Wednesday
ပိုးကရင်စာ သင်ကြပါစို့ (အပိုင်း ငါး)
By မင်းစိုးစံ
ဘာလိုလိုနဲ့ အပိုင်း (၅)ကိုရောက်လာပါပြီ။
စာသင်ပေးမယ်လို့ စိတ်ကူးမရှိသေးပေမယ့် အခြေခံသင်ပုန်းကြီးလေးလောက်ကို ပီပီသသ အသံထွက်ရွတ်ဆိုနိုင် ကြပါစေလို့ ဆန္ဒရှိတာနဲ့ ကရင်လို အသံထွက်တတ်အောင် အသံနဲ့ ဒုက္ခပေးလိုက်ပါတယ်။
ဘယ်လိုပဲဖြစ်ဖြစ် အသံထွက်ကို အသေအချာနားထောင်ပါ။ အာရုဏ်စိုက်ပါ။
စာလုံးတွေကိုလည်း အသေအခြာဂရုစိုက်ပြီး ကြည့်ရှုပါ။
စာလုံးတူတယ် အသံမတူတာတွေရှိတာကို သတိပြုမိပါလိမ့်မယ်။
ကရင်စာမှာ အသံမငြိမ်တဲ့ စာလုံးတွေကို သတိထားမိစေချင်တဲ့အတွက် အခုလို အသံနဲ့ဒုက္ခပေးလိုက်ရတာပါ။
စိတ်မရှိပါနဲ့။
နောက်တမျိုးကတော့ စ (စလုံး)နဲ့ ဆ (ဆလိန်) မှာ ကျ ချ ဆိုတဲ့အသံကို ကြားမိပါလိမ့်မယ်။ နောက်စာလုံး တလုံး
က ဇ(ဇကွဲ)ပါ။ ကရင်လူမျိုးတွေမှာ ဇ အသံထွက်နဲ့ ပြောဆိုသုံးနှုံးထားတာမျိုး မရှိပါဘူး။ ဇ ဆိုတဲ့အသံထွက်ရှိမယ်
ဆိုလျင် အဲဒီစကားလုံးဟာ အခြားဘာသာစကားကနေ ကူးချထားတဲ့ စကားလုံးသာဖြစ်ပါတယ်။
ဒါကြောင့် ဇ (ဇကွဲ)နေရာမှာ ကျ ဆိုတဲ့အသံကို ထွက်ဆိုပြထားပါတယ်။
အကယ်၍ ပညာရှင်များအနေနဲ့ ကရင်ဝေါဟာရတွေမှာ ဇ (ဇကွဲ)နဲ့ အသံထွက်ပြီး ရေးသားသုံးနှုံးထားတာ ရှိတယ်
ဆိုလျင် အထောက်အထားများနဲ့ တကွ ရှင်းလင်းသင်ကြားပေးဘို့ လေးစားစွာနဲ့ မေတ္တာရပ်ခံ တောင်းပန်လိုပါ
တယ်။
အခုလိုမေတ္တာရပ်ခံရတာက အကြောင်းရှိပါတယ်။ ကရင်လူမျိုးတွေရဲ့ ဘာသာစာပေဟာ တိုးတက်သင့်သလောက်
မတိုးတက်သလို ပြန့်ပွါးသင့်သလောက်မပြန့်ပွါးရခြင်းတွေထဲမှာ ပညာရှင်တွေဟာ ကိုယ့်မှာရှိတဲ့ပညာကို ထုတ်သုံး
ဘို့ ၀န်လေးနေကြတဲ့ အချက်ကလည်း အင်မတန်အရေးကြီးတဲ့အချက်ဖြစ်နေလို့ ဖြစ်ပါတယ်။
ဒါကြောင့် မိမိအမျိုးသားစာပေ တိုးတက်ပြန့်ပွါးရေးအတွက် မိမိတို့မှာရှိနေတဲ့ ကရင်ဘာသာစာပေနဲ့ပတ်သက်တဲ့
အသိပညာတွေကို မျှဝေပေးဘို့ ၀န်မလေးကြပါနဲ့။
နောက်ဆုံးတော့ ကိုယ့်မှာရှိနေတဲ့ ဖျာတချပ်ကို ဆုတ်ပြဲမှာစိုးပြီး ကြတ်ခိုးစင်ပေါ်တင်ထားရာကနေ နှစ်ကြာလာတာ
နဲ့အမျှ ဆွေးမြေ့ပျက်ဆီးသွားသလို ကရင်အမျိုးသားဘာသာစာပေတွေ ပျက်ဆီးမယ့်အရေးကိုထောက်ထားသော
အားဖြင့် မျှဝေပေးကြစေလိုပါတယ်။
မသိနားမလည်သူတယောက်ဖြစ်တဲ့ ကျုပ်ရဲ့ ကြိုးပမ်းမှုတွေကို ကူညီတဲ့အနေနဲ့ အမှားအယွင်းတွေ ချို့ယွင်းချက်နဲ့ အဆီအငေါ်မတည့်တဲ့ ပြောဆိုသုံးနှုန်းမှုတွေကို မြင်လျင်မြင်တဲ့အတိုင်း မထောက်မညှာ ထောက်ပြပြုပြင်ပေးဘို့
အထူးလိုအပ်ပါတယ်။
ဒါမှသာ ကျုပ်တို့တတွေရဲ့ မျိုးဆက်သစ်လေးတွေ မှန်ကန်ခိုင်မာတိကျတဲ့ စာပေကို လက်ဆင့်ကမ်းသင်ကြားတတ်
မြောက်နိုင်ကြပါလိမ့်မယ်။
မင်းစိုးစံ
(အဝေးရောက် ကရင်ဒုက္ခသည်တဦး)