အု္က်းမု္ဟုင့္ ဆိုဒ္မု္သု္႐ုင့္

Source Photo from http://www.bbcburmese.com/images

အု္က်းမု္ဟုင့္ ဆိုဒ္မု္သု္႐ုင့္

(စ၀္ေထါဟ္တြၚ)

January 19 2012

ထိုင့္ဖူၟ၀ဲါ ယွိဳ၀္ၟယွင္သီးကို၀္ၟအု္ဟွာ အွ္ဆံင္းလာၟဆၚ။
ပု္ယင္သုဂ္တႜာစံင္မံင္သီးလု္ဖး ခႜါင္ထင္းေ၀့ လု္ ဆ္ုဃွဴ႕ဆု္ ဃွင္ေဍ ဆု္ယွဴးဆု္႓ါအု္ဟွင္ၟယုဂ္႓ွ္။

မြဲါ႓းဆု္ဏွ္လဲ ႓ို၀္ဏါင္းအု္ခါ့ယို၀္မ အု္သီးေ၀့ခႜါင္ထင္းဆု္ဃွဴ႕ဆု္ဃွဴ႕ဆု္ဃွင္ ဏွ္ မဲြါဏု္သီး စွ္ထါင္႓းလု္မိင္မိင္ေဆ၀္ၟဟွ။
အု္သီးေ၀့ဆု္ကဲေခါဟ္ကဲဏါၟသီးလု္ဖး အင္းယူၟလင္ထ၀ယ္ ေစ၀္ယွးသီးလု္ဖး အွ္ေကွ္ေ၀့ ဆု္လင္ၟလု္အွ္လိုင္႓းအု္ ေခါဟ္
စံင္ဏွ္ မြဲါေ၀့ ဆု္ဟွါင္ၟဆု္စံင္း အးမိင္အးထိုင့္အု္ကႜာ မြဲါေ၀့ဍးအု္ဟွာင္ၟအ္ုစံင္းလု္မိင္ေဆ၀္ၟလွ္၊ ယု္ဏွ္ဍ၀္ မြဲါ ယု္ဆု္ေသွ္ဆု္႓း လိုင့္ဃွဦဳဍဳဂ္ပါင္ ဆု္ဆံင့္မံင္းထု္ယ၀္ၟတ၀္လု္ဟွာ မြဲါေအး႓ွ္။

လာၟဏင့္႓ို၀္ဍ၀္ အု္သီးေ၀့ေတၢတ္ပု္၀ါေဍ ဆု္ဟွယ္ဖႜဴၟဟွယ္၀ါအု္ဖင့္ေခါဟ္ ပု္ေအေယါ၀္ၟခြါၟထီ့ထီ့ဆါဆါစၚ႓ို၀္၊ အု္အး ေဍ
အု္ယွာ ဟု္အင္းဏင္ခိင့္ဖါေ၀့ ေသွ္ေ၀့ေဆ၀္ၟလွ္။
အု္သီးေ၀့ ကဲေခါဟ္ကဲဏါၟအွ္ေဍဆု္ယွံင္ဆု္မုဂ္ခါ့ ေ႓့အု္သီးလ၀္ခႜါင္သို၀္ ႓းကဲထင္းအု္ေခါဟ္စံင္ ဂမႜိဳင္ၟဖင့္ေခါဟ္လု္ ဆံင့္မံင္းလိုင္ ဏင္ၟမိင္သီးလု္ကါ မာနိဳင္ဆင္း ထါင္ၟေ၀့ ႓ႜယ္႓ႜယ္မုက္မုက္ဟွံင္ အင္းဃွဴ႕ထင္းေ၀့အု္သီး ဆု္ထင္းအုဲး
ထင္းဖးဍး အု္သီးကု္ဆါၟအု္ဟွင္ၟေဆ၀္ၟလွ္

