ကရင်လူမျိုးနှင့် အာမေဋိတ်သံ
April 7, 2014 Monday
By မင်းစိုးစံ
ကရင်လူမျိုးတို့ရဲ့အာမေဋိတ်သံအကြောင်းရေးရတဲ့အဓိကအချက်ကတော့ မျိုးဆက်သစ်ကရင်လူငယ်လေးတွေ သိ
သင့်သိထိုက်တာတွေကို သိစေချင်လို့ဖြစ်ပါတယ်။
ဘယ်လောက်နားလည်လို့ ဘယ်လောက်သိလို့ အခုလို ရေးရတာလဲလို့မေးလာလျင်တော့ ရိုးရိုးသားသားပြောရ
မယ်ဆိုလျင် ကိုယ်သိထားတာလေးတွေကို မေ့မသွားချင်တာနဲ့ ကိုယ်သိထားတာလေးတွေကို ကိုယ့်လိုသိချင်သူ
တွေကို သိစေချင်တဲ့စေတနာကလွဲပြီး သိနားလည်လို့ ရေးနေသားနေတာမဟုတ်တာကြောင့် ပညာရှင်တွေအနေနဲ့
အနှောင့်အယှက်ဖြစ်နေမယ်ဆိုလျင် သည်းခံပါလို့ဦးစွာပထမ ဂါရ၀ပြုတောင်းပန်ရင်း တလက်စတည်း မှားနေတာ
တွေ့လျင် မနှေးအမြန်ပြင်ဆင်ပေးဘို့ လေးစားစွာပန်ကြားအပ်ပါတယ်ခင်ဗျား။
အာမေဋိတ်သံဆိုတာ ဘာလဲ။ ဘယ်လိုအခြေအနေအချိန်အခါမျိုးမှာ အာမေဋိတ်သံကြားရတတ်သလဲ။
အသံ ထွက်တတ်ကြသလဲ။
ထွက်လာတဲ့အာမေဋိတ်အသံတွေရဲ့ အဓိပ္ပါယ်တွေက ဘာတွေလဲ။
လူမျိုးတမျိုးနဲ့တမျိုး အာမေဋိတ်သံထွက်တဲ့အကြောင်းအရာချင်း တူတာတွေရှိပါသလား။
ဆိုလိုချက် အဓိပ္ပါယ်တူပါသလား။
အာမေဋိတ်သံထွက်တဲ့အကြောင်းရင်းက မထင်မှတ်တဲ့အဖြစ်အပျက်မျိုး ကြုံရ တွေ့ရတဲ့အခါမျိုးမှာ မမျှော်လင့်ပဲ မြင်
လိုက်တွေ့လိုက်တဲ့အခါမျိုးမှာ ဖြစ်ပေါ်တတ်တယ်လို့ ထင်ပါတယ်။ ကောင်းတာဖြစ်စေ ဆိုးတာဖြစ်စေ မြင်ရ တွေ့ရ
ဆုံရ ကြုံရလျင် အမေဋိတ်သံကို ရုတ်တရက်ပြုတတ်ကြပါတယ်။
ဥပမာ ညနေခင်းမှာ မြေအိုးလေးနဲ့ရေခပ်ထွက်လာတဲ့ အမျိုးသမီးငယ်လေးဟာ မတော်တဆ ခလုတ်တိုက်မိပြီး
ခေါင်းပေါ်ရွက်လာတဲ့ ရေအိုးလေးကျကွဲသွားတယ်ဆိုပါစို့ ဘယ်လိ်ုအာမေဋိတ်သံ ပြုမယ်များထင်ပါသလဲ။
အဲဒီအမျိုးသမီးလေးပဲ ရေအိုးလေးခေါင်းပေါ်ရွက်ပြီး အိမ်ကိုပြန်အလာမှာ သူ့ရဲ့ချစ်သူရည်းစား မြို့ပေါ်ကနေ ရွာကို
