ပြည်ထောင်စုလွှတ်တော်အစည်းဝေး နိုင်ငံတော်သမ္မတမိန့်ခွန်းပြောကြား.

ပြည်ထောင်စု သမ္မတမြန်မာနိုင်ငံတော်၏ နိုင်ငံတော်သမ္မတကြီး ဦးသိန်းစိန်
လွှတ်တော်တွင် မိန့်ခွန်းမြွက်ကြားနေပုံ

နိုင်ငံတော်သမ္မတဦးသိန်းစိန်၏ ယနေ့ကျင်းပသော

ပြည်ထောင်စုလွှတ်တော်၌

ပြောကြားခဲ့သော မိန့်ခွန်းမှ ကောက်နှုတ်ချက်

ပြီးခဲ့တဲ့ (၁)နှစ်တာ ကာလ အတွင်းမှာ အခက်အခဲတွေ စိန်ခေါ်မှုတွေကို လည်း အများအပြား ကြုံတွေ့ခဲ့ ရပါတယ်။ ခေတ်ပြောင်း၊ စနစ်ပြောင်း နိုင်ငံတော် တည်ဆောက်ရေးမှာ အရေးကြီးဆုံက ကျွန်တော်တို့ ရဲ့ ပြုပြင် ပြောင်းလဲမှုတွေ လျင်လျင် မြန်မြန် ထွက်ပေါ်လာဖို့ လိုသလို ဒီအပြောင်းအလဲတွေ ခိုင်မာဖို့
အထူး အရေးကြီးပါတယ်။ နိုင်ငံတကာ ရေစီးကြောင်းမှာ ဂလိုဘယ်လိုက်ဇေးရှင်း ရေးစီးကြောင်းနဲ့ ပေါင်း
စည်းနိုင်ခြင်း မရှိဘဲ နောက်ကျ ကျန်ရစ်ခဲ့တဲ့ ကျွန်တော်တို့ နိုင်ငံအနေနဲ့ အတွင်း အပြင် သင်ခန်းစာတွေ ရ
ယူပြီး အကျိုးရှိရှိ သုံးသပ် မြော်မြင် ဆောင်ရွက်နိုင်ဖို့ လိုပါတယ်။

နိုင်ငံတံခါး ဖွင့်လိုက်တာနဲ့ အမျှ အခွင့်အလမ်းတွေနဲ့အတူ တွဲလျက် ပါလာတဲ့ စိန်ခေါ်မှုတွေကို ကျွန်တော်တို့
သတိကြီးကြီး ထားပြီး မဏ္ဍိုင် အရပ်ရပ်၊ လူ့အဖွဲ့အစည်း အသီးသီးက စနစ်တကျ ဖော်ဆောင် သွားကြရမှာ
ဖြစ်ပါတယ်။
ဒီကနေ့ ကျွန်တော်တို့ အစိုးရ အပါအ၀င် မိဘပြည်သူအားလုံး လျှောက်လှမ်းနေတဲ့ သမိုင်းဝင် အသွင်ကူးပြောင်းရေး လုပ်ငန်းစဉ်ကြီးဟာ အင်မတန်မှ ကြီးမား ကျယ်ပြန့်ပြီး ခက်ခဲနက်နဲလှပါတယ်။ ကျွန်တော်တို့လို အသွင်ကူးပြောင်းစ
နိုင်ငံတွေမှာ ကြုံတွေ့ရတတ်တဲ့ စိန်ခေါ်မှုတွေ အပြင် ကျွန်တော်တို့ လူ့အဖွဲ့အစည်းကြီး အတွင်းမှာ နစ်ဝင်နေတဲ့ အတွင်းဒဏ်ရာတွေကို လည်း ပျောက်ကင်းအောင် ဆောင်ရွက်ကြရမှာ ဖြစ်ပါတယ်။ ကျွန်တော်တို့ အစိုးရသက်တမ်း အပြင် နောင်လာမယ့် အစိုးရ အဆက်ဆက် လက်ထက်မှာလည်း ခိုင်မာသည်ထက် ခိုင်မာအောင် မိဘပြည်သူအားလုံး၊ လူ့အဖွဲ့အစည်းကြီး တစ်ခုလုံးက ဆက်လက်ပြီး ကြိုးပမ်းဆောင်ရွက် သွားကြရမှာ ဖြစ်ပါတယ်။ အသွင်ကူးပြောင်းရေး လုပ်ငန်းစဉ်ကြီး အောင်မြင်ပြီး ရှင်သန်ခိုင်မာတဲ့ အဆင့်ရောက်ဖို့ ကျွန်တော်တို့ နောက်ထပ်များစွာ ကြိုးပမ်းဆောင်ရွက် ရမှာ ဖြစ်ပါတယ်။