လု္ယိက္လု္မ၀္ၟ ထီ့ေဍါဟ္ခါန္ၟေဍါဟ္လု္ဖး ကါ႓ၚထါင္ၟေ၀့ ဆု္စီကႜါထင္းထ၀့္(Sanctions)ဏွ္တာၟ ေဍယိက္ေဍ အု္ဏါ့ဆာ့
ထင္းဏွ္ မူ႔လာၟေ၀့ ဆု္အို၀္ထင္းထါင္(Sanctions)ဏွ္အ္ုေခါဟ္စံင္ ခႜါင္ထင္းေ၀့ ဆု္ယွဴးဆု္႓ါအု္ဟွာင္ၟအု္ စံင္း ေဆ၀္ၟလွ္ဆၚ။
အု္ထီ့ဆါထုက္အု္ဏါင္းအု္ကြာလု္မိင္ဏွ္ အွ္လု္ခါန္ၟမု္ညာၟ လီကႜာပု္ယင္ဆု္ၿပိဳင့္ဖိုင္ ကာလာလု္ မာဆု္ယွဴးဆု္႓ါေဍ
KNU/KNLA/PC ခါ့ဍးအို၀္ လု္ယိက္လု္မ၀္ၟ ဖံင္းေဏ၀္ၟမာသီ့ထါင္ေ၀့ ပု္ဆိုဒ္ေဖါဟ္လု္ဖး ေ႓့သို၀္ေထါဟ္ေဖါဟ္ ဆင့္ေဖါဟ္သို၀္ေဆ၀္ၟလွ္။

အု္ေခါဟ္စံင္ ဆု္လု္ပု္ယင္ယို၀္ ဟု္မာပ်ဳက္႓းေအး။
အု္သီးေ၀့ယို၀္ ပု္ယွာၟလ၀္ဆို၀္ေ၀့ မ၀့္မွ္ေဍထုဲးလွ္။
ဆု္လု္ထုဲးယို၀္ ေအွ္ဆါ့ ႓ုဂ္ခါင့္ဖိုင္ေအး ဖူၟ၀ဲါသီးေဟွး။
ျပဴးလာ ျပဴးလာ ျပဴးလာ ဟွယ့္ထါင္ ဟွယ့္ထါင္ ဟွယ့္ထါင္ ကို၀္ၟဟွာေဍ။

Source Audio from http://www.burmese.dvb.no

ပု္ယင္ကဲေခါဟ္ကဲဏါၟ ေဍဆု္ဖံင္းေဏ၀္ၟ ဆု္ထင္းအုဲးထင္းဖး အု္တင္အွ္သီးလု္ဖး ဆု္ခႜါင္လု္ခ၀့္ အု္သီးေ၀့မူ႔လာၟ ပု္ ဆိုဒ္ေဖါဟ္တိုဒ္ကု္ေလင့္ ဆု္ဖၚဆု္မာသီးလု္ဖး ေ႓့မု္ဟွာဟွံင္ဟွာက်း ေ႓့မု္ၿပီမ္ုျပာသို၀္ အင္းတါင္ထင္းေ၀့ ဆု္ထင္း ထ၀့္အု္ဟွင္ၟလာၟဏင့္ မြဲါမု္ထင္းထ၀့္ ပု္ဖႜဳံဆိုဒ္အု္ဟွင္ၟ လု္အွ္ဏင္ၟစယ္စယ္႓း။
မြဲါ႓းဆု္ဏွ္လဲ စၚ႓ို၀္ ဆု္ကုင္းေသွ္႓းေသွ္ေဍ ဆု္အင္းတါင္သံင့္႓းဆု္သီးလု္ဖးအု္ဟွင္ၟ တႜာပညာ့ လင္ဖိုဟ္လင္ဆင့္ အု္စံင္ ဂမႜိဳင္ၟအု္ဟွင္ၟအု္ဂုဏ္အ္ုတာ အွ္ဏင္ၟမိင္မိင္ေအးေဆ၀္ၟလွ္။ ဏု္သီးေအလု္ဏယ္အင္း႓းစၚ႓ို၀္ဆံင့္ဏး ေယါ၀္ၟ႓းလာၟ ဆု္လူၟလု္အု္ဖင့္လ အို၀္ဏွ္ဆၚ။

