ဆရာတော်ဥတ္တမနှင့် အနာထပိဏ်သူဌေးဝတ္ထု
မိတ်ဆွေအပေါင်း စိတ္တသုခ ကာယသုခ သုခနှစ်ဖြာနဲ့ပြည့်စုံနိုင်ကြပါစေကြောင်း ဆုမွန်ကောင်း တောင်းလိုက်ပါ
တယ်။
ဆရာတော်ဥတ္တမဆိုတဲ့ ဘွဲ့တော်တွေက များလွန်းတော့ ဘယ်ဆရာတော်ကိုရည်ညွှန်းတာပါလိမ့်ဆိုတဲ့ အတွေး
တွေများ တွေးမိလေကြမလား၊ ဒါမှမဟုတ် အနာထပိဏ်ဝတ္ထုကိုဟောကြားတော်မူတဲ့ ဆရာတော်ဥတ္တမ တွေကို
ဖေါ်ညွှန်းမလို့လား၊ စသည်ဖြင့် အတွေးတွေဝင်နေကြလေမလားဆိုတာ စဉ်းစားမိတာမို့ အနာထပိဏ် သူဌေး ၀တ္ထုကို ဗမာဘာသာစာပေကနေ ကရင်ဘာသာစာပေကို ရေးသားပြန်ဆိုတဲ့ ကရင့်အမျိုးသားသံဃာတော် တပါး
ဖြစ်တဲ့ ဆရာတော် ဥတ္တမရဲ့အရေးအသားနဲ့ အတွေးတွေကို ချီးမွှမ်းပူဇော်ချင်လို့ အခုလိုခေါင်းစည်းမျိုးကို တင်လိုက်
ခြင်းဖြစ်ပါတယ်။
ကရင်ပြည်နယ် မုက္ကဒိကျေးရွာ ကျောက်တောင်တောင်ခြေက ကျောင်းတော်မှာသတင်းသုံးတဲ့ ဆရာတော်ဥတ္တမရဲ့
ကရင့်မျိုးဆက်သစ်တွေနဲ့ ကရင်အမျိုးသားထုတရပ်လုံးအတွက် ရည်ရွယ်မျှော်မှန်းထားချက်တွေ ကြီးမားလှသလို
ဆရာတော်ရဲ့ ကြိုးစားအားထုတ်မှုတွေဟာ တန်ဘိုးမဖြတ်နိုင်လောက်အောင် အကျိုးကျေးဇူးကြီးမားလွန်းလှပါ
တယ်ဆိုတာကို ဦးစွာပထမ သိစေလိုပါတယ်။
ဘာကြောင့်ဒီလိုပြောနိုင်ရသလဲဆိုတော့ ဒီကနေ့ အင်တာနက်ပေါ်မှာ တ၀က်တပြက်ရောက်နေတဲ့ ပိုးကရင် ဗမာ
အင်္ဂလိပ် အဘိဓာန်စာအုပ်ဆိုတာ ဆရာတော်ကိုယ်တော်တိုင် ပိုးကရင်ဘာသာစာပေကနေ ဗမာဘာသာစာပေ
ကို ရေးသားပြန်ဆိုထားတာဖြစ်ပါတယ်။
စာရေးသူ သိသလောက်ရေးပြရမယ်ဆိုလျင် ၁၉၉၈ခုနှစ်လောက်မှာ ထိုင်းနိုင်ငံ ပတ်ထယားမြို့ ကျီတာဖါဝါဘုန်း
တော်ကြီးကျောင်းကနေ ဆရာတော်ဥတ္တမရဲ့ ပိုးကရင်နဲ့ဗမာအဘိဓာန် စာရွက်အထုပ်ကြီးကို ဘန်ကောက်အ
ရောက်ယူလာပြီး ကွန်ပျူတာပေါ်စာရေးသူကိုယ်တိုင် ရေးသားရိုက်နှိပ်ခဲ့ပါတယ်။ အင်္ဂလိပ်လို ဖြည့်စွက်ဘာသာပြန်ဆိုကြသူများကတော့ ဒေါက်တာ မာဒင်မြတ်ကျော်(ဒေါက်တာ မာတာ KNU နိုင်ငံခြားရေးဝန်ကြီးဟောင်း) ဆရာမနန်းရွှေရည်(Bangkok UNHCR office interpreter)နဲ့ ဒေါက်တာ မာတာရဲ့အစ်ကို(ဆရာမနန်းရွှေ ရည်ရဲ့ခင်ပွန်း)တို့က တည်းဖြတ်ဘာသာပြန်ဆိုထားကြတာဖြစ်ပါတယ်။
