Source Photo from http://www.google.com/images
ပျောက်သွားတဲ့ နွယ်တန်းပင် နဲ့
ကောသွားတဲ့ ချောင်း
February 24, 2015
Tuesday
By မင်းစိုးစံ
သူငယ်ချင်းရေ ဟိုတလောတုန်းက ဗမာစစ်သားကို ငါတို့ကရင်တွေက ခွေးရူး လို့ခေါ်တဲ့အကြောင်းငါရေးပြ
တာနဲ့ပတ်သက်ပြီး လူတယောက်ကပြောတယ်၊ ကရင်တွေကို ဗမာစစ်သားတွေက ငပွေး လို့ခေါ်တာကို ခင်
ဗျားသိလားတဲ့။
မသိပါဘူးဗျာ လို့ပြောတော့ ခင်ဗျားတို့ကရင်စစ်သားတွေမှာ ပွေး တွေပေါက်နေလို့ ငပွေး လို့ခေါ်တာဗျ။
မှတ်ထား တဲ့။
အင်းပေါ့လေ စစ်သားတွေဆိုတာက တကိုယ်ရေသန့်ရှင်းရေးကို ပုံမှန်လုပ်ဘို့အချိန်မှမရှိရှာကြတာ၊ ဗမာစစ်
သားပဲဖြစ်ဖြစ် ကရင်စစ်သားပဲဖြစ်ဖြစ် နေပူကြီးထဲကနေ ချောင်းတွေကိုကူးမယ်၊ မိုးသည်းသည်းထဲမှာလည်း
လျှောက်ရတယ်၊ ရပ်လျင်ရပ်ရတယ်၊ ရေစိုနေတဲ့ အ၀တ်နဲ့ညအိပ်ညနေနေရမယ်၊ ၁၀ရက် ၁၅ရက်လောက်
ရေမချိုးရတာတွေရှိတယ်။
တဘက်ရန်သူရဲ့အခြေအနေပေါ် လှုပ်ရှားသွားလာနေကြရတာဆိုတော့ ပွေးမပေါက်ပဲနေပါ့မလား။
နောက်တန်းမှာနေတဲ့ အရာရှိတွေကျတော့ သန့်သန့်ပြန့်ပြန့်ရှိတာပေါ့။
မင်းလည်းစစ်သားပဲ ရှေ့တန်းမှာ ရေချိုးချင်တိုင်း ချိုးလို့ရလို့လား။
ရေချိုးတဲ့အခါ ဆပ်ပြာတွေဘာတွေသုံးရလို့လား။ အစားသုတ်သုတ်၊ ရေချိုးတဲ့အခါလည်း ဇိမ်လေးနဲ့ချိုးလို့
ဖြစ်တာမှမဟုတ်တာ။
ဗမာစစ်သား ကရင်စစ်သား အနည်းနဲ့အများပွေးပေါက်ကြပါတယ်။ မဆန်းပါဘူး။
ကရင်စစ်သားကို ဘာကြောင့်ငပွေးလို့ခေါ်ရသလဲဆိုတာကို ဗမာစစ်ပြန်တယောက်ပြောပြတာက ပွေး ဆို
တဲ့အကောင်ဟာ အပင်ရဲ့အမြစ်တွေကို ကိုက်ဖြတ်စားသောက်တဲ့ ကျင်း(တွင်း)အောင်းသတ္တ၀ါဖြစ်တယ်။
ကျင်းတွေအများကြီးတူးထားတော့ သူတို့ကို ရှာရဖွေရအင်မတန်ခက်တယ်။
ဒါကြောင့် ကရင်စစ်သားကို ကျုပ်တို့က ငပွေး လို့ခေါ်တာ တဲ့။
မင်းသိချင်မှသိမယ် ဘာကြောင့်လဲဆိုတော့ မင်းမှာပွေးရှိတယ်လေ။
သူကပြောသေးတယ် ဗမာစစ်သားချည်းဆိုးသွမ်းတာမဟုတ်ဘူး၊ ကရင်စစ်သားတွေလည်း စည်းကမ်းမရှိ
ဘူးတဲ့၊ ဟုတ်တယ်ကွ တချို့ကရင်စစ်သားတွေဟာ ပြောလို့ဆိုလို့မရတာတွေရှိတယ်။
