ပြည်သူအပေါ် သစ္စာဖေါက်ရာကျသွားမယ် တဲ့လား

ပြည်သူအပေါ် သစ္စာဖေါက်ရာကျသွားမယ် တဲ့လား 

Sunday August 25, 2013.

By မင်းစိုးစံ

 တိုင်းရင်းသား လက်နက်ကိုင်အင်အားစုတွေက ပုဒ်မ ၁၇(၁) ကိုဖျက်သိမ်းပေးဘို့ပြောတော့ မောင်မင်းကြီး
သား ကိုရွှေဗမာစစ်အစိုးရက သူခိုးလူဟစ်လုပ်နေတာတွေ့ရ ကြားရတော့ ကျုပ်ရေးခဲ့တဲ့ အထမ်းသမားပုံ
ပြင်ကို ပြန်သတိရမိတယ်။

လူတွေကို ဘမ်းချင်သလိုဘမ်း ဘာမဟုတ်တဲ့ ကိစ္စလေးတွေကိုတောင် ဥပမာဗျာ ၂၀၁၀ သင်္ကြန် အတက်
နေ့က ရန်ကုန်မြို့ X2O ရေကစားမဏ္ဍပ် ဗုံးပေါက်ကွဲတာကို ဓာတ်ပုံ၊ ဗီဒီယို မှတ်တမ်းရိုက်လို့ အဖမ်းခံရတဲ့
ကိုစည်သူဇေယျကို ထောင်ဒဏ် ၈နှစ်ချလိုက်တာမျိုး။ တခြားအမှုတွေမှာ ထောင်ဒါဏ်တစ်သက်တစ်ကျွန်း
ချတာမျိုး ဥပမာ KNU ခေါင်းဆောင် ဗဒို မန်းငြိမ်းမောင်လို ပေါ့ဗျာ။ တခြားလူတွေလည်း အများကြီးပါ။ 
နောက်တော့ ပြန်လွှတ်ပေးလိုက်တယ်၊  KNU အပါအ၀င် ကရင်တမျိုးသားလုံးက ကျေးဇူးတွေတင်လိုက်
ကြတာ။ ဦးအောင်မင်းက ရိသဲ့သဲ့နဲ့ ဘာပြောလဲသိလား ငြိမ်းချမ်းရေး လက်ဆောင်တဲ့။
အလှူ့ရှင်လဘက်နဲ့ မျက်နှာလုပ်တယ်ပြောမလား။ သူများပိုင်တဲ့ ပစ္စည်းကိုဓါးပြတိုက်သလိုမျိုး မောင်ပိုင်စီး
ပြီး အလှူလုပ်တာလားတော့ အတိအကျ မပြောနိုင်ပေမယ့် ကောက်ကျစ်တာတော့ အမှန်အကန်ပါ။

အမေရိကန်နဲ့ ဆက်ဆံရေးကောင်းစေချင်လျင် ဗမာစစ်အစိုးရအနေနဲ့ နိုင်ငံရေးတိုးတက်ပြောင်းလွဲမှုတွေကို
ပြရမယ်ဆိုလို့ လုပ်ပြစရာကလည်း သူတို့ခမျာ ရွေးစရာဒီနည်းလမ်းပဲရှိတယ်လေ။
လယ်တွေဆိုလည်း သိတဲ့အတိုင်းပဲ ဆန္ဒပြတဲ့လူကို မီးလောင်ဗုံးနဲ့ ပစ်၊ ၀ါးရင်းတုတ်နဲ့ရိုက်၊ ဒါတင်လားဆို
တော့ မဟုတ်သေးဘူး၊ နစ်နာတဲ့သူတွေဘက်က ကာကွယ်ပြောဆိုတဲ့လူကို ထောင်တွေချ၊ ဒါဏ်တွေရိုက်။
အပြစ်အခတ်ရပ်စဲစဉ်ကာလမှာတောင် ကရင်တွေကို ရိုက်နှက်၊ ထိုးကြိတ်၊ ဘမ်းဆီး၊ ချောဆွဲ၊ လုပ်အားပေး
ဆိုတဲ့ စကားလုံးလှလှလေးနဲ့ အတင်းခိုင်း၊ နောက်ကျသွားလျင် အချိန်မှီရောက်မလာလျင် သေနတ်နဲ့ ပစ်၊
အဲဒါမျိုးတွေ လုပ်ပြနေတာများ မကြားချင်အဆုံးပဲ။