ပိုးကရင် ဗမာ အင်္ဂလိပ် အဘိဓာန်စာအုပ်ကို ကန်ချနဘူရီမှာရှိတဲ့ (Drum Publication)မှာ စာရေးသူကိုယ်တိုင်
အချောကိုင်ခဲ့ပါတယ်၊ ဒီအဘိဓာန်ထုတ်လုပ်မှုကုန်ကျစားရိတ်ကို OSI (Open Society Institute) က ကူညီပံ့ပိုး
ပေးတာဖြစ်ပါတယ်။
နောက်ဆုံး စာအုပ်ကိုထုတ်လိုက်တဲ့အခါမှာ စာရေးသူကိုယ်တိုင်အချောကိုင်ထားတဲ့ပုံစံမျိုး ထွက်မလာပဲ အတော်
လေးကို(ထင်ထားတာထက်) ချို့ယွင်းအားနည်းနေတာကို တွေ့ရပါတယ်။ Fontမတူလို့ ဖြစ်ရတာလို့ သိရပါတယ်။
ကိုယ့်လူမျိုးကို ကိုယ်ချစ်တယ်ဆိုတာ နှုတ်ဖျားကနေ ကရားရေလွှတ်သလို ပြောတာမျိုး လူတိုင်းတတ်နိုင်ကြပါ
တယ်၊ တကယ်တမ်း နင်လားငါလား လုပ်ပြကြစမ်းဟေ့ဆိုလျင် လုပ်ပြနိုင်မယ့်လူအတော်လေးကို နည်းပါးမှာဖြစ်ပါ
တယ်။
ဆရာတော်ဥတ္တမလိုပုဂ္ဂိုလ်မျိုး ကရင်အမျိုးသားထုကြားမှာ အမျိုးသားတိုးတက်ဖွံ့ဖြိုးရေးအတွက် ကျား ကုတ်ကျား
ခဲ ရေကုန်ရေခမ်းလုပ်နိုင်မယ့်၊ စွမ်းဆောင်နိုင်မယ့် သံဃာတော်အပါအ၀င် လူပုဂ္ဂိုလ်မျိုးအထူးလိုအပ်နေတာ အား
လုံးအသိဖြစ်ပါတယ်။
အတတ်ပညာပိုင်းဆိုင်ရာနဲ့ အတွေးအခေါ်ပိုင်းဆိုင်ရာတွေမှာ ဖွံ့ဖြိုးတိုးတက်မှုမရှိသမျှကာလပတ်လုံး လူတဦး မိ
သားစုတစု လူမျိုးတမျိုး ရွာတရွာ မြို့တမြို့ တိုင်းပြည်တပြည် စည်ပင်သာယာဘို့ဆိုတာ မဖြစ်နိုင်ပါဘူး။
လူတဦး ချင်းကနေ တတိုင်းပြည်လုံးမှာရှိတဲ့လူတွေ အတွေးအခေါ်နဲ့အတတ်ပညာ တိုးတက်ဖွံ့ဖြိုးမှသာလျှင် တိုင်း
ပြည်တပြည်လုံး ရေရှည်ကြွယ်ဝချမ်းသာမှာဖြစ်ပါတယ်။
စာရေးသူအနေနဲ့ အနာထပိဏ်ဝတ္ထုကို သေချာကျနစွာ ဘတ်ရှုလေ့လာခဲ့ခြင်းမရှိခဲ့ပါဘူး။
အနာထပိဏ်ဆိုသူဟာ ဆွေခုနစ်စဉ် မျိုးခုနစ်ဆက် အင်မတန်ကြွယ်ဝချမ်းသာတယ်ဆိုတာလောက်ပဲ သိခဲ့ပါတယ်။
ဆရာတော် ဥတ္တမ ဘာသာပြန်ထားတဲ့ အနာထပိဏ်ရဲ့အကြောင်းကို ဘတ်ရှုမိတဲ့အခါကျမှသာ သူကြွယ်မျိုးရိုးက
ဆင်းသက်လာတဲ့ အနာထပိဏ်ဆိုတာ ငယ်နာမည်သုဒတ္တ ဖြစ်တယ်၊ ကုန်သည်အလုပ်ကိုလုပ်တယ်၊ နောက်ဆုံး
ရဟန်းအဖြစ်ကိုခံယူလိုက်တယ်။
သုဒတ္တအမည်ကနေ အနာထပိဏ်လို့ ဘာကြောင့်ပြောင်းသွားတာလဲ၊ သူဌေးကြီးသုဒတ္တက အလှူအတန်းတွေ နေ့