ငါတို့ရွာရဲ့ အနောက်ဘက်ကျကျ စမ်းချောင်းလေးခြားနေတဲ့ရွာမှာ ဗမာစစ်ကြောင်းနားနေတဲ့ တညပေါ့ကွာ။
ကရင်စစ်သား ရှစ်ယောက် ရောက်လာတယ်။ သူကြီးကိုမေးလို့ သူကြီးအိမ်ကိုခေါ်သွားတယ်။
အရက်တောင်းသောက်တယ်ကွာ။ အေးပါ တိုက်ပါ့မယ်၊ ဒါပေမယ့် ဆူဆူပူပူတော့ မလုပ်ကြပါနဲ့ ဗမာစစ်
ကြောင်းက စမ်းချောင်းအကျော်က ရွာထဲမှာစခန်းချနေတယ်။ လူအင်အား ၁၀၀လောက်ရှိတယ်။
လို့ပြောတော့ ရပါတယ် အေးဆေးပါ လို့ပြောပြီး သောက်ကြစားကြတော့တာပေါ့။
အေး မူးလည်းမူးလာရော စစ်သားတယောက်က ပျောက်ကျားပစ်မယ် ဆိုပြီး ဒယီးဒယိုင်နဲ့ ထရံဘေးမှာ
ထောင်ထားတဲ့သေနတ်ကို ဆွဲပါလေရော။ မလုပ်ပါနဲ့ လူလေးရယ် ငါတို့တရွာလုံး ပြာကျသွားလိမ့်မယ်။
ပြီးတော့ သူတို့အင်အားက သေးတာမဟုတ်ဘူး။ မင်းတို့ကပစ်ပြီးပြေးလို့ လွတ်ရင်အကြောင်းမဟုတ်ဘူး။
မိသွားရင် တနယ်လုံးဒုက္ခရောက်ကုန်မှာ၊ မပစ်ပါနဲ့ လို့ ဘယ်လိုပဲတောင်းပန်တောင်းပန် မရဘူး။
ကျုပ်တို့ရဲဘော်တွေဆိုတာ ပြည်သူကကျွေးတဲ့ထမင်းကိုစားတဲ့အတွက် ပြည်သူကိုဒုက္ခပေးတဲ့ ရန်သူကို
တိုက်ရမယ့်တာဝန်ရှိတယ် လို့ပြောပြောဆိုဆို အိမ်အောက်ဆင်းပြီး သေနတ်ကိုမောင်းတင်လိုက်တဲ့အချိန်
မှာ သူ့ဆရာက ၀င်ဆွဲလိုက်ပေမယ့် သေနတ်ပေါက်ထွက်သွားတယ်။ ဒါပေမယ့် တချက်ထဲ။
အဲဒီတော့ ရွာသူရွာသားတွေ အထုပ်အပိုးပြင်ကြတော့တာပေါ့၊ အင်္ဂလိပ်ခေတ်တုန်းက ကျောင်းသားခေါင်း
ဆောင်ဗိုလ်အောင်ကျော် ပညာရေးကိစ္စအရေးဆိုတုန်းက မြင်းခွါသံတချက်ပေါက်လျင် မီးဟုန်းဟုန်းတောက်
စေရမယ် ဆိုပြီး အင်္ဂလိပ်အစိုးရကို စိမ်ခေါ်သလို ငါတို့ရွာကိုလည်း သေနတ်သံတချက်ပေါက်လျင် မီးဟုန်း
ဟုန်းတောက်စေရမယ် ဆိုတဲ့အမိန့်ကို ဗမာစစ်တပ်က ထုတ်ထားတာလေ။
ကံကောင်းချင်တော့ အဲဒီအချိန်မှာ ဗမာစစ်ကြောင်းက ကျုံဒိုးဘက်ကို ဆင်းသွားတာ နာရီဝက်လောက်ရှိ
သွားပြီတဲ့။
နောက်နေ့ မနက်မိုးလင်းမှသိရတာ။
အဲဒီညတုန်းက သူကြီးနဲ့စစ်သားစကားများကြပါရောလား မင်းရဲဘော်ကို မင်းမထိန်းနိုင်ဘူး၊ မင်းမှာတာဝန်ရှိ
တယ်၊ ဆရာဖြစ်တဲ့လူကလည်း ဒီမှာသူကြီး စကားပြောတာဆင်ဆင်ခြင်ခြင်ပြောပါ ကျနော်မမူးသေးဘူး သူ
