖြစ်တော့ပဲ ထမင်းအိုးမွှေဘို့ ယောက်မတလက်သာဖြစ်
သွားတော့သတဲ့။
အဲဒါက ဆြာ့အး ကဲထင်းနောတ်ဝး(ဆရာများ ယောက်မဖြစ်) ဆိုတဲ့ကရင်စကားပုံပါ။
အဲဒီအခြေအနေထက်ဆိုးတဲ့ ကရင်စကားပုံတခုဖြစ်တဲ့ ဆြာ့အး ကဲထင်း ဆ်ုဝူ၀ူ ဆိုတာက ဒီလိုပါ။

အဲဒီလို ယောက်မလေးတလက်နဲ့ ကိုယ့်အိမ်ကို ကိုယ်ပြန်လာတဲ့ လှေထွင်းသမားကို ရွာထဲကလူတွေက ဘယ်လိုလဲ မင်း
လှေထွင်းပြီးသွားပြီလားလို့မေးကြတော့ ယောက်မလေးထုတ်ပြပြီး လှေမဖြစ်တော့ဘူးဗျို့ ယောက်မတလက်တော့ ဖြစ်လာ
တယ် လို့ပြောသတဲ့ အဲဒီလိုပြောရင်းပြရင်းလုပ်တော့ ဟာ မင်းယောက်မက ဗျက်ကျယ်လွန်းတယ်၊ နည်းနည်းလေးကျဉ်း
လိုက်၊ မင်း ယောက်မက လက်တံရှည်လွန်းတယ် နည်းနည်းလေးတိုလိုက်။ မင်း ယောက်မက လက်တံတိုပြီး ဗျက်က ပါးနေတယ်၊ ပြင်လိုက်ပါလားဆိုပြီး ပြင်လိုက်တာ နောက်ဆုံးတော့ ယောက်မဘ၀ကနေ သစ်သားချောင်းလေးတချောင်း
အဖြစ်ကိုရောက်သွားပါလေရော ။
အဲဒီသစ်သားချောင်းလေးကို စိတ်ဆိုးဆိုးနဲ့ လွှင့်ပစ်လိုက်ရာမှာ ၀ူ ၀ူ ဆို တဲ့ အသံကိုသာကြားလိုက်ရလို့ ဆရာများ ၀ူဝူဖြစ်
ဆိုပြီး ဆိုစမှတ်ပြုကြပါသတဲ့ဗျား။

အခုလိုနိဒါန်းပျိုးရတာကတော့ ကျုပ်တို့ကရင်လူမျိုးတွေရဲ့အနာဂါတ်ရေးဟာ ဆရာများယောက်မဖြစ် ဒါမှမဟုတ် ဆရာများ
ဝူ၀ူဖြစ်ဆိုတဲ့ အခြေအနေမျိုးများရောက်သွားလေမလားဆိုတဲ့ စိုးရိမ်စိတ်ဝင်မိပုံလေးကို ရေးပြချင်လို့ပါ ဘာကြောင့်စိုးရိမ်စိတ်ဝင်ရသလဲဆိုတော့ KNU ခေါင်းဆောင် ဗဒိုစောသမိန်ထွန်းရဲ့ အင်တာဗျူးတခုကို ဘတ်မိ လိုက်လို့
ဖြစ်ပါတယ်။