ကျွန်တော်တို့ မိဘပြည်သူတွေရဲ့ လူနေမှု ဘ၀တွေ ဒီထက်ပိုပြီး တိုးတက်မြင့်မားလာအောင် ကျွန်တော်တို့ အများကြီး ကြိုးပမ်းကြရ ဦးမှာပါ။

မြန်မာ့လူ့ဘောင် အဖွဲ့အစည်းအတွင်းမှာ ရှိနေကြတဲ့ ကျွန်တော်တို့ အားလုံးဟာလည်း ဒီမိုကရေစီ နိုင်ငံနဲ့ ထိုက်တန်တဲ့ စိတ်နေ စိတ်ထား အမူအကျင့်တွေကို ပြုပြင် ပြောင်းလဲရေး လုပ်ဆောင် သွားကြရမှာ ဖြစ်ပါတယ်။ ခေတ်ပြောင်းသွားပြီ၊ စနစ်ပြောင်းသွားပြီ ဆိုတာကို အားလုံးက ယုံယုံကြည်ကြည် လက်ခံနိုင်ပြီ ဆိုရင် နောက်ကြောင်းက အတွေး အခေါ်တွေ၊ အမူအကျင့် တွေဟာလည်း အပြန်အလှန် ထိန်းကျောင်းမှုနဲ့ တဖြည်းဖြည်းချင်း ပပျောက်သွားမှာ ဖြစ်ပါတယ်။
လူ့အဖွဲ့အစည်း တစ်ရပ်လုံးရဲ့ စိတ်နေစိတ်ထား၊ အမူအကျင့်တွေ ပြောင်းလဲစေဖို့ Rule of Law နဲ့ အားဖြည့် ပေးရပါ
မယ်။
အရပ်ဘက် လူ့အဖွဲ့အစည်းတွေက ၀ိုင်းကူကြရပါမယ်။ တန်းရည်တူ၊ သာတူညီမျှ စိတ်ထားတွေနဲ့ တိုင်းရင်းသား ညီအစ်ကိုတွေရဲ့ ၀ိုင်းဝန်းကြိုးပမ်းမှုဟာလည်း အဓိက ကျနေသလို နိုင်ငံတကာ မိသားစု အသိုင်းအ၀ိုင်းရဲ့ လက်ခံအား
ပေးမှု၊ ကူညီပံ့ပိုး မှုတွေကလည်း အထူးပဲ အရေးပါနေပါတယ်။