ကြီး မူးနေပြီ ကျနော့်ရဲဘော်ကို ကျနော်တာဝန်ယူပါတယ်။ နောက်ဆိုလျင် သူကြီးသာ ရဲဘော်တွေမမူးခင်မှာ
မူးအောင်မသောက်ဖြစ်ဘို့ ဆင်ခြင်ပါ ဆိုပြီး သူတို့ထွက်သွားကြတယ်။
ငါတို့ရွာက သူကြီးလည်း မြို့ပေါ်က ဗမာစစ်အစိုးရခန့်ထားတဲ့ အုပ်ချုပ်ရေးပိုင်းဆိုင်ရာ လူကြီးတွေလိုပါပဲ။
အဲဒီလို ကရင်စစ်သားတွေ သောက်စားပြီးပြန်သွားကြပြီဆိုလျင် ရွာသားတွေပိုက်ဆံထည့်ကြရတယ်။
အရက်က ဘယ်နှပုလင်း၊ ကြက်က ဘယ်နှကောင်၊ ပဲကြီးလှော်က ဘယ်လောက်၊ ကြက်သွန်နီ၊ ဆီ အဲဒါ
တွေစာရင်းလုပ်ပြီး အိမ်တအိမ်ကို ဘယ်လောက်ဆိုပြီးကောက်ကြတာ။
စစ်သားတွေကတော့ သူကြီးကောင်းမှုလို့ပဲမှတ်ပေမပေါ့။ အရက်ရောင်းတဲ့လူကို မေးကြည့်လျင် သူတို့တင်
တဲ့စာရင်းနဲ့ ရောင်းလိုက်တဲ့ပုလင်း ကွာနေသလို တခြားစာရင်းတွေလည်း ကွာနေတာတွေ့ရတယ်။
အဲဒါ သူတို့ကိုပြောလျင် မင်းတို့ ငါ့နေရာမှာလုပ်မလား ဆိုပြီးပြောပြန်တော့ လုပ်ချင်တဲ့လူမရှိပြန်ဘူး။
ကရင်တွေရဲ့သဘာဝကိုက နားအေးပါးအေးနေချင်လို့ အကြီးအကဲမလုပ်ချင်တာလား၊ အားနာတတ်တာပဲ
လားတော့ ငါလည်းမပြောတတ်ဘူး။
အာဏာရှင်စနစ်ရဲ့အခြေခံဟာ အဲဒီကစတာပဲလို့ နိုင်ငံရေးပညာရှင်တွေပြောကြတာဖြစ်မယ်။
အဲဒါတွေက ဟိုးတချိန်တုန်းက တကယ့်အဖြစ်အပျက်တွေပါ။
အခုအချိန်မှာတော့ ဗမာစစ်အစိုးရနဲ့ အပစ်အခတ် ရပ်စဲရေးကိစ္စ ငြိမ်းချမ်းရေးကိစ္စတွေ လုပ်နေကြပြီဆိုတော့
အဲဒါမျိုးတွေမရှိနိုင်တော့ဘူးလို့ထင်တာပဲ၊ ဘာကြောင့်လဲဆို ငါတို့ရွာနဲ့ ငါတို့ရွာရဲ့အနောက်ဘက်ကရွာကို
ခြားထားတဲ့စမ်းချောင်း ပျောက်သွားပြီလို့ ရွာကသူငယ်ချင်းတွေပြောကြလို့ပါ။
စမ်းချောင်းဆိုပေမယ့် ငါတို့တတွေနွားကျောင်းရင် အဲဒီချောင်းထဲမှာ ရေကူးကြပြီး နွယ်တန်းသီးမှည့်တွေ စား
ကြသလို၊ နွယ်တန်းတွေပေါ်ကနေ ဒါန်းစီးပြီးချောင်းထဲခုန်ချကြတာ ပြန်သတိရတယ်သူငယ်ချင်း။
အခု အဲဒီစမ်းချောင်းနဲ့အတူ၊ နွယ်တန်းပင်တွေလည်းမရှိတော့ဘူးဆိုတော့ လွမ်းစရာကောင်းလိုက်တာကွာ။
ဖေဖေါ်ဝါရီ ၁၈ရက်နေ့ ဘားအံမြို့ရွှေမင်းတမာန်ကုမ္ပဏီဖွင့်ပွဲမှာ ဖေဖော်ဝါရီ ၁၂ရက်နေ့က အစိုးရနဲ့ လက်