စဉ်လှူဒါန်းတဲ့အတွက် ငယ်နာမည်(မိဘမှမှည့်ခေါ်သောအမည်)ပျောက်ပြီး အနာထပိဏ်(အနာထပိဏ္ဍက) လို့
တိုင်းသူပြည်သားတွေက ခေါ်တာဖြစ်တဲ့အကြောင်း။
အနာထပိဏ်ဆိုတာ ဘာအဓိပ္ပါယ်လဲ၊ အနာထပိဏ်ဆိုတာ အနာထပိဏ္ဍက လို့ဆိုတဲ့အတိုင်း ကိုးကွယ်ရာမဲ့ သူတို့
အား ထမင်းပေးကမ်းသူ ဆိုတဲ့အဓိပ္ပါယ်ဖြစ်ကြောင်း ဆရာတော်က ရေးသားဖေါ်ပြထားတာမို့ အလွန်ပဲ ပီတိဖြစ်ရ
ပါတယ်။ ဘာကြောင့်လဲဆိုတော့ အနာထပိဏ် ဆိုတဲ့အဓိပ္ပါယ်ကို တိတိကျကျသိလိုက်ရတဲ့အတွက်ပါ။
နောက်ဆက်တွဲအနေနဲ့ စာရေးသူမိမိဟာဖြင့် စာပေဗဟုသုတ အလွန်ခေါင်းပါးနေကြောင်း မိမိကိုယ်ကို ဆင်ခြင်မိ
သွားနိုင်တဲ့အတွက်ကြောင့်လည်း ဖြစ်ပါတယ်။
ဒါတင်မကသေးပါဘူး သူတောင်းစားဆိုတဲ့ဝေါဟာရ ကရင်တွေမှာမရှိပါဘူး။
ဘာကြောင့်လဲဆိုတော့ သူတောင်းစားဆိုတဲ့ စာလုံးကို ကရင်လို သနားပါ့ လို့အသံထွက်ရေးထားတာကိုတွေ့ရလို့
ဖြစ်ပါတယ်။
ရှေ့မီနောက်မီကရင် လူကြီးတယောက် ပြောပြတာကတော့ သူတောင်းစားတွေက သနားပါ သနားပါ လို့ပြောဆို
ပြီး တောင်းရမ်းနေတာကို တွေ့ရကြားရတာကစလို့ ကရင်တွေက သူတောင်းစားကို သနားပါ့ လို့ခေါ်ငင်သုံးစွဲခဲ့တာ
ဖြစ်ပါသတဲ့။
မိမိအနေနဲ့ အနာထပိဏ်သူဌေးက ဘုရားရှင်ကို ဖူးမျှော်ချင်တဲ့သဒ္ဓါတရားကြောင့် သုဿန်ကိုတယောက်တည်း ဖြတ်သွားတဲ့အချိန် မြင်ရတွေ့ရတဲ့မြင်ကွင်းနဲ့ အနာထပိဏ်ရဲ့ ရင်ထဲမှာဖြစ်ပေါ်ခံစားနေရတဲ့ အဖြစ်အပျက်ကိုရေး သားတဲ့အရေးအသားကတော့ဖြင့် ကိုယ်တိုင်ကိုယ်ကျ လူသေကောင်တွေကြားထဲရောက်သွားရသလို မြင်တွေ့ ခံစားမိတဲ့အထိ ဖြစ်ရပါတယ်။
အဲဒီခေတ်အဲဒီအခါတုန်းက လူတွေသေလျင် မြေမြှုပ်တာ မီးသင်္ဂြီုလ်တာမရှိပဲ ဒီအတိုင်းစွန့်ပစ်ထားကြတာဆို တော့ ဘယ်လောက်အော်ကလီဆန်စရာကောင်းလိုက်မလဲ။ ဒီလိုရေးသားဘာသာပြန်ဆိုရာမှာ ရိုးရိုးစာရေးသ လိုရေးသားတာမဟုတ်ပဲ လင်္ကာစပ်ပြီးရေးတာဖြစ်တဲ့အတွက် ဆ
ရာတော်ရဲ့ လင်္ကာရေးစပ်ကြွမ်းကျင်မှုဟာဖြင့် အံ့မခမ်းဘွယ်ရာပါပဲ။
သုဿန်အရောက် လူသေကောင်တွေရဲ့ သွင်ပြင်လက္ခဏာတွေကို ရေးသားပြရာမှာ ပုပ်ပွနံဆော်နေတာ၊ ညိုပုပ်