အခြေအနေက တကယ်တင်းတင်းမာဖြစ်လာပြီဆိုလျင် ဖြစ်ကတတ်ဆန်း သိမ်းထားတဲ့လယ်တွေထဲက မစို့
မပို့လေးလောက်ကို အနှောင်အဖွဲ့သောင်းခြောက်ထောင်နဲ့ ပြန်ပေးမယ်၊ နာမည်ကောင်းယူမယ်။ လယ်အ
သိမ်းခံရတဲ့လူတွေထဲက လယ်ပိုင်ရှင်အချို့ ကျေးဇူးတင်မယ်။

သူတို့လုပ်ရပ်ရဲ့ သဘောသဘာဝကို ကျုပ်မြင်မိတာကတော့
ကရင်တွေ ဘာလုပ်လာမလဲ။
ငြိမ်နေလား။
ငြိမ်နေလျင် ဆက်လုပ်မယ်။
မငြိမ်ဘူး ပြန်ချလျင် အချိုသပ်ပြီး ဝေ့လည်ကြောင်ပတ် အချိန်ဆွဲထားတာလေးကို ပိုပြီးကြာကြာဆွဲထားနိုင်
မယ့် စကားလုံးလေးတွေနဲ့ ချော့မယ်။
ပြီးတော့မှ ကရင်လက်နက်ကိုင် အဖွဲ့တွေကြား ကရင့်နိုင်ငံရေး အဖွဲ့အစည်းတွေကြားမှာ တစ်ဘက်နဲ့တစ်
ဘက် မတည့်အောင် နားလည်မှုလွဲမှားအောင် သတ်ကြဖြတ်ကြ ကွဲကြပြဲကြအောင် သပ်လျှိုမယ်၊ ပြီးလျင်
ကယ်တင်ရှင်ကြီးလိုလို ငြိမ်းချမ်းရေးကို တကယ်လိုလားနေသယောင်ယောင် လုပ်ပြပြီး စစ်အာဏာသက်
ဆိုးရှည်အာင် တည်ဆောက်မယ်။ အဲဒါကတော့ ဗမာစစ်အစိုးရအဆက်ဆက် သုံးနေတဲ့ ဆေးနည်းတွေပါ။

ဦးအောင်မင်း တဖွဖွပြောပြောနေတဲ့စကား နားကြားပျင်းကပ်ဘို့ကောင်းတဲ့စကား မကြာမကြာကြားကြားနေ
ရတဲ့ စကားတခွန်းက အခု ခေတ်တွေ စနစ်တွေပြောင်းနေပါပြီ၊ ယခင်အစိုးရလက်ထက်တုန်းကလို မဟုတ်
တော့ပါဘူး၊ ပြည်တွင်းမှာ ပြန်လုပ်တော့ ပိုကောင်းတာပေါ့ ဆိုတာ။
ဒီအကျင့်ဆိုးနဲ့ ဒီလေသံက သူ့လက်ထက်မှာမှမဟုတ်ဘူး။ ဗမာစစ်အစိုးရခေတ် စမဖြစ်ခင်ကာလ ကတည်း
က သုံးလာတဲ့ လက်သုံးစကားပါ။ တနည်းပြောရလျင် ငါးမျှားချိတ်ပေါင်းများစွာအပေါ် တွယ်ချိတ်ထားတဲ့
ငါးစာပါ။ ငါးစာရဲ့ ပုံစံအရောင်အသွေး အစ အားလုံးအားလုံး အတူတူပါ။

ယခင်က မယုံကြည်မှုတွေ အာဃာတတွေကို ဖျောက်ကြပါ။  ဗမာတွေဟာ ယခင်က ဗမာတွေမဟုတ်ဘူး။
၁၉၄၆ခု ဗမာတွေဖြစ်တယ်။ ပြည်မနဲ့ ပူးပေါင်းပြီး လွတ်လပ်ရေးတိုက်ပွဲ ၀င်ကြပါ။ လွတ်လပ်ရေးရပြီးလျင်
ခွဲထွက်ချင်တယ်ဆိုလျင်လည်း ခွဲထွက်နိုင်ကြပါတယ်။ ဆိုတဲ့ကတိက၀တ်တွေ ထားခဲ့ကြပါတယ်။

(ဦးရွှေအောင် ရေးသားသည့် တတိယပြည်ထောင်စု ဗမာနိုင်ငံသို့ (ဘယ်တော့ ဘာကြောင့် ဘယ်လို စာ
မျက်နှာ ၇၂ စာကြောင်းရေ ၁၆ မှ၂၁ အထိ)