ခေါင်းစဉ်ကနေစပြီး ဆွေးနွေးကြည့်ပါ့မယ်။
မြန်မာပြည်ရဲ့အခြေအနေ အမယ်ဘုတ်နဲ့ သူ့ချည်ခင်လိုဖြစ်နေတဲ့KNU ကိုယ်စားလှယ်များနှင့် ပြည်သူတို့တွေ့ဆုံပွဲကို ကရင်
ပြည်နယ်၊ ဘားအံမြို့၊ သုမေဓာရာမကျောင်းတိုက်ကြီး၌ ၂၀၁၄ မေလ ၁၂ ရက် နေ့လယ် ၁၂ နာရီအချိန်တွင် ပြုလုပ်ခဲ့ကြ
သည်။
မူရင်းခေါင်းစည်းက အနီရောင်စာလုံးလေးတွေဖြစ်ပါတယ် ဘယ်လိုအဓိပ္ပါယ်လဲဆိုတာ မကွဲပြားပါဘူး တကယ်လို့ မြန်မာ
ပြည်ရဲ့အခြေအနေ အမယ်ဘုတ်နဲ့ သူ့ချည်ခင် ဆိုလျင်တော့ တမျိုးပေါ့နော်။ အခုတော့ ဘာလိုလိုကြီး ဖြစ်အောင် တမင်
ရေးနေတာလား ဆိုတာတွေးစရာဖြစ်နေပါတယ်။
တကယ်လို့သာ အောက်ကအတိုင်း(အနီရောင် စာလုံးများအတိုင်း)သာ ခေါင်းစည်းတပ်မယ်ဆိုလျင် ဘယ်လိုနားလည်ကြမလဲ။

မြန်မာပြည်ရဲ့အခြေအနေ အမယ်ဘုတ်နဲ့ သူ့ချည်ခင်လိုဖြစ်နေတဲ့ KNU ကိုယ်စားလှယ်များနှင့် ပြည်သူတို့တွေ့ဆုံပွဲ ကို က
ရင်ပြည်နယ်၊ ဘားအံမြို့၊ သုမေဓာရာမကျောင်းတိုက်ကြီး၌ ၂၀၁၄ မေလ ၁၂ ရက် နေ့လယ် ၁၂ နာရီအ ချိန်တွင် ပြုလုပ်
ခဲ့ကြသည်။
မိတ်ဆွေတို့ကိုယ်တိုင် မိမိကိုယ်ပိုင်အတွေးနဲ့ဆုံးဖြတ်ကြည့်ပါ မြန်မာပြည်ရဲ့အခြေအနေ ဆိုတာအထိ ပုဒ်ဖြတ်ကို ထား၊ ပြီး
တော့ အမယ်ဘုတ်နဲ့ သူ့ချည်ခင်ဖြစ်နေတဲ့ KNU ကိုယ်စားလှည်များနှင့် ပြည်သူတို့တွေ့ဆုံပွဲ ဆိုပြီးရေးမယ်ဆိုလျှင်။

မြန်မာပြည်ရဲ့အခြေအနေ အမယ်ဘုတ်နဲ့ သူ့ချည်ခင်လိုဖြစ်နေတဲ့ ဆိုတာကို ပုဒ်ဖြတ်ထားပြီး KNU ကိုယ်စားလှယ်များနှင့်
 ပြည်သူတို့တွေ့ဆုံပွဲ ကို ကရင်ပြည်နယ်၊ ဘားအံမြို့၊ သုမေဓာရာမကျောင်းတိုက်ကြီး၌ ၂၀၁၄ မေလ ၁၂ ရက် နေ့လယ် ၁၂ နာရီအချိန်တွင် ပြုလုပ်ခဲ့ကြသည်။ ဆိုတာရေးထားတော့ ခေါင်းစည်းက ဘာလို လိုကြီးဖြစ်နေပါတယ်။

အမှန်တကယ်ဆိုလျင် မြန်မာပြည်ရဲ့အခြေအနေ အမေဘုတ်နဲ့ သူ့ခြည်ခင်လိုဖြစ်နေ ဟု KNU ဆို လို့ ရေးသင့် တာပေါ့ဗျာ။ အင်တာဗျူးထဲမှာ ကွက်ကွက်ကွင်းကွင်း ရှင်းရှင်းလင်းလင်း မြင်အောင် KNU ကိုယ်စားလှည် ဗဒို စောသမိန်ထွန်းက ပြော
သွားတာပဲ။ ဗဒို စောသမိန်ထွန်းဆိုမှ အဲဒီဆောင်းပါးမှာ ဗဒို စောသမိန်ထော ဆိုပြီးရေးသဗျ။