လွတ်လပ်ပြီး လူသားဂုဏ်ရည် မြင့်မားတဲ့ ဒီမိုကရေစီ လူ့ဘောင်ကြီး ဖြစ်ပေါ်လာရေးအတွက် အခြေခံအကျဆုံးကတော့ ဥပဒေစိုးမိုးရေးပဲ ဖြစ်ပါတယ်။ ကျွန်တော်တို့ လွှတ်တော် အရပ်ရပ်က ဥပဒေတွေ ရေးဆွဲ ပြဋ္ဌာန်း၊ ဒီ ဥပဒေတွေနဲ့အညီ ကျွန်တော်တို့ အစိုးရက အုပ်ချုပ်၊ ဒီဥပဒေတွေနဲ့ အညီ တရားစီရင်ရေး မဏ္ဍိုင်က လိုက်နာ ဆောင်ရွက် သွားရမှာ ဖြစ်ပါတယ်။ ကျွန်တော်တို့ အုပ်ချုပ်ရေး ယန္တရားမှာ Rule of Law ရှိရပါမယ်။
စီးပွားရေး လုပ်ငန်း လုပ်ကိုင်ကြရာမှာ Rule of Law ရှိရပါမယ်။
လူမှုဖူလုံရေးအတွက်လည်း Rule of Law ရှိရပါမယ်။
နိုင်ငံရေး လုပ်ငန်းစဉ်တွေမှာလည်း Rule of Law ရှိရပါမယ်။
အပြည်ပြည် ဆိုင်ရာ ဆက်ဆံရေးမှာလည်း Rule of Law ရှိရပါမယ်။
တရားစီရင်ရေးမှာလည်း Rule of Law ရှိရပါမယ်။
ကျွန်တော်တို့ လူ့အဖွဲ့အစည်းကြီး တစ်ခုလုံး Rule of Law နဲ့အညီ ဆောင်ရွက်နိုင်ပြီ ဆိုရင် လူ့ အခွင့်အရေး၊
လွတ်လပ်ခွင့်၊ ဒီမိုကရေစီ ဆိုတာတွေလည်း အလိုအလျောက် ထွန်းကား ရှင်သန်လာမှာ ဖြစ်တဲ့ အတွက် နိုင်ငံ တည်ဆောက်ရေး အဆင့်ဆင့်ခိုင်မာရေးဟာ Rule of Law အပေါ်မှာ မူတည် နေပါတယ်။
ဒဒီတာဝန် ကြီးကိုလည်း ကျွန်တော်တို့ အားလုံး ညီညီညွတ်ညွတ် ဆောင်ရွက် သွားကြရမှာ ဖြစ်ပါတယ်။

ဖွဲ့စည်းပုံအခြေခံဥပဒေမှာ အာဏာ (၃)ရပ်ကို အညီအမျှ ခွဲဝေပေး ထားတာ ဖြစ်ပါတယ်။
ဒီ အာဏာကြီး (၃)ရပ်ကို အညီအမျှ ခွဲဝေကျင့် သုံးပြီး စတုထ္ထမဏ္ဍိုင် ဖြစ်တဲ့ စာနယ်ဇင်း မီဒီယာတွေ၊ ပဉ္စမ မဏ္ဍိုင်ဖြစ်
တဲ့ ကျွန်တော်တို့ မိဘ ပြည်သူနဲ့ တပ်မတော်တို့ဟာ ဒီမိုကရေစီ အသွင်ကူးပြောင်းရေးကို နားလည်မှု ရှိရှိ၊ ယုံကြည်မှု
ရှိရှိ ဆက်လက် ဆောင်ရွက် သွားကြမယ်ဆိုရင် ကျွန်တော်တို့ အားလုံး မျှော်မှန်းထားတဲ့ ခေတ်မီဖွံ့ဖြိုး တိုးတက်တဲ့ ဒီမိုကရေစီ နိုင်ငံတော် သစ်ကြီးကို ရောက်ရှိလာမှာ ဖြစ်ပါတယ်။