ပုပ်အရောင်အဆင်း၊ လောက်ကောင်တွေနဲ့ မြင်မကောင်းတာ၊ ခွေးဆွဲလို့ခြေတွေလက်တွေမရှိတော့တာ၊ ပါး စပ်ဟပြဲကြားက သွားတွေငေါထွက်နေတာ၊ ခေါင်းပြတ်နေတဲ့ရုပ်အလောင်းတွေ၊ ခွေးတွေဝိုင်းကိုက်ကြလို့ သွေး
တွေပန်းထွက်ပြီး ပေလူးနေတဲ့လူသေကောင်တွေ အဲဒါတွေကို ခုနစ်လုံးစပ်လင်္ကာတွေနဲ့ ကာယံမိအောင်ရေးစပ် ထားပုံတွေက အင်မတန်ကို အသက်ဝင်လှပါတယ်။ အဲဒီလို ကာယံညီအောင်စပ်ဆိုနိုင်ဘို့ဆိုတာ လွယ်ကူမှာမ
ဟုတ်ပါဘူး။
အထူးသဖြင့် ၀တ္ထုပါအကြောင်းအရာတခုလုံးကိုစပ်ဆိုရာမှာ ကာယံမထပ်အောင်စပ်ဆိုဘို့ဆိုတာ ပိုတောင်မှခက်ပါ
သေးတယ်။
အကြောင်းအရာတခုကို ရိုးရိုးရေးတာထက် သီချင်းရေးတာက ပိုခက်ပါတယ်တဲ့။ သီချင်းရေးတာထက် ကဗျာရေး
တာက ပိုခက်ပါတယ်လို့ စာပေပညာရှင်တွေပြောခဲ့သလို အနာထပိဏ်သူဌေးဝတ္ထုကို အစကနေအဆုံးထိ လင်္ကာ
နဲ့ချည်းရေးသားတဲ့ ဆရာတော်ကို မကြည်ညိုမလေးစားပဲမနေနိုင်တာအမှန်ပဲ ဖြစ်ပါတယ်။
အနာထပိဏ်ဝတ္ထု တပုဒ်တည်းလားဆိုတော့ မကပါဘူး၊ ဇောတိကသူဌေး၊ ထေရ်မဟာပန်နဲ့ စူဠပန် ဆိုတဲ့ ၀တ္ထု
တွေကလည်း လင်္ကာချည်းသက်သက်ဖြစ်ပါတယ်။ အခြားဝတ္ထုများ ကျမ်းများ ဇာတ်တော်များ အများအပြားကို ဆရာတော် ရေးသားပြုစုခဲ့ကြောင်းသိရှိရပါတယ်။
အရေးအသားတွေက အင်မတန်ကိုရှင်းလင်းလှသလို စာရေးသူမသိသေးတဲ့ နားမလည်သေးတဲ့ ကရင်ဝေါဟာရ
တွေကိုသိလိုက်ရတဲ့အတွက် ဆရာတော်ကို နဂိုလ်မူလရှိရင်းစွဲ လေးစားကြည်ညိုမှုကနေ ပိုမိုလာတာမို့ ဆရာ
တော်ရေးသားပြန်ဆိုတဲ့ အနာထပိဏ်ဝတ္ထုကို အကြောင်းပြုလို့ ကရင်ကိုချစ်တဲ့ ကရင့်အကျိုးပြု ကရင်အမျိုးသား
သံဃာတော်များ ကရင်အမျိုးသားလူပုဂ္ဂိုလ်များ တိုးတက်ပွါးများ ပေါ်ထွန်းလာနိုင်ပါစေလို့ ဆန္ဒပြုရင်း ဘ၀နတ်ထံ
ပျံလွန်တော်မူသွားခဲ့ပြီဖြစ်တဲ့ ဆရာတော်မာန်ကျာ်ဥတ္တမ ကို လက်ဆယ်ဖြာဦးထိပ်မိုး၍ ဦးချရှိခိုးလိုက်ပါတယ်။
ကရင်ရိုးရာယဉ်ကျေးမှု ဘာသာစာပေတွေကို ကြိုးစားဖေါ်ထုတ်ထိန်းသိမ်းခဲ့ကြတဲ့ ကရင်အမျိုးသား လူပုဂ္ဂိုလ်များ နဲ့ သံဃာတော်များကို ဂုဏ်ပြုစပ်ဆိုထားတဲ့ ကရင့်တေးပြုဆရာ ဆော်လိုက်သိမ်း (စ၀်လိက်သိင့်)ရဲ့တေးသီချင်းကို
နားဆင်ခံစားတော်မူကြပါခင်ဗျား။
မင်းစိုးစံ
(အဝေးရောက် ကရင်ဒုက္ခသည်တဦး)