တချို့သတင်းဂျာနယ်တွေမှာလည်း KNU KNLA PC(ကရင်ငြိမ်းချမ်းရေးကောင်စီ)က ဗိုလ်ချုပ်ထိန်မောင် လို့ ရေးလိုရေး
ဗိုလ်ချုပ်ဌေးမောင် လို့ ရေးလိုရေးနဲ့ ကရင်ခေါင်းဆောင်တွေရဲ့ နာမည်ကို ရေးချင်သလိုရေးနေကြတာ၊ ရိုးမှ ရိုးရဲ့လားမသိ။
ဗမာပြည်က အယ်ဒီတာတွေဆိုတာ ညံ့တဲ့လူတွေမှ မဟုတ်ပဲလေ။ ထွန်းနဲ့ထော။ ထိန်နဲ့ဌေး။ မှားဘို့မလွယ်ပါဘူးနော်။

မှားစရာရှိလျင် ကရင်တွေက ဗမာနာမည်ကို မှားတာမျိုးက သဘာဝကျမလားပဲ။
ဥပမာ သမ္မတ ဦးသိန်းစိန်ကို ကရင်လို အသံထွက်နဲ့ ရေးမယ်ဆိုလျင် ဦးသေးစေ လို့အသံထွက်ပါတယ်။
ဦးရွှေမန်းဆိုလျင် ဦးရွှေမား၊။
မင်းအောင်လှိုင်ဆိုလျင် မေးအော်လှယ်။
ဦးအောင်မင်း ဆိုလျင် ဦးအော်မေး အဲဒီလိုမျိုး မှားရေးနိုင်ပါတယ်။

တခုတော့ရှိပါတယ်၊ ဗဒိုသမိန်ထွန်းမှာ နာမည်နှစ်မျိုးရှိသလို ဗိုလ်ချုပ်ထိန်မောင်မှာလည်း နာမည်နှစ်မျိုးရှိတယ် ဆိုလျင်
တော့ ကွင်းစ ကွင်းပိတ်လေးနဲ့ သို့မဟုတ် ဆိုတာလေးကို နာမည်နှစ်ခုကြားထည့် ရေးသင့်တာပေါ့။
ကျုပ်အမြင်ကတော့ ကရင်လူမျိုးတွေမှာ အဖွဲ့အစည်းတွေများလွန်းလို့ နာမည်တွေမှားရေးမိတာမဟုတ်ဘူးဆိုလျင်တော့
ကရင်တွေကိုသောက်ဂရုစိုက်ဘို့မလိုဘူးဆိုပြီး ကြိုက်သလိုနာမည်ပေးပြီး စော်ကားမော်ကားရေးတာလို့ပဲ ထင်ပါတယ်။
လတ်တလော ကရင်တွေမှာရှိနေတဲ့ အဖွဲ့အစည်းတွေကို ကြည့်ကြရအောင်
(၁) KNU၊(ကရင်အမျိုးသားအစည်းအရုံး)။
(၂) DKBA (တိုးတက်သော ကရင်ဗုဒ္ဓဘာသာတပ်ဖွဲ့)။
(၃) KNU/KNLA ငြိမ်းချမ်းရေးကောင်စီ။
(၄) ဟာင်သရော အထူးဒေသ ငြိမ်းချမ်းရေးတပ်ဖွဲ့။
(၅) ဘုရားကုန်းခေါ် ပဒိုအောင်ဆန်းအဖွဲ့။
(၆) ကရင် နယ်ခြားစောင့်တပ် (BGF)။
(၇) ဖလုံ-စဝေါ် ဒီမိုကရက်တစ်ပါတီ။
(၈) ကရင်ပြည်သူ့ပါတီ။
(၉) ကရင်ပြည်နယ် ဒီမိုကရေစီနှင့် ဖွံ့ဖြိုးရေးပါတီ။
(၁၀) ကရင်ဒီမိုကရက်တစ်ပါတီ။
ဒါကတော့ ဗမာအစိုးရရဲ့ စာရင်းဇယားအရ ထုတ်ပြန်ထားတဲ့ ကရင်လူမျိုးအဖွဲ့အစည်းတွေပါ။

