Thursday
ပိုးကရင်စာ သင်ကြပါစို့ (အပိုင်း ခြောက်)
By မင်းစိုးစံ
ကျုပ်ရဲ့ ဆရာက ကရင်လို အခန်းအနားတွေမှာ သတိ နေမြဲ ကရင့်အမျိုးသားအလံတော်အား အလေးပြု၊ ကျဆုံး
လေပြီးသော အာဇာနည်ခေါင်းဆောင်ကြီးများအား အလေးပြု ကရင့်သစ္စာအဓိဌာန်များကို ရွတ်ဆို စတဲ့အမိန့်ပေး
သံတွေကို သံစဉ်တွေ စာသားတွေပါ တင်ပေးပါဆိုလို့ တင်ပေးလိုက်ပါပြီဗျား။
သို့သော် စာသားများကို ရိုက်ထည့်ပေးနိုင်ခြင်းမပြုနိုင်လိုက်တဲ့အတွက် နားလည်ပေးစေချင်ပါတယ်။
အကြောင်းကတော့ အာဇာနည်ကို ကရင်လိုခေါ်ဝေါ်သုံးစွဲတာနဲ့ ပတ်သက်ပြီးမသေမချာတာတွေရှိနေတာမို့ စာ
သားနဲ့တင်တဲ့အခါမှာ ရှုတ်ထွေးကုန်ပြီး ရှင်းရခက်နေမှာစိုးလို့ဖြစ်ပါတယ်။
အာဇာနည်နေ့ကို ကရင်လို ဍူ၀၀် လို့ရေးသားသုံးနှုံးထားတာတွေ့ရပါတယ်။
ဍူ ဆိုတဲ့အဓိပ္ပါယ်က ရဲစွမ်းသတ္တိနဲ့ပြည့်စုံတယ်လို့ ယူဆပြီးသုံးစွဲထားသလို ၀၀် ဆိုတဲ့ ဝေါဟာရကတော့ နီစွေးခြင်း
နီရဲခြင်း ရဲရဲတောက် စသည်ဖြင့် အဓိပ္ပါယ်ကောက်ယူကြတယ်လို့ ထင်ပါတယ်။
ကျုပ်သိရသလောက်ကတော့ အာဇာနည်ကို ကရင်လို ဖိုတ်ထေံသုဂ် လို့ ရေးသားထားတာကို တွေ့ဘူးပါတယ်။
သုဂ် ဆိုတာက စစ်သား။ ရွေ့လျားခြင်း၊ ပြောင်းရွှေ့ခြင်း၊ နေရာချခြင်း။
ထေံ ဆိုတာက ပြတ်တောက်ခြင်း။ ပြတ်ခြင်း။
ဖိုတ် ဆိုတာက ကျွတ်ထွက်ခြင်း။ ပဲ့ထွက်ခြင်း။
အဲဒီတော့ အာဇာနည်ဆိုတာက ရဲစွမ်းသတ္တိရှိတာတင်မကပဲ ပေးဆပ်ခြင်း အနစ်နာခံခြင်း စွန့်လွှတ်ခြင်း ဆိုတဲ့အ
ခြေခံအကြောင်းရင်းခံတွေ စိတ်ဓါတ်တွေရှိရတာဆိုတော့ ဍူ၀၀် ဆိုတာမှန်သလား ဖိုတ်ထေံသုဂ် ဆိုတာက မှားနေ
သလား ပေါ့လေ။ အဲဒီလိုမသေမချာဖြစ်နေတော့ သံစဉ်ထဲမှာလည်း မပါသလို စာသားနဲ့လည်း ရေးမပြထားသေး
ပါဘူး။ သေခြာတဲ့ စာရွက်အထောက်အထားလေးတွေ့မှပဲ ပြန်ပြီးရေးသားတင်ဆက်ပေးပါ့မယ်။
ကျုပ်ဆိုတဲ့လူကလည်း အပြောင်းအရွှေ့သိပ်ထူတာဗျို့။
ဗမာပြည်ထဲမှာ နေတုန်းကလည်း ပြောင်းလိုက်တာ နေရာအနှံ့ပဲ။ ကရင်ပြည်နယ်ရောက်ပြန်တော့ အိမ်ဆိုတာဘာ
မှန်းတောင်မသိဘူး။ နယ်စပ်ရောက်ပြန်တော့ ပြောင်းတာက မရပ်နိုင်ဘူး။ ထိုင်းနိုင်ငံဒုက္ခသည်စခန်းမှာတောင် အ
ငြိမ်မနေရဘူး။ အမေရိကန်နိုင်ငံရောက်တော့လည်း ပြည်နယ်တခုကနေ တခုကိုပြောင်းရုံတင်မကသေးဘူး၊ တမြို့
ထဲမှာတင် နေရာ ငါးနေရာလောက်ပြောင်းနေတာ ဆိုတော့ စာရွက်စာတမ်းတွေလည်း ပျောက်မှာပေါ့ဗျာ။
ကံကောင်းလျင်တော့ပြန်တွေ့မှာပါ။
အဲဒီတော့မှပဲ အာဇာနည်နေ့ ဆိုတာ ဒီလိုခေါ်တယ်ဆိုတာကို သက်သေအထောက်အထားနဲ့ပြနိုင်မှာလေ။
မဟုတ်လျင် နာ့ဟူးပွါတဲ ဆိုတာနဲ့ စခန်းသွားနေရတာ ကြာလာတော့သိပ်ပြီး မပျော်ချင်တော့ဘူး။
အောက်က ရုပ်သ့ဖိုင်လေးကို နားဆင်ကြည့်ရှုကြပါ။
ဖုတာမိုက်ဂုဏ်ကျေးဇူး ဆိုတဲ့ ဘုန်းတော်ကြီးကျောင်းက ကျောင်းသားလေးတွေနဲ့ ဆရာဆရာမတွေ စာမသင်မီအ
ချိန်မှာ သီဆိုထားကြတာပါ။
စနေနေ့ နဲ့ တနင်္ဂနွေနေ့ တွေမှာ စာသင်ပါတယ်။ ဒုံးသင်ပါတယ်။
ကျန်းမာချမ်းသာကြပါစေ။
မင်းစိုးစံ
(အဝေးရောက် ကရင်ဒုက္ခသည်တဦး)