အု္ဏါင္း လု္

Source Audio from http://www.voanews.com/burmese/blogger

အု္ဏါင္း ဏီ့

Source Audio from http://www.voanews.com/burmese/blogger

ထိုင့္ဖူၟ၀ဲါဖႜဳံယွိဳ၀္ၟဖႜဳံယွင္ ကို၀္ၟဟွာေဍဆၚ။ ဏု္သီးဆံင့္ဏးဆု္လူၟဆု္ခႜါင္လု္ဖး ေအဟွံင္႓ွ္ စၚ႓ို၀္ ပု္မ္ု႓းခါ့ထင္းခင္း လု္ယါ့ ေ႓့ေသွ္သို၀္လယ့္ဏွ္ ဆံင့္မံင္းစွ္ေယါ၀္ၟထီ့ထီ့ဆါဆါ လ၀္ထါင္ကင္ကါယွံင္ဖႜဟ္ဖႜဟ္ျပင္ျပင္ ဆိုင့္ေထံဆု္ အးဟွာဆု္႓းသာ အု္ဖင့္ေခါဟ္ ကို၀္ၟဟွာေဍဆၚ။

အု္ဏါင္း သိုင့္

Source Audio from http://www.voanews.com/burmese/blogger

အု္ဏါင္း လီၟ

Source Audio from http://www.voanews.com/burmese/blogger

မြဲါယု္လု္ဟွာဆု္ဍးဏွ္ အု္ခါ့႓ို၀္ဏါင္းယို၀္ ပု္ယင္သုဂ္တႜာစံင္မံင္သီးလု္ဖး မု္႓းသာဍဳဂ္ဏဲထင္း ဆု္ဃွဴ႔ဆု္ဖို၀္ေဍ ဆ္ုယွဴးဆု္႓ါ လု္အု္ဃွဳက္ထုက္ အု္ဖႜဲထုက္အု္ေခါဟ္စံင္ ကႜဳ္စိုဒ္ေ၀့ ေမါ၀္ၟေမါ၀္ၟယွာၟယွာၟ ေဆ၀္ၟလွ္၊ အု္သီးေ၀့ ဍဳဂ္ဏဲလင္ ဆု္ယွဴးဆု္ ႓ါ ေအေဏ၀္ၟ႓ွ္စၚ႓ို၀္ ဆု္မု္အို၀္ထင္းေဖွ္ အု္သီးဆု္စီကႜာထင္းထ၀့္ Session ဏွ္တာၟ အု္ သီးေ၀့ ေစ၀္ယွးလု္ဖး လု္အု္သီးေ၀့ ႓းသာဃွဦဳဏွ္ ဃွဦဳေ၀့ေဏ၀္ၟ အု္ေခါဟ္စံင္ ႓းဆါင့္ေဍ ဆု္ဍဳဂ္ဆု္ယာ ၿခီျခာ့သီး လ္ုဖး မု္ဃွဦဳအးထင္းဟွံင္ မု္မာသု္႐ုင့္ခြိက္ ပု္ဆိုဒ္႓ံင္ေဆ၀္ၟလွ္ဆၚ။

ဆု္လု္ပ္ုယင္ယို၀္ မု္ပိုင္႓းသာ ပု္ဆိုဒ္လု္မြဲါ႓း မု္မာသု္လုင့္ေ၀့ ပု္ဆိုဒ္႓ံင္ေဆ၀္ၟလွ္၊ အု္ေသ္ွအု္႓းဍဴ လ၀္ထါင္ယွံင္ဆု္ ေဍ ပု္ယင္ခါ့ ဏု္သီး ကု္လံင့္က္ုဍါ တု္မာၟတု္မာၟ ဆံင့္မံင္းဖႜဟ္ဖႜဟ္ဍဴဍဴဟွံင္မ ခႜါင္ယွံင္ေဍ ပု္ယင္ကဲေခါဟ္ကဲဏါၟ လု္စံင္းဏွ္ဆၚ။
ေအလု္မြဲါ႓းဍဴ ဏု္သီးေအကု္လံင့္က္ုဍါသာ ေအမာဟွံင္မာကဲခြိက္စၚ႓ို၀္ ပု္ဖႜဳံဆိုဒ္ေဖါဟ္သီးလု္ဖးအု္က်းမုဟုင့္ပႜ၀္ သီးကာ
ဍၚေအး ထိုင့္ဆိုဒ္သာ့ မု္သု္႐ုင့္ခြိက္ေ၀့ ေဆ၀္ၟလွ္ဆၚ။

ယွဴးမုက္႓ွ္ယ၀့္ က်ာ္ၾသီ့ထင္းထ၀့္လာၟကို၀္ၟဟွာေဍဆၚ။

စ၀္ေထါဟ္တြၚ
ကႜဳံပိုင္ၟ
( ေကါ၀္ၾတာ္ခင္းထၚလ)