အထုပ် အပိုးတွေနဲ့ ပြန်လာတာကို တွေ့လိုက်ရလို့ပြုမယ့်အမေဋိတ်သံ ဘယ်လိုဖြစ်မယ်ထင်သလဲ။ တူလိမ့်မယ်များထင် ပါသလား။ နောက်ဆက်တွဲ ဖြစ်ပေါ်လာမယ့် မိန်းမပျိုလေးရဲ့လှုပ်ရှားပြုမူပုံတွေ တူညီနိုင်ပါသလား။
အခြေအနေ အချိန်အခါ နေရာဒေသ ကာယကံရှင်ရဲ့ လတ်တလောဖြစ်ပေါ်နေတဲ့စိတ်သဏ္ဍန် စတဲ့ အပေါ်မှာမူ တည်ပြီး အာမေဋိတ်သံ မတူကွဲပြားမယ့်အပြင် လှုပ်ရှားပြုမူပုံတွေလည်း ကွဲပြားခြားနားနေမယ်ဆိုတာကိုတော့ စာဘတ်သူတို့ နားလည်လက်ခံနိုင်ကြလိမ့်မယ်လို့ယုံကြည်ပါတယ်။
ကဲ မိန်းမပျိုလေး ခလုတ်တိုက်ပြီး ခြေမလေးအနာတရဖြစ်သွားပြီဆိုပါစို့ ဘယ်လိုအာမေဋိတ်သံ ထွက်လာနိုင်ပါ သလဲ။
အမယ်လေး။
အား။
ကျွတ်ကျွတ်ကျွတ်။
အရှိန်ပြင်းလျင် ပြင်းသလို နေရာမှာတင်ပုံလျှက်သား ထိုင်ချချင် ထိုင်ချမယ်၊ ဒါမှမဟုတ် ထော့ကျိုးထော့ကျိုးလေး ခုန်
ဆွခုန်ဆွလုပ်ပြီး လမ်းဘေးသင့်ရာနေရာတနေရာရာမှာ ထိုင်ရင်း ဒါဏ်ရာကို သက်သာလိုသက်သာငြား တမျိုးမျိုး
လုပ်ချင်လုပ်လိမ့်မယ်။ အဲဒါက ဗမာမိန်းမပျိုလေးရဲ့ အာမေဋိတ်သံ။
ကရင်မိန်းမပျိုလေးအနေနဲ့ မတော်တဆ ဖြစ်ပြီဆိုလျင် ဘယ်လိုအာမေဋိတ်သံပြုမယ်ထင်ပါသလဲ။
အီအီး။
အိုအိုး။
အအေး။
အဲဒီလိုအသံမျိုးပြုမယ်လို့ ထင်ပါတယ်။ အာမေဋိတ်သံပြုကြပုံချင်း မတူကြပေ မယ့် နှစ်ယောက်စလုံးမှာ ဝေဒနာကို
ခံစားကြရပုံချင်း အတူတူပဲမဟုတ်ပါလား။
ချစ်သူရည်းစားကို ရုတ်တရက်တွေ့လိုက်တဲ့ ဗမာအမျိုးသမီးက ဘယ်လိုအာမေဋိတ်သံပြုမယ်လို့ ထင်ပါသလဲ။ ဟယ်။
အလို။
ဟဲတော် စသည်ဖြင့်ပေါ့လေ။
ကရင်အမျိုးသမီးကျတော့
အယ်အယ်။
အိုးဘေ။
အေအေ။
အီအီး။
အဲဒီလိုပြု လိမ့်မလား မသိပါဘူး။ အံ့သြသွားတာချင်းတော့အတူတူပဲလို့ ဆိုနိုင်ပါလိမ့်မယ်။
ကြောက်ရွံ့ထိတ်လန့်စရာတွေ ကြုံပြီဆိုလျင် ဘယ်လိုအာမေဋိတ်သံပြုမယ်ထင်သလဲ။
သောက်ပလုတ်တုတ်။
အမယ်လေး။
ဘုရားဘုရား။
အလိုလေး။
စသည်ဖြင့်ပေါ့နော်။ ကရင်အမျိုးသမီးကျတော့ဘယ်လို အသံပြုမယ်ထင်ပါသလဲ။
ပြူးးလါဟှယ့်ထါင် (ပလူးလာ ဂယ့်ထိုင်) ပနဲ့လကို တပေါင်းတစည်းတည်း နှစ်ချောင်း ငင်နဲ့ပူးပြီးတပြိုင်တည်း ထွက်
လာတဲ့အသံမျိုး ပလူး ဆိုပြီးထွက်ပါတယ်။
အဓိပ္ပါယ်က ငါ့ရဲ့ဝိညာဉ်ငါ့ဆီပြန်လာပါ လို့ဆိုလိုပါတယ်။
ဒီနေရာမှာ ဆရာတော်မာန်ကျာ် ဥတ္တမရှင်းပြထားတဲ့ ၀ိညာဉ်ဆိုတာကို နည်းနည်းလေးရေးပြချင်ပါတယ်။
ဝိ ဆိုတာ အထူး ကို ဆိုလိုပြီး ညာဉ်ဆိုတာက အသိတရား လို့ဆိုပါတယ်။ ၀ိညာဉ်ဆိုတာက အထူး သိသော တ
ရား ဖြစ်ပါတယ်။
လူတိုင်းလူတိုင်းဟာ ရုတ်တရက် မမျှော်လင့်ပဲ မထင်မှတ်တဲ့ နေရာမျိုး အချိန်မျိုးမှာ အဖြစ်အပျက် တမျိုးမျိုးကိုမြင်
လိုက်ရ ကြားလိုက်ရ တွေ့လိုက်ရ ပြီဆိုလျင် မိမိရဲ့အသိတရားတွေဟာ (အမှားအမှန်ကို ဝေဘန်ပိုင်းခြားနိုင် တဲ့
အသိ)မိမိရဲ့ကိုယ်ခန္ဓာနဲ့ ကင်းကွာသွားတတ်ပါတယ်။
အဲဒီတော့ အသိတရားနဲ့ ကိုယ်ခန္ဓာမြဲနေအောင် ကရင် လူမျိုးအများစုဟာ ပြူးလါဟှယ့်ထါင် ဆိုတာကို အာမေဋိတ်
သံအဖြစ် အသံထွက်ပြီးသုံးစွဲနေကြတာဖြစ်ပါတယ်။
အမေရိကန်က (အထူးသဖြင့် အခြေခံလူတန်းစား)ခင်ဗျားတို့လို ကျုပ်တို့လိုလူတွေ မတော်တဆဖြစ်ပြီဆိုလျင် ဘယ်
လိုအာမေဋိတ်သံပြုမယ်ထင်ပါသလဲ။ ကျုပ်လက်လှမ်းမီသလောက်ပေါ့ ခလုတ်တိုက်မိတာ တခုခုကျ ကွဲ ပျက်ဆီး
သွားလျင် အနာတရဖြစ်လျင် မတော်တဆဖြစ်ပြီဆိုလျင် Shit!, Fuck!, Eh!, အဲဒီလိုအသံတွေထွက် တတ်တာမျိုးရှိ
သလို အံ့သြစရာတွေ ၀မ်းသာကြည်နူးစရာတွေ ကြုံပြီဆိုလျင်လည်း Oh my god!, Oh my goodness!, Wow!,
အဲဒီလို အသံမျိုးတွေထွက်လာတတ်ပါတယ်။
ထိုင်းလူမျိုးတွေကေါ ဘယ်လိုအသံထွက်လာတတ်ပါသလဲ။ ကျုပ် ကြားမိသလောက်ကတော့
အွီး။ ထို့ဟေး။ ယဲ့။ အောင်း။
ဆိုတာတွေနဲ့ နောက်ဆုံးစကားလုံး တလုံးကတော့ ကျစ်ဖိုင်။ ဆိုတာပါ။
တချို့ကပြောပါတယ် ကျစ်ဖိုင်ဆို တာ ဆဲတာတဲ့။ ဟုတ်ပါတယ်၊ ဆဲတာတော့ဆဲတာပါပဲ။ သို့သော် ဗမာစကားလုံး
တွေထဲကတခုဖြစ်တဲ့ စောက် ရမ်း(သောက်ရမ်း) ဆိုတဲ့စကားဆိုပါစို့။ ကောင်းတဲ့စကားလုံးမဟုတ်ပါဘူး။
ဒါပေမယ့် အောင်မြင်နေတဲ့ပြောမနာ ဆိုမနာမိတ်ဆွေသူငယ်ချင်းကို ငါ့ကောင်ရေ မင်းသတင်းကတော့စောက်ရမ်း
ကိုကောင်းနေတာဟေ့ လို့ ပြောလျင်၊ မိန်းကလေးတယောက်ကို ဒီအမျိုးသမီးက စောက်ရမ်းလှတယ်ကွာ လို့ပြော
လျင်၊ ဒီစားသောက်ဆိုင်ရဲ့ ၀န် ဆောင်မှုကတော့ စောက်ရမ်းကောင်းတာပဲလို့ ပြောလျင်၊ ဘောလုံးပွဲမှာ ကိုယ်အား
ပေးနေတဲ့အဖွဲ့က ဂိုးသွင်း လိုက်ပြီဆိုတာနဲ့ ဒီအလုံးက စောက်ရမ်းလှတယ်ကွာ လို့ပြောလျင်၊ လက်ဝှေ့ပွဲမှာ တ
ဘက်လူကို တုန်းကနဲလှဲချ လိုက်တဲ့ လက်သီးမျိုးကို စောက်ရမ်းပိုင်တဲ့လက်သီး လို့ပြောလျင် မယဉ်ကျေးတဲ့စကား
လုံးဖြစ်နေပေမယ့် ဆဲ ရေးတိုင်းထွာတာမျိုး မဟုတ်ဘူးဆိုတာကို လူတိုင်းနားလည်လက်ခံနိုင်ကြပါလိမ့်မယ်။
ဒီလိုပါပဲ ထိုင်းစကား လုံး ဖြစ်တဲ့ ကျစ်ဖိုင် ဆိုတာကလည်း သူ့ရှေ့မှာ ကောင်းတဲ့ဝိသေသကိုထည့်သုံးလျင် မ
ယဉ်ကျေးသော်
လည်း နားမ ခါးဘူးလို့ ထင်ပါတယ်။ (ထင်တာပါ၊ ကိုယ့်မိခင်ဘာသာစကားမဟုတ်တော့ အတိအကျမပြောနိုင်ပါဘူး)
ဒါတွေကတော့ အာမေဋိတ်သံတွေနဲ့ ဖြစ်ရတဲ့အကြောင်းတွေထဲက အနည်းအကျဉ်းလေးကို ရေကုန်ရေခမ်းဖျစ် ညှစ်ပြီး ရေးလိုက်တာပါ၊ ထူးဆန်းတာတွေ မမျှော်လင့်တာတွေ အံ့သြစရာတွေ ထင်ထားတာထက်အလျှင်အမြန် ဖြစ်ပေါ်တိုးတက် ပြောင်းလွဲလာတာတွေ ကျဆုံးပျက်ဆီးသွားတာ
တွ
မြင်ရတွေ့ရကြားရသိရကြုံရဆုံရရင်ဆိုင် ရတဲ့အခါတိုင်းမှာ အာမေဋိတ်သံတွေ ထွက်လာတတ်တာဟာ လူသားတိုင်းရဲ့ဖြစ်ရိုးဖြစ်စဉ် သဘာဝတရားတခု လို့ ပြောလျင်ရနိုင်မလားတော့မသိပါဘူး။ ဗမာစစ်အစိုးရ(မြမ္မာစစ်အစိုးရ)နဲ့ လက်နက်ကိုင်တော်လှန်ရေးအဖွဲ့တို့ တွေ့ဆုံဆွေးနွေးပွဲတွေ အပစ်အခတ်ရပ်စဲ ရေးတွေ တနိုင်ငံလုံးငြိမ်းချမ်းရေးတွေ လုပ်နိုင်ကြတော့မလား ဘာလားတော့မသိဘူး၊ အံ့သြစရာမဟုတ်သလို ထူးဆန်းတာမဟုတ်ပေမယ့် ဗမာ့တပ်မတော်က စစ်ပြန်စစ်မှုထမ်းဟောင်းတယောက်ကိုမေးကြည့်ဘူးပါတယ်။ တခြားတော့မဟုတ်ပါဘူး။ ကရင်နဲ့ဗမာ ဖြစ်နေတဲ့ ပဋိပက္ခတွေ ဘယ်တော့ပြီးမလဲဆိုတဲ့မေးခွန်းပါ။ အဲဒီစစ်မှု ထမ်းဟောင်းပြောတာကတော့ သူ့အတွေ့အကြုံအရဆိုရင် ဘယ်တော့မျှမပြီးပြတ်နိုင်ဘူးတဲ့။ ဗမာ့စစ်မှုထမ်းဟောင်းရဲ့ ယူဆချက်ပါ။
ငြိမ်းချမ်းရေးကို လူတိုင်းလိုလားတောင့်တနေကြမှာဖြစ်ပါတယ်၊ ငြိမ်းချမ်း ရေးကို ရယူပုံ ရယူနည်း မတူနိုင်သလို၊ တွေးခေါ်စဉ်းစားပုံချင်းလည်းမတူနိုင်ပါဘူး။ တချို့ မိမိတဦးတယောက် တည်းအတွက်၊ မိမိမိသားစု၊ မိမိလူမျိုး၊ မိမိပတ်ဝန်းကျင်၊ မိမိတိုင်းပြည်၊ မိမိနေထိုင်ရာကမ္ဘာ အဲဒီလိုစဉ်းစားတွေး ခေါ်မှုကွာခြားတဲ့အတိုင်း ဖြစ်မြောက်အောင်မြင်ဘို့ စွမ်းဆောင်ကြိုးပမ်းအားထုတ်ကြတာဖြစ်တော့ အားထုတ် ကြိုးပမ်းတဲ့အတိုင်း ရရှိခံစားကြရမှာပါ။
ဒီကနေ့ တိုင်းရင်းသားလက်နက်ကိုင် တော်လှန်ရေးအင်အားစုတွေနဲ့ ဗမာစစ်အစိုးရ(မြမ္မာစစ်အစိုးရ)တို့ ငြိမ်း
ချမ်းရေးဆွေးနွေးကြရာမှာလည်း တွေးခေါ်စဉ်းစားကြပုံချင်းတူညီမှသာ ဖြစ်မြောက်အောင်မြင်အောင် စွမ်းဆောင်
အား
ထုတ်တာချင်းတူညီမှာဖြစ်ပါတယ်။ မတူကွဲပြားနေသမျှ အားထုတ် ကြိုးပမ်းခြင်းမတူနိုင်တဲ့နောက် ပိုး
သာကုန် မောင်ပုံ စောင်းမတတ်ဆိုသလို ဖြစ်နေမှာကတော့မြေကြီးလက်ခတ် မလွဲပါပဲ။
သေခြာတာက တဦးတယောက်၊ မိသားစုတစု၊ လူမျိုးတမျိုး၊ နိုင်ငံတနိုင်ငံ အဖွဲ့တဖွဲ့တည်းကွက်ပြီးငြိမ်း ချမ်းနေရုံနဲ့
တော့ ကမ္ဘာကြီးတခုလုံးငြိမ်းချမ်းသာယာမှာမဟုတ်ပါဘူး။ လူသားအယောက်စီတိုင်း ငြိမ်းချမ်းပါမှ တကမ္ဘာလုံး ငြိမ်းချမ်းတယ်လို့ပြောနိုင်မှာဖြစ်တော့ကာ သတင်းတွေကို နားထောင်ရင်း ဘတ်ရင်း စဉ်းစားတွေးမိရာ ကနေ ငြိမ်းချမ်းရေးနဲ့ပတ်သက်လို့ ကျုပ်အာမေဋိတ်သံပြုလိုက်မိတာကတော့ ပြူးလါ ဟှယ့်ထါင် ပါပဲခင်ဗျား။
ကျန်းမာချမ်းသာကြပါစေ။
မင်းစိုးစံ
(အဝေးရောက် ကရင်ဒုက္ခသည်တဦး)