ဖောင်ဒေးရှင်းတွေ၊ အသင်းအဖွဲ့တွေ စနစ်တကျ ဖြစ်ထွန်း အောင်မြင်နေတာဟာလည်း ကျွန်တော်တို့ လူ့အဖွဲ့အစည်း အတွက် ဂုဏ်ယူ ၀မ်းမြောက် ဖွယ်ရာလည်း ဖြစ်ပါတယ်။ ကျွန်တော်တို့ နိုင်ငံရဲ့ ဒီမိုကရေစီ ရှင်သန်ခိုင်မာရေးမှာ ဒီ အရပ်
ဘက် လူ့အဖွဲ့အစည်းတွေဟာ အရေးကြီးတဲ့ အခန်းကဏ္ဍမှာ ရှိနေတာ ဖြစ်ပါတယ်။
အားနည်းသူတွေ အကာအကွယ် ပေးရေးမှာလည်း ဥပဒေနဲ့ အညီ တောင်သူလယ်သမားတွေရဲ့ အခွင့်အရေးတွေ၊ အလုပ်သမားတွေရဲ့ အခွင့်အရေးတွေ ကာကွယ်ပေးနိုင်မယ့် လူတန်းစား သမဂ္ဂ၊ အဖွဲ့အစည်းတွေ စနစ်တကျ ပေါ်
ထွက် လာအောင်လည်း ကျွန်တော်တို့ ဆောင်ရွက်နေပြီ ဖြစ်ပါတယ်။

ဒီမိုကရေစီ အသွင်ကူးပြောင်းရေးနဲ့ နိုင်ငံ တည်ဆောက်ရေး လုပ်ငန်းစဉ်တွေမှာ အရေးကြီးဆုံးကတော့ အရပ်ဘက် လူ့အဖွဲ့အစည်း ခိုင်မာ အားကောင်း လာရေးပဲ ဖြစ်ပါတယ်။ ကျွန်တော်တို့ တိုင်းရင်းသား လူမျိုးတွေဟာ ဘာသာတရားရဲ့ အဆုံးအမနဲ့ အတူ ယဉ်ကျေးမှုအရ နက်နက်ရှိုင်းရှိုင်း အမြစ်တွယ်နေခဲ့တဲ့ ပရဟိတစိတ်ဓါတ် ဆိုတာ ရှိပါတယ်။ သာရေး၊ နာရေး ကအစ အရေးပေါ် ကယ်ဆယ်ရေးမှသည် စီးပွားရေး၊ ဖွံ့ဖြိုးတိုးတက်ရေး၊ သဘာဝပတ်ဝန်းကျင် ထိန်းသိမ်းရေး
အထိ အရပ်ဘက် လူ့အဖွဲ့အစည်းတွေ အရှိန်အဟုန်နဲ့ ပေါ်ထွန်းလာနေတာကိုလည်း ၀မ်းမြောက်ဖွယ်ရာ တွေ့မြင်နေ
ရပြီ ဖြစ်ပါတယ်။

