Source photo from http://www.google.com/images
11.05.2014
တရုတ် ရေနံစင်တူးမှု ဗီယက်နမ်ပြည်သူတွေကန့်ကွက်
အငြင်းပွားနေတဲ့ တောင်တရုတ်ပင်လယ်ပြင်က Paracel ကျွန်းစုတွေနားကရေပြင်ပိုင်နက်မှာ တရုတ်နိုင်ငံက ကမ်းလွန်ရေ
နံတူးစင်တစ်ခု တည်ဆောက်ဖို့ ကြိုးစားနေတာကို ဆန့်ကျင်တဲ့အနေနဲ့ တနင်္ဂနွေနေ့က ဗီယက်နမ်မြို့တော်မှာရှိတဲ့ တရုတ်
နိုင်ငံသံရုံးအပြင်ဘက်မှာ ရာနဲ့ချီတဲ့ပြည်သူတွေ ဆန္ဒပြခဲ့ကြပါတယ်။
“ဗီယက်နမ်နိုင်ငံက ကျူးကျော်စစ်ကို နှစ်နဲ့ချီ ရင်ဆိုင်ကျော်လွှားခဲ့ပြီးပါပြီ။
အခုအချိန်မှာ တည်ငြိမ်မှုနဲ့အတူ ရှေ့ခရီးဆက်ပြီး ငြိမ်းချမ်းတဲ့နေ့တွေကို ပိုင်ဆိုင်ချင်ပေမယ့် တရုတ်နိုင်ငံက ဗီယက်နမ်ကို
စစ်ပွဲဆင်နွဲအောင် ဆွဲခေါ်နေပါတယ်။
ဒီပြဿနာနဲ့ပတ်သက်ပြီး ဗီယက်နမ်က စိတ်မကောင်းသလို ငြိမ်းငြိမ်းချမ်းချမ်းနေချင်တဲ့ ကျနော်တို့ ဆန္ဒနဲ့ ဆန့်ကျင်နေပေမယ့်
ကိုယ့်နိုင်ငံအတွက်ကိုယ် ခုခံကာကွယ်ရပါလိမ့်မယ်”
လို့ ဗီယက်နမ် စစ်ပြန်တစ်ယောက်က ပြောပါတယ်။
ဆန္ဒပြသူတွေကို အရပ်ဝတ်နဲ့ ယူနီဖောင်းဝတ် လုံခြုံရေးအရာရှိတွေက စောင့်ကြည့်နေပြီး တရုတ်သံရုံးရှေ့ကလမ်းကို ဖြတ်
ကူးမလာနိုင်အောင် အတားအဆီးတွေချပြီး ကာကွယ်ထားပါတယ်။ မေလ ၁ရက်နေ့က တရုတ်နိုင်ငံဘက်က အငြင်းပွားရေ
ပိုင်နက်ကိုဝင်ရောက်ပြီး မကြာခင်မှာပဲ ဗီယက်နမ်ကလည်း တရုတ်ကမ်းလွန်ရေနံတူးစင်တွေဆီကို သင်္ဘောတွေပြန်ပြီးစေ
လွှတ်ခဲ့ပေမယ့် အကာအကွယ်ယူထားတဲ့စက်ဝိုင်းပုံစံ တရုတ်သင်္ဘောအုပ်စုကိုတော့ ဖြတ်ပြီး မဝင်နိုင်ခဲ့ပါဘူး။
တောင်တရုတ်ပင်လယ်ပြင်ကို တရုတ်နိုင်ငံဘက်က သူတို့ပိုင်နက်အဖြစ် ကြေညာထားပေမယ့် တဘက်မှာလည်း ဗီယက်
နမ်၊ ဘရူနိုင်း၊ မလေးရှား၊ ထိုင်ဝမ်နဲ့ ဖိလစ်ပိုင်နိုင်ငံတွေကလည်း အဲဒီရေပိုင်နက်ကို သူတို့ပိုင်တယ်ဆိုပြီး အငြင်းပွားနေကြ
တာ ဖြစ်ပါတယ်။
http://burmese.voanews.com/content/vietnamese-protest-before-china-embassy-over-water-territory-dispute-/1912211.html