တခါ နိုင်ငံရေးသမား စာရေးဆရာ ဗမော်တင်အောင် က
ဖက်ဆစ်နှင့်ဒီမိုကရေစီ ဘယ်သင်းရွေးမလဲ ဟူ၍ မဲခေါ်ကာတက်လာခဲ့သော ပထမအစိုးရသည် ၁၃နှစ်
ကျော်ကျော် ၁၄နှစ်ခန့်မျှ ကရင်အမျိုးသားများအပေါ် စစ်ပြုနေသော မိမိတို့၏လုပ်ငန်းကို ပြန်လည် စဉ်း
စားသင့်လှပြီဟု တင်ပြလိုသည်။
မြန်မာနိုင်ငံတော်၏ သမိုင်းတလျှောက်လုံး မည်သည့်တိုင်းရင်းသားလူမျိုးစုနှင့်မှ ပဋိပက္ခသော်လည်းကာင်း၊
စစ်မက်သော်လည်းကောင်း ဖြစ်ပွါးခဲ့ခြင်းမရှိသော ကရင်အမျိုးသားများ၏ ပြဿနာကို စစ်ပြု၍ဖြေရှင်းနေ
ခြင်းသည် ပြည်ထောင်စုကြီးတရပ်လုံး၏ အရေးအနေနှင့်သော်လည်းကောင်း၊ မှန်ကန်သည် သို့မဟုတ် မှား
ယွင်းသည်ဆိုသောအချက်ကို လေးလေးနက်နက်စစ်ဆေးတွက်ချက်ဘို့ လိုအပ်လှပြီဟု ထင်ပေသည်။
သမိုင်းတလျှောက်လုံး မိမိတို့၌ရှိတတ်သမျှကလေးနှင့် အေးအေးချမ်းချမ်းနေထိုင်ခြင်း ပြုလာခဲ့သော ထို
တိုင်းရင်းသားလူမျိုးစုများ၏အရေးကို အဘယ့်အတွက် ငြိမ်းချမ်းသောနည်းဖြင့်ဖြေရှင်း၍ မရနိုင်နိုင်မည်
နည်း။
ထို့ကြောင့်နိုင်ငံတော်အစိုးရသည် ကရင်အမျိုးသားများအပေါ်၌ ၁၃နှစ်ကျော်မျှကျင့်သုံး၍ အောင်မြင်ခြင်း
လည်းမရသော လက်နက်အားကိုးဝါဒကို အမြန်ဆုံးရပ်စဲကာ ကရင်အမျိုးသားများ၏ပြဿနာကို မှန်မှန်
ကန်ကန်ဖြေရှင်းခြင်းပြုနိုင်ရန်အတွက် ကရင်အမျိုးသားအကြီးအကဲများ၊ ခေါင်းဆောင်များနှင့် စားပွဲဝိုင်းတွင်
ထိုင်ကာ ပွင့်ပွင့်လင်းလင်းနှင့်ရင်းရင်းနှီးနှီး ဖြေရှင်းသင့်လှသည်ထင်ပေသတည်း။

ဗန်းမော်တင်အောင်
၁၉၆၂ခု ဖေဖေါ်ဝါရီလထုတ် ကရင့်ရှေ့ဆောင်ဂျာနယ်။

See more at: http://phutarmiteold.blogspot.com/search/label/article?updated-max=2009-07 -14T17:47:00-07:00&max-results=20&start=395&by-date=false

အဲဒါတွေက ဘာကိုပြနေသလဲ ဆိုတော့ ဗမာစစ်အစိုးရအဆက်ဆက်ဟာ တိုင်းပြည်ကို ဘယ်လောက်အ ထိ စုတ်ပြတ်သပ်သွားအောင် လုပ်ပစ်ခဲ့တယ်ဆိုတာကို ပြနေတဲ့အချက်တွေဖြစ်သလို၊ တိုင်းရင်းသားတွေ
အပေါ် ပမာမခန့်တဲ့ ပုံစံ၊ တိုင်းသူပြည်သားကို ဆင်းရဲတွင်းနက်သည်ထက်နက်အောင် လုပ်နေရတာကို အ
လွန် အရသာတွေ့နေလို့ဆိုတာ လယ်ပြင်မှာ ဆင်သွားသလို ဘယ်လိုမှ ငြင်းမရတဲ့အချက်ပါ။