မြန်မာတစ်နိုင်ငံလုံးမှာ အစိုးရ၀န်ထမ်း အရေအတွက် စုစုပေါင်းဟာ တစ်နိုင်ငံလုံး လူဦးရေရဲ့ ၃ဒသ၃ ရာခိုင်နှုန်း ရှိတဲ့
အတွက် ကျွန်တော်တို့ဟာ ပြည်သူ့အစိုးရ ဖြစ်တာနဲ့ အညီ အစိုးရ ၀န်ထမ်းမဟုတ်သော သာမန် လက်လုပ်လက်စား
ပြည်သူ ၉၇ဒသမ၇ ရာခိုင်နှုန်းခန့်ကို ပြန်လည် ငဲ့ကွက်ဖို့ လိုပါတယ်။
အခုဆိုရင် လစာတိုးပေးရေး ဆွေးနွေးမှုတွေကြောင့် အရပ်ရပ် ကုန်ဈေးနှုန်းတွေ ရုတ်တရက် တက်လာတာကို တွေ့ရှိ
ရပါတယ်။ ကျွန်တော်တို့ ၀န်ထမ်းတွေ လစာတိုးမြှင့် ပေးလိုက်လို့ ခံသာပေမယ့် အစိုးရ၀န်ထမ်း မဟုတ်တဲ့ (၅၈) သန်း
သော ပြည်သူတွေဟာ ဒီနောက်ဆက်တွဲ အကျိုးဆက်ကို ကိုယ်တိုင်ကိုယ်ကျ ကြုံတွေ့ရမှာ ဖြစ်ပါတယ်။ ကိုယ့်ယန္တရားတစ်ခုတည်းကိုပဲ အလေးပေး စဉ်းစားလို့ မဖြစ်နိုင်တဲ့ အခြေအနေမှာ ကျွန်တော်တို့ အနေနဲ့ လစာ (သို့မဟုတ်) ထောက်ပံ့ကူညီမှုတွေ တိုးမြှင့် ဆောင်ရွက်နိုင်ဖို့ ခြုံငုံစဉ်းစားဆောင်ရွက်ပေးသွားမှာ ဖြစ်ပါတယ်။
လက်ရှိ နိုင်ငံတော်ရဲ့ ငွေရေး ကြေးရေး အခြေအနေ၊ ပြည်ပ ကြွေးမြီ၊ ဘတ်ဂျက်လိုငွေ စတဲ့ မက်ခရို စီးပွားရေး အခြေ
အနေ အရပ်ရပ်ပေါ် မူတည်ပြီး အခြေအနေ အချိန်အခါ သင့်ရင် သင့်သလို လစာ၊ စရိတ်တွေ တိုးမြှင့်ပေးနိုင်အောင်
လည်း ကြိုးစား ဆောင်ရွက်ပေးသွားမှာ ဖြစ်ပါတယ်။

လူတန်းစား ကွာဟချက်တွေ၊ ဆင်းရဲနွမ်းပါးမှုတွေ ကြီးကြီးမားမား တည်ရှိနေသေးပြီး ပြည်သူ တစ်ဦးချင်းစီရဲ့ ၀င်ငွေနိမ့် ကျနေသေးတဲ့ ဒီကနေ့အချိန်မှာ ကျွန်တော်တို့ဟာ ပြည်သူ့ ၀န်ထမ်းတွေ ဖြစ်တာနဲ့ အညီ ပြည်သူ့ရေးရာ ၀န်ဆောင်မှု
တွေ အပြည့်အ၀ ဖြည့်ဆည်းနိုင် အောင် မိမိတို့ကြောင့် ဖြစ်ပေါ်ရတဲ့ အပို ကုန်ကျ စရိတ်တွေ လျော့နည်း ပပျောက်သွား
အောင် စိတ်ရင်း စေတနာခံပြီး ထမ်းဆောင်သွားကြဖို့ ပြောကြားလိုပါတယ်။

ဒီကနေ့ ကျွန်တော်တို့ အစိုးရကို နေရာ အနှံ့က အမျိုးမျိုး အဖုံဖုံ ဝေဖန်ပြောကြားနေတာ တွေလည်း ကျွန်တော်
တို့ သိရှိထားပါတယ်။ အပြုသဘော မဆောင်တဲ့ ကောလဟာလ တွေလည်း ကျွန်တော်တို့ ကြားသိနေရပါတယ်။
ကျွန်တော်တို့ အစိုးရဟာ အများပြောနေကြသလို ခေါင်းမာဂိုဏ်းနဲ့ အပျော့ဂိုဏ်းဆိုပြီး ကွဲပြားနေတာ မရှိပါဘူး။ လူတစ်ဦးချင်းစီရဲ့ ဗီဇ၊ စရိုက်၊ အမူအကျင့်တွေ ပေါ်မှာ မူတည်ပြီး စီမံခန့်ခွဲမှု ကွဲပြား ခြားနား တာက လွဲလို့ ကျွန်တော်
တို့ အစိုးရအဖွဲ့ရဲ့ မူဝါဒကို ကျွန်တော်တို့ အားလုံး မမှိတ်မသုန် ယုံကြည်စွာ ဆောင်ရွက်နေကြတာ ဖြစ်ပါတယ်။