ရှမ်းပြည်နယ် ကချင်ပြည်နယ်ဘက်တွေမှာ စစ်ပွဲတွေဖြစ်နေတယ်၊ သေနတ်သံတွေညံနေတယ်။
ကရင်ပြည်နယ် ဘက်မှာ တိုက်ပွဲတွေငြိမ်နေတယ်၊ သေနတ်သံတွေတိတ်နေတယ်။
အဲဒီလိုဖြစ်နေတာကို အခွင့်ကောင်းယူပြီး ဗ မာစစ်အစိုးရက ကရင်လူမျိုးတွေကို နာလန် မထူနိုင်အောင် အမျိုးမျိုးနှိပ်ကွပ်
နေတဲ့နည်းတွေထဲမှာ ကရင့်ခေါင်း ဆောင်တွေရဲ့ နာမည်ကို စော်ကားမော်ကားရေးသားပြီး မထိခလုတ် ထိခလုတ် လုပ်နေ
တာလည်းပါလိမ့်မယ်လို့ထင်ပါတယ်။
ဘာကြောင့် ဒီလိုလုပ်နေသလဲ၊ လုပ်ဝံ့သလဲဆိုတာကို အောက်က ရုပ်သံဖိုင်ကို ကလစ်လိုက်ပါ။

ကြည့်ရှုနားထောင်ပြီးပြီဆိုလျင် ဖလုံလို နားမလည်လို့ နားလည်ချင်တဲ့ စဝှော်တွေ။

ဖလုံဖြစ်ပြီး ဖလုံလိုနားမလည်လို့ ဖလုံလိုနားလည်ချင်တဲ့ ဖလုံတွေ။
ဖလုံဖြစ်ပြီး ဖလုံလိုနားလည်ပေမယ့် သီချင်းအဓိပ္ပါယ်ကို ကောင်းကောင်းမသိလို့ သိချင်တဲ့ ဖလုံတွေ။
အတွက် သိတဲ့နားလည်တဲ့ဖလုံတွေက စကားပြေရေးပြီး ရှင်းပြပေးဘို့လိုအပ်ပါတယ်။ ပြီးတော့ ကျောင်းသုံးစာအုပ်တွေမှာ ပြဌာန်းသုံးစွဲကြပါ။
ဒီနေရာမှာ နားလည်ချင်တဲ့  သိချင်တဲ့ ဆိုတဲ့စာသားကို သုံးရသလဲဆိုတော့ မသိနားမလည်ချင်တဲ့ကရင်တွေ ရှိနေလို့ပါ။
ကြည့်တဲ့လူ မြင်ပါလိမ့်မယ်။

ရေးချင်ဇောနဲ့ ရေးလာလိုက်တာ ဗဒို စောသမိန်ထွန်း ဘာတွေပြောသွားသလဲဆိုတာ ရေးပြဘိ်ု့မေ့နေတယ်။
ဒီလိုပြောသွားပါတယ်။
မြန်မာပြည်ရဲ့အခြေအနေက အမယ်ဘုတ်နဲ့ သူ့ချည်ခင်လိုဖြစ်နေတာ။
တစ်ခုရှင်းတာနဲ့မပြီးဘူး။
အစက ကိုင် ရှင်းရမှာ။
ဒါကြောင့် ကရင်ဟာ ကရင့်အတွက်ပဲဆိုတာ ဖွဲ့စည်းလို့ကိုမရဘူး။
တစ်နွယ်ငင်တစ်စင်ပါ အကုန် လုံးရှုပ်နေတာ။

ပြည့်ပြည့်စုံစုံ ဘတ်ချင်လျင်တော့  http://www.hotnewsweekly.com/node/2389

ကျန်းမာချမ်းသာကြပါစေ။

မင်းစိုးစံ
(အဝေးရောက် ကရင်ဒုက္ခသည်တဦး)