မှတ်ထိုးတဲ့ကိစ္စနဲ့ပတ်သက်ပြီးကရင်အမျိုးသားအစည်းအရုံး(ကေအဲန်ယူ) ဥက္ကဌ ဗိုလ်ချုပ်ကြီး စောမူတူးစေး
ဖိုး က
“ကျနော်တို့ဟာ တွေ့ဆုံဆွေးနွေးရေးနဲ့ပတ်သက်လို့ စိုးရိမ်ကြောင့်ကြနေတဲ့ ပြည်သူလူထုတွေကို ကတိပေး
လိုက်တဲ့ ကတိကဝတ်ရေးသားခြင်းပဲ ဖြစ်ပါတယ်။
အောင်မြင်သွားတဲ့အထိ တိုင်းပြည်ရဲ့ ပြည်သူတွေကို ကတိပေးတာဖြစ်ပါတယ်။
တွေ့ဆုံဆွေးနွေးရေးပျက်သွားတယ်ဆိုရင် တချိန်တုန်းကလို သွေးထွက်သံယို စစ်မြေပြင်မှာ ပြန်ပြီး ဖြစ်ပေါ်
လာနိုင်မှာကို စိုးရိမ်တဲ့အပိုင်းမှာရှိတယ်”
လို့ ပြောသွားသလို ကရင်ပြည်နယ်လျှပ်စစ်နဲ့ စက်မှုလက်မှုဝန်ကြီးစော ကြည်လင်းကလည်း
“ကေအဲန်ယူဟာ အစိုးရနဲ့ ငြိမ်းချမ်းရေးလုပ်ငန်းစဉ်ကို ဆက်လုပ်သွားမယ်ဆိုတဲ့ ကတိကဝတ်လက်မှတ်ထိုး
တာပါ။ တစ်နိုင်ငံလုံးအပစ်အခတ်ရပ်စဲရေး လက်မှတ်ထိုးတာကတော့ လက်ရှိ ပဋိပက္ခတွေဖြစ်နေတဲ့အပေါ်
မှာ နည်းနည်းကြာဦးမယ်ထင်တယ်”လို့ ဆိုထားပြန်တယ်။
ဒါပေမယ့်တွေ့ဆုံမေးမြန်းခန်းတခုမှာ ကရင်အမျိုးသားလွတ် မြောက်ရေးတပ်ဖွဲ့(ကေအဲန်အယ်လ်အေ) စစ်
ဦးစီးမှူး ပထမတန်း(G-1) ဒုဗိုလ်မှူးကြီးစောလှငွေ ပြောတာက
၂၀၁၁ ခုနှစ်ထဲက ကေအဲန်ယူထဲမှာလည်း နှစ်ပိုင်းရှိတယ်။
သေချာပြင်ဆင်ပြီး အထက်အောက် လူထုဆန္ဒကိုယူပြီးတော့ သေချာစဉ်းစားသုံးသပ်ပြီးတော့မှ အကျိုးရှိ
မယ့်အနေအထားတွေအပေါ်မှာ လက်မှတ်ထိုးမယ့်သူ ရှိတယ်။
ဒါမှမဟုတ် လက်မှတ်ထိုးလိုက်မှသာလျှင်လည်း ငါတို့က အလုပ်လုပ်တတ်မယ်ဆိုပြီး လက်မှတ်ကို အရင်
ထိုး၊ နောက်မှ အလုပ်လုပ်မယ်ဆိုတဲ့ အုပ်စုတစ်စု ရှိတာပေါ့။
အဲဒီမှာကြည့်လိုက်ရင် လက်မှတ်ထိုးဖို့အတွက်ကို အားသန်တဲ့လူတွေကနေပြီးတော့ တစ်ဖက်ဆွဲပြီးတော့
လုပ်သွားတဲ့အပေါ်မှာ ဟိုတုန်းက လုပ်သလိုပဲ ဆက်လုပ်တယ် ဆိုတဲ့သဘောပဲ။
ဗိုလ်ချုပ်အောင်ဆန်းပြောသလိုပဲ အခုလုပ်နေတာတွေက စားဖားများ ညီညွတ်ရေးဖြစ်နေတယ်။
ဆိုပြီးပြောသွားတာကို February 15, 2015 နေ့စွဲနဲ့ KIC သတင်းထဲမှာဘတ်ရတယ်။