ကျွန်တော်တို့ အစိုးရရဲ့ အမျိုးသား ဖွံ့ဖြိုးတိုးတက်ရေး မဟာဗျူဟာကတော့ လူတန်းစား တစ်ခုတည်း၊ အသိုင်းအ၀ိုင်း တစ်ခုတည်း တိုးတက် ကြီးပွားစေရေး မဟုတ်ဘဲ မြန်မာ့ လူ့ဘောင် အဖွဲ့အစည်းကြီး တစ်ခုလုံး အတွင်းမှာ ရှိတဲ့ အလွှာ အားလုံး၊ လူတန်းစား အားလုံး၊ နိုင်ငံသားအားလုံး လွှမ်းခြုံပါဝင်တဲ့ ဘက်စုံဖွံ့ဖြိုး တိုးတက်ရေး မဟာဗျူဟာပဲ ဖြစ်ပါတယ်။ ဂျီဒီပီ တိုးတက်ရုံသာမက၊ ပြည်သူလူထုရဲ့ လူနေမှုအဆင့်အတန်းတွေ မြင့်မားလာဖို့ ရရှိခံစားနေတဲ့ ပညာရေး၊ ကျန်းမာ
ရေး၊လူမှုဖူလုံရေး အစရှိတဲ့ ပြည်သူ့ရေးရာ ၀န်ဆောင်မှုတွေ တိုးတက်မြင့်မားလာဖို့၊ ဖွံ့ဖြိုးတိုးတက်မှုကြောင့် သဘာဝ
ပတ်ဝန်းကျင် မထိခိုက် မဆုံးရှုံးစေဖို့အထိ ရည်ရွယ်ဆောင်ရွက်နေတာ ဖြစ်ပါတယ်။

လက်ရှိ ပြည်သူများအကြားမှာ စိတ်ဝင်စားမှု အထူးပဲ မြင့်တက်နေတဲ့ ငါးထောင်တန် မိုဘိုင်းဖုန်းကိစ္စနဲ့ ပတ်သက်လို့လည်း
ပြည်သူ့ဆန္ဒ၊ လိုလားချက်များနဲ့ အညီ အကောင်းဆုံး နည်းလမ်းများ ရှာပြီး ဆောင်ရွက်သွားမှာ ဖြစ်ပါတယ်။
သယ်ယူပို့ဆောင်ရေး စရိတ်စကတွေ လျော့နည်း စေရေးအတွက်လည်း ရေရှည်ကာလမှာမော်တော်ကား ဈေးနှုန်းတွေကို
နိုင်ငံတကာ နည်းတူ လျော့ကျအောင် ဆောင်ရွက်သွားမှာဖြစ်ပါတယ်။


အပြောကောင်းတဲ့ ဗမာအစိုးရ ပြောတဲ့အတိုင်းလုပ်မယ် မလုပ်ဘူးဆိုတာ မကြာခင်မှာ သိကြရပါလိမ့်မယ်။

UNFC ရဲ့ အတွင်းရေးမှူး (၂) ဦးခွန်ဥက္ကာရဲ့ အမြင်


March 1,2012 Thursday Evening
Source Interview from http://www.bbcburmese.com

မြန်မာပြည်က မကြာခင်ကမှ ပြန်ရောက်လာတဲ့
ဧရာဝတီ သတင်းဌာန အယ်ဒီတာ ဦးအောင်ဇော်ရဲ့ အမြင်


March 1,2012 Thursday Evening
Source Interview from http://www.bbcburmese.com

တိုင်းရင်းသားတွေရဲ့ သုံးသပ်ချက်


March 1,2012 Thursday Evening
Source Interview from http://www.voanews.com/burmese

ကျုပ်အမြင်
အပြောကတော့ရွှေမန်း က, တော့ချိုမိုင်မိုင်