ဒီကနေ့ နောင်တရနေကြပြီလား ဆိုတော့ ဝေးသေး။ မိုက်လို့ကောင်းတုန်း။ ငြိမ်းချမ်းရေးလုပ်တဲ့ လက်နက်
ကိုင်အဖွဲ့တွေက မတရားအသင်းကနေ ပယ်ဖျက်ပေးဘို့ပြောတော့

“နိုင်ငံရေးပြစ်မှုကျူးလွန်တယ်။ သူတို့ကိုမတရားအသင်းက ပယ်ဖျက်ပေးလိုက်တယ်ဆိုရင် နိုင်ငံရေးပြစ်မှု
ကျူးလွန်တဲ့သူတွေ က Auto Meticulously ပါသွားမယ်။
တကယ်လို့သူက ရာဇ၀တ် မှုကျူးလွန်တဲ့ လူတစ်ဦးတစ် ယောက်ကိုနစ်နာတယ်။
သေတယ်၊ကျေတယ်ဆိုရင်ကျွန်တော် တို့ကလုပ်ပေးလို့မရဘူး။
တကယ် လို့လုပ်ပေးလိုက်ရင် ပြည်သူကို သစ္စာဖောက်ရာကျသွားမှာပေါ့”

တခြား စကားလုံးတွေကတော့ လက်ခံနိုင်စရာ ရှိသလိုလို ဖြစ်ကောင်းဖြစ်နိုင်ပေမယ့် ပြည်သူကို သစ္စာ
ဖေါက်ရာ ကျသွားမှာပေါ့ ဆိုတဲ့စကားက အင်မတန် အော့နှလုံးနာစရာကောင်းလှပါတယ်။
မေးပါရစေ။ ဘယ်တုန်းကများ ပြည်သူအပေါ် သစ္စာရှိခဲ့တာပါလိမ့်။
ကျောက်ပန်းတောင် အရေးအခင်းတုန်းကလည်း ဆန္ဒပြတဲ့ စခန်းကိုသွားပြီး စခန်းရဲ့မြေအနေအထားကို အ
သေအချာ မှတ်၊ ဘယ်နေရာမှာ ဘာရှိတယ်။ ဘယ်နေရာက ချက်ကောင်း။ ဆိုတာကို လေ့လာထောက် လှမ်း၊ ဘုန်းတော်ကြီးတွေကို တရုတ်ကိုကြောက်နေရတဲ့အကြောင်း၊ နေပြည်တော်ကိုသွားပြီး ဦးသိန်းစိန်ကို
အစီယင်ခံပြီး အကောင်းဆုံးဖြစ်အောင် လုပ်ပေးပါ့မယ်ဆိုတဲ့အကြောင်း၊ ဆယ်ရက်တန်သည် တပါတ်တန်
သည် အချိန်ပေးဘို့လိုပါကြောင်း၊ မိမိအနေဖြင့် ဆရာတော်ဘုရားများအပေါ် မလိမ်မညာပါကြောင်း၊ ပြော
သည့်အတိုင်း မဖြစ်လာပါက ကြိုက်သလို တရားစွဲနိုင်ပါကြောင်း အတည်ပေါက်ပြောအပြီး သုံးလေးရက် အ
ကြာမှာတော့ သံဃာတော်တွေ မီးလောင်ဗုံးနဲ့ နှစ်ပါးသွားကြရပါတော့တယ်။

ပြည်သူအပေါ် ထားတဲ့ ဗမာစစ်အစိုးရရဲ့သစ္စာတရားက တမျိုးကြီးပါလားနော်။ အဲဒီတော့ဗျာ ဦးအောင်မင်း
တို့ ဖြစ်ချင်နေတဲ့ ငြိမ်းချမ်းရေးဆွေးပွဲပဲဖြစ်ဖြစ်၊ အပစ်အခတ် ရပ်စဲရေးပဲဖြစ်ဖြစ်၊ နိုင်ငံရေးဆွေးနွေးပွဲပဲ ဖြစ်
ဖြစ် ရွှေလက်နဲ့ခေါ်လို့မရလျင် ကျည်ဆံကျွေးပစ်လိုက် ဆိုလား ဘာလား၊ အဲ အဲ အဲဒါမျိုး။

အားလုံးကို ကျေးဇူးတင်ပါတယ်။

ကျန်းမာချမ်းသာကြပါစေ။

မင်းစိုးစံ
(အဝေးရောက် ကရင် ဒုက္ခသည်တဦး)