ငါတို့ KNU ဥက္ကဌမူတူးစေးဖိုးပြောသလို တွေ့ဆုံဆွေးနွေးရေးပျက်သွားတယ်ဆိုရင် တချိန်တုန်းကလို သွေး
ထွက်သံယို စစ်မြေပြင်မှာ ပြန်ပြီး ဖြစ်ပေါ်လာနိုင်မှာကို စိုးရိမ်တဲ့အပိုင်းမှာရှိတယ် ဆိုတော့ လက်မှတ်ထိုး
လိုက်လျင် စစ်တိုက်စရာမလိုတော့ဘူး၊ သွေးထွက်သံယိုမှုတွေမရှိနိုင်တော့ဘူးလို့ ဆိုလိုချင်တာများလားမ
သိဘူး။ အဲဒီလို ယူဆနေလျင်တော့ မှားမယ်ထင်တယ်။
ဘာကြောင့်လဲဆိုတော့ ဆောင်းပါးရှင် ဂါမဏိ ဆိုသူက ဘယ်လိုရေးထားသလဲဆိုတော့
သိန်းစိန်ဟာ ဖက်ဒရယ်ပြည်ထောင်စုတည်ဆောက်ရေးကို သဘောတူတယ်၊ တနိုင်ငံလုံးအပစ်အခတ်ရပ်စဲ
ရေးကို လိုချင်တယ်လို့ လူကြားကောင်းအောင်အာချောင်ထားပြီးသားဖြစ်လို့ ပြည်ထောင်စုနေ့မှာ စာရွက်တ
ခုခု မဖြစ်မနေလက်မှတ်ထိုးဖို့လိုလာတော့ ဟိုမရောက်ဒီမရောက်ကတိပြုချက်ဆိုတာကို ကရင်တသိုက်၊ရှမ်း
တခြမ်းနဲ့ဘဲ ထိုးလိုက်ရတယ်။
မင်းအောင်လှိုင်တောင် လက်မှတ်ဝင်မထိုးခဲ့ဘူး။
ငါက မှားမယ်လို့ထင်ရတာက ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင် လက်မှတ်မထိုးတာက
အချက်တချက်ပေါ့လေ၊ နောက်တချက်က ၀န်ကြီးဦးအောင်မင်း အနေအထားကိုကြည့်လိုက်တဲ့အခါ သူက
တမျိုးပြော စစ်တပ်ကတမျိုးပြော ဆိုတာဖြစ်နေတယ်။ အထူးသဖြင့် ကိုးကန့်တိုက်ပွဲမှာ သူက တရုတ်မပါဘူး
လို့ ပြောပေသော်လည်းပဲ တပ်မတော်စစ်ဘက်ရေးရာလုံခြုံရေး အရာရှိချုပ် ဒုတိယဗိုလ်ချုပ်ကြီး မြထွန်းဦးက
တရုတ်ကြေး စားတပ်တွေပါတယ်ဆိုပြီး ပြောတယ်မဟုတ်လား။
လက်ပံတောင်းတောင် အရေးအခင်းတုန်းက သံဃာတော်တွေကို အထက်ကိုတင်ပြပေးပါ့မယ်၊ ဘာညာ
ဘာညာကတိတွေပေးပြီး မကြာဘူး မီးလောင်ဗုံးနဲ့ပစ်ထည့်လိုက်တာပဲလေ။
အဲဒီတော့ ဘယ်လိုစာချုပ်မျိုးပဲချုပ်ချုပ် စစ်ဘက်ကမပါလျင် မလွယ်ဘူးထင်တာပဲဟေ့။
အပစ်အခတ်ရပ်စဲရေး ငြိမ်းချမ်းရေးကိစ္စတွေနဲ့ပတ်သက်ပြီး အသံတချို့ကို မင်းနားထောင်ကြည့်။
ပြီးတော့ ဘာတွေဆက်ဖြစ်လာမလဲဆိုတာ မင်းရဲ့ခန့်မှန်းချက်ကို ပြန်ပြောပြကွာ။
ကျန်းမာချမ်းသာကြပါစေ။
မင်းစိုးစံ
(အဝေးရောက် ကရင်ဒုက္ခသည်တဦး)
ဂါမဏိ။ http://gita.cc/archives/42380
http://kicnews